Սեմինարիա
Դաս 61․ Վարդապետություն և Ուխտեր 46․1–6․ «Դուք չպետք է որևէ մեկին դուրս հանեք»

«Դաս 61․ Վարդապետություն և Ուխտեր 46․1–6․ «Դուք չպետք է որևէ մեկին դուրս հանեք» Վարդապետություն և Ուխտեր․ Սեմինարիայի ուսուցչի ձեռնարկ (2025)

«Վարդապետություն և Ուխտեր 46․1–6», Վարդապետություն և Ուխտեր․ Սեմինարիայի ուսուցչի ձեռնարկ

Դաս 61. Վարդապետություն և Ուխտեր 46–48

Վարդապետություն և Ուխտեր 46․1–6

«Դուք չպետք է որևէ մեկին դուրս հանեք»

այցելուներ, բարի գալուստ

1831 թվականին հալածանքների և խախտումների պատճառով որոշ Սրբեր սկսեցին միայն Եկեղեցու անդամներին թույլ տալ ներկա գտնվել երկրպագության ժողովներին: Այս և այլ հարցերով մտահոգված՝ Ջոզեֆ Սմիթը աղոթեց ուղղորդում ստանալու համար և ստացավ հայտնություն, որը գրված է Վարդապետություն և Ուխտեր 46 բաժնում։ Այդ հայտնության մեջ Փրկիչը Եկեղեցու անդամներին պատվիրեց երկրպագության արարողություններին հրավիրել բոլոր նրանց, ովքեր «ջերմեռանդորեն փնտրում են արքայությունը» (Վարդապետություն և Ուխտեր 46.5)։ Այս դասը կօգնի ուսանողներին բարելավել իրենց ջանքերը՝ Եկեղեցու ժողովների ժամանակ հյուրընկալ միջավայր ստեղծելու գործում:

Հնարավոր ուսումնական վարժություններ

Հրավիրեք բոլորին

Կարող եք ցուցադրել տեղի եկեղեցու շենքի պատկերը՝ ցուցանակով, որտեղ գրված է «Այցելուներ, բարի գալուստ»: Նաև կարող եք ցուցադրել այդ խոսքերը գրատախտակի վրա: «Բարի գալուստ» (1:05) տեսանյութը կարող է օգտակար լինել և պատրաստել ուսանողներին այսօրվա քննարկմանը:

1:17

Բարի գալուստ ComeUntoChrist.org

Մտածեք, թե ձեր կարծիքով ինչու է այս նշանը հաճախ հանդիպում է Հիսուս Քրիստոսի Վերջին Օրերի Սրբերի Եկեղեցուն պատկանող ժողովատներում:

  • Եկեղեցում ընդունված լինելու զգացումը ինչպե՞ս կարող է բարենպաստ ազդեցություն ունենալ մարդու երկրպագության փորձառության վրա:

    Ցուցադրեք հետևյալ հարցերը և առաջարկեք ուսանողներին լուռ գնահատել իրենց 1-ից (երբեք) մինչև 5 (միշտ) սանդղակով: Նրանք կարող են իրենց պատասխանները գրել սուրբ գրությունների ուսումնասիրության իրենց օրագրերում:

  • Որքանո՞վ եք դուք ձեզ ընդունված զգում ձեր ծխում, ճյուղում կամ սեմինարիայի դասարանում:

  • Որքա՞ն հաճախ եք փորձում ավելի լավ ճանաչել ուրիշներին եկեղեցու միջավայրում:

  • Ձեր կարծիքով, ձեր ընկերները և ձեր շրջապատի մյուս մարդիկ իրենց ընդունված կզգայի՞ն եկեղեցու երկրպագության արարողությունների ժամանակ:

Այսօր ուսումնասիրելիս փնտրեք Փրկչի ուսմունքները, որոնք կարող եք օգտագործել, որպեսզի դուք և ուրիշները եկեղեցում ձեզ ընդունված զգաք։

Տիրոջ ցուցումները՝ ուրիշների հանդեպ հյուրընկալ լինելու վերաբերյալ

Կիսվեք հետևյալ ամփոփումով, որպեսզի օգնեք ուսանողներին հասկանալ այն հատվածների համատեքստը, որոնք նրանք կուսումնասիրեն Վարդապետություն և Ուխտեր 46 բաժնում։

1831 թվականին մտահոգություն կար, քանի որ Եկեղեցու որոշ անդամներ թույլ չէին տալիս ոչ անդամներին մասնակցել Եկեղեցու երկրպագության ժողովներին: Այս պրակտիկան առաջացել էր այն պատճառով, որ Եկեղեցու թշնամիները խափանում էին Եկեղեցու երկրպագության արարողությունները։ Երբ Ջոզեֆ Սմիթը աղոթեց ուղղորդում ստանալու համար, Տերը բացահայտեց կարևոր ուսմունքներ այն մասին, թե Սրբերն ինչպես պետք է անցկացնեն իրենց ժողովները:

Կարդացեք Վարդապետություն և Ուխտեր 46.1–6 հատվածները՝ փնտրելով Փրկչի ցուցումները նրանց վերաբերյալ, ովքեր ցանկանում են հաճախել եկեղեցու ժողովներին:

  • Ի՞նչ կարող ենք սովորել այս հատվածներից այն մասին, թե Տերն ինչպես է ցանկանում, որ վերաբերվենք ուրիշներին մեր եկեղեցական ժողովներում։

    Ուսանողները կարող են բացահայտել նմանատիպ մի ճշմարտություն. Տերը պատվիրել է մեզ սիրով ընդունել բոլորին մեր եկեղեցու ժողովներում:

    Այս ճշմարտության կարևորությունն ընդգծելու համար օգտակար կլինի, որ ուսանողները կարդան 3 Նեփի 18.22–25։ Կարող եք նաև ուսանողներին հանձնարարել կարդալ «Բոլորին վերաբերվեք որպես Աստծո զավակի» վերնագրով պարբերությունը «Սիրիր Աստծուն, սիրիր քո մերձավորին» բաժնում՝ Երիտասարդներին զորացնելու համար. Ընտրություններ կատարելու ուղեցույցում ([2022 թ․], 12)։

  • Ձեր կարծիքով, Փրկչի համար ինչո՞ւ է այդքան կարևոր, որ ուրիշներին սիրով ընդունեն Իր Եկեղեցում ինչո՞ւ է այդքան կարևոր Փրկչի համար:

  • Մեր օրերում ի՞նչ մարտահրավերներ կան, որոնք կարող են դժվարացնել այն, որ մարդն իրեն ընդունված զգա եկեղեցու ժողովներում:

  • Ի՞նչ որոշակի քայլեր կարող ենք անել, որպեսզի օգնենք ուրիշներին իրենց ընդունված զգալ մեր եկեղեցու ժողովներում:

Որպես նախորդ հարցի քննարկման մաս՝ կարող եք ցուցադրել «Հրավիրեք ուրիշներին «գալ և մնալ»» տեսանյութը (1։39), որը հասանելի է ChurchofJesusChrist.org կայքում։

1:39

Հրավիրել մյուսներին «Գալ և տեսնել»

Հիսուս Քրիստոսը բոլորին սիրով ընդունելու օրինակ է

բոլորն ընդունված են

Փրկիչը բոլորին հրավիրելու և սիրով ընդունելու կատարյալ օրինակ է: Գտեք մեկ կամ մի քանի օրինակ սուրբ գրություններից, երբ Հիսուսը ընդունում և սիրում է բոլորին:

Եթե ուսանողներին լրացուցիչ ուղղորդում է պետք, կարող եք առաջարկել նրանց կարդալ սուրբ գրությունների հետևյալ հատվածները․ Մատթեոս 9․9–13, 19․13–15, Ղուկաս 19․1–10 կամ 3 Նեփի 11․12–15։ Կարող եք ուսանողներին առաջարկել կիսվել իրենց գտածով և քննարկել հետևյալ հարցերի իրենց պատասխանները: Կարող եք առաջարկել ուսանողներին իրենց ուսումնասիրության օրագրերում նշումներ անել՝ գրի առնելով իրենց մտքերն այն մասին, թե իրենք ինչպես կարող են հետևել Փրկչի օրինակին:

դասընթացի պատկերակ Շեշտեք Հիսուս Քրիստոսի օրինակը․ Որպեսզի օգնեք ուսանողներին տեսնել, որ Փրկիչն իրենց սովորածի օրինակն է, ուսումնասիրեք «Շեշտեք Հիսուս Քրիստոսի օրինակը» դասընթացը Ուսուցիչների կատարելագործման հմտություններ․ Կենտրոնացեք Հիսուս Քրիստոսի վրա ուսուցողական նյութում։

Կարող եք օգտագործել հետևյալ հարցերը՝ օգնելու ուսանողներին կիսվել իրենց սովորածով և զգացածով:

  • Ըստ Փրկչի օրինակի մասին ձեր սովորածի, Նա ինչպե՞ս փոխեց այն մարդկանց կյանքը, ում հետ շփվում էր:

  • Փրկչի մասին ձեր ուսումնասիրածից ի՞նչը կարող եք փորձել ընդօրինակել ձեր կյանքում:

Կարող եք առաջարկել ուսանողներին մտածել և կիսվել իրենց փորձառություններով, երբ իրենք տեսել են, թե ինչ բարիք կարող է գալ, երբ մենք օգնում ենք ուրիշներին իրենց ընդունված զգալ մեր եկեղեցու ժողովներում: Նաև կարող եք կիսվել ձեր կյանքի փորձառությամբ։

Կիրառեք Փրկչի ուսմունքները

Կազմեք Փրկչի պատվիրանը կիրառելու ծրագիր, որպեսզի օգնեք բոլորին իրենց ընդունված զգալ եկեղեցու ժողովներում: Ձեր մտքերը գրանցեք ձեր օրագրում: Ծրագիրը կազմելիս ձեզ կարող են օգնել հետևյալ հարցերը․

  • Ի՞նչ եղանակներով կարող եք կիրառել Փրկչի խորհուրդը, որն այսօր ուսումնասիրեցիք:

  • Ի՞նչ կարող եք անել, որպեսզի ձեզ ավելի ընդունված զգաք եկեղեցու ժողովներում:

Առաջարկեք ուսանողներին առավելագույն ջանքերը գործադրել՝ գործելու այն հուշումների համաձայն, որոնք իրենք կարող են ունենալ և այն ծրագրի համաձայն, որը կազմեցին այսօր: Խրախուսեք ուսանողներին ձգտել զգայուն լինել իրենց շրջապատի մարդկանց կարիքների հանդեպ: Գուցե տեղին լինի առաջարկել ուսանողներին հաջորդ դասի ընթացքում դասարանի հետ կիսվել ուրիշներին սիրով ընդունելու իրենց փորձով։