36-р хичээл: Сургаал ба Гэрээ 20–22

Сургаал ба Гэрээ 20:37, 68–79

Баптисм ба ариун ёслолын ариун нандин ёслолууд

Их Эзэн Сургаал ба Гэрээ 20 дээрх бошиглогч Иосеф Смитэд өгсөн илчлэлтэд баптисм, гишүүний баталгаа болон ариун ёслолын ёслолуудыг тайлбарласан. Энэ хичээл нь суралцагчдад Их Эзэний Сүмийн гишүүний хувьд Түүний хүлээлтэд хэрхэн нийцэж байгаагаа үнэлэхэд тусална.

Суралцагчийн бэлтгэл: Суралцагчид Сургаал ба Гэрээ 20:37, 68–79-ийг уншиж болно. Их Эзэний Өөрийн Сүмийн гишүүд болон Сүмд нэгдэхийг хүссэн хүмүүст өгсөн удирдамжуудыг хайж олоход суралцагчдыг урь.

Боломжит суралцах үйл ажиллагаа

Баптисмын дараа амьдрал хэрхэн өөрчлөгддөг вэ

Суралцагчдыг дараах асуултын тухай ярилцахаас өмнө хичээлийн эхэнд үзүүлсэн баптисмынхаа өдөр гэсэн зурагтай адил хэн нэгний баптисмын зургийг үзүүл.

• Баптисм хүртэх шийдвэр гаргасны дараа хэн нэгний амьдрал ямар байдлаар өөрчлөгдөж болох вэ?

  Энэ хэлэлцүүлгийн нэг хэсэгт та суралцагчдад баптисм хүртсэн өөрийн таньдаг хүний тухай ярьж өгч болно. Та тухайн хүний талаарх баптисмын өмнө ба дараа гарсан өөрчлөлтийг тодорхойлж болно. Та мөн суралцагчдыг баптисм хүртэх шийдвэр гаргасан нь тэдний амьдралд хэрхэн нөлөөлсөн талаар тунгаан бодож, хуваалцахад урьж болно.

• Тэнгэрлэг Эцэг, Есүс Христ хоёрын хувьд баптисмын ёслол яагаад чухал гэж та бодож байна вэ?

Өнөөдрийн хичээлээр юу судлах тухай танилцуулахад туслах дараах догол мөрийг суралцагчидтай хуваалц.

Сургаал ба Гэрээ 20 нь Аврагчийн Сүмийг зохион байгуулах талаарх зааврыг агуулдаг. Зааварчилгааны нэг хэсэгт Их Эзэн баптисмын ёслолын ач холбогдлыг бидэнд ойлгуулахад туслах чухал сургаалуудыг хуваалцав. Тэрээр бидэнд баптисм хүртсэний дараа долоо хоног бүр ариун ёслолоос хүртэх ариун ёслолын чухал үнэнүүдийг заасан. Аврагчийн үгсийг судалж байхдаа таны амьдралд эдгээр ёслол ямар ач холбогдолтой болохыг таньж мэдэхэд туслах Сүнсний өдөөлтөд анхаарлаа хандуулаарай.

Баптисм ба ариун ёслолын тухай Аврагчийн сургаалууд

Суралцагчдыг хос хосоор нь эсвэл жижиг бүлгүүдэд хуваарил. Суралцагч бүрд хичээлийн тараах материалыг өгөөд, тараах материал дээрх үйл ажиллагааг дуусгахын тулд хамтран ажиллахад суралцагчдыг урь. Бүлэг бүрийн нэг суралцагчийг удирдагчаар сонгох нь тустай байж болох юм.

Олон сонголт өгөхийн тулд суралцагчдыг нэг хэсгийг дуусгасных нь дараа түр зогсоогоод, өөр хамтрагчтай болго эсвэл өөр өөр бүлэгт хуваарил.

Сургаал ба Гэрээ 20 дээрх “Баптисм ба ариун ёслолын тухай сургаалууд

Сургаал ба Гэрээний семинарын багшийн гарын авлага—Сургаал ба Гэрээ 20:37, 68–79

1-р хэсэг: Баптисмд тавигдах шаардлагууд

Сургаал ба Гэрээ 20:37-г уншаад, баптисмын шаардлагыг хангахын тулд юу хийх ёстойг олж мэд.

Ойлгохгүй үг гарвал тухайн үгийн тодорхойлолтыг хараарай. Доорх зайд баптисмын шаардлагуудыг жагсаан бич. Та зарим шаардлагыг өөрийн үгээр бичиж болно.

• Эдгээр шаардлага нь Их Эзэний тухай болон биднийг гэсэн Түүний хүслийн талаар юу зааж байна вэ?

• Баптисм хүртсэнийхээ дараа ч эдгээр шаардлагыг санадаг байх нь бидэнд хэрхэн тустай байх вэ?

37-р шүлэг дээрээс хоёр эсвэл гурван шаардлагыг сонго. Уг шаардлагуудад нийцүүлэхийг тууштай хичээх нь танд Тэнгэрлэг Эцэг, Есүс Христ хоёртой илүү адил болоход хэрхэн тустай байх талаар ярилц.

2-р хэсэг: Баптисмын дараа тавигдах шаардлагууд

Сургаал ба Гэрээ 20:68–69-ийг уншаад, баптисм хүртсэний дараа Их Эзэн биднээс юу хийхийг хүсдэгийг олж тогтоо.

• Баптисм хүртсэнийхээ дараа бид Их Эзэнд зохистой байдлаа хэрхэн харуулах талаар та 69-р шүлгээс юу сурсан бэ?

69-р шүлэг дэх “бурханлаг алхаа хийгээд яриа” гэсэн үг хэллэгийг тэмдэглэх талаар бодож үз. Хүн “бурханлаг алхаа хийгээд яриа”-г Бурханд нийцдэг үйлдэл, зан байдал, үг хэлээрээ дамжуулан харуулж чадна.

• Их Эзэн баптисм хүртсэний дараа “бурханлаг алхаа хийгээд яриа”-г харуулахыг Өөрийн Сүмийн гишүүдээс хүсдэг ямар шалтгаан байдаг гэж та бодож байна вэ?

Бид амьдралдаа “бурханлаг алхаа хийгээд яриа”-г харуулахад тусалж болох ядаж гурван тодорхой жишээг ярилц. Та энэ шаардлагуудыг өөрийн амьдрал дээр хэрхэн харуулахыг хичээж байсан арга замуудынхаа талаар жишээ хуваалцаж болно.

3-р хэсэг: Ариун ёслолоос хүртэх

Сургаал ба Гэрээ 20:75-ыг уншаад, ариун ёслолын тухай Их Эзэний өгсөн зааврыг олж мэд.

• Их Эзэн яагаад биднийг долоо хоногт нэг удаа цугларч ариун ёслолоос хүртэхийг хүсдэг гэж та бодож байна вэ?

77, 79-р шүлэгт ариун ёслолыг гүйцэтгэх үед санваартнуудад өгөхийг Их Эзэнээс зааварласан залбирлууд багтсан байдаг. Бид ариун ёслолоос хүртэхдээ, баптисм хүртэж, гишүүнээр батлуулах үедээ байгуулсан гэрээгээ шинэчилдэг. Бид гэрээгээ сахиж, өдөр бүр наманчилснаар баптисмаар ирдэг цэвэршүүлэлт, адислалуудыг олж авдаг.

Сургаал ба Гэрээ 20:77, 79-р шүлгүүдийг уншаад, ариун ёслолоос хүртэхэд Их Эзэний бидэнд өгдөг амлалт мөн бид ямар амлалт өгдөг тухай хайж ол. Тэдгээр амлалтыг судрууд дээрээ тэмдэглэхийг бод.

• Бид Есүс Христийн нэрийг өөрсөд дээрээ авахад бэлэн байгаагаа хэрхэн харуулах вэ?

• Бид Бурханыг хайрладаг гэдгээ ямар арга замаар харуулж болох вэ?

Ариун ёслол нь Аврагчийн бидэнд зориулсан хайр, нигүүлслийг хэрхэн харуулдаг вэ?

© 2023 by Intellectual Reserve, Inc. All rights reserved.

Сурсан зүйлсээ ашиглах

Суралцагчдад өмнөх судлах үйл ажиллагаанаас сурч мэдсэн болон мэдэрсэн зүйлээ хуваалцах боломжийг олго. Энэ ярилцлагын нэг хэсэг болгон дараах асуултуудаас нэг эсвэл хэд хэдийг асууж болно.

• Эдгээр шүлгийг судлах үед танд ямар бодол сэтгэгдэл төрсөн бэ?

• Та энэ хэсгээс Аврагчийн сургаалыг судалж байхдаа Түүний талаар юу сурч мэдсэн бэ?

• Та ариун ёслол болон баптисмын ёслолуудын ач холбогдлын талаар өнөөдөр юу сурч, мэдэрсэн бэ?

  Суралцагчдыг өнөөдөр сурсан шалгууруудын дагуу хэр сайн амьдарч байгаа эсэхээ дотроо үнэлэхэд урь. Ийн үйлдэх нэг арга зам нь дараах заавруудыг харуулж, суралцагчдыг судлах тэмдэглэлдээ хариултаа бичихэд урих юм.

• Өнөөдрийн судалсан (Сургаал ба Гэрээ 20:37, 68–69, 75–79) дээрх шүлгүүдэд жагсаасан үг хэллэгүүдээс таны сайн хийж байгаа зүйлийг тодорхойлсон үг хэллэгүүдийг олоорой. Судлах тэмдэглэлдээ энэ үг хэллэгийг жагсаагаад, яагаад үүнийг тустай гэж бодож буйгаа тайлбарла.

• Эдгээр шүлгээс таны сайжруулахыг хүсэж байгаа зүйлийг тодорхойлсон үг хэллэгийг ол. Судлах тэмдэглэлдээ яагаад үүнийг сонгосноо тайлбарлаж, уг үг хэллэгийг жагсааж бич.

• Сонгосон чиглэл дээрээ сайжруулах хэрэгтэй тодорхой зорилго тавь.

Суралцагчдыг өөрсдийн тавьсан зорилгоо биелүүлэхэд урамшуулан дэмж. Тэднийг Аврагчтай байгуулсан гэрээгээ сахихаар хичээх үед Тэр тусалдаг ба тэдэнд хайртай гэдгийг гэрчил.

Нэмэлт эх сурвалж

Сургаал ба Гэрээ 20:37. “Харууссан зүрх болоод гэмшсэн сэтгэлтэй” байх гэдэг нь юу гэсэн утгатай вэ?

Арван хоёр төлөөлөгчийн чуулгын ахлагч Д.Тодд Кристоффэрсон ийн тайлбарласан.

When Thou Art Converted

Plead with God in the name of Christ to write the gospel in your mind that you may have understanding and in your heart that you may love to do His will.

Та хөрвөлтийн адислалыг эрэлхийлэхдээ, Их Эзэнд харууссан буюу наманчлагч зүрхийг мөн гэмшсэн, дуулгавартай сэтгэлийг өргөж чадна. Үнэндээ энэ нь таны хэн болох, хэн болж буйгаа харуулсан буюу өөрийгөө өгч байгаа бэлэг юм. (D. Todd Christofferson, “When Thou Art Converted,” Liahona, May 2004, 12)

Далын ахлагч Брүс Д.Портэр (1952-2016) ийн заасан.

A Broken Heart and a Contrite Spirit

Those who have a broken heart and a contrite spirit are willing to do anything and everything that God asks of them.

Харууссан зүрх, гэмшсэн сэтгэлтэй хүмүүс Бурханы өөрсдөөс нь хүссэн ямар ч зүйлийг болон юуг ч эсэргүүцэж, дургүйцэхгүй хийхэд бэлэн байдаг. Бид аливаа зүйлийг өөрсдийн арга замаар хийхээ больж, оронд нь Бурханы арга замаар хийж сурдаг. Ийм байдлаар захирагдах үед Цагаатгал хүчин төгөлдөр болж, наманчлал жинхэнээсээ гүйцэлддэг. (Bruce D. Porter, “A Broken Heart and a Contrite Spirit,” Liahona, Nov. 2007, 32)

Сургаал ба Гэрээ 20:75. Хамтдаа ойр ойрхон цугларч, [ариун ёслолоос] хүртэх нь яагаад чухал вэ?

Арван хоёр төлөөлөгчийн чуулгын ахлагч Мэлвин Ж.Баллард (1873-1939) ийн заажээ.

Эрэгтэй, эмэгтэй бүх хүний аюулгүй байдлынхаа төлөө хийж чадах нэг зүйл бол хүндэтгэлийн өдөр бүр ариун ёслолын ширээний өмнө ирэх явдал юм. Нэг долоо хоногт бид тийм ч хол алслагдахгүй—өөрсдийгөө хянаснаар, үйлдсэн буруу зүйлсээ залруулах боломжгүй болтлоо хол алслагдахгүй. … Ариун ёслолын ширээ рүү хүрэх зам бол хожмын үеийн гэгээнтнүүдийн аюулгүй байх зам юм. (Melvin J. Ballard, “The Sacramental Covenant,” in Bryant S. Hinckley, Sermons and Missionary Services of Melvin Joseph Ballard [1949], 151)

Сургаал ба Гэрээ 20:77. Есүс Христийн нэрийг өөрсөд дээрээ авах хүсэлтэй байна гэдэг нь юу гэсэн үг вэ?

Тэргүүн зөвлөлийн ерөнхийлөгч Даллин Х.Өүкс ийн заасан.

Есүс Христийн нэрийг өөр дээрээ авах гэдэг нь дор хаяж гурван утгыг [илэрхийлдэг]. … Нэгдүгээрт, бид Түүний нэр, сайн мэдээг тунхаглаж, гэрчилдэг дэлхий даяарх Сүмийн гишүүдийн хувьд Есүс Христэд итгэгч гэдгээ харуулахад бэлэн гэдэг өөрсдийн хүслийг илэрхийлдэг. Хоёрдугаарт, бид Бурханы хүүхдүүдэд мөнх амьдралыг тохиолгон авчрах Аврагчийн [ажлыг]… өөрсөд дээрээ авах хүслээ илэрхийлдэг. … Гуравдугаарт, селестиел хаант улсын өргөмжлөлийн шалгуурыг хангахын тулд бид хичээдэг гэдгийг гэрчилдэг. (Dallin H. Oaks, His Holy Name [1998], 66–67)

Сургаал ба Гэрээ 20:77. Би “үргэлж Түүнийг санах болно” гэсэн Аврагчийн зарлигийг хэрхэн дагах вэ?

Арван хоёр төлөөлөгчийн чуулгын ахлагч Дэвид А.Бэднар ийн заасан.

Бидний залбирч, судраас судалдаг шалтгаануудыг тунгаан бод. … Энэ ариун дадлууд үндсэндээ бид Тэнгэрлэг Эцэг болон Түүний Хайрт Хүүг үргэлж санадаг арга зам, мөн Ариун Сүнсний байнгын нөхөрлөлийг амьдралынхаа хэв маяг болгоход урьдчилан өгөгдсөн нөхцөл юм. (Дэвид А.Бэднар, “Ариун Сүнсийг хүлээн авах нь,” 2010 оны 10-р сарын Ерөнхий чуулган, 104–107)

Нэмэлт суралцах үйл ажиллагаа

Үг хэлэхэд бэлтгэ

Та хайртай хэн нэгнийхээ баптисм эсвэл ариун ёслолын цуглаанд баптисмын тухай үг хэлэхийг хэн нэгэн танаас асуусан гэж төсөөлөхөд суралцагчдаа урьж болно. Тэднийг Сургаал ба Гэрээ 20:37, 68–79-ийг судлаад, гурваас таван минутын хэлэх үг бэлдэхэд урь. Та суралцагчдын бэлтгэлийг чиглүүлэхэд туслах дараах асуултуудыг үзүүлж болно.

• Баптисмын шаардлагыг хангахын тулд хэрхэн бэлтгэх хэрэгтэй вэ?

• Баптисмыг хэрхэн гүйцэтгэх ёстой вэ?

• Их Эзэн баптисмын дараа гишүүдээс юу хийхийг хүсдэг вэ?

• Ариун ёслол баптисмтай хэрхэн холбогддог вэ?

• Баптисмын ёслол болон ариун ёслол таны амьдралд хэрхэн нөлөөлсөн бэ?

Та хуваалцах хүсэлтэй байгаа суралцагчдад бэлдсэн үгээ ангийнхантайгаа эсвэл жижиг бүлгүүд дотроо хуваалцах боломжийг олгож болно.

Сургаал ба Гэрээ 20:37, 77. Есүс Христийн нэрийг өөрсөд дээрээ авах

Суралцагчдыг Сургаал ба Гэрээ 20:37 ба 77-р шүлэгт давтагдсан үг хэллэгүүдийг олоход урь. Суралцагчдыг Есүс Христийн нэрийг өөрсөд дээрээ авах гэдэг нь ямар утга учиртай болохыг эргэцүүлэн бодож, хуваалцахыг хүс. Суралцагчдад уг ойлголтыг гүнзгий ойлгоход нь туслахын тулд ямар нэгэн брэндийн нэртэй эсвэл тухайн эд зүйлийн эзнийх нь нэртэй эд зүйл үзүүлэхийг бодож үз. Уг нэр нь тухайн зүйлийн талаар юу хэлж байгааг бодоход суралцагчдыг урь. Энэ нь Есүс Христийн нэрийг өөрсөд дээрээ авах гэдэг ойлголттой хэрхэн холбогдож байна вэ?

Та мөн суралцагчдыг “Нэмэлт эх сурвалж” дахь ерөнхийлөгч Даллин Х.Өүксийн хэлсэн үг рүү чиглүүлж болох юм.

Сургаал ба Гэрээ 20:77, 79. Ариун ёслолын залбирлын үгс

Суралцагчдыг ариун ёслолын залбирлын үгсийг судлах үедээ чухал санагдсан тодорхой үг хэллэгүүдийг хуваалцахад урь. Та эдгээр залбирлын ямар үгс Есүс Христийн тухай зааж байгааг хуваалцахыг тэднээс хүсэж болно.

Ариун ёслолын залбирлын зарим түлхүүр үгийн дараах тодорхойлолтуудыг үзүүлэхийг бод.

• Адислах: Ариун болгох эсвэл өршөөл үзүүлэх

• Ариулах: Ариун эсвэл ариусгах

• Бодгаль: Сүнс ба бие махбод

• Гэрчлэх: Бататгах эсвэл гэрчлэх

• Хүсэл: Хүсэж тэмүүлэх эсвэл шийдэмгий байх

• Үргэлж: Бүх цагт

• Дурсан санах: Санах, дахин бодох

• Дагах: Дуулгавартай байх

Суралцагчдыг 77, 79-р шүлгүүд дээрх түлхүүр үгсийг дээрх тодорхойлолтоор солиод, дахин уншихад урь. Иймэрхүү аргаар залбирлыг уншихад тэд ямар нэмэлт ойлголт олж авсныг асуу.