Pambungad

“Hinihikayat ang mga miyembro ng Simbahan na sundin ang halimbawa ng Tagapagligtas na magbigay ng pag-asa, pag-unawa, at pagmamahal sa mga may kapansanan” (tingnan sa Pangkalahatang Hanbuk: Paglilingkod sa Ang Simbahan ni Jesucristo ng mga Banal sa mga Huling Araw, 38.8.31). Bilang mga guro at lider, may pagkakataon kayong tulungan ang lahat ng miyembro ng inyong ward, kabilang na ang mga may kapansanan, na makabalik sa piling ng ating Ama sa Langit.

Sa bahaging ito marami pa kayong matututuhan kung paano ilahok ang mga miyembrong may mga kapansanan kasama ang mga pangkalahatang tuntunin sa mga madalas itanong tungkol sa pagsasagawa ng mga ordenansa ng at para sa mga miyembrong may mga kapansanan, pag-access, at mga tuntuning pangkaligtasan.