Mataupu Faavae ma Feagaiga 51–57

Mataupu Faavae ma Feagaiga 51–57

Vaaiga Aoao

Sa taunuu se tasi vaega o le Au Paia i Thompson, Ohaio, ma taumafai e ola i le tulafono o le faapaiaga. Peitai, na solia e Limani Copley lana feagaiga e tuuto atu lona fanua i le Ekalesia, ma tuua ai le toatele o le Au Paia e aunoa ma se nofoaga e nonofo ai. Sa mulimuli nei Au Paia i se faaaliga mai le Alii ma siitia atu i Misuri. I lalo o le taitaiga a le Alii, sa malaga Iosefa Samita ma isi toeaina i Misuri mo se konafesi. O iina, na faaali mai ai e le Alii e tatau ona latou fausia Siona i Misuri.

Fesoasoani i tagata aoao e taumafai ma le loto i ai ia avea e faapei o Iesu Keriso: E toatele tamaiti aoga e i ai uiga faaKeriso ma uiga lelei. A o tatou matauina ma iloa amioga faaKeriso, o le a lagona e tamaiti aoga le uunaia e faaauau pea lena amio. Mo nisi faamatalaga i auala na faia ai e Faaola mea nei, tagai i le vaega “Fesoasoani i Tagata Aoao e Taumafai Ma le Loto ina ia Avea Atili e Pei o Iesu Keriso” i le Aoao Atu i le Ala a le Faaola. E mafai foi ona e vaai i se faataitaiga o le auala e faia ai lenei mea i le lesona o lenei vaiaso ua faaulutalaina “Mataupu Faavae ma Feagaiga 57.”

Ia saunia e aoao atu

O lenei faamatalaga e tuuina atu ai ia te oe ni manatu o mea atonu e manaomia ona muai saunia mo lesona taitasi.

Mataupu Faavae ma Feagaiga 51

Faamoemoega o le lesona: Ina ia fesoasoani i tamaiti aoga ia malamalama pe mafai faapefea ona latou mulimuli i le fautuaga a le Alii ia avea ma tausimea faamaoni, fai mea tonu, ma atamamai.

• Sauniuniga a le tamaitiiti aoga: Valaaulia tamaiti aoga e mafaufau e uiga i nisi o tiutetauave na latou maua e ala i le avea ai ma tagata o le Ekalesia a le Faaola. Fai atu ia i latou e mafaufau e uiga i faamanuiaga ua latou maua e ala i nei tiutetauave.

Mataupu Faavae ma Feagaiga 57

Faamoemoega o le lesona: Ina ia fesoasoani i tamaiti aoga ia lagonaina se manao sili atu ia avea ma nuu o le Alii e ala i le fausiaina o Siona.

• Sauniuniga a le tamaitiiti aoga: Mafaufau e valaulia tamaiti aoga e faitau le Mose 7:18 ma mafaufau e uiga i faamanuiaga o le ola ai i se nuu e pei o lea o loo faamatala mai i lena fuaiupu.

• Anomea e faaali atu: O se ata o le Faaola ma se ata o Enoka ma lona nuu

• Vitio: “Mata e Vaai” (9:35) mai le faailotaimi 4:54 i le 6:54; “O Manaoga i o Tatou Luma” (11:57) mai le faailotaimi 6:03 i le 8:10

Atamai i Aoaoga Faavae Faataitaiga 4

Faamoemoega o le lesona: Ina ia tuu atu i tamaiti aoga ni avanoa e faataitai ai fuaitau o le atamai i aoaoga faavae ma mataupu faavae e aoao atu e nei fuaitau, faapea foi ma le aoaoina ma le faaaogaina o mataupu faavae paia mo le mauaina o le malamalama faaleagaga.

• Sauniuniga a le tamaitiiti aoga: Mafaufau e valaaulia tamaiti aoga e iloilo nisi o fuaitau o le atamai i aoaoga faavae sa latou suesueina i lenei tausaga. E mafai ona maua se lisi o fuaitau i le Pepa Autu o le Atamai i Aoaoga Faavae (2023).

• Anomea mo tamaiti aoga: Pepa Autu o le Atamai i Aoaoga Faavae