Դաս 37. Վարդապետություն և Ուխտեր 20–22

Վարդապետություն և Ուխտեր 21

Մարգարեների խոսքերն ընդունենք համբերությամբ և հավատքով

Վարդապետություն և Ուխտեր 21 բաժինը ստացվել է 1830 թվականի ապրիլի 6-ին՝ Հիսուս Քրիստոսի Վերջին Օրերի Սրբերի Եկեղեցու կազմավորման օրը: Այս հայտնության մեջ Փրկիչը հրահանգեց Իր Եկեղեցու անդամներին հետևել Իր մարգարեի խորհրդին: Այս դասը կօգնի ուսանողներին համբերությամբ և հավատքով հետևել Տիրոջ մարգարեների խոսքերին:

Հնարավոր ուսումնական վարժություններ

Հետևեք խորհրդին

Ցուցադրեք հետևյալ սցենարը: Դուք կարող եք նաև ստեղծել այլ սցենար, որը ավելի է համապատասխանում ձեր ուսանողների հանգամանքներին:

Պատկերացրեք, որ գերագույն համաժողովը լսելիս ձեր ընկերոջից ստանում եք հետևյալ տեքստային հաղորդագրությունը. «Լսեցի՞ր, թե ինչ ասաց մարգարեն: Վստահ չեմ, որ ես համաձայն եմ դրա հետ»:

• Ձեր կարծիքով, ի՞նչ կզգայիք, եթե ստանայիք նման հաղորդագրություն:

• Ձեր ընկերոջ համար ինչի՞ մասին կարևոր կլինի մտածել նախքան որոշելը՝ հետևե՞լ մարգարեի խորհրդին, թե՞ ոչ:

Բացատրեք ուսանողներին, որ այսօր նրանք կուսումնասիրեն Տիրոջ մի քանի ուսմունք Իր մարգարեների մասին: Առաջարկեք նրանց լուռ դիտարկել, թե որքան կարևոր է իրենց համար հետևել մարգարեների խորհրդին: Խրախուսեք նրանց փնտրել ճշմարտություններ, որոնք կօգնեն մեծացնել Տիրոջ մարգարեներին հետևելու իրենց պատրաստակամությունն ու կարողությունը:

Ողջ համբերությամբ ու հավատքով

Այն օրը, երբ կազմավորվեց Հիսուս Քրիստոսի Վերջին Օրերի Սրբերի Եկեղեցին՝ 1830 թվականի ապրիլի 6-ին Տերը Ջոզեֆ Սմիթին տվեց մի հայտնություն, որը նկարագրված է Վարդապետություն և Ուխտեր 21 բաժնում։ Այս հայտնության մի հատվածում Տերը կարևոր խորհուրդ տվեց մարգարեին հետևելու վերաբերյալ:

Կարդացեք Վարդապետություն և Ուխտեր 21․1–3 հատվածները՝ ուշադրություն դարձնելով, թե ինչ տիտղոսներ է Տերը օգտագործել մարգարե Ջոզեֆ Սմիթի մասին խոսելիս։

• Ելնելով այս տիտղոսներից, Տիրոջ՝ նոր կազմավորված Եկեղեցու անդամների համար ինչո՞ւ էր օրհնություն Աստծո կողմից կանչված մարգարե ունենալը:

Վարդապետություն և Ուխտերի 21․4–6-ը վարդապետության սերտման հատված է: Առաջարկեք ուսանողներին նշել սուրբ գրությունների սերտման հատվածները տարբերակիչ ձևով, որպեսզի կարողանան հեշտությամբ գտնել:

Կարդացեք Վարդապետություն և Ուխտերի 21․4–5 հատվածները՝ փնտրելով, թե ինչ խորհուրդ է տվել Տերը Սրբերին այն մասին, թե նրանք ինչպես պետք է ընդունեն մարգարե Ջոզեֆ Սմիթի խոսքերը:

Ուսանողների համար օգտակար կլինի հասկանալ, թե ում են վերաբերում դերանունները 4–5 հատվածներում։ Գրատախտակին կարող եք գրել հետևյալ բառերն ու սահմանումները. «դու» (Եկեղեցու անդամներ), «նրա», «նա» (Ջոզեֆ Սմիթ, Մարգարե), «ես», «իմ» (Հիսուս Քրիստոս)։

• Այս հատվածներից ո՞ր բառերն ու արտահայտություններն են առանձնահատուկ ձեզ համար: Ինչո՞ւ։

• Ի՞նչ սովորեցիք այս հատվածներից, որը կարող է օգնել մեկին, ով երկմտում է՝ արդյոք պե՞տք է հետևել Տիրոջ մարգարեների խորհրդին։

Անհրաժեշտության դեպքում մատնանշեք «ողջ համբերությամբ և հավատքով» արտահայտությունը հատված 5-ում։ Նախքան երեց Նիլ Լ. Անդերսենի հայտարարությամբ կիսվելը՝ օգտակար կլինի ուսանողներին հարցնել, թե ինչու երբեմն համբերություն կամ հավատք կարող է պահանջվել՝ Տիրոջ մարգարեների խոսքերին ուշք դարձնելու համար:

Տասներկու Առաքյալների Քվորումից երեց Նիլ Լ. Անդերսենը ուսուցանել է, թե ինչպես կարող ենք համբերություն և հավատք ցուցաբերել, երբ ձգտում ենք հետևել մարգարեին:

Աստծո մարգարեն

Մի զարմացեք, եթե ձեր անձնական տեսակետը սկզբում չի համընկնում Տիրոջ մարգարեի ուսմունքների հետ։ Դրանք սովորելու, խոնարհվելու պահեր են, երբ մենք ծնկի ենք իջնում՝ աղոթելու։ Մենք առաջ ենք գնում հավատքով, վստահելով Աստծուն, իմանալով, որ ժամանակի ընթացքում ավելի շատ հոգևոր հստակություն կստանանք մեր Երկնային Հորից։ (Նիլ Լ. Անդերսեն «Աստծո մարգարեն», Լիահոնա մայիս 2018 թ., 26)

Առաջարկեք ուսանողներին մտածել մարգարեների և առաքյալների որևէ խորհրդի մասին, որին հետևելը կարող է դժվար լինել իրենց համար: Նրանք կարող են խորհել, թե ինչպես կարող է համբերության և հավատքի ավելացումը օգնել իրենց հետևել մարգարեի խորհրդին:

Տիրոջ մարգարեներին հետևելու օրհնությունները

Կարդացեք Վարդապետություն և Ուխտեր 21․6 հատվածը։ Բացահայտեք այն երեք օրհնությունները, որոնք Տերը խոստացել է նրանց, ովքեր համբերությամբ և հավատքով են ընդունում մարգարեի միջոցով փոխանցված Իր խոսքերը:

• Հիմնվելով հատված 6-ի Տիրոջ ուսմունքների վրա՝ ինչպե՞ս կավարտեիք հետևյալ արտահայտությունը։ Եթե մենք համբերությամբ և հավատքով ընդունենք մարգարեների միջոցով փոխանցված Տիրոջ խոսքերը, …

  Ուսանողները կարող են ավարտել արտահայտությունն այսպես. Եթե մենք համբերությամբ և հավատքով ընդունենք մարգարեների միջոցով փոխանցված Տիրոջ խոսքերը, Նա կցրի խավարի զորությունները, Նա մեզ օրհնություններ կտա երկնքից, և մենք պաշտպանված կլինենք հակառակորդից:

• Ձեր բառերով ինչպե՞ս կամփոփեիք, թե ինչ են նշանակում այս խոստումները

  Ուսանողների համար օգտակար կլինի հասկանալ, որ ցնցվել նշանակում է ապատեղակայել կամ արձակել ինչ-որ բան իր հենարանի վրայից կամ տարայի միջից: Հատվածի մեկնաբանություններից մեկը կարող է լինել այն, որ օրհնություններն իջնում են երկնքից և տրվում նրանց, ովքեր ընդունում են մարգարեի խոսքերը:

• Այս խոստումներն ի՞նչ ճշմարտություններ են օգնում ձեզ հասկանալ Տիրոջ մասին:

• Ինչպե՞ս կարող են այս խոստումները ազդել Տիրոջ մարգարեներին հետևելու մեր ցանկության վրա:

Հետևեք Տիրոջ մարգարեներին այսօր

Հետևյալ վարժությունը կօգնի ուսանողներին գտնել ժամանակակից մարգարեական խորհուրդ, որին նրանք կարող են ձգտել հետևել իրենց կյանքում: Ցուցադրեք հետևյալ ցուցումները և ուսանողներին բավարար ժամանակ հատկացրեք վարժությունը կատարելու համար:

Գտեք ժամանակակից մարգարեների և առաքյալների կողմից տրված մի հրավեր, որը դուք ցանկանում եք փորձել կիրառել ձեր կյանքում: Օգտագործեք Երիտասարդներին զորացնելու համար. Ընտրություն կատարելու ուղեցույցը (2022) կամ վերջին գերագույն համաժողովի ուղերձը՝ համապատասխան խորհուրդ կամ հրավերներ գտնելու համար։

Ուսումնասիրությունից հետո ձեր օրագրում պատասխանեք հետևյալ հարցերին.

• Ի՞նչ հրավեր կամ խորհուրդ գտաք:

• Ինչո՞ւ կարող եք համբերության և հավատքի կարիք ունենալ՝ այդ մարգարեական հրավերին ուշք դարձնելու համար:

• Աստծուց ի՞նչ օրհնություններ կարող եք ստանալ, եթե հետևեք այդ խորհրդին:

• Ի՞նչ հատուկ գործողություններ եք ձեռնարկելու ձեր կյանքում այս խորհրդին հետևելու համար:

Երբ ուսանողներն ավարտեն ուսումնասիրությունը, նրանց հնարավորություն տվեք կիսվելու իրենց ուսումնական օրագրերում գրած պատասխաններով: Այս քննարկման ընթացքում մի քանի ուսանողի կարող եք առաջարկել կիսվել, թե ինչպես են իրենք կամ ուրիշներն օրհնվել՝ մարգարեների քննարկվող խորհրդին ուշք դարձնելու արդյունքում։ Կարող եք նաև ձեր կյանքից որևէ օրինակով կիսվել։

Խրախուսեք ուսանողներին գործել իրենց առջև դրված նպատակին համապատասխան և ուշադրություն դարձնել, թե ինչպես է մարգարեների ուսմունքներին հետևելը ազդում Հիսուս Քրիստոսի հետ իրենց հարաբերությունների վրա: Բացատրեք, որ առաջիկա դասի ժամանակ ուսանողները հնարավորություն կունենան գնահատելու իրենց նպատակին հասնելու առաջընթացը:

Անգիր սովորեք

Կարող եք օգնել ուսանողներին այս դասի ընթացքում անգիր սովորել վարդապետության սերտման հղումը և հիմնական արտահայտությունը, ապա կրկնել դրանք հետագա դասերի ժամանակ: Վարդապետություն և Ուխտեր 21.4–6 հատվածների սուրբգրային հիմնական արտահայտությունը հետևյալն է․ «Մարգարեի խոսքը դուք պետք է ընդունեք, ինչպես որ իմ իսկ բերանից»։ Անգիր սովորելու համար նախատեսված վարժությունների վերաբերյալ գաղափարները ներկայացված են հավելվածի նյութերում՝ «Վարդապետության սերտման կրկնության վարժություններ» բաժնում:

Օժանդակ նյութեր

Որո՞նք են մարգարեին հետևելու օրհնություններից մի քանիսը։

Նախագահ Հարոլդ Բ. Լին (1899–1973) ուսուցանել է.

Միակ ապահովությունը, որ մենք ունենք որպես այս եկեղեցու անդամներ, դա ճշգրտորեն անելն է այն, ինչ Տերն ասել է Եկեղեցուն դրա կազմավորման օրը: Մենք պետք է սովորենք ուշադրություն դարձնել այն խոսքերին և պատվիրաններին, որ Տերը կտա իր մարգարեի միջոցով, «երբ նա ստանա դրանք՝ ողջ սրբությամբ քայլելով իմ առաջ, … ինչպես որ իմ իսկ բերանից, ողջ համբերատարությամբ ու հավատքով» (Վ&Ու 21.4–5): Կլինեն բաներ, որոնք համբերություն և հավատք կպահանջեն: Գուցե ձեզ դուր չգա այն, ինչ դուրս է գալիս Եկեղեցու իշխանավորի բերանից: Այն կարող է հակասել ձեր քաղաքական տեսակետներին: Այն կարող է հակասել ձեր հասարակական հայացքներին: Այն կարող է խանգարել ձեր հասարակական կյանքին: Բայց եթե դուք լսեք այս բաները, կարծես թե Տիրոջ բերանից, համբերությամբ և հավատքով, խոստումն այն է, որ «դժոխքի դռները չեն հաղթի ձեզ. այո, և Տեր Աստված ձեր առջևից կցրի խավարի զորությունները և այնպես կանի, որ երկինքները կցնցվեն՝ ձեր բարիքի և իր անվան փառքի համար» (Վ&Ու 21.6)։ (Եկեղեցու Նախագահների ուսմունքները. Հարոլդ Բ. Լի [2000], 84–85)

Տասներկու Առաքյալների Քվորումից երեց Ուլիսես Սոարեսն ուսուցանել է.

Երբ հետևում ենք [Տիրոջ մարգարեներին], մեր կյանքը դառնում է ավելի երջանիկ, մեր դժվարություններն ու խնդիրները պակասում ու դառնում են հեշտ տանելի, իսկ մենք մեր շուրջը ստեղծում ենք հոգևոր սպառազինություն, որը կպահպանի մեզ մեր օրերի թշնամիների հարձակումներից: (Ուլիսես Սոարես «Մարգարեները խոսում են Սուրբ Հոգու զորությամբ», Լիահոնա, մայիս 2018 թ․, 99)

Ինչպե՞ս են մարգարեները ստանում Աստծո խոսքը:

Տասներկու Առաքյալների Քվորումից երեց Քվենթին Լ Քուքը ուսուցանել է.

Նախապատրաստվել հանդիպել Աստծուն

Խնդրում եմ համոզված եղեք, որ Եկեղեցու ավագ ղեկավարները, որոնք ղեկավարում են Եկեղեցու աստվածայնորեն սահմանված նպատակները, ստանում են աստվածային օգնություն: Այդ առաջնորդությունը գալիս է Հոգուց, իսկ երբեմն՝ հենց Փրկիչից։ Հոգևոր ուղղորդման այդ երկու ձևերն էլ տրվում են։ Երախտապարտ եմ նման աջակցություն ստանալու համար։ Սակայն ուղղորդումը տրվում է Տիրոջ ժամանակին, տող առ տող և ցուցում առ ցուցում, երբ «ամենագետ Տերը որոշում է ուսուցանել մեզ»։ Ողջ Եկեղեցու վերաբերյալ ուղղորդում տրվում է միայն Նրա մարգարեին։ (Քվենթին Լ. Քուք, «Պատրաստվել հանդիպելու Աստծուն», Լիահոնա, մայիս 2018 թ․, 117)

Ինչո՞ւ մարգարեների ուսմունքները երբեմն չեն ընդունվում։

Տասներկու Առաքյալների Քվորումից երեց Դեյլ Գ. Ռենլանդն ուսուցանել է.

Մեր Բարի Հովիվը

Մեր Երկնային Հայրը ցանկանում է, որ Իր զավակները գիտակցաբար, պատրաստակամ և իրենց ընտրությամբ նմանվեն Իրեն և արժանի լինեն այնպիսի կյանքի, որն Ինքն ունի։ Այդպես վարվելով՝ Նրա զավակները կատարում են իրենց աստվածային ճակատագիրը և դառնում այն ամենի ժառանգորդը, որ Նա ունի։ Այս պատճառով Եկեղեցու ղեկավարները չեն կարող փոխել Աստծո պատվիրաններն ու վարդապետությունը Նրա կամքին հակառակ՝ հարմարեցնելով կամ հանրամատչելի դարձնելով: (Դեյլ Գ. Ռենլանդ, «Մեր Բարի Հովիվը», Լիահոնա, մայիս, 2017, 30–31)

Օժանդակ ուսումնական վարժություններ

Տեսանող, թարգմանիչ, մարգարե, առաքյալ, երեց

Խնդրեք ուսանողներին փնտրել այն տիտղոսները, որոնք Փրկիչն օգտագործել է Վարդապետություն և Ուխտեր 21.1 հատվածում Ջոզեֆ Սմիթին նկարագրելու համար։ Այդ տիտղոսներից յուրաքանչյուրը կարելի է սահմանել՝ օգտագործելով «Սուրբ գրքերի ուղեցույցը» Gospel Library հավելվածում («թարգմանչի» մասին իմանալու համար փնտրեք «թարգմանել»):

• Ջոզեֆ Սմիթին տրված այս տիտղոսները ինչպե՞ս են օգնում ձեզ հասկանալ Վերականգնման մեջ նրա կարևոր դերը՝ որպես Տիրոջ Մարգարե:

Մարգարեին հետևելու օրհնությունները

Որպեսզի օգնեք ուսանողներին հասկանալ, թե մարգարեի խոսքերին հետևելն ինչպես կօգնի նրանց կողմնորոշվել մահկանացու կյանքում, կարող եք ցուցադրել «Հետևեք մարգարեին» տեսանյութը (4:16)։ Երբ ուսանողները դիտեն տեսանյութը, առաջարկեք նրանց խորհել, թե Տիրոջ խորհրդին հետևելը ինչպես կօրհնի իրենց կյանքը:

Մեր Բարի Հովիվը

Տեքստային հաղորդագրություն

Որպեսզի օգնեք ուսանողներին գործնականում բացատրել, թե ինչ են սովորել Վարդապետություն և Ուխտեր 21 բաժնում, կարող եք հղում անել դասի սկզբին ներկայացված սցենարին:

Ուսանողներին ժամանակ տվեք պատասխան գրել՝ օգտագործելով իրենց սովորածը, ապա որպես հաղորդագրություն ուղարկել ընկերոջը: Մի քանի ուսանողի խնդրեք կիսվել իրենց պատասխաններով:

Մարգարեները առանցքային նշանակություն ունեն Փրկչի Եկեղեցում

Հիշեցրեք ուսանողներին, որ Վարդապետություն և Ուխտեր 21 բաժնում գրանցված Տիրոջ ուսմունքները հայտնությամբ տրվել են Եկեղեցու կազմավորման օրը: Որպեսզի օգնեք ուսանողներին ավելի լավ հասկանալ մարգարեների և առաքյալների նշանակությունը Փրկչի Եկեղեցում, կարող եք առաջարկել նրանց ուսումնասիրել Եփեսացիս 2.19–20, 4․11–14 հատվածները։

Կարող եք առաջարկել ուսանողներին խաչաձև հղում կատարել կամ կապել այս հատվածները Վարդապետություն և Ուխտեր 21․4–6 հատվածների հետ։ Առաջարկեք ուսանողներին քննարկել, թե իրենց կարծիքով ինչու է կարևոր մարգարեներ ունենալ Փրկչի Եկեղեցում: