Սեմինարիա
Դաս 6. Վարդապետություն և Ուխտեր 1․37–38. «Լինի դա իմ իսկ ձայնով, թե իմ ծառաների ձայնով՝ միևնույն է»

«Դաս 6. Վարդապետություն և Ուխտեր 1․37–38. «Լինի դա իմ իսկ ձայնով, թե իմ ծառաների ձայնով՝ միևնույն է» Վարդապետություն և Ուխտեր․ Սեմինարիայի ուսուցչի ձեռնարկ (2025)

«Վարդապետություն և Ուխտեր 1․37–38», Վարդապետություն և Ուխտեր․ Սեմինարիա

Դաս 6․ Վարդապետություն և Ուխտեր 1

Վարդապետություն և Ուխտեր 1․37–38

«Լինի դա իմ իսկ ձայնով, թե իմ ծառաների ձայնով՝ միևնույն է»

Հիսուս Քրիստոս

Պատվիրանների Գրքի Իր ոգեշնչված նախաբանը եզրափակելով (այժմ՝ Վարդապետություն և Ուխտեր)՝ Տերը վկայեց, որ Ինքը խոսում է մեզ հետ Իր մարգարեների միջոցով: Այս դասը կօգնի ուսանողներին ուսումնասիրել Տիրոջ խոսքերը սուրբ գրությունների և մեր օրերի մարգարեների խոսքերի միջոցով:

Հնարավոր ուսումնական վարժություններ

Ինչո՞ւ է մեզ հարկավոր լսել Տիրոջը

Արդյունավետ կլինի սկսել դասը՝ դիտելով «#ԼսիրՆրան․ Նախագահ Նելսոնն առաջարկում է մեզ լսել Տիրոջ ձայնը» տեսանյութի 0:00-1:14 հատվածը, որը հասանելի է ChurchofJesusChrist.org կայքում:

2:32

Ուսանողներին կարող եք առաջարկել կիսվել, թե ինչն իրենց դուր եկավ տեսանյութում կամ ինչ սովորեցին դրանից: Ապա խնդրեք նրանց փակել իրենց աչքերը և պատկերացնել ստորև ներկայացված սցենարը՝ խորհելով ստորև բերված հարցերի շուրջ: Կամավորներին առաջարկեք կիսվել իրենց պատասխաններով, եթե դրանք խիստ անձնական չեն:

Պատկերացրեք, որ դուք հնարավորություն ունեք նույն սենյակում գտնվելու Փրկչի՝ Հիսուս Քրիստոսի հետ:

  • Ինչո՞ւ կուզենաք խոսել Նրա հետ և լսել նրան:

  • Ի՞նչ թեմաներ կուզենայիք, որ Փրկիչը քննարկեր ձեզ հետ կամ ո՞ր հարցերում ուղղություն ցույց տար: Ինչո՞ւ։

  • Ի՞նչ եք կարծում, այդ փորձառությունն ինչպե՞ս կարող է ազդել ձեզ վրա:

Այս դասն ուսումնասիրելիս փնտրեք Սուրբ Հոգու ուղղորդումը, որը կօգնի ձեզ իմանալ, թե ինչպես կարող եք լսել Փրկչի խոսքերը և ինչպես դրանք կարող են օրհնել անձամբ ձեզ:

Ինչպես լսել Փրկչին մեր կյանքում

Փրկիչը սիրում է մեզ և ցանկանում է, որ մենք շարունակաբար ձգտենք լսել Նրա ձայնը: Վարդապետություն և Ուխտերի նախաբանի վերջում Փրկիչը նշել է մի քանի եղանակ, որոնցով Ինքը խոսում է մեզ հետ:

Կարդացեք Վարդապետություն և Ուխտեր 1․37–38 հատվածները՝ փնտրելով այն եղանակները, որոնցով Նա խոսում է մեզ հետ: Օգտակար կլինի հիշել, որ «պատվիրաններ» բառը վերաբերում է Պատվիրանների գրքին (կամ Վարդապետություն և Ուխտերին):

վարդապետության սերտման հատվածի պատկերակ Վարդապետություն և Ուխտեր 1․37–38 հատվածները սուրբ գրությունների սերտման հատվածներ են։ Առաջարկեք ուսանողներին նշել սուրբ գրությունների սերտման հատվածները տարբերակիչ ձևով, որպեսզի կարողանան հեշտությամբ գտնել դրանք:

  • Ի՞նչ սովորեցիք այդ հատվածներից։

    Կարող եք առաջարկել ուսանողներին կիսվել իրենց մտքերով: Նրանք կարող են նշել, որ Տերը խոսում է մեզ հետ սուրբ գրությունների և Իր մարգարեների միջոցով: Եթե նրանք դա չնշեն, կարող եք ցույց տալ Վարդապետություն և Ուխտերի օրինակը, մեր օրերի մարգարեների նկարը և Փրկչի նկարը և հարցնել, թե ինչ ընդհանուր բան կա նրանց միջև՝ համաձայն Վարդապետություն և Ուխտեր 1․38 հատվածի։ Կարող եք առաջարկել ուսանողներին նշել մի արտահայտություն, որն ուսուցանում է հետևյալ ճշմարտությունը. լինի դա Իր իսկ ձայնով, թե Իր ծառաների ձայնով՝ միևնույն է։

    Եթե օգտակար կլինի, գրեք հետևյալ հատվածները գրատախտակին և առաջարկեք ուսանողներին կարդալ դրանցից մեկը կամ երկուսը՝ փնտրելով, թե ինչ են դրանք ուսուցանում, որը հաստատում է վերը նշված ճշմարտությունը. Երկրորդ Օրինաց 18․18, Վարդապետություն և Ուխտեր 18․33–36, 21․4–6։ Ուսանողները կարող են գրանցել այս հատվածները որպես Վարդապետություն և Ուխտեր 1․38 հատվածի խաչաձև հղումներ:

  • Տիրոջ խոսքերն ուսումնասիրելու ցանկությունն ինչո՞ւ երբեմն կարող է դժվար առաջանալ:

  • Մեր բացահայտած ճշմարտությունը կամ Վարդապետություն և Ուխտեր 1․37–38 հատվածների այլ արտահայտություններն ինչպե՞ս կարող են ոգեշնչել ձեզ ուսումնասիրելու Տիրոջ խոսքերը:

Ինչու ենք մենք ցանկանում ուսումնասիրել Նրա խոսքերը

Դիտեք հետևյալ տեսանյութը և կարդացեք ստորև բերված խոսքերը՝ փնտրելով այն պատճառները, թե ինչու մեքն պետք է ուսումնասիրենք Տիրոջ խոսքերը սուրբ գրությունների և մեր օրերի մարգարեների խոսքերի միջոցով.

Երիտասարդ Կանանց գերագույն նախագահության նախկին առաջին խորհրդական քույր Քերոլ Ֆ. Մակքոնկին ուսուցանել է․

Քույր Քերոլ Ֆ. Մակքոնկի

[Վերջին օրերի մարգարեները] խոսում են Քրիստոսի անունով: Նրանք մարգարեանում են Քրիստոսի անունով: Նրանք բոլոր բաներն անում են Հիսուս Քրիստոսի անունով: Նրանց խոսքում մենք լսում ենք Տիրոջ ձայնը և զգում ենք Փրկչի սերը: (Քերոլ Ֆ. Մակքոնկի «Ապրենք մարգարեների խոսքերի համաձայն», Լիահոնա, նոյեմբեր 2014, 77)

  • Ի՞նչը ձեզ դուր եկավ կամ ի՞նչ սովորեցիք այս տեսանյութից և այս խոսքերից:

    Ուսանողներին ժամանակ տվեք խորհելու ստորև բերված հարցի շուրջ, ապա կամավորներին խնդրեք կիսվել իրենց մտքերով: Երբ ուսանողները սկսեն խորհել, կարող եք կիսվել անձնական օրինակով, որը կարող է առնչնել նրանց հետ: Դա կարող է օգնել նրանց մտածել այլ օրինակների մասին:

  • Ե՞րբ եք դուք (կամ որևէ մեկը, ում ճանաչում եք) զգացել, որ ուղերձ եք ստացել Տիրոջից՝ սուրբ գրությունների կամ մեր օրերի մարգարեների խոսքերի միջոցով:

Փորձեք կիրառել

Հետևյալ վարժությունը նախատեսված է օգնելու ուսանողներին ավելի մոտենալ Փրկչին՝ ուսումնասիրելով Նրա ծառաների խոսքերը: Ուսանողներին բավականաչափ ժամանակ տրամադրեք վարժությունն ավարտելու և հետո իրենց մտքերով կիսվելու համար:

  1. Մի քանի րոպե հատկացրեք հետևյալ հատվածներից և մեր օրերի մարգարեների խոսքերից մի քանիսը փնտրելու համար: Ուսումնասիրելիս պատկերացրեք, որ Տերն է ասում ձեզ այս խոսքերը: (Սա ուսումնասիրության օգտակար հմտություն է, որը կարող եք օգտագործել սուրբ գրություններն ուսումնասիրելիս:) Կարող եք նշել այն, ինչը ձեզ համար կարևոր է:

    Վարդապետություն և Ուխտեր 6․34–37, 10․5, 19․23, 27․15–18, 58․26–28, 68․5–6, 78․18–19, 82․10, 98․1–3, 112․10։ (Կամ ընտրեք Վարդապետություն և Ուխտերի այլ հատվածներ։)

    Հետևյալի փոխարեն կարող եք հավաքել մարգարեների մի քանի վերջին մեջբերում, որոնք հատկապես կիրառելի են ձեր ուսանողների համար, եթե կարծում եք, որ դա ավելի լավ կհամապատասխանի ձեր ուսանողների կարիքներին։ Համոզվեք, որ ձեզ մոտ ունեք Լիահոնա ամսագրի՝ գերագույն համաժողովին նվիրված վերջին համարի մի քանի օրինակ:

  2. Ուսումնասիրեք վերջին գերագույն համաժողովի ելույթներից մի քանիսը կամ բոլորը, որոնք, ձեր կարծիքով, կօգնեն անձամբ ձեզ:

    Ուսանողներին առաջարկեք կիսվել իրենց փորձառություններով: Ստորև ներկայացվող հարցերը կարող են օգտակար լինել.

  3. Ի՞նչ սովորեցիք:

  4. Ինչպե՞ս ազդեց ձեր ուսումնասիրության վրա այն, որ պատկերացրեցիք, թե ինչպես է Փրկիչն ասում ձեզ այդ խոսքերը:

  5. Եթե անձնական ուսումնասիրության ժամանակ պարբերաբար այդպես անեք, ինչպե՞ս դա կարող է ազդել Փրկչի հետ ձեր հարաբերությունների վրա:

Երբ ուսանողները կիսվում են, եղանակներ գտեք շեշտելու, որ Տերը խոսում է մեզ հետ սուրբ գրությունների և կենդանի մարգարեների միջոցով:

Եզրափակելով՝ ձեր օրագրում գրեք, թե ինչ կուզենայիք անել, որպեսզի ավելի մոտենաք Փրկչին՝ Նրա ծառաների խոսքերի միջոցով: Ահա որոշ գաղափարներ․

  • Պարբերաբար ուսումնասիրեք Վարդապետություն և Ուխտերն այնպես, կարծես Տերը խոսում է ձեզ հետ:

  • Լսեք մարգարեների խոսքերը, երբ առավոտյան պատրաստվում եք գնալ դպրոց կամ երեկոյան պատրաստվում եք քնելու կամ ցանկացած այլ ժամանակ, որն ավելի արդյունավետ է ձեզ համար:

Անգիր սովորեք

Կարող եք օգնել ուսանողներին անգիր սովորել Վարդապետություն և Ուխտեր 1․37–38 հատվածների սուրբգրային հղումը և հիմնական արտահայտությունը և վերանայել դրանք հետագա դասերի ժամանակ: Տերն Ինքն է ասել. «Լինի դա իմ իսկ ձայնով, թե իմ ծառաների ձայնով՝ միևնույն է»: Անգիր սովորելու համար նախատեսված վարժությունների վերաբերյալ գաղափարները ներկայացված են հավելվածի նյութերում՝ «Վարդապետության սերտման կրկնության վարժություններ» բաժնում: