Manwal ng Titser ng Seminary para sa Doktrina at mga Tipan

Mga Nilalaman
Pahina ng Pamagat
Pambungad sa Manwal ng Titser ng Seminary para sa Doktrina at mga Tipan
Mga Lesson sa Doktrina at mga Tipan
- Ang Proklamasyon ng Pagpapanumbalik
- Doktrina at mga Tipan 1
- Joseph Smith—Kasaysayan 1:1–26
- Doktrina at mga Tipan 2; Joseph Smith—Kasaysayan 1:27–65
- Doktrina at mga Tipan 3–5
- Doktrina at mga Tipan 6–9
- Doktrina at mga Tipan 10–11
- Doktrina at mga Tipan 12–17; Joseph Smith—Kasaysayan 1:66–75
- Doktrina at mga Tipan 18
- Doktrina at mga Tipan 19
- Doktrina at mga Tipan 20–22
- Doktrina at mga Tipan 23–26
- Doktrina at mga Tipan 27–28
- Doktrina at mga Tipan 29
- Doktrina at mga Tipan 30–36
- Doktrina at mga Tipan 37–40
- Doktrina at mga Tipan 41–44
- Doktrina at mga Tipan 45
- Doktrina at mga Tipan 46–48
- Doktrina at mga Tipan 49–50
- Doktrina at mga Tipan 51–57
- Doktrina at mga Tipan 58–59
- Doktrina at mga Tipan 60–63
- Doktrina at mga Tipan 64–66
- Doktrina at mga Tipan 67–70
- Doktrina at mga Tipan 71–75
- Doktrina at mga Tipan 76
- Doktrina at mga Tipan 77–80
- Doktrina at mga Tipan 81–83
- Doktrina at mga Tipan 84
- Doktrina at mga Tipan 85–87
- Doktrina at mga Tipan 88
- Doktrina at mga Tipan 89–92
- Doktrina at mga Tipan 93
- Doktrina at mga Tipan 94–97
- Doktrina at mga Tipan 98–101
- Doktrina at mga Tipan 102–105
- Doktrina at mga Tipan 106–108
- Doktrina at mga Tipan 109–110
- Doktrina at mga Tipan 111–114
- Doktrina at mga Tipan 115–120
- Doktrina at mga Tipan 121–123
- Doktrina at mga Tipan 124
- Doktrina at mga Tipan 125–128
- Doktrina at mga Tipan 129–132
- Doktrina at mga Tipan 133–134
- Doktrina at mga Tipan 135–136
- Doktrina at mga Tipan 137–138
- Ang Mga Saligan ng Pananampalataya at Mga Opisyal na Pahayag 1 at 2
- Ang Mag-anak: Isang Pagpapahayag sa Mundo
- Ang Buhay na Cristo
Mga Lesson sa Paghahanda sa Buhay
- Doctrinal Mastery: Paghahanap ng mga Sagot sa Aking mga Tanong
- Mga Kasanayan sa Pag-aaral ng mga Banal na Kasulatan
- Para sa Lakas ng mga Kabataan: Paggawa ng mga Pagpili
- Pagkakaroon ng Pag-asa sa Sariling Kakayahan
- Pisikal at Emosyonal na Kalusugan
- Paghahanda para sa Edukasyon at Trabaho sa Hinaharap
- Tagumpay sa Paaralan
- Paghahanda ng Missionary
- Paghahanda para sa Templo
- Mga Turo ng mga Lider ng Simbahan
Apendiks

Lesson 2—Ang Pagpapanumbalik ng Kabuuan ng Ebanghelyo ni Jesucristo: Isang Proklamasyon sa Mundo para sa Ika-200 Taong Anibersaryo

“Lesson 2—Ang Pagpapanumbalik ng Kabuuan ng Ebanghelyo ni Jesucristo: Isang Proklamasyon sa Mundo para sa Ika-200 Taong Anibersaryo,” Manwal ng Titser ng Seminary para sa Doktrina at mga Tipan (2025)

“Ang Pagpapanumbalik ng Kabuuan ng Ebanghelyo ni Jesucristo,” Manwal ng Titser ng Seminary para sa Doktrina at mga Tipan

Lesson 2: Proklamasyon ng Pagpapanumbalik

“Ang Pagpapanumbalik ng Kabuuan ng Ebanghelyo ni Jesucristo: Isang Proklamasyon sa Mundo para sa Ika-200 Taong Anibersaryo”

Noong Abril 5, 2020, binasa ni Pangulong Russell M. Nelson ang “mga taimtim at sagradong salita ng proklamasyon” (“Pakinggan Siya,” Liahona, Mayo 2020, 90) upang gunitain ang ika-200 anibersaryo ng Unang Pangitain. Ang pahayag na ito ay nakatala sa “Ang Pagpapanumbalik ng Kabuuan ng Ebanghelyo ni Jesucristo: Isang Proklamasyon sa Mundo para sa Ika-200 Taong Anibersaryo” (ChurchofJesusChrist.org). Ang lesson na ito ay makatutulong sa mga estudyante na madama ang katotohanan at kahalagahan ng nagpapatuloy na Pagpapanumbalik ng ebanghelyo ni Jesucristo.

Mga Posibleng Aktibidad sa Pag-aaral

Paggunita sa mga dakilang tao o pangyayari

Ang ibig sabihin ng paggunita sa isang tao o isang pangyayari ay magpakita ng pasasalamat, magbigay-parangal, at paggalang. Madalas itong gawin sa pamamagitan ng paggawa ng isang bagay na makatutulong sa atin na maalala ang tao o pangyayari.

Pag-isipang talakayin ang mga pangyayari at mga taong nagunita. Maaari kang magpakita ng ilang larawan ng mga monumento sa inyong lugar na gumugunita ng mga pangyayari o mga tao na maaaring pamilyar sa mga estudyante mo. Maaari mong anyayahan ang mga estudyante na ibahagi kung alin sa mga ito ang alam o kilala nila o napuntahan na nila.

Upang matulungan ang mga estudyante na personal na makaugnay, maaari mo rin silang anyayahang pag-isipan ang mahahalagang kaganapan na nangyari sa kanilang pamilya o mga kamag-anak. Hilingin sa kanila na magbahagi ng mga ideya kung ano ang maaari nilang gawin kung may ipinagawa sa kanila para gunitain ang isa sa mga kaganapang ito.

Alalahanin na matapos ang pagkamatay ng mga Apostol ni Jesucristo, nagkaroon ng panahon na kilala bilang Malawakang Apostasiya. Ito ay isang panahon kung kailan wala sa mundo ang ebanghelyo at awtoridad ng priesthood ni Jesucristo. Noong tagsibol ng 1820, pinasimulan ng Ama sa Langit at ni Jesucristo ang Pagpapanumbalik ng ebanghelyo sa lupa nang magpakita Sila kay Joseph Smith.

Noong 2020, bilang paggunita sa ika-200 anibersaryo ng Unang Pangitain ni Joseph Smith, ang Unang Panguluhan at ang Korum ng Labindalawang Apostol ay sumulat ng isang proklamasyon. Ito ay tinawag na “Ang Pagpapanumbalik ng Kabuuan ng Ebanghelyo ni Jesucristo: Isang Proklamasyon sa Mundo para sa Ika-200 Taong Anibersaryo.” Ito ang sinabi ni Pangulong Russell M. Nelson tungkol dito:

9:21

Pinag-isipan namin kung dapat bang magtayo ng isang monumento. Ngunit habang pinag-iisipan namin ang natatanging epekto ng makasaysayang Unang Pangitain sa ibang bansa—nagkaroon kami ng inspirasyon na lumikha ng isang monumento na hindi gawa sa bato kundi sa mga salita—mga taimtim at sagradong salita ng proklamasyon—isinulat, hindi upang iukit sa mga “tipak ng bato” kundi mga salitang maaaring iukit sa “bawat himaymay” ng ating mga puso. (Russell M. Nelson, “Pakinggan Siya,” Liahona, Mayo 2020, 90)

Maaari mong anyayahan ang mga estudyante na pag-isipan ang nalalaman nila tungkol sa Unang Pangitain ni Joseph Smith at kung bakit mahalagang gunitain nila ito nang personal. Maaaring ibahagi ng ilang nakahandang estudyante ang kanilang mga sagot sa klase.

Pag-aralan ang proklamasyon ng Pagpapanumbalik

Ipakita sa mga estudyante kung saan nila makikita ang proklamasyon ng Pagpapanumbalik sa kanilang study journal o sa Gospel Library app. Maaari ka ring magbigay ng naka-print na kopya ng proklamasyon. Sa buong oras ng pagkaklase, sabihin sa mga estudyante na markahan ang mga bahagi ng Pagpapanumbalik na sa palagay nila ay mahalagang gunitain.

Ang isang paraan para makita ang mga pagpapalang ibinigay sa inyo ng Diyos ay sa pamamagitan ng paggawa ng listahan. Maaari kayong maglista ng mga salita o parirala na naglalarawan kung ano ang ipinanumbalik. Pagkatapos ay isipin kung anong mga pagpapala ang tinatamasa ninyo ngayon, o matatamasa ninyo sa hinaharap, dahil sa ipinanumbalik ng Diyos.

Hayaang pag-aralan ng mga estudyante ang proklamasyon nang ilang minuto. Sabihin sa kanila na ilista sa pisara ang mga salita o pariralang itinuturing nilang mahalaga. Pumili ng ilan at sabihin sa mga estudyante na ipaliwanag kung bakit mahalaga para sa kanila ang mga salitang iyon.

Anong mga salita o parirala ang tumutulong sa inyo na malaman kung ano ang ipinanumbalik ng Diyos?
Alin sa mga ipinanumbalik na pagpapalang ito ang pinakamakabuluhan sa inyo? Bakit?

Pag-isipan sandali kung ano ang naunawaan ninyo tungkol sa Ama sa Langit at kay Jesucristo sa tulong ng mga ipinanumbalik na pagpapalang ito.

Ano ang ilang katotohanan na natukoy ninyo tungkol sa Kanila sa tulong ng proklamasyong ito?

Ang mga estudyante ay aasam na makatutukoy sila ng maraming iba’t ibang katotohanan. Hayaan silang magbahagi. Narito ang dalawang katotohanan na maaari mong itampok at bigyang-diin: Nagsimulang ipanumbalik ng Ama sa Langit at ni Jesucristo ang kabuuan ng ebanghelyo sa pamamagitan ni Propetang Joseph Smith, at ang Pagpapanumbalik ng ebanghelyo ni Jesucristo ay nagpapatuloy sa ating panahon.

Gunitain ang mga pagpapala ng Pagpapanumbalik

Pumili ng isang elemento ng Pagpapanumbalik na partikular ninyong ipinagpapasalamat. Isipin kung ano ang magagawa ninyo para gunitain ang pagpapalang ito mula sa Diyos o ibahagi ito sa iba. Tandaan na ang ibig sabihin ng gunitain ay magpakita ng pasasalamat, magbigay-parangal, at paggalang.

Bigyan ng oras ang mga estudyante sa klase na pumili at gumawa ng isang paraan para gunitain ang isang pagpapala ng Pagpapanumbalik. Para matulungan ang mga estudyante, maaari mong isulat sa pisara ang ilang opsiyon na tulad ng sumusunod. Maaari ding mag-isip ang mga estudyante ng sarili nilang paraan.

Simulang isaulo ang isang bahagi ng proklamasyon ng Pagpapanumbalik.
Sumulat ng maikling espirituwal na ideya tungkol sa isang aspeto ng Pagpapanumbalik na ibabahagi sa inyong pamilya.
Gumawa ng social media post para ibahagi ang inyong pasasalamat para sa pagpapala ng Pagpapanumbalik.
Isulat ang inyong patotoo tungkol sa Pagpapanumbalik ng ebanghelyo ni Jesucristo. Maaari ninyong ibahagi ang inyong patotoo sa darating na miting ng Simbahan.

Maaari kang magtira ng sapat na oras sa katapusan ng klase para maibahagi ng mga estudyante sa isang ka-partner kung ano ang nagawa o ginagawa nila. Maaari mo ring anyayahan ang ilang estudyante na magbahagi sa buong klase.

Karagdagang Resources

Mas marami pa ba sa ebanghelyo ni Jesucristo ang ipanunumbalik?

Itinuro ni Pangulong Dieter F. Uchtdorf, na noon ay kabilang sa Unang Panguluhan:

18:31

Kung minsan iniisip natin na ang Panunumbalik ng ebanghelyo ay isang bagay na kumpleto, na tapos na—isinalin ni Joseph Smith ang Aklat ni Mormon, tinanggap niya ang mga susi ng priesthood, inorganisa ang Simbahan. Ang totoo, ang Panunumbalik ay tuluy-tuloy na proseso; nabubuhay tayo rito ngayon mismo. Kasama rito ang “lahat ng [inihayag] ng Diyos, [at] lahat ng Kanyang [inihahayag] ngayon,” at ang “maraming dakila at mahahalagang bagay” na “ihahayag pa Niya” [Mga Saligan ng Pananampalataya 1:9]. Mga kapatid, ang kapana-panabik na mga nangyayari ngayon ay bahagi ng matagal nang ipinropesiyang panahon ng paghahanda na magwawakas sa maluwalhating Ikalawang Pagparito ng ating Tagapagligtas na si Jesucristo. (Dieter F. Uchtdorf, “Kabahagi Ba Kayo sa Gawain ng Panunumbalik?,” Liahona, Mayo 2014, 59)

Ipinahayag ni Elder Jeffrey R. Holland ng Korum ng Labindalawang Apostol:

2:3

Pinatototohanan ko na ang hinaharap ay magiging punung-puno ng himala at pagpapalain nang masagana katulad ng nakaraan. Nasa sa atin ang lahat ng dahilan para umasa sa mga pagpapalang mas dakila kaysa sa mga yaong natanggap na natin, dahil ito ang gawain ng Pinaka-makapangyarihang Diyos, ito ang Simbahan ng patuloy na paghahayag, ito ang ebanghelyo ni Cristo na walang katapusan ang biyaya at kabutihan. (Jeffrey R. Holland, “Ganap na Kaliwanagan ng Pag-asa,” Liahona, Mayo 2020, 83–84)

Sino ang pinagpapala ng Pagpapanumbalik ng ebanghelyo ni Jesucristo?

Itinuro ni Elder D. Todd Christofferson ng Korum ng Labindalawang Apostol:

2:3

Nangusap tayo at umawit nang may galak tungkol sa katuparan ng ipinropesiya noon na “pagsasauli sa dati ng lahat ng mga bagay” [Mga Gawa 3:21], tungkol sa “[pagtitipon ng] lahat ng mga bagay kay Cristo” [Efeso 1:10], tungkol sa pagbabalik ng kabuuan ng ebanghelyo, ng priesthood, at ng Simbahan ni Jesucristo sa mundo, lahat ng ito ay inilalarawan natin sa titulong “ang Pagpapanumbalik.”

Gayunman, ang Pagpapanumbalik ay hindi lamang para sa atin na nagagalak ngayon dito. Ang mga paghahayag sa Unang Pangitain ay hindi lamang para kay Joseph Smith kundi ibinibigay bilang liwanag at katotohanan para sa sinumang “nagkukulang ng karunungan” [Santiago 1:5]. Ang Aklat ni Mormon ay pag-aari ng sangkatauhan. Ang mga ordenansa ng priesthood para sa kaligtasan at kadakilaan ay inihanda para sa bawat tao, pati sa mga yaong pumanaw na sa mundong ito. Ang Simbahan ni Jesucristo ng mga Banal sa mga Huling Araw at ang mga pagpapala nito ay para sa lahat ng nagnanais nito. Ang kaloob na Espiritu Santo ay para sa lahat. Ang Pagpapanumbalik ay para sa sanlibutan, at ang mensahe nito ay lalong kinakailangan sa panahong ito. (D. Todd Christofferson, “Pagbabahagi ng Mensahe ng Panunumbalik at ng Pagkabuhay na Mag-uli,” Liahona, Mayo 2020, 110)

Anong iba pang mga proklamasyon ng Simbahan ang naibigay na?

Binigyang-diin ni Pangulong Russell M. Nelson ang mahalagang katangian ng proklamasyon ng Pagpapanumbalik nang ipaliwanag niya na limang naunang proklamasyon lamang ang ibinigay ng mga lider ng Simbahan (tingnan sa Russell M. Nelson, “Pakinggan Siya,” Liahona, Mayo 2020, 90–91).

Ang bawat proklamasyon ay maikling inilarawan sa artikulong naka-link sa ibaba:

Scott Taylor, “How Rare a Proclamation: A Look at 2020’s on the Restoration and the 5 Previous in Church History,” Church News, Abr. 5, 2020.

Mga Karagdagang Aktibidad sa Pag-aaral

Pagpapahayag ng katotohanan

Tulungan ang mga estudyante na maunawaan ang ibig sabihin ng maghayag ng isang bagay. Maaari mo silang anyayahang hanapin sa bawat talata ng proklamasyon ng Pagpapanumbalik ang mga salita at parirala na nagpapakita ng kahalagahan ng mensahe. Kabilang sa mga pariralang ito ang “ipinapahayag namin,” at “nagpapatotoo rin kami,” bukod sa iba pa. Maaari mong anyayahan ang mga estudyante na gumawa ng poster o social media post kung saan gagamitin nila ang isa sa mga pariralang ito upang ipahayag ang kanilang personal na pag-unawa at patotoo tungkol sa Pagpapanumbalik ng kabuuan ng ebanghelyo ni Jesucristo.

Pagpili ng larawan o paggawa ng isang bagay

Binanggit sa proklamasyon ng Pagpapanumbalik ang maraming pagpapalang makakamtan natin dahil sa Diyos na nagmamahal sa atin. Maaari kang maghanap ng mga larawan sa koleksiyon ng Church History—Gospel Art Book sa ChurchofJesusChrist.org na tumutugma sa mga kaganapan sa Pagpapanumbalik na inilarawan sa proklamasyon. Maaari kang mag-assign sa bawat estudyante ng isang talata na pag-aaralan at sabihin sa kanila na itugma ang isang larawan para ituro ang tungkol sa partikular na pagpapalang iyon na naipanumbalik. Maaari ding gumawa ang mga estudyante ng isang bagay na kumakatawan sa itinuturo sa talatang itinalaga sa kanila.

Paggawa ng isang listahan ng mga indibiduwal o time line

Ipabasa sa mga estudyante ang bawat talata ng proklamasyon ng Pagpapanumbalik. Kapag natapos na sila, sabihin sa kanila na ilista ang lahat ng indibiduwal na binanggit dito. Sabihin sa mga estudyante na isama rin ang mga taong maaaring hindi nabanggit ang pangalan sa proklamasyon ngunit may mahahalagang tungkulin sa Pagpapanumbalik. Maaari kayong gumawa ng time line sa pisara mula 1820 hanggang sa kasalukuyan at magsama ng mga indibiduwal at pangyayari na mahalaga sa Pagpapanumbalik. Pag-isipang magdagdag ng mga tao at pangyayari habang pinag-aaralan ninyo ang mga ito sa seminary sa buong taon.

Mga Banal na Kasulatan at ang proklamasyon ng Pagpapanumbalik

Makatutulong na bigyan ang mga estudyante ng mga pagkakataong maghanap ng mga banal na kasulatan na may kaugnayan sa mga parirala mula sa proklamasyon ng Pagpapanumbalik. Ang isang paraan para magawa ito ay sabihin sa mga estudyante na itugma ang isang banal na kasulatan sa bawat talata. Ang mga sumusunod na banal na kasulatan ay maaaring gamitin (ngunit hindi lamang ito ang mga opsiyon):