“Leksiyon 22—Doktrina ug mga Pakigsaad 11:1–7: ‘Motipig alang sa … Walay Kataposan nga Kaluwasan diha sa Gingharian sa Dios,” Manwal sa Magtutudlo sa Seminary sa Doktrina ug mga Pakigsaad (2025)
“Doktrina ug mga Pakigsaad 11:1–7,” Manwal sa Magtutudlo sa Seminary sa Doktrina ug mga Pakigsaad
Leksiyon 22: Doktrina ug mga Pakigsaad 10–11
Doktrina ug mga Pakigsaad 11:1–7
Motipig alang sa … Walay Kataposan nga Kaluwasan diha sa Gingharian sa Dios”
Kinsa ang atong pilion nga pagasundon, ang mga butang nga atong gitinguha, ug giunsa nato paggahin ang atong panahon makaimpluwensiya og dako kon si kinsa kita mamahimo. Isip kabahin sa Pagpahiuli, ang atong mahigugmaong Manluluwas mihatag og ubay-ubay nga tambag kon kinahanglan asa itutok ang atong kinabuhi. Kini nga leksiyon makatabang sa mga estudyante nga mobati og mas dakong tinguha sa pagpangita sa gasa sa kinabuhing dayon nga gitanyag ni Jesukristo ngadto sa tanan kinsa modawat niini.
Posibleng mga Kalihokan sa Pagkat-on
Mga mensahe nga angayng sublion
Sa pagsugod sa leksiyon, mahimo nimong dapiton ang mga estudyante sa paghunahuna mahitungod sa mga mensahe nga kasagarang gibalik-balik. Mahimong mohisgot sila sa mga mensahe nga ilang namatikdan sa mga pahinumdom [advertisements], kanta, o mga meme. Dapita sila sa paghunahuna kon nganong ang pipila niini nga mga mensahe kasagaran nga gibalik-balik. Mahimong makatabang kini nga maandam sila sa paghunahuna mahitungod sa mga mensahe nga kasagarang gibalik-balik sa Ginoo ug kon ngano.
-
Unsa ang pipila ka piho nga mga mensahe nga si Jesukristo midasig sa Iyang buhi nga mga propeta nga kasagarang gibalik-balik?
-
Unsa nga binalik-balik nga mga mensahe ang imong namatikdan sa pagkakaron sa imong pagtuon sa Doktrina ug mga Pakigsaad?
-
Unsa ang atong makat-onan mahitungod sa Manluluwas gikan niini nga gibalik-balik nga mga mensahe?
Niadtong 1829, daghang mga tawo—sama ni Oliver Cowdery, Hyrum Smith, Joseph Knight Sr., ug David Whitmer—gusto nga makahibalo kon unsa ang gusto ni Jesukristo nga ilang mahibaloan ug buhaton. Pipila sa mahigugmaong mga tubag sa Manluluwas naglakip sa gibalik-balik nga mga kamatuoran nga gusto Niya nga kitang tanan makasabot ug mosunod.
Ikonsiderar ang pagdapit sa mga estudyante sa pagporma og mga grupo nga tag-upat ug dapita ang matag estudyante sa pagpakli ngadto sa usa sa mosunod nga mga seksiyon. Mahimong basahon og kusog sa usa ka estudyante ang mga bersikulo gikan sa gihatag ngadto kaniya nga seksiyon. Mahimo silang mohunong human ang matag bersikulo aron ang ilang mga kauban mopakigbahin sa mga pagkaparehas ug mga kalainan nga ilang namatikdan gikan sa katugbang nga mga bersikulo sa ilang mga seksiyon.
Basaha ang unang unom ka mga bersikulo sa matag usa sa mosunod nga mga seksiyon sa Doktrina ug mga Pakigsaad: 6; 11; 12; ug 14. Itandi ang mensahe sa Manluluwas sa matag usa.
-
Sa imong hunahuna ngano kaha ang Ginoo mopili sa pagbalik-balik sa piho nga mga hugpong sa mga pulong ug mga pagtulun-an nga makit-an niini nga mga bersikulo?
“Kinsa kadto nga adunay kinabuhing dayon adunahan”
Basaha ang bersikulo 7 diha sa mga seksiyon 6 ug 11, mangita sa tambag sa Manluluwas ngadto sa tanan kinsa nagtinguha sa pag-alagad Kaniya.
-
Unsa nga mga pulong o mga hugpong sa mga pulong ang mipatigbabaw diha nimo gikan niini nga bersikulo? Ngano man?
-
Unsa ang natabang niini nga bersikulo nga imong masabtan mahitungod ni Jesukristo ug sa Iyang mga tinguha alang kanato?
Mahimong mopakigbahin ang mga estudyante og usa ka kamatuoran nga susama sa mosunod: Si Jesukristo nagtinguha sa paghatag kanato og kinabuhing dayon, nga mao ang labing bililhon sa tanang mga gasa.
Hatagi ang mga estudyante og kahigayonan sa pagpalawom sa ilang pagsabot mahitungod sa kahulugan sa kinabuhing dayon ug kon nganong kini usa ka bililhon nga gasa nga atong madawat. Mahimo nimo kini pinaagi sa pagdapit sa mga estudyante sa pagtuon sa pipila sa mosunod nga mga kapanguhaan nga magtinagsa o diha sa mga grupo. Sa laing paagi, mahimo nimong isulat kini nga mga pakisayran diha sa gagmay nga mga piraso sa papel sa palibot sa lawak ug tugoti ang mga estudyante nga maglakaw-lakaw libot sa lawak ug tun-an kini sa hilom, maghimo og mga mubo nga sulat sa ilang kaugalingon.
-
Topics and Questions [Mga Hisgotanan ug mga Pangutana], “Eternal Life [Kinabuhing Dayon],”.topics.ChurchofJesusChrist.org
Dapita ang mga estudyante sa pagpakigbahin unsay ilang nakat-onan ug gibati atol sa ilang pagtuon.
Paghunahuna mahitungod sa unsay imong nakat-onan
Paggahin og pipila ka higayon sa paghisgot uban sa mga estudyante kabahin sa potensiyal nga mga pagbalda ngadto sa pagpangita sa kinabuhing dayon. Dapita sila sa hilom nga pagpamalandong kon unsa ka maayo ang ilang kasamtangan nga mga desisyon nga nag-andam kanila sa pagdawat og kinabuhing dayon. Ikonsiderar ang pagbuhat sa mosunod nga kalihokan aron sa pagtabang sa mga estudyante nga mobati og mas dakong tinguha sa pagpapangita sa kinabuhing dayon:
Paglista og daghang rason kutob sa mahimo kon nganong ang usa ka tawo nga adunay kinabuhing dayon adunahan (tan-awa sa Doktrina ug mga Pakigsaad 11:7).
Ikonsiderar ang pagdapit sa mga estudyante sa pagsulat sa ilang mga tubag sa miaging pag-aghat diha sa pisara. Pagdapit og mga boluntaryo sa paghulagway kon nganong ang unsay ilang gisulat bililhon alang kanila. Kini mahimong usa ka makahuluganon nga bahin sa leksiyon. Mahimong maalamon ang paghatag sa mga estudyante og dakong oras sa pagsulat, pagpamalandong, ug pagpakigbahin.
Taposa ang leksiyon pinaagi sa pagdapit sa mga estudyante sa paghunahuna mahitungod kon sa unsang paagi ilang kinabuhi tingali maapektohan sa unsay ilang nakat-onaan ug nabati karon. Ang mosunod nga mga pangutana makahatag sa mga estudyante og oportunidad sa pagrekord sa ilang mga hunahuna ug mga impresyon diha sa ilang mga journal sa pagtuon.
-
Unsa ang imong nakat-onan karon nga nagdugang sa imong tinguha nga mobati nga naduol ngadto sa Langitnong Amahan ug ni Jesukristo?
-
Unsa ang pipila ka mga paagi nga imong malikayan ang pagtugot sa kalibotanong mga tinguha nga mag-una kay sa pag-uswag ngadto sa kinabuhing dayon?