Mataupu Faavae ma Feagaiga 2: Iosefa Samita—Talafaasolopito 1:27–65

Mataupu Faavae ma Feagaiga 2; Iosefa Samita—Talafaasolopito 1:27–65

Vaaiga Aoao

E tolu tausaga talu ona mavae le Uluai Faaaliga, na manao ai Iosefa Samita ia iloa lona tulaga i luma o le Atua. Sa tatalo o ia i le Atua mo se taitaiga. Na faaali mai le agelu o Moronae ma ta’u mai ia Iosefa e i ai se galuega a le Atua mo Ia e fai. Na saunoa Moronae e uiga i papatusi auro ma sii mai valoaga faaTusi Paia e faapea o Iosefa Samita e fesoasoani e faataunuu, e aofia ai le valoaga a Malaki e faapea o le a faaliliu atu e Elia loto o fanau i o latou tamā.

Aoao e ala i le Agaga : O le Agaga Paia e molimau i le upumoni, e Na te molimau ia Keriso, ma e Na te suia loto. Ua na o le Agaga Paia e mafai ai ona tatou ausia le sini autu o le aoaoina atu o le talalelei—ia fausia le faatuatua ia Iesu Keriso ma fesoasoani i isi ia avea atili e faapei o Ia. Vaavaai mo ni auala e valaaulia ai le Agaga Paia e faatino Ana matafaioi. Mo nisi faamatalaga i le ala na faia ai e le Faaola lenei mea, tagai i le vaega lea “Na Saunia e le Faaola Avanoa mo Tagata ina ia Aoaoina e le Agaga Paia” i le Aoao Atu i le Ala a le Faaola. O le tuuina atu i tagata aooga o iloiloga faaletagata lava ia e mafai ona avea ma se auala se tasi e faia ai lenei mea. E mafai foi ona e vaai i se faataitaiga o le auala e faia ai lenei mea i le lesona i lenei vaiaso ua faaulutalaina “Mataupu Faavae ma Feagaiga 2”.

Ia saunia e aoao atu

O lenei faamatalaga e tuuina atu ai ia te oe ni manatu o mea atonu e manaomia ona muai saunia mo lesona taitasi.

Iosefa Samita—Talafaasolopito 1:27–50

Faamoemoega o le lesona: O lenei lesona o le a fesoasoani i tagata aooga ia lagonaina le taua o le valaauina o Iosefa Samita o se perofeta a le Atua.

• Sauniuniga a le tagata aoga: Valaaulia tagata aooga e o mai sauni e faasoa mai ni upumoni anoa na faaalia ona sa valaauina e le Atua ia Iosefa Samita e avea ma se perofeta.

Iosefa Samita—Talafaasolopito 1:50–65

Faamoemoega o le lesona: O lenei lesona ua faamoemoe e fesoasoani i tagata aooga ia malamalama o le a fesoasoani le Alii ia i latou e faataunuu le galuega ua Ia poloaiina i latou e fai.

• Sauniuniga a le tagata aoga: Valaaulia tagata aooga e o mai i le vasega ma mafaufau pe faapefea ona latou manuia mai le fesoasoani a le Faaola i o latou olaga.

• Anotusi e faaali: Atonu e te manao e kopi le siata i luga o le laupapa a’o lei amataina le vasega.

Mataupu Faavae ma Feagaiga 2

Faamoemoega o le lesona: O lenei lesona e mafai ona fesoasoani i tagata aooga e faaaoga le valaaulia a le Alii e liliu atu o latou loto i o latou tuaa.

• Sauniuniga a le tagata aoga: E mafai e tagata aooga ona sauni e faasoa atu e uiga i se tagata mai o latou lava talafaasolopito o aiga. E mafai ona latou faaaogaina le faailoga “Manatuaga” i luga o le FamilySearch e sue ai se tala e uiga i se tagata o le aiga i le latou gafa o le aiga.

• Anomea: Faamanatu i tagata aooga e o mai saunia ma se igoa faaaoga ma se uputatala e saini ai i totonu o le FamilySearch.org. E mafai ona latou faaaogaina a latou faamatalaga e alu ai i totonu o le faitotoa a le Ekalesia e maua ai le FamilySearch.org. Saunia ni pepa ma seleulu e fai ai se filifili pepa.