« គោលលទ្ធិ និងសេចក្ដីសញ្ញា ១៩ ៖ ទិដ្ឋភាពទូទៅ » ព្រះគម្ពីរគោលលទ្ធិ និងសេចក្ដីសញ្ញា សៀវភៅសិក្សាសម្រាប់គ្រូបង្រៀនថ្នាក់សិក្ខាសាលា ( ឆ្នាំ ២០២៥ )
« គោលលទ្ធិ និងសេចក្ដីសញ្ញា ១៩ » ព្រះគម្ពីរគោលលទ្ធិ និងសេចក្ដីសញ្ញា សៀវភៅសិក្សាសម្រាប់គ្រូបង្រៀនថ្នាក់សិក្ខាសាលា
គោលលទ្ធិ និងសេចក្តីសញ្ញា ១៩
គោលលទ្ធិ និងសេចក្តីសញ្ញា ១៩
ទិដ្ឋភាពទូទៅ
ម៉ាទិន ហារិស បានស្នើឲ្យព្យាការីទូលសូមវិវរណៈមួយមកពីព្រះអម្ចាស់ ពេលលោកដឹងថា លោកអាចនឹងបាត់បង់កសិដ្ឋានរបស់លោក ដើម្បីបង់ថ្លៃដល់ការបោះពុម្ពព្រះគម្ពីរមរមន ។ នៅក្នុង គោលលទ្ធិ និងសេចក្តីសញ្ញា ១៩ ព្រះអង្គសង្គ្រោះបានមានព្រះបន្ទូលប្រាប់ជាថ្មីអំពីរបៀបដែលទ្រង់បានជ្រើសរើសចុះចូលតាមព្រះឆន្ទៈរបស់ព្រះវរបិតាសួគ៌ ហើយទទួលបានអំណាចដើម្បីយកឈ្នះលើរឿងគ្រប់យ៉ាង ។ ព្រះអម្ចាស់បានប្រឹក្សាម៉ាទិន ឲ្យប្រែចិត្ត ហើយធ្វើការលះបង់ដែលតម្រូវឲ្យធ្វើ ដើម្បីបង់ថ្លៃបំណុលដែលលោកជំពាក់រោងពុម្ព ។
ផ្ដោតលើព្រះយេស៊ូវគ្រីស្ទ ៖ ការរៀនសូត្រអំពីព្រះយេស៊ូវគ្រីស្ទអាចបំផុសគំនិតយើងឲ្យប្រែក្លាយកាន់តែដូចទ្រង់ ។ ប៉ុន្តែការប្រែក្លាយដូចជាទ្រង់អាចកើតឡើងបាន លុះត្រាតែយើងធ្វើសកម្មភាពដោយសេចក្ដីជំនឿ ទាំងនៅក្នុង និងនៅក្រៅថ្នាក់រៀន ។ សម្រាប់ព័ត៌មានបន្ថែមទៀត សូមមើលផ្នែក « ជួយសិស្សឲ្យមានចេតនាខិតខំប្រែក្លាយកាន់តែដូចព្រះយេស៊ូវគ្រីស្ទ » នៅក្នុង ការបង្រៀនតាមរបៀបរបស់ព្រះអង្គសង្រ្គោះ ។ អ្នកអាចឃើញឧទាហរណ៍មួយអំពីរបៀបធ្វើកិច្ចការនេះក្នុងមេរៀននៅសប្តាហ៍នេះផងដែរ ដែលមានចំណងជើងថា « គោលលទ្ធិ និងសេចក្តីសញ្ញា ១៩:១–២៤ ផ្នែកទី ១ » ។
រៀបចំខ្លួនបង្រៀន
ព័ត៌មានខាងក្រោមផ្តល់ឲ្យអ្នកនូវគំនិតខ្លះៗអំពីអ្វីដែលអ្នកអាចត្រូវរៀបចំទុកជាមុនសម្រាប់មេរៀននីមួយៗ ។
គោលលទ្ធិ និងសេចក្ដីសញ្ញា ១៩:១–២៤ ផ្នែកទី ១
គោលបំណងមេរៀន ៖ ដើម្បីជួយបង្កើនបំណងប្រាថ្នារបស់សិស្សឲ្យធ្វើតាមគំរូរបស់ព្រះយេស៊ូវគ្រីស្ទ ក្នុងការចុះចូលនឹងព្រះឆន្ទៈរបស់ព្រះវរបិតាសួគ៌ ។
-
ការរៀបចំសិស្ស ៖ សូមពិចារណាអញ្ជើញសិស្សឲ្យគិតអំពីគ្រាដែលយុវវ័យត្រូវបានល្បួងឲ្យធ្វើអ្វីដែលពួកគេចង់ធ្វើ ជាជាងអ្វីដែលព្រះសព្វព្រះទ័យឲ្យពួកគេធ្វើ ។
-
មាតិកាដែលត្រូវបង្ហាញ ៖ សេចក្តីថ្លែងការណ៍មកពីប្រធាន អ៊ែសរ៉ា ថាហ្វ ប៊ែនសឹន
គោលលទ្ធិ និងសេចក្ដីសញ្ញា ១៩:១–២៤ ផ្នែកទី ២
គោលបំណងមេរៀន ៖ ដើម្បីជួយសិស្សឲ្យមានអំណរគុណកាន់តែជ្រាលជ្រៅចំពោះអំណោយទាននៃការប្រែចិត្តរបស់ព្រះអង្គសង្គ្រោះ ដែលវាអាចកើតឡើងបានតាមរយៈពលិកម្មធួនដ៏មហិមារបស់ទ្រង់
-
ការរៀបចំសិស្ស ៖ សូមពិចារណាអញ្ជើញសិស្សឲ្យអាន អាលម៉ា ៣៦:១២–២១ ដោយរកមើលពីមូលហេតុដែលអាលម៉ា បានមានអារម្មណ៍ឈឺចាប់ជាខ្លាំងផង និងអំណរដ៏អស្ចារ្យនៅក្នុងការប្រែចិត្តរបស់លោកផង ។
-
មាតិកាដែលត្រូវបង្ហាញ ៖ សេចក្តីថ្លែងការណ៍អំពីការប្រែចិត្ត
-
ឯកសារនានា ៖ សន្លឹកក្រដាសមួយចំហៀង
-
វីដេអូ ៖ « For God So Loved the World » ( ៤:៤៨; សូមមើលពីនាទីទី ១:៥៦ ដល់ ៤:៤៨ )
-
សំណៅចែក ៖ « ព្រះយេស៊ូវគ្រីស្ទ និងការប្រែចិត្តរបស់យើង »
គោលលទ្ធិ និងសេចក្តីសញ្ញា ១៩:២៥–៤១
គោលបំណងមេរៀន ៖ ដើម្បីជួយសិស្សឲ្យធ្វើតាមគំរូរបស់ព្រះអង្គសង្គ្រោះក្នុងការលះបង់អ្វីៗក៏ដោយដែលព្រះវរបិតាសួគ៌ស្នើសុំពីយើង
-
ការរៀបចំសិស្ស ៖ អ្នកអាចអញ្ជើញសិស្សឲ្យសួរសមាជិកដែលគួរឲ្យទុកចិត្តម្នាក់នៅក្នុងសាសនាចក្រអំពីពលិកម្មអ្វីខ្លះដែលពួកគេបានធ្វើ ក្នុងនាមជាសិស្សម្នាក់របស់ព្រះអម្ចាស់ ។
-
មាតិកាដែលត្រូវបង្ហាញ ៖ ការក្រើនរំឭកសម្រាប់សកម្មភាពកំណត់ហេតុការសិក្សា
វាយតម្លៃការសិក្សារបស់អ្នកទី ២
គោលបំណងមេរៀន ៖ ដើម្បីជួយសិស្សឲ្យចងចាំ និងវាយតម្លៃពីរបៀបដែលបទពិសោធន៍របស់ពួកគេមកដល់ពេលនេះ នៅក្នុងការសិក្សាព្រះគម្ពីរគោលលទ្ធិ និងសេចក្តីសញ្ញាបានជួយពួកគេឲ្យរីកចម្រើនខាងវិញ្ញាណ ។
-
ការរៀបចំសិស្ស ៖ អ្នកអាចអញ្ជើញសិស្សឲ្យសញ្ជឹងគិតពីមេរៀនថ្នាក់សិក្ខាសាលាថ្មីៗមួយ ដែលបានជះឥទ្ធិពលជាក់លាក់ដល់ពួកគេ ។ ពួកគេអាចគិតពីការផ្លាស់ប្ដូរនានាដែលពួកគេបានធ្វើ ដោយសារតែមេរៀននោះ ។
-
ឯកសារនានា ៖ បំណែកក្រដាសតូចៗ
-
រូបភាព ៖ មរ៉ូណៃលេចមកឯ យ៉ូសែប ស្ម៊ីធ ។ យ៉ូសែប ស្ម៊ីធ និងអូលីវើរ ខៅឌើរី កំពុងបកប្រែផ្ទាំង ។ ពួកសាក្សីបីនាក់កំពុងមើលផ្ទាំង ។ រូបភាពអំពីបុគ្គលម្នាក់ដែលមានគំនិត និងចិត្តរបស់គាត់ត្រូវបានដាក់ស្លាក