Սեմինարիա
Դաս 28․ Վարդապետություն և Ուխտեր 18․11–16․ «Որքան մեծ կլինի ձեր ուրախությունը»

«Վարդապետություն և Ուխտեր 18․11–16․ «Որքան մեծ կլինի ձեր ուրախությունը», Վարդապետություն և Ուխտեր․ Սեմինարիայի ուսուցչի ձեռնարկ (2025)

«Վարդապետություն և Ուխտեր 18․11–16», Վարդապետություն և Ուխտեր․ Սեմինարիայի ուսուցչի ձեռնարկ

Դաս 28․ Վարդապետություն և Ուխտեր 18

Վարդապետություն և Ուխտեր 18․11–16

«Որքան մեծ կլինի ձեր ուրախությունը»

երիտասարդ տղան կիսվում է ավետարանով

Շարունակելով բացահայտել Իր կամքը Իր Եկեղեցու վերաբերյալ, Տերը խոսեց Ջոզեֆ Սմիթի, Օլիվեր Քաուդերիի և Դեյվիդ Ուիթմերի հետ այն ուրախության մասին, որը կարող է առաջանալ Իր ավետարանով կիսվելուց: Այս դասը կօգնի ուսանողներին մեծացնել Փրկչի ավետարանով ուրիշների հետ կիսվելու ցանկությունը:

Հնարավոր ուսումնական վարժություններ

Ի՞նչն է ուրախություն պարգևում

Կարող եք առաջարկել ուսանողներին մեկ-երկու րոպե աշխատել զույգերով՝ թվարկելով այն հնարավոր բաները, որոնք իրենց ուրախություն են պարգևում։ Որպես այլընտրանք, ուսանողներին բաժանեք փոքր խմբերի և յուրաքանչյուր խմբի տվեք վիրտուալ գրատախտակի տարբեր գույնի մարկերներ: Մեկ-երկու րոպեի ընթացքում յուրաքանչյուր ուսանող յուրաքանչյուր խմբում կարող է հերթով գրատախտակին գրել մի բան, որն իրեն ուրախություն է պարգևում:

Մի քանի ուսանողի առաջարկեք կիսվել իրենց գրածով և բացատրել, թե ինչու է այդ բանն իրենց ուրախություն պարգևում:

Երկնային Հայրը և Հիսուս Քրիստոսը ցանկանում են, որ մենք ուրախություն զգանք (տես 2 Նեփի 2․25)։ Վարդապետություն և Ուխտեր 18 բաժնում Փրկիչը հայտնեց, թե ինչն է իրեն ուրախացնում և բացատրեց, թե մենք ինչպես կարող ենք զգալ նույն ուրախությունը:

Առաջարկեք ուսանողներին մտածել այն մասին, թե որքանով են նրանք ուրախ իրենց կյանքում, և ինչու են ցանկանում ավելի շատ ուրախություն զգալ: Խրախուսեք նրանց այսօր ուսումնասիրելիս փնտրել ուսմունքներ այն մասին, թե ինչպես կարող են ավելի մեծ ուրախություն զգալ իրենց կյանքում:

Հիսուս Քրիստոսի ուրախությունը

Առաջարկեք ուսանողներին խորհել, թե ինչ կասեր Փրկիչը, եթե իրենք հարցնեին՝ ինչն է Նրան ուրախացնում:

Կարդացեք Վարդապետություն և Ուխտեր 8․11–13 հատվածները և փնտրեք, թե ինչն է մեծ ուրախություն պատճառում Փրկչին։

Առաջարկեք ուսանողներին նախքան պատասխանելը մտածել հետևյալ երկու հարցի շուրջ: Նախքան կխնդրեք կիսվել պատասխաններով, կարող եք առաջարկել նրանց գրել իրենց պատասխանները ուսումնական օրագրերում: Ուսանողների համար օգտակար կլինի նաև կարդալ Ղուկաս 15․1–10 հատվածները՝ ձեր հարցերը տալուց առաջ։

  • Ձեր կարծիքով, ինչո՞ւ է Փրկիչն այդպիսի մեծ ուրախություն զգում, երբ մենք ապաշխարում ենք:

  • Փրկչի մասին այս գիտելիքն ինչպե՞ս կարող է ազդել ձեր գործողությունների և ցանկությունների վրա:

վարդապետության սերտման հատվածի պատկերակ Վարդապետություն և Ուխտեր 18․15–16 հատվածները սուրբ գրությունների սերտման հատվածներ են։ Առաջարկեք ուսանողներին նշել սուրբ գրությունների սերտման հատվածները տարբերակիչ ձևով, որպեսզի կարողանան հեշտությամբ գտնել:

Կարդացեք Վարդապետություն և Ուխտեր 18․14–16 հատվածները և նշեք այն արտահայտությունները, որոնք ցույց են տալիս, թե ինչ է Փրկիչը ցանկանում մեզ համար:

  • Այս հատվածներն ի՞նչ են օգնում ձեզ հասկանալ Փրկչի և այն մասին, թե Նա ինչ է ցանկանում մեզ համար։

Անհրաժեշտության դեպքում բացատրեք, որ ճշմարտություններից մեկը, որ մենք կարող ենք սովորել այս հատվածներից, այն է, որ Հիսուս Քրիստոսը ցանկանում է, որ մենք զգանք այն ուրախությունը, որն առաջանում է մարդկանց Իր մոտ բերելուց։ Կարող եք հետևյալ ճշմարտությունը գրել գրատախտակին:

Յոթանասունից երեց Մարկուս Բ. Նեշը խոսել է այն ուրախության մասին, որը կարող է առաջանալ ավետարանով կիսվելուց.

10:28
Երեց Մարկուս Բ. Նաշ

Երբ մարդը սովորում է կյանքի փառահեղ նպատակը, հասկանում է, որ Քրիստոսը ներում և սատարում է Իր հետևորդներին, իսկ հետո, մտնելով մկրտության ջրերը հետևում է Քրիստոսին, կյանքը փոխվում է դեպի լավը, նույնիսկ, երբ կյանքի արտաքին հանգամանքները չեն փոխվում դեպի լավը։

Մի պայծառ երջանիկ քույր, որին ես հանդիպեցի Նիգերիայի Օնիցա քաղաքում, ինձ ասաց, որ այն պահից, երբ ինքը սովորեց ավետարանը և մկրտվեց (այժմ կօգտագործեմ նրա խոսքերը). «Ամեն ինչ լավ է ինձ համար։ Ես երջանիկ եմ: Ես երկնքում եմ»։ Ավետարանով կիսվելը ուրախություն և հույս է առաջացնում ինչպես տվողի, այնպես էլ ստացողի հոգում: Իսկապես, «որքան մեծ կլինի ձեր ուրախությունը», երբ դուք կիսվեք ավետարանով։ Ավետարանով կիսվելն ուրախության ուրախությունն է և հույսի հույսը։ (Մարկուս Բ. Նաշ «Բարձր պահեք ձեր լույսը», Լիահոնա, նոյեմբեր 2021, 71)

  • Ձեր կարծիքով, ուրիշին դեպի Հիսուս Քրիստոսն ուղղորդելն ինչո՞ւ է մարդուն այդքան մեծ ուրախություն պարգևում։

  • Ի՞նչ փորձառություններ եք ունեցել (կամ գիտեք այդպիսի փորձառությունների մասին), երբ տեսել եք ուրիշների հետ ավետարանով կիսվելու ուրախությունը:

Նախորդ հարցի վերաբերյալ ուսանողներին օգնելու համար կարող եք առաջարկել նրանց օրինակներ փնտրել սուրբ գրություններում: Նրանք կարող են կարդալ Ամմոնի խոսքերը (Ալմա 26․1–16 հատվածներում) և Ալմայի խոսքերը (Ալմա 29․9–17 հատվածներում)։ Կարող եք նաև ցուցադրել «Հրավիրեք բոլորին գալ դեպի Քրիստոս. կիսվեք ավետարանով» (4:30) տեսանյութը, որը հասանելի է ChurchofJesusChrist.org կայքում։

Խոչընդոտների հաղթահարումը

Բացատրեք, որ թեև Տիրոջ այս խոստումները մղում են մեզ կիսվել Նրա ավետարանով, երբեմն կան խոչընդոտներ կամ մտահոգություններ, որոնք կարող են խանգարել մեզ կիսվել: Առաջարկեք ուսանողներին նշել որոշ խոչընդոտներ և գրել իրենց պատասխանները գրատախտակին: Այնուհետև առաջարկեք ուսանողներին կատարել հետևյալ վարժությունը՝ պատկերացնելով, որ իրենք ճանաչում են մի մարդու (կամ մտածելով իրենց ծանոթի մասին), որը բախվում է այդ խոչընդոտներից մեկին:

Գրեք, թե ինչով կարող եք կիսվել այն մարդու հետ, որը մտահոգություններ ունի Փրկչի ավետարանով կիսվելու վերաբերյալ: Կարող եք ներառել հետևյալը.

  1. Այն, ինչ գիտեք Փրկչի մասին, որը կարող է մեծացնել ուրիշներին Նրա մոտ բերելու ձեր ցանկությունը (և, հնարավորության դեպքում, այն սուրբ գրությունը, որը վկայում է ձեր գիտելիքի մասին)

  2. Ինչպես է Փրկչին մոտենալը ձեզ ուրախություն պարգևել, և ինչու կցանկանայիք, որ ուրիշները նույնպես ստանային այդ օրհնությունները

  3. Փորձառություններ, որոնք դուք կամ ձեզ ծանոթ մարդիկ ունեցել են Քրիստոսի մոտ հոգիներ բերելով, և ինչպես են այդ փորձառությունները ուրախություն պարգևել

Ուսանողներին բավարար ժամանակ տվեք պատասխանելու համար, այնուհետև նրանց հնարավորություն տվեք կիսվել իրենց գրածով: Դա անելու համար մեկ կամ երկու ուսանողի առաջարկեք դերախաղով ներկայացնել մի մարդու, որը մտահոգություններ ունի ավետարանով կիսվելու վերաբերյալ: Մյուս ուսանողները կարող են կիսվել մի բանով, որն իրենց կարծիքով կարող է օգնել:

Այս քննարկումից հետո ուսանողներին առաջարկեք հետևյալը.

Որոշ ժամանակ տրամադրեք՝ խորհելու այն մասին, թե ինչ սովորեցիք ու զգացիք այսօրվա դասից: Գրեք, թե ինչ կարծիք ունեք ավետարանով կիսվելու և ուրիշներին Հիսուս Քրիստոսի մոտ բերելու փորձի մասին: Ներառեք այն ամենը, ինչ սովորեցիք և կցանկանայիք հիշել՝ հատկապես Փրկչի մասին։

Ավարտելով՝ առաջարկեք մեկ կամ երկու ուսանողի կիսվել այն ամենով, ինչ իրենք սովորեցին կամ ցանկանում են հիշել: Բերեք ձեր վկայությունը այսօր քննարկված ճշմարտությունների մասին:

Անգիր սովորեք

Կարող եք օգնել ուսանողներին այս դասի ընթացքում անգիր սովորել վարդապետության սերտման հղումը և հիմնական արտահայտությունը, ապա կրկնել դրանք հետագա դասերի ժամանակ: Վարդապետություն և Ուխտեր 18․15–16 հատվածների սուրբգրային հիմնական արտահայտությունը հետևյալն է․ «Որքան մեծ կլինի ձեր ուրախությունը, եթե դուք շատ հոգիներ բերեք ինձ մոտ»: Անգիր սովորելու համար նախատեսված վարժությունների վերաբերյալ գաղափարները ներկայացված են հավելվածի նյութերում՝ «Վարդապետության սերտման կրկնության վարժություններ» բաժնում: