Mataupu Faavae ma Feagaiga 29

Mataupu Faavae ma Feagaiga 29

Vaaiga Aoao

Ia Setema 1830, na aoao mai ai e le Alii Iosefa Samita i Lona Afio Mai Faalua mamalu, o faamanuiaga ua Ia saunia mo e amiotonu, ma le faatafunaga o loo faatalitali mai mo e amioleaga. Sa Ia aoao mai ma le agaalofa e uiga i le togiola ua Ia ofoina mai le Pa’ū o Atamu ma Eva faapea foi mai a tatou agasala ma mea sese.

Valaaulia tamaiti aoga e faasoa mai: Sue ni taimi i le lesona pe a mafai ona e fai i tamaiti aoga e mafaufau loloto i o latou lagona. Fai atu ia i latou e faasoa mai o latou lagona pe tusi foi o latou lagona ona faasoa mai lea. O le tuuina atu i tamaiti aoga o se avanoa e faaleo mai ai manatu ma lagona e mafai ona fesoasoani latou te lagona ai le mautinoa i le faaalia o molimau. Mo nisi faamatalaga i le ala na faia ai e le Faaola lenei mea, tagai i le vaega lea “Na Saunia e le Faaola Avanoa mo Tagata ina ia Aoaoina e le Agaga Paia” i le Aoao Atu i le Ala a le Faaola. E mafai foi ona e vaai i se faataitaiga o le auala e faia ai lenei mea i le lesona ua faaulutalaina “Mataupu Faavae ma Feagaiga 29:36–50.”

Sauni e aoao atu

O lenei faamatalaga e tuuina atu ai ia te oe ni manatu o mea atonu e manaomia ona muai saunia mo lesona taitasi.

Mataupu Faavae ma Feagaiga 29:1–8

Faamoemoega o le lesona: Ina ia fesoasoani i tamaiti aoga ia malamalama atili i manaoga o le Tama Faalelagi ma Iesu Keriso mo i latou.

• Sauniuniga a le tamaitiititamaiti aoga: Valaaulia aoga e mafaufau loloto i le fesili, “O le a le mea e finagalo ai le Atua mo au i lenei olaga ma pe a mavae lenei olaga?” E mafai foi ona latou tomanatu pe na faapefea ona latou iloaina le finagalo o le Atua mo i latou i o latou olaga.

• Anotusi e faaali atu: Lisi o faatonuga mo gaoioiga suesue

Mataupu Faavae ma Feagaiga 29:9–29

Faamoemoega o le lesona: Ina ia fesoasoani i tamaiti aoga ia lagona le olioli a o latou tulimatai atu i le toe foi mai o Iesu Keriso i le lalolagi.

• Sauniuniga a le tamaitiiti aoga: Valaaulia tamaiti aoga e saili le ChurchofJesusChrist.org mo ata eseese o loo faaalia ai le Afio Mai Faalua ma mafaufau loloto i mea ua latou aoaoina e uiga ia Iesu mai ata taitasi.

• Anotusi e faaali atu: Ata o le Afio Mai Faalua o Iesu Keriso

• Vitio: “Ua Faaali Atu Iesu Keriso i le Amerika Anamua” (16:43; matamata mai le faailotaimi 11:19 e oo i le 16:31)

Mataupu Faavae ma Feagaiga 29:36–50

Faamoemoega o le lesona: Ina ia fesoasoani i tamaiti aoga ia malamalama atili i lo tatou faitalia na tuuina mai e le Atua ma le togiola na ofoina mai e Iesu Keriso.

• Sauniuniga a le tamaitiiti aoga: Fai atu i tamaiti aoga e toe mafaufau i filifiliga eseese na latou faia i le 24 itula ua tuanai. E mafai ona valaaulia i latou e lisi mai o ni “filifiliga e le taua” po o “filifiliga e aafia ai lo’u sootaga ma le Atua.”

• Pepa e tufa atu: “Faitalia ma le Togiola e ala ia Iesu Keriso”