Վարդապետություն և Ուխտեր 18

Վարդապետություն և Ուխտեր 18

Ակնարկ

Տերը բացահայտել է արժեքավոր ճշմարտություններ՝ Իր աչքում մեր արժեքի, ուրախության, որը մենք կարող ենք զգալ ավետարանով կիսվելիս, և Տասներկու Առաքյալների որակավորումների և պարտականությունների մասին:

Ստեղծեք մի միջավայր, որտեղ բոլորը հարգված են և գիտեն, որ իրենց ներդրումը գնահատվում է. Շատ ուսանողներ, որոնց դուք ուսուցանում եք, կարող են դժվարություններ ունենալ իրենց հարգված և գնահատված զգալու հարցում: Ի դեպ, երբ դուք սիրում և հարգում եք նրանց, դրանով հաստատում եք, որ նրանք ընդունված և գնահատված են: Ավելին իմանալու համար, թե Փրկիչն ինչպես արեց դա, տես «Փրկիչն այնպես արեց, որ բոլորն իրենց հարգված և գնահատված զգան» բաժինը Ուսուցանել Փրկչի ձևով ձեռնարկում։ Դա անելու օրինակ կարող եք տեսնել նաև այս շաբաթվա դասում, որը վերնագրված է «Վարդապետություն և Ուխտեր 18․1–13»։

Պատրաստվեք ուսուցանել

Հետևյալ տեղեկությունները ձեզ հուշում են, թե ինչ պետք է նախապատրաստեք յուրաքանչյուր դասի համար:

Վարդապետություն և Ուխտեր 18․1–13

Դասի նպատակը․ օգնել ուսանողներին զգալ, որ իրենց հոգիների արժեքը մեծ է Աստծո աչքում:

• Ուսանողի նախապատրաստում․ առաջարկեք ուսանողներին կարդալ, խորհել և մտապահել Վարդապետություն և Ուխտեր 18․10–11 հատվածների մի մասը կամ բոլորը։ Խնդրեք նրանց դասի գալ պատրաստ՝ կիսվելու իրենց մտքերով և զգացմունքներով այս հատվածում ուսուցանվող ճշմարտությունների վերաբերյալ:

• Աշխատաթերթ․ «Հիշենք մեր արժեքը Աստծո համար»

• Տեսանյութ. «Աստծո լույսի հույսը» (6:46)

Վարդապետություն և Ուխտեր 18․11–16

Դասի նպատակը․ օգնել ուսանողներին մեծացնել Փրկչի ավետարանով ուրիշների հետ կիսվելու ցանկությունը:

• Ուսանողի նախապատրաստում․ Առաջարկեք ուսանողներին խորհել և դասի գալ պատրաստված՝ կիսվելու հինգ բաներով, որոնք իրենց ուրախություն են պատճառում, և բացատրելու, թե ինչու:

• Տեսանյութեր «Բարձր պահեք ձեր լույսը» (10:16, դիտել 2:20-4:15), «Հրավիրեք բոլորին գալ Քրիստոսի մոտ. կիսվեք ավետարանով» (4:30)

Վարդապետություն և Ուխտեր 18․21–47

Դասի նպատակը․ օգնել ուսանողներին հասկանալ, թե ինչպես է Տերն օգնում և օրհնում մեզ Իր Առաքյալներին կանչելու միջոցով:

• Ուսանողի նախապատրաստում․ առաջարկեք ուսանողներին կարդալ ներկայիս Առաքյալներից մեկի վերջին ելույթի, Եկեղեցու ամսագրում հոդվածի կամ սոցիալական ցանցում գրառման մի հատված՝ փնտրելով, թե ինչպես է այդ ուղերձն օգնում իրենց գալ Քրիստոսի մոտ:

• Բովանդակություն ցուցադրման համար․ Առաջին Նախագահության և Տասներկու Առաքյալների Քվորումի ներկայիս նկարը։

• Նյութեր. Գերագույն համաժողովի ելույթներ կամ Եկեղեցու ամսագրի հոդվածներ՝ գրված Առաքյալների կողմից

Վարդապետության սերտման գործնական պարապմունք 2

Դասի նպատակը․ ուսանողներին հնարավորություն տալ զարգացնել վարդապետության սերտման հատվածների և դրանցում ուսուցանվող վարդապետության սերտման հմտությունը, ինչպես նաև սովորել և կիրառել հոգևոր գիտելիքներ ձեռք բերելու աստվածային սկզբունքները:

• Ուսանողի նախապատրաստում․ առաջարկեք ուսանողներին ընտրել վարդապետության սերտման մեկ կամ երկու հատված, որը իրենք կցանկանային ավելի լավ հասկանալ։

• Նախապատրաստման նյութ․ երգ կամ օրհներգ՝ դասարանում նվագարկելու համար

• Նյութեր․ Վարդապետության սերտման հիմնարար փաստաթուղթ (2023)