« គោលលទ្ធិ និងសេចក្ដីសញ្ញា ៤១–៤៤ ៖ ទិដ្ឋភាពទូទៅ » ព្រះគម្ពីរគោលលទ្ធិ និងសេចក្ដីសញ្ញា សៀវភៅសិក្សាសម្រាប់គ្រូបង្រៀនថ្នាក់សិក្ខាសាលា ( ឆ្នាំ ២០២៥ )
« គោលលទ្ធិ និងសេចក្ដីសញ្ញា ៤១–៤៤ » ព្រះគម្ពីរគោលលទ្ធិ និងសេចក្តីសញ្ញា សៀវភៅសិក្សាសម្រាប់គ្រូបង្រៀនថ្នាក់សិក្ខាសាលា
គោលលទ្ធិ និងសេចក្ដីសញ្ញា ៤១–៤៤
គោលលទ្ធិ និងសេចក្ដីសញ្ញា ៤១–៤៤
ទិដ្ឋភាពទូទៅ
ព្រះអម្ចាស់បានបង្រៀនថា ទ្រង់រីករាយនឹងប្រទានពរដល់អស់អ្នកដែលស្តាប់តាមទ្រង់ ( សូមមើល គោលលទ្ធិ និងសេចក្តីសញ្ញា ៤១:១ ) ។ នៅពេលពួកបរិសុទ្ធបានឆ្លើយតប និងអធិស្ឋានដោយសេចក្តីជំនឿ ទ្រង់បានបើកសម្ដែងក្រឹត្យវិន័យ និងបទបញ្ញត្តិរបស់ទ្រង់ រួមទាំងក្រឹត្យវិន័យនៃការថ្វាយផងដែរ ។
ជួយសិស្សឲ្យស្គាល់ឥទ្ធិពលរបស់ព្រះអម្ចាស់ ៖ សម្រាប់ការបំពាក់បំប៉នដើម្បីជួយសិស្សឲ្យស្គាល់ពីឥទ្ធិពលរបស់ព្រះអម្ចាស់នៅក្នុងព្រះគម្ពីរ និងក្នុងជីវិតផ្ទាល់របស់ពួកគេបន្ថែមទៀត សូមមើលជំនាញ « សួរសំណួរដែលផ្តោតលើការភ្ជាប់សេចក្តីស្រឡាញ់ ព្រះចេស្តា និងសេចក្តីមេត្តារបស់ព្រះអម្ចាស់ទៅនឹងសេចក្តីពិតដែលបង្រៀននោះ » នៅក្នុងការបំពាក់បំប៉នដែលមានចំណងជើងថា « ជួយសិស្សឲ្យទទួលស្គាល់សេចក្តីស្រឡាញ់ ព្រះចេស្តា និងសេចក្តីមេត្តាករុណារបស់ព្រះអម្ចាស់នៅក្នុងជីវិតរបស់ពួកគេ » ដែលមាននៅក្នុង ជំនាញអភិវឌ្ឍន៍គ្រូបង្រៀន ៖ ផ្តោតលើព្រះយេស៊ូវគ្រីស្ទ ។ នៅពេលសិស្សចែកចាយអ្វីដែលពួកគេបានរកឃើញ សូមសរសេរសេចក្ដីពិតដូចតទៅនេះនៅលើក្ដារខៀន ៖ ព្រះអម្ចាស់មានព្រះទ័យរីករាយក្នុងការប្រទានពរដល់អស់អ្នកដែលស្តាប់តាមទ្រង់ ។ អ្នកអាចលើកទឹកចិត្តសិស្សឲ្យគូសចំណាំសេចក្ដីពិតនេះ នៅក្នុងព្រះគម្ពីររបស់ពួកគេ ។
រៀបចំខ្លួនបង្រៀន
ព័ត៌មានខាងក្រោមផ្តល់ឲ្យអ្នកនូវគំនិតខ្លះៗអំពីអ្វីដែលអ្នកអាចត្រូវរៀបចំទុកជាមុនសម្រាប់មេរៀននីមួយៗ ។
គោលលទ្ធិ និងសេចក្តីសញ្ញា ៤១
គោលបំណងមេរៀន ៖ ដើម្បីជួយសិស្សឲ្យមានទំនុកចិត្តថា ព្រះអម្ចាស់នឹងប្រទានពរដល់ពួកគេ នៅពេលពួកគេស្តាប់ និងគោរពប្រតិបត្តិតាមទ្រង់ ។
-
ការរៀបចំសិស្ស ៖ សូមឲ្យសិស្សចំណាយពេលមួយភ្លែតដើម្បីជញ្ជឹងគិតអំពីរបៀបដែលពួកគេមានទំនុកចិត្តថា ព្រះអម្ចាស់នឹងប្រទានពរដល់ពួកគេ ប្រសិនបើពួកគេស្តាប់តាមទ្រង់ ។ ពួកគេក៏អាចគិតផងដែរអំពីមូលហេតុដែលពួកគេមានអារម្មណ៍ដូច្នេះ ។
-
វីដេអូ ៖ « We Walk by Faith » ( ១៦:២៤; សូមមើលចាប់ពីនាទីទី ៧:៣០ ដល់នាទីទី ១២:៣៨ )
-
សម្ភារ ៖ ក្រដាសពីរសន្លឹកតូចៗសម្រាប់សិស្សម្នាក់ៗ
គោលលទ្ធិ និងសេចក្តីសញ្ញា ៤២
គោលបំណងមេរៀន ៖ ដើម្បីជួយសិស្សឲ្យបង្ហាញសេចក្តីស្រឡាញ់របស់ពួកគេចំពោះព្រះអម្ចាស់ដោយការគោរពតាមបទបញ្ញត្តិទាំងឡាយរបស់ទ្រង់ ។
-
ការរៀបចំសិស្ស ៖ សូមអញ្ជើញសិស្សឲ្យគិតអំពីពេលចុងក្រោយដែលពួកគេគោរពតាមបទបញ្ញត្តិមួយរបស់ព្រះ ហើយជញ្ជឹងគិតអំពីមូលហេតុដែលពួកគេជ្រើសរើសគោរពតាម ។
គោលលទ្ធិ និងសេចក្ដីសញ្ញា ៤២:២៩–៣៩
គោលបំណងមេរៀន ៖ ដើម្បីជួយសិស្សឲ្យបង្កើនបំណងប្រាថ្នារបស់ពួកគេក្នុងការរស់នៅតាមក្រឹត្យវិន័យនៃថ្វាយ ។
-
ការរៀបចំសិស្ស ៖ សូមអញ្ជើញសិស្សឲ្យគិតអំពីរបៀបដែលការមើលថែដល់ជនខ្វះខាត រួមទាំងជនក្រីក្រផងដែរ គឺជួយយើងឲ្យបានដូចជាព្រះយេស៊ូវគ្រីស្ទ ។
-
វីដេអូ ៖ « You Are My Hands » ( ១៧:២២; សូមមើលចាប់ពីនាទីទី ០:០០ ដល់នាទីទី ២:២៧ ); « Fast Offerings: A Simple Commandment with a Marvelous Promise » ( ៣:០១ ); « Syrian Refugee—‘The Moment I Was Shot I Knew I Would Never Walk Again’ » ( ២:៣៩ ); « A Thousand Days » ( ៤:៣២ )
-
សម្ភារដែលត្រូវរៀបចំ ៖ ចានគោមមួយ វត្ថុតូចៗសម្រាប់សិស្សម្នាក់ៗ ដូចជាស្ករគ្រាប់ ឬកាក់ជាដើម