Mataupu Faavae ma Feagaiga 3–5

Mataupu Faavae ma Feagaiga 3–5

Vaaiga Aoao

I nei vaega, sa faasa’o ai e le Alii le Perofeta o Iosefa Samita ona ua sili atu le fefe i tagata nai lo le Atua, na faaalia i le tama o Iosefa Samita le ala e mafai ai ona ia auauna atu ia te Ia, ma taialaina Matini Harisi ina ua tatau ona ia tulai i le faamasinoga. O lenei vaiaso o loo aofia ai foi se lesona o le iloiloga.

Valaaulia tamaiti aoga ia iloa upumoni mo i latou lava: O nisi taimi o le a ta’u mai ai e le faiaoga se aoaoga faavae po o se mataupu faavae. Peitai, o le tele lava o taimi o le faiaoga o le a taitaiina, faamalosiau, ma faatagaina tamaiti aoga ia iloaina se aoaoga faavae po o se mataupu faavae mo i latou lava. E tatau ona fesoasoani ma le maelega faiaoga i tamaiti aoga ia maua le tomai e faailoa mai ai aoaoga faavae ma mataupu faavae e i latou lava. Mo nisi faamatalaga i le ala na faia ai e le Faaola lenei mea, tagai i le vaega “Na Fesoasoani le Faaola i Tagata ina ia Saili, Iloa, ma Malamalama i le Mea Moni” i totonu o le Aoao Atu i le Ala a le Faaola. E mafai foi ona e vaai i se faataitaiga o le auala e faia ai lenei mea i le lesona i lenei vaiaso ua faaulutalaina “Mataupu Faavae ma Feagaiga 3.”

Saunia e aoao atu

O lenei faamatalaga e tuuina atu ai ia te oe ni manatu o mea atonu e manaomia ona muai saunia mo lesona taitasi.

Mataupu Faavae ma Feagaiga 3

Faamoemoega o le lesona: Ina ia fesoasoani i tamaiti aoga ia lagonaina se manao faateleina ia sili atu ona faatuatua i le Atua nai lo i isi tagata

• Sauniuniga a le tamaititi aoga: Valaaulia tamaiti aoga e mafaufau loloto i taimi na faatosinaina ai i latou e uo, e faia se mea sa’o po o se mea sese. Fai atu ia i latou e mafaufau i le aafiaga o a latou filifiliga i o latou olaga ma atonu foi ma olaga o isi.

• Anomea: O se mea vaivai e pei o se meataalo utuvavae po o se aluga; mea mamafa e pei o tusi

• Vitiō: “O Le Galuega a le Atua” (13:35; matamata mai le faailotaimi 2:25 e oo i le 8:45)

Mataupu Faavae ma Feagaiga 4

Faamoemoega o le lesona: Ina ia fesoasoani i tamaiti aoga e auauna atu i le Atua ma isi i auala faaKeriso

• Sauniuniga a le tamaititi aoga: Mafaufau i se tasi o se faataitaiga lelei o le auaunaga faaKeriso. O le a se mea e uiga i lena tagata e fesoasoani ia i latou e auauna atu e pei o le Faaola?

Mataupu Faavae ma Feagaiga 5

Faamoemoega o le lesona: Ina ia fesoasoani i tamaiti aoga ia iloa molimau ua saunia e le Alii e fesoasoani ia i latou ia maua se molimau patino o le Tusi a Mamona o se isi molimau ia Iesu Keriso ma le valaauina o Iosefa Samita o se perofeta a le Atua

• Sauniuniga a le tamaititi aoga: Fai atu i tamaiti aoga e mafaufau i aafiaga ua faateleina ai a latou molimau i le Tusi a Mamona. O le a tuuina atu i tamaiti aoga se avanoa, pe afai latou te filifili, e faasoa mai a latou molimau i le taimi o le vasega.

• Vitio: “Molimau Mamana” (7:46)

• Pepa e tufa atu: “Molimau”

Iloilo Lou Aoaoina 1

Faamoemoega o le lesona: Ina ia fesoasoani i tamaiti aoga ia manatua ma iloilo pe faapefea e o latou aafiaga i le suesueina o le Mataupu Faavae ma Feagaiga ma le Talafaasolopitoa—Iosefa Samita ona fesoasoani ia i latou e tuputupu ae ai faaleagaga ma faalatalata atili atu ai ia Iesu Keriso

• Sauniuniga a le tamaititi aoga: Valaaulia tamaiti aoga e mafaufau i lesona faaleagaga o loo latou aoaoina i lenei tausaga ma filifili se mea se tasi na latou aoaoina pe lagonaina na fesoasoani ia i latou e alualu ai i luma faaleagaga.

• Anomea: Ata o le Perofeta o Iosefa Samita; pepa laiti e lua mo tamaiti aoga taitasi