Mataupu Faavae ma Feagaiga 20–22

Mataupu Faavae ma Feagaiga 20–22

Vaaiga Aoao

E lei leva ona uma le lolomiga o le Tusi a Mamona, ae faatulagaina le Ekalesia a le Faaola i le aso 6 Aperila, 1830, i Feiete, Niu Ioka. O faaaliga o loo tusia i le Mataupu Faavae ma Feagaiga 20–22 ua tuuina mai ai le fautuaga a le Alii mo le Ekalesia fou ua faatulagaina. I nei vaega, tatou te aoao ai faamatalaga taua, e pei o agavaa mo le papatisoga i le Ekalesia a le Faaola, o le faaupuga o tatalo o le faamanatuga, ma le fautuaga a le Alii i le Ekalesia ia maua upu a Lana Perofeta “i le onosai ma le faatuatua atoa” (Mataupu Faavae ma Feagaiga 21:5).

Faamalosia tagata aoao e faasoa mai upumoni o loo latou aoaoina: E finagalo le Alii i tagata uma—e le na o Ana perofeta—ia maua le mana e tautala atu ai i Lana afioga. E finagalo o Ia mo i tatou uma, e aofia ai tagata o loo e aoaoina (tagai i le Mataupu Faavae ma Feagaiga 1:20–21). O se tasi o auala e mafai ona tatou fesoasoani ai i tagata aoga e faia lenei mea o le faia lea o ni talanoaga lea e mafai ai ona latou faataitai ona faamalamalama atu le talalelei i isi. Mo nisi faamatalaga i le ala na faia ai e le Faaola lenei mea, tagai i le vaega lea “Na Faamalosi le Faaola i Isi e Faasoa atu Mea Moni o loo latou Aoaoina” i totonu o le Aoao atu i ala o le Faaola. E mafai foi ona e vaai i se faataitaiga o le auala e faia ai lenei mea i le lesona i lenei vaiaso ua faaulutalaina Mataupu Faavae ma Feagaiga 20:1–36.

Ia sauni e aoao atu

O lenei faamatalaga e tuuina atu ni manatu o mea atonu e te manaomia ona muai saunia mo lesona taitasi.

Mataupu Faavae ma Feagaiga 20:1–36

Faamoemoega o le lesona: O lenei lesona ua faamoemoe e fesoasoani i tagata aoga ia malamalama i le taua o le Ekalesia a le Faaola.

• Sauniuniga a le tagata aoga: Mafaufau e valaaulia tagata aoga e mafaufau pe faapefea ona latou tali atu i se tasi na fesili pe aisea e tatau ai ona auai i se ekalesia.

• Vitio: “O le Manaoga mo se Ekalesia” (15:42; matamata mai le faailo taimi 0:00 i le 0:48)

• Pepa e tufa atu: “Aisea e i ai ai se Ekalesia a le Faaola?”

Mataupu Faavae ma Feagaiga 20:37, 68–79

Faamoemoega o le lesona: O lenei lesona e mafai ona fesoasoani i tagata aoga e iloilo ai pe o faapefea ona latou ausia faamoemoega o le Alii mo tagata o Lana Ekalesia.

• Sauniuniga a le tagata aoga: E mafai ona e valaaulia tagata aoga e faitau le Mataupu Faavae ma Feagaiga 20:37, 68–79 ma fai atu ia i latou e vaavaai mo taiala ua saunia e le Alii mo i latou o e mananao e auai i Lana Ekalesia ma i latou o e auai i Lana Ekalesia.

• Ata: O se tasi i le aso o lo latou papatisoga.

• Pepa e tufa atu: “Aoaoga e uiga i le Papatisoga ma le Faamanatuga i le Mataupu Faavae ma Feagaiga 20”

• Anotusi e faaali atu: Faatonuga mo tagata aoga e iloilo i latou i le faaiuga o le lesona.

Mataupu Faavae ma Feagaiga 21

Faamoemoega o le lesona: O lenei lesona e mafai ona fesoasoani i tagata aoga e mulimuli ai i upu a perofeta a le Alii i le onosai ma le faatuatua.

• Sauniuniga a le tagata aoga: Valaaulia tagata aoga e o mai saunia e faasoa mai pe na faapefea ona faamanuiaina i latou po o se tasi latou te iloa e ala i le mulimuli i se perofeta.

• Vitiō: “O Perofeta a le Atua” (15:55; matamata mai le faailotaimi 11:51 e oo i le 12:17)

• Aitema e aumai: Kopi o le Mo le Malosi o le Autalavou: O Se Taiala mo le Faia o Filifiliga(2022) mo tagata aoga o e atonu e le maua ni masini faatekinolosi.