«Վարդապետություն և Ուխտեր 19.1–24, Մաս 1. Հիսուս Քրիստոսը ենթարկվեց Երկնային Հոր կամքին», Վարդապետություն և Ուխտեր․ Սեմինարիայի ուսուցչի ձեռնարկ (2025)
«Վարդապետություն և Ուխտեր 19.1–24, Մաս 1», Վարդապետություն և Ուխտեր․ Սեմինարիայի ուսուցչի ձեռնարկ
Դաս 31․ Վարդապետություն և Ուխտեր 19
Վարդապետություն և Ուխտեր 19.1–24, Մաս 1
Հիսուս Քրիստոսը ենթարկվեց Երկնային Հոր կամքին
Մխիթարության և առաջնորդության աղերսով Մարտին Հարրիսը դիմեց Մարգարե Ջոզեֆ Սմիթին և հայտնություն խնդրեց Տիրոջից: Վարդապետություն և Ուխտեր 19 բաժնում Փրկիչը պատմեց, թե Ինքն ինչպես որոշեց ենթարկվել Երկնային Հոր կամքին և զորություն ձեռք բերեց՝ հաղթահարելու բոլոր բաները: Մարտինին խոստացվեց խաղաղություն, եթե նա ապաշխարեր և հնազանդվեր այն ամենին, ինչ Տերն էր խնդրել նրան անել: Այս դասը կարող է օգնել մեծացնել ուսանողների ցանկությունը՝ հետևելու Երկնային Հոր կամքին ենթարկվելու Հիսուս Քրիստոսի օրինակին:
Հնարավոր ուսումնական վարժություններ
Փրկչի օրինակը
Գրեք գրատախտակին ոչ թե ____ կամքը, այլ_____ լինի բաց թողնված բառերով արտահայտությունը և խնդրեք ուսանողներին լրացնել այն, ինչ Փրկիչն ասաց Իր Հորը (տես Ղուկաս 22․42)։ Առաջարկեք ուսանողներից մեկին պատմել այն հանգամանքների մասին, որոնցում Հիսուսն ասել է դա:
-
Ձեր կարծիքով, ի՞նչ է նշանակում մեր կամքը ենթարկել Աստծուն:
-
Ինչպիսի՞ դժվար զոհաբերություններ կարող են պահանջվել երիտասարդներից՝ Երկնային Հոր կամքին ենթարկվելու համար:
Կարող եք գրատախտակին գրել նախորդ հարցի վերաբերյալ ուսանողների պատասխանները։ (Նշում. Այս ցուցակի պատճենը պահելը օգտակար կլինի «Վարդապետություն և Ուխտեր 19․25–41» հատվածների դասը ուսուցանելիս: Այդ դասում ուսանողներին կառաջարկվի հետևել Փրկչի օրինակին՝ ենթարկվել Երկնային Հոր կամքին)։
Անձնական առնչությունը մեծացնելու համար առաջարկեք ուսանողներին խորհել մի դեպքի մասին, երբ իրենք դժկամություն են զգացել ՝ նվիրվածությամբ հետևելու Տիրոջը կամ անելու այն, ինչ գիտեին, որ ճիշտ է: Խրախուսեք նրանց մտապահել այդ իրավիճակները՝ Իր կամքը Աստծուն ենթարկելու Փրկչի օրինակն ուսումնասիրելիս:
Փրկիչը հնազանդվում է Իր Հորը
Ցանկանալով աջակցել Մարգարե Ջոզեֆ Սմիթին և Մորմոնի Գրքի հրատարակմանը՝ Մարտին Հարրիսը խոստացավ օգնել վճարել տպագրության համար: Երբ նա ավելի ուշ հասկացավ, որ դրա համար հնարավոր է՝ պահանջվի վաճառել իր ագարակը, նա խնդրեց Ջոզեֆին, որ Տիրոջ կողմից ուղղորդման հայտնություն ստանա: Այդ հայտնությունում, որն այժմ հայտնի է որպես Վարդապետություն և Ուխտեր 19, Փրկիչն ուսուցանեց կարևոր ճշմարտություններ Իր քավող զոհաբերության մասին: Այդ ճշմարտություններն օգնեցին Մարտինին հասկանալ Երկնային Հոր կամքին ենթարկվելու կարևորությունը, նույնիսկ երբ դա դժվար է:
Ուսանողները կարող են կարդալ հետևյալ հատվածները միայնակ կամ դասընկերոջ հետ:
Կարդացեք Վարդապետություն և Ուխտեր 19․1–5, 15–19, 23–24 հատվածները: Նշեք կարևոր բառեր և արտահայտություններ, որոնք ուսուցանում են ձեզ Հիսուս Քրիստոսի և Նրա բնավորության մասին:
-
Ի՞նչ ճշմարտություններ գտաք այս հատվածներում։
Առաջարկեք ուսանողներին կիսվել իրենց գտած ճշմարտություններով։ Դա անելու եղանակներից մեկը հետևյալն է․ յուրաքանչյուր ուսանողի մի փոքր թերթիկ տվեք։ Այնուհետև ուսանողները կարող են գրել իրենց գտած ճշմարտությունը թերթիկի վրա և ցուցադրել այն գրատախտակին: Դասարանային քննարկումը խթանելու համար գրատախտակին ընտրեք մի քանի ուսանողի գրառում և առաջարկեք կիսվել, թե ինչու է կարևոր հասկանալ Հիսուս Քրիստոսի մասին այդ ճշմարտությունը: (Նշում․ Վարդապետություն և Ուխտեր 19․16–19 հաջորդ դասի հիմնական թեման է: Ապաշխարության և Փրկչի Քավության մասին մանրամասն քննարկումները կարող եք պահել այդ դասի համար:)
Եթե ուսանողները չնշեն, ապա դուք նշեք հետևյալ ճշմարտությունը. Հիսուս Քրիստոսը խոնարհաբար ենթարկեց Իր կամքը Երկնային Հորը (հատվածներ 2, 19, 24)։ Կարող եք խրախուսել ուսանողներին այս հատվածներում նշել այն բառերը, որոնք արտացոլում են այս ճշմարտությունը:
-
Ի՞նչ է նշանակում՝ Հիսուս Քրիստոսը ենթարկեց Իր կամքը Երկնային Հորը։
-
Ձեր կարծիքով, Իր մասին Հիսուս Քրիստոսի ուսուցանածն ինչպե՞ս կարող էր օգնել Մարտինին այդ իրավիճակում: Այն ինչպե՞ս կարող է օգնել մեզ, երբ մեզ խնդրում են դժվար զոհաբերություններ կատարել:
Կենտրոնացեք Հիսուս Քրիստոսի վրա. Հետևյալ վարժությունն օգնում է ուսանողներին կենտրոնանալ Հիսուս Քրիստոսի վերաբերյալ իրենց ուսումնասիրության վրա: Դրա կիրառման վերաբերյալ լրացուցիչ ուսուցման համար տես «Օգնեք սովորողներին իրենց կամքով ձգտել ավելի նմանվել Հիսուս Քրիստոսին» ուսուցումը՝ Ուսուցչի զարգացման հմտություններ նյութի մեջ։ Այս ուսուցումը կօգնի ձեզ սովորել կիսվել ուսանողների հետ, թե նրանք ինչպես են ավելի շատ նմանվում Հիսուս Քրիստոսին և խրախուսել նրանց շարունակական ջանքերը:
Որպեսզի օգնեք ուսանողներին զգալ Իր Հորը ենթարկվելու Փրկչի ցանկության խորությունն ու հաստատակամությունը, կարող եք դասարանը բաժանել երեք խմբի: Յուրաքանչյուր խմբին հանձնարարեք հետևյալ թեմաներից մեկը և խնդրեք կարդալ նշված հատվածները: Հատվածները կարդալուց հետո խմբերը կարող են քննարկել, թե ինչ սովորեցին Փրկչի և Իր Հոր փոխհարաբերությունների մասին:
Նախաերկրային կյանք․ Մովսես 4․1–2, 3 Նեփի 1․13–14
Մահկանացու ծառայություն․ Հովհաննես 6․38, 8․28–29, Մոսիա 15․7–8
Հետմահկանացու կյանք․ 3 Նեփի 11․10–11
Կարող եք առաջարկել ուսանողներին նոր խմբեր կազմել այն դասընկերների հետ, որոնք ուսումնասիրել են մյուս երկու թեմաների համար նշված հատվածները: Նոր խմբերում ուսանողները կարող են հերթով կիսվել նախորդ խմբերում իրենց քննարկածով:
Հնազանդվելու որոշում
Կարող եք ցուցադրել հետևյալ խոսքերը և առաջարկել ուսանողներին դասընկերոջ հետ քննարկել դրանց տակ գտնվող երկու հարցերը:
Տասներկու Առաքյալների Քվորումից երեց Նիլ Ա. Մաքսվելն (1926–2004) ուսուցանել է.
Մեր կամքի ենթարկումը միակ՝ իսկապես բացառիկ անձնական բանն է, որ մենք կարող ենք դնել Աստծո խորանի վրա: Շատ այլ բաներ, որոնք մենք «տալիս ենք» … իրականում այն բաներն են, որոնք Նա նախապես տվել է մեզ: Ինչևէ, երբ ես և դուք, ի վերջո, ենթարկենք մեզ, թույլ տալով, որ մեր անձնական կամքը կուլ գնա Աստծո կամքին, ապա մենք իսկապես ինչ-որ բան կտանք Նրան: Դա միակ ունեցվածքն է, որ իսկապես մերն է, և որը մենք կարող ենք տալ: (Նիլ Ա. Մաքսվել «Swallowed Up in the Will of the Father», Ensign, նոյեմբեր 1995 թ․, 24)
-
Ձեր կարծիքով, սեփական կամքը ենթարկելը ինչո՞վ է տարբերվում հասարակ հնազանդությունից՝ ինչպես ուսուցանել է երեց Մաքսվելը։
-
Ե՞րբ եք տեսել որևէ մարդու, որը հետևում է Փրկչի օրինակին՝ ենթարկելով իր կամքը Աստծուն, նույնիսկ երբ դժվար էր:
Դասը ավարտելով՝ գրատախտակին կարող եք ցուցադրել հետևյալ արտահայտությունը. Առաջարկեք ուսանողներին գալ գրատախտակի մոտ և ընդգծել այն արտահայտությունները, որոնք, իրենց կարծիքով, կատարվել են իրենց կյանքում, երբ իրենք ենթարկվել են Աստծո կամքին: Կարող եք նաև վկայել այն մասին, թե ինչպես եք օրհնվել՝ հետևելով Երկնային Հոր կամքին ենթարկվելու Փրկչի օրինակին։
Նախագահ Էզրա Թավտ Բենսոնը (1899–1994) վկայել է.
Տղամարդիկ և կանայք, որոնք իրենց կյանքը նվիրում են Աստծուն, կհայտնաբերեն, որ Նա կարող է իրենց կյանքից շատ ավելի մեծ բան ստեղծել, քան իրենք են ունակ: Աստված կխորացնի նրանց ուրախությունները, կընդլայնի նրանց տեսադաշտը, կարագացնի նրանց միտքը, … կբարձրացնի նրանց ոգին, կբազմապատկի նրանց օրհնությունները, կմեծացնի նրանց հնարավորությունները, կմխիթարի նրանց հոգիները, կգտնի ընկերներ և խաղաղություն կհեղի նրանց վրա։ Նա, ով կկորցնի իր կյանքը Աստծո ծառայության մեջ, կգտնի հավերժական կյանք: (Եկեղեցու նախագահների ուսմունքները. Էզրա Թաֆտ Բենսոն [2014 թ․], 42–43)