Վարդապետություն և Ուխտեր 19

Վարդապետություն և Ուխտեր 19

Ակնարկ

Մարտին Հարրիսը Մարգարե Ջոզեֆ Սմիթին խնդրեց, որ հայտնություն ստանա Տիրոջ կողմից, երբ հասկացավ, որ կարող է կորցնել իր ագարակը՝ Մորմոնի Գրքի տպագրության գումարը վճարելու համար: Վարդապետություն և Ուխտեր 19 բաժնում Փրկիչը պատմեց, թե Ինքն ինչպես որոշեց ենթարկվել Երկնային Հոր կամքին և զորություն ձեռք բերեց՝ հաղթահարելու բոլոր բաները: Տերը խորհուրդ տվեց Մարտինին ապաշխարել և կատարել այն զոհաբերությունը, որը պահանջվում է տպագրատանն ունեցած պարտքը վճարելու համար:

Կենտրոնացեք Հիսուս Քրիստոսի վրա․ Հիսուս Քրիստոսի մասին սովորելը կարող է ոգեշնչել մեզ ավելի շատ նմանվել Նրան: Բայց մենք նմանվում ենք Նրան միայն այն ժամանակ, երբ գործում ենք հավատքով՝ թե դասարանում, թե դասից դուրս: Լրացուցիչ տեղեկությունների համար տես «Օգնեք սովորողներին իրենց կամքով ձգտել ավելի նմանվել Հիսուս Քրիստոսին» բաժինը «Ուսուցանել Փրկչի ձևով» ձեռնարկում։ Դա անելու օրինակ կարող եք տեսնել այս շաբաթվա դասում, որը վերնագրված է «Վարդապետություն և Ուխտեր 19․1–24, Մաս 1»։

Պատրաստվեք ուսուցանել

Հետևյալ տեղեկությունները ձեզ հուշում են, թե ինչ պետք է նախապատրաստեք յուրաքանչյուր դասի համար:

Վարդապետություն և Ուխտեր 19.1–24, Մաս 1

Դասի նպատակը․ օգնել մեծացնել ուսանողների ցանկությունը՝ հետևելու Երկնային Հոր կամքին ենթարկվելու Հիսուս Քրիստոսի օրինակին:

• Ուսանողի նախապատրաստում․ կարող եք առաջարկել ուսանողներին մտածել այն դեպքերի մասին, երբ երիտասարդները գայթակղվում են անել այն, ինչ իրենք են ուզում, այլ ոչ թե այն, ինչ Տերն է ցանկանում:

• Բովանդակություն ցուցադրման համար․ Նախագահ Էզրա Թաֆտ Բենսոնի խոսքերը

Վարդապետություն և Ուխտեր 19.1–24, Մաս 2

Դասի նպատակը․ օգնել ուսանողներին ավելի խորը գնահատել Փրկչի ապաշխարության պարգևը, որը հնարավոր է դառնում Նրա մեծ քավող զոհաբերության շնորհիվ:

• Ուսանողի նախապատրաստում․ կարող եք առաջարկել ուսանողներին կարդալ Ալմա 36.12–21 հատվածները՝ փնտրելով, թե Ալման ինչու զգաց և ահռելի վիշտ, և սքանչելի ուրախություն իր ապաշխարության մեջ:

• Բովանդակություն ցուցադրման համար. ելույթներ և խոսքեր ապաշխարության մասին

• Նյութեր. թղթի կես թերթիկներ

• Տեսանյութ․ «Որովհետև Աստված այնպես սիրեց աշխարհը» (4:48, դիտել 1:56-4:48-ը)

• Աշխատաթերթ․ «Հիսուս Քրիստոսը և մեր ապաշխարությունը»

Վարդապետություն և Ուխտեր 19․25–41

Դասի նպատակը․ օգնել ուսանողներին հետևել Փրկչի օրինակին՝ զոհաբերելու այն ամենը, ինչ Երկնային Հայրը խնդրում է մեզանից:

• Ուսանողի նախապատրաստում․ կարող եք առաջարկել ուսանողներին հարցնել Եկեղեցու վստահելի մի անդամի, թե ինչ զոհաբերություններ է նա կատարել որպես Տիրոջ աշակերտ:

• Բովանդակություն ցուցադրման համար. հուշումներ ուսումնական օրագրի վարման վերաբերյալ

Գնահատեք ձեր գիտելիքները 2

Դասի նպատակը․ օգնել ուսանողներին հիշել և գնահատել, թե Վարդապետություն և Ուխտեր գրքի ուսումնասիրության իրենց փորձառությունները մինչ այժմ ինչպես են օգնել իրենց աճել հոգևորապես:

• Ուսանողի նախապատրաստում․ կարող եք առաջարկել ուսանողներին խորհել սեմինարիայի՝ վերջին շրջանի մի դասի մասին, որը հատկապես ազդեցիկ էր իրենց համար: Նրանք կարող են խորհել այդ դասի արդյունքում տեղի ունեցած ցանկացած փոփոխության մասին:

• Նյութեր․ փոքր թերթիկներ

• Նկարներ. Մորոնին հայտնվում է Ջոզեֆ Սմիթին, Ջոզեֆ Սմիթը և Օլիվեր Քաուդերին թարգմանում են թիթեղները, Երեք Վկաները տեսնում են թիթեղները, մարդու գծապատկեր՝ մտքի և սրտի նշանով