Սեմինարիա
Դաս 10. Ջոզեֆ Սմիթ—Պատմություն 1․27–50. Մորոնին հայտնվում է Ջոզեֆ Սմիթին

«Դաս 10. Ջոզեֆ Սմիթ—Պատմություն 1․27–50։ Մորոնին հայտնվում է Ջոզեֆ Սմիթին» Վարդապետություն և Ուխտեր․ Սեմինարիայի ուսուցչի ձեռնարկ, (2025)

«Ջոզեֆ Սմիթ—Պատմություն 1․27-65», Վարդապետություն և Ուխտեր․ Սեմինարիա

Դաս 10. Վարդապետություն և Ուխտեր 2, Ջոզեֆ Սմիթ—Պատմություն 1․27-65

Ջոզեֆ Սմիթ—Պատմություն 1․27–50

Մորոնին հայտնվում է Ջոզեֆ Սմիթին

Մորոնի հրեշտակը և Ջոզեֆ Սմիթը

1823 թվականի սեպտեմբերի 21-ին Ջոզեֆ Սմիթը աղոթեց Աստծուն իր մեղքերի ներման համար և իմանալու համար, թե որքանով է ինքը արժանավոր Աստծո առաջ։ Ի պատասխան՝ Ջոզեֆ Սմիթին հայտնվեց Մորոնի մարգարեն՝ ուսուցանելու նրան Մորմոնի Գրքի և ավետարանի Վերականգնման վերաբերյալ հնագույն մարգարեությունների մասին: Մորոնին նաև մարգարեացավ Ջոզեֆի ապագայի մասին: Այս դասը կօգնի ուսանողներին հասկանալ Ջոզեֆ Սմիթի՝ որպես Աստծո մարգարե կանչվելու կարևորությունը:

Հնարավոր ուսումնական վարժություններ

Ջոզեֆ Սմիթը նկարագրել է իր երիտասարդության տարիները

Որպեսզի պատրաստեք ուսանողներին ուսումնասիրելու Ջոզեֆ Սմիթի կյանքն իր երիտասարդության տարիներին, կարող եք առաջարկել նրանց կիսվել բառերով, որոնք նկարագրում են դեռահասներին: Մեկ այլ տարբերակ է գրատախտակին ցուցադրել բառեր և արտահայտություններ, որոնք նկարագրում են Ջոզեֆ Սմիթին իր երիտասարդության տարիներին: Օրինակ՝ «Ես հաճախ ինձ դատապարտված էի զգում թուլությունների ու անկատարելության համար»։ Ուսանողները կարող են նշել այն բառերն ու արտահայտությունները, որոնք համապատասխանում են իրենց:

Ուսանողներին խրախուսեք իրենց համար անհասկանալի բառերի սահմանումները փնտրել սուրբ գրությունների ստորև բերված հատվածներում։ Այդ գործառույթը հասանելի է Gospel Library հավելվածում: Նշեք բառը և սեղմեք «սահմանել» ընտրանքը:

Կարդացեք Ջոզեֆ Սմիթ—Պատմություն 1․27–29 հատվածները՝ փնտրելով, թե ինչպես է Ջոզեֆ Սմիթը նկարագրել իր զգացմունքները Առաջին Տեսիլքից հետո երեք տարվա ընթացքում:

  • Ինչպե՞ս կարող են մեր օրերի երիտասարդները վերաբերվել Ջոզեֆ Սմիթին:

Աստված աշխատանք ուներ Ջոզեֆ Սմիթի համար

Հատվածների հաջորդ խումբն ընթերցանության համար նախատեսված տեքստի ծավալուն բլոկ է պարունակում: Ընթերցանության մեթոդ ընտրելիս հաշվի առեք ձեր ուսանողների կարիքներն ու կարողությունները: Տեքստը կարող եք կարդալ ամբողջ դասարանով (ուսանողները հերթով կարդում են), կարող եք ուսանողներին առաջարկել զույգերով կարդալ այն կամ կարող եք նվագարկել ձայնագրությունը և առաջարկել ուսանողներին հետևել տեքստին իրենց սուրբ գրություններում:

Առաջին հարցից հետո կարող եք դադար տալ և քննարկել, թե ինչ գտան ուսանողները, որը կարող է օգնել իրենց դեռահասության տարիներին:

Կարդացեք Ջոզեֆ Սմիթ—Պատմություն 1․30–35 հատվածները և փնտրեք, թե ինչ զգաց Ջոզեֆ Սմիթը աղոթելու ժամանակ։

  • Ի՞նչ փորձառություն ունեցավ Ջոզեֆը, որը կարող էր հույս տալ նրան:

  • Ի՞նչ ճշմարտություններ կարող ենք սովորել Ջոզեֆ Սմիթի մասին այս հատվածներից:

Ուսանողները կարող են բացահայտել մի քանի ճշմարտություն, այդ թվում՝ Աստված կանչեց Ջոզեֆ Սմիթին՝ Իր աշխատանքը կատարելու համար: Կարող եք ուսանողների ուշադրությունը հրավիրել նրան, որ երբ Ջոզեֆ Սմիթն իրեն դատապարտված էր զգում իր սխալների և մեղքերի պատճառով, նա անկեղծորեն ներում էր փնտրում, և Աստված կանչեց նրան՝ կատարելու Իր աշխատանքը:

1823 թ. սեպտեմբերի 21-ի գիշերը և 22-ի վաղ առավոտյան Մորոնին երեք անգամ հայտնվեց Ջոզեֆին: Նա հղում էր նույն ուղերձը և ամեն անգամ մեջբերում էր նույն սուրբ գրությունները (տես Ջոզեֆ Սմիթ—Պատմություն 1․36–50)։

Որպեսզի օգնեք ուսանողներին տեսնել այն աշխատանքի օրինակները, որը Աստված պետք է կատարեր Ջոզեֆ Սմիթի միջոցով, կարող եք դասարանի անդամներին բաժանել ստորև բերված մարգարեությունները, որոնք մեջբերեց Մորոնին: Առաջարկեք ուսանողներին կարդալ այս հատվածները՝ փնտրելով, թե ինչպես են դրանք առնչվում այն աշխատանքին, որին կանչվել էր Ջոզեֆը:

Կարդացեք այս հատվածները՝ հասկանալու համար, թե ինչու այս մարգարեությունները Ջոզեֆին պետք է տային լրացուցիչ հասկացողություն այն աշխատանքի մասին, որը նա պետք է կատարեր:

  • Ինչպե՞ս են այս հատվածներն առնչվում այն աշխատանքին, որը կատարելու համար Տերը կանչեց Ջոզեֆին:

  • Ինչպե՞ս կարող են այս մարգարեությունները ամրապնդել Ջոզեֆի աստվածային կոչման մասին ձեր վկայությունը:

    Այս հատվածները կարդալիս ուսանողները կարող են նկատել, որ Տերը կանչեց Ջոզեֆ Սմիթին՝ օգնելու պատրաստել Իր ժողովրդին Իր Երկրորդ Գալուստին ավետարանի Վերականգնման միջոցով, որը ներառում է կնքման զորության և տաճարային արարողությունների վերականգնումը, Իսրայելի հավաքումը և այլ հոգևոր օրհնությունների հորդանք:

  • Ջոզեֆ Սմիթի միջոցով Աստծո կատարած աշխատանքն ինչպե՞ս է ազդել Հիսուս Քրիստոսի մասին ձեր գիտելիքների և մտքերի վրա (Տես 2 Նեփի 3.6–8, 11, Վարդապետություն և Ուխտեր 135.3:)

Ջոզեֆ Սմիթի անվան մասին կիմացվի որպես բարի և չար

Ուսանողների ուշադրությունը հրավիրեք Ջոզեֆ Սմիթ—Պատմություն 1․33 հատվածում Ջոզեֆ Սմիթի անվան մասին Մորոնիի մարգարեությանը։ Քննարկեք, թե Ջոզեֆն ինչպես կարող էր վերաբերվել մարգարեությանը և այն եղանակներին, որոնցով այն այսօր կատարվում է: Օգնեք ուսանողներին տեսնել, որ մարգարեության կատարումը վկայում է Ջոզեֆ Սմիթի՝ որպես Աստծո մարգարե կանչվելու մասին:

  • Ձեր կարծիքով, ինչո՞ւ այդքան մեծ ընդդիմություն կա մարգարե Ջոզեֆ Սմիթի դեմ:

Տասներկու Առաքյալների Քվորումից երեց Նիլ Լ․ Անդերսենն ուսուցանել է.

Երեց Նիլ Լ. Անդերսեն

Ինչո՞ւ Տերը թույլ տվեց, որ չարախոսությունը հալածի բարուն: Պատճառներից մեկն այն է, որ Աստծո բաների հանդեպ ընդդիմությունը ճշմարտություն փնտրողներին ստիպում է աղոթքով ծնկի իջնել՝ պատասխան ստանալու համար: …

Մարգարե Ջոզեֆ Սմիթի վերաբերյալ բացասական կարծիքները կշատանան, որքան մոտենանք Փրկչի Երկրորդ Գալուստին: Կիսաճշմարտությունները և խորամանկ ստերը չեն պակասի: Կլինեն ընտանիքի անդամներ և ընկերներ, ովքեր ձեր օգնության կարիքը կունենան: (Նիլ Լ․ Անդերսեն, «Ջոզեֆ Սմիթ», Լիահոնա, նոյ. 2014, 28, 30)

  • Ինչո՞ւ է օգտակար իմանալը, որ Մորոնին մարգարեացել է, որ կլինեն քննադատներ, ովքեր «չար» կխոսեն Ջոզեֆ Սմիթի մասին:

  • Ի՞նչ կարող ենք անել, որպեսզի պատրաստ լինենք օգնելու նրանց, ովքեր կարող են ընդդիմության բախվել Ջոզեֆ Սմիթի հանդեպ իրենց հավատքի նկատմամբ:

Ջոզեֆ Սմիթի մասին բարի խոսելու մարգարեության կատարումը

Տասներկու Առաքյալների Քվորումից երեց Նիլ Լ. Անդերսենը հատուկ կոչ է արել Եկեղեցու երիտասարդներին.

Երեց Նիլ Լ. Անդերսեն

Երիտասարդներին, ովքեր լսում են ինձ այսօր կամ հետագայում կկարդան այս խոսքերը, ես հատուկ կոչ եմ անում՝ մարգարե Ջոզեֆ Սմիթի մասին անձնական վկայություն ձեռք բերեք: Թող որ ձեր ձայնն օգնի իրագործել Մարգարեի մասին բարի խոսելու վերաբերյալ Մորոնիի մարգարեական խոսքերը: (Նիլ Լ․ Անդերսեն, «Ջոզեֆ Սմիթ», Լիահոնա, նոյեմբեր 2014 թ․, 30)

  • Որո՞նք են այն եղանակները, որոնցով դուք կարող եք օգնել իրագործել Ջոզեֆ Սմիթի մասին լավ խոսելու Մորոնիի մարգարեությունը:

Որպեսզի օգնեք ուսանողներին տեսնել օրինակներ, թե ինչպես է Փրկիչը լավ խոսել Ջոզեֆ Սմիթի մասին, կարող եք ուսանողներին բաժանել սուրբ գրությունների հետևյալ հղումները․ Վարդապետություն և Ուխտեր 1․17, 35․17, 112․15, 136․37–38։ Մի քանի ուսանողի խնդրեք կիսվել, թե ինչ է ասել Փրկիչը Ջոզեֆ Սմիթի մասին:

Առաջարկեք ուսանողներին որևէ բան անել դասարանում՝ օգնելու համար, որ կատարվեն Մորոնիի մարգարեական խոսքերը՝ Ջոզեֆ Սմիթի մասին լավ խոսելու վերաբերյալ: Օրինակ՝ նրանք կարող են կիսվել, թե ինչպես է Ջոզեֆն օգնել իրենց իմանալ Հիսուս Քրիստոսի մասին կամ այլ եղանակների մասին, որոնցով Ջոզեֆ Սմիթը լավ է ազդել իրենց կյանքի վրա: Ուսանողներին նաև կարող եք առաջարկել դասարանից դուրս որևէ մեկին ուղարկել հաղորդագրություն՝ տեքստային հաղորդագրությանն կամ սոցիալական ցանցերի միջոցով։