Mga Leksyon sa Home Evening kabahin sa Pagmatikud sa Kakulangan ug Pagpaapil

Family playing games together

Tumong

Pagtabang sa mga sakop sa pamilya sa pagsabut:

• Mga butang nga maayong buhaton kon ikahimamat nimo ang usa ka tawo nga may kakulangan

• Tanang mga anak sa Dios makatabang sa usag usa

Mga Himno ug mga Awit

• Ako Anak sa Dios (Songbook sa mga Bata, 2–3)

• Mouban Ko Nimo (Songbook sa mga Bata, 78–79)

• Si Jesus Miingon Higugmaa ang Tanan (Songbook sa mga Bata, 39)

• Maghigugmaay (Mga Himno, nu. 196)

• Maninguha Kong Mahimong Mahisama Kang Jesus (Songbook sa mga Bata, 40–41)

Leksyon alang sa Gagmay nga mga Bata

Isip usa ka pamilya, basaha ang “Katie ug Quincy” gikan sa Oktubre 2018 Higala. Hisguti ang seksyon “Mga Higala nga may Kakulangan” diha sa seksyon sa ubos nga istorya, lakip ang pipila sa mga butang nga maayong buhaton ug ang mga butang nga kinahanglan dili gayud nimo buhaton kon ikaw makahimamat og usa ka tawo nga may kakulangan.

Kalihokan alang sa gagmay nga mga bata: Pagrole-play nga nakahimamat og usa ka tawo nga may espesyal nga panginahanglan. Bansaya ang pagbuhat sa pipila ka mga butang nga kinahanglan nga imong buhaton kon ikaw makahimamat kanila. Tan-awa kon ang mga sakop sa pamilya makatag-an ba kon unsa ang imong gibuhat gikan sa lista sa mga sugyot diha sa artikulo.

• Aduna ka bay kakulangan? Unsa nga mga butang ang nahimo sa uban nga wala makatabang? Unsa ang pipila ka mga butang ang nabuhat sa uban nga nakatabang? Giunsa niini nga mga sitwasyon paghimo sa inyong gibati?

• Unsaon ninyo pagtabang ang tanang mga anak sa Dios pagbati nga gihigugma ug giabiabi?

Hagit

Pag-ila og dili mominos sa usa ka butang nga imong mabuhat niini nga semana sa pagtabang sa tanan nga mga anak sa Dios nga mobati nga gihigugma ug giabiabi sa mga sitwasyon nga ikaw maanaa.