Սեմինարիա
Դաս 68․ Վարդապետություն և Ուխտեր 51. «Հավատարիմ, արդար և իմաստուն տնտես»

«Դաս 68․ Վարդապետություն և Ուխտեր 51. «Հավատարիմ, արդար և իմաստուն տնտես», Վարդապետություն և Ուխտեր․ Սեմինարիայի ուսուցչի ձեռնարկ (2025)

«Վարդապետություն և Ուխտեր 51», Վարդապետություն և Ուխտեր․ Սեմինարիայի ուսուցչի ձեռնարկ

Դաս 68. Վարդապետություն և Ուխտեր 51–57

Վարդապետություն և Ուխտեր 51

«Հավատարիմ, արդար և իմաստուն տնտես»

Երիտասարդները կատարում են ընտանեկան պատմության աշխատանք

1831 թվականի գարնանը Ջոզեֆ Սմիթը հայտնություն ստացավ: Նյու Յորք նահանգի Քոլսվիլ քաղաքի ճյուղի անդամներին Տերը հրահանգեց բնակեցնել Օհայո նահանգի Թոմփսոն քաղաքի տարածքը և կատարել տնտես լինելու իրենց պարտականությունները՝ ապրելով նվիրաբերման օրենքով: Այս դասը կօգնի ուսանողներին հասկանալ, թե իրենք ինչպես կարող են հետևել Տիրոջ խորհրդին՝ լինել հավատարիմ, արդար և իմաստուն տնտեսներ:

Հնարավոր ուսումնական վարժություններ

Տնտես լինելու պարտականությունների հաշվետվություն

Որպեսզի օգնեք ուսանողներին սովորել տնտես լինելու պարտականությունների մասին, կարող եք կատարել հետևյալ վարժությունը։

Պատկերացրեք, որ ծնողը խնդրել է իր որդուն կամ դստերը մի քանի ժամ հսկել կրտսեր եղբորը կամ քրոջը, մինչ ծնողը կբացակայի:

  • Ինչո՞ւ է սիրող ծնողը ցանկանում, որ ավագ երեխան ստանձնի այս պարտականությունը:

  • Ըստ ձեզ, ի՞նչ ակնկալիքներ կարող է ունենալ ծնողն այս իրավիճակում։

Բացատրեք, որ Երկնային Հայրը և Հիսուս Քրիստոսը նաև շատ պարտականություններ են մեզ վստահում մեր կյանքի ընթացքում: Այդ պարտականությունները կարող ենք անվանել տնտես լինելու պարտականություններ։

Նախագահող եպիսկոպոսության եպիսկոպոս Ժերալդ Կոսեն կիսվել է տնտես լինելու պարտականություն եզրույթի հետևյալ սահմանումով։

Եպիսկոպոս Ժերալդ Կոսե

Ավետարանի մեջ տնտես լինելու պարտականություն եզրույթը նշանակում է, որ մենք հոգևոր կամ նյութական սուրբ պատասխանատվություն ունենք՝ հոգ տանելու Աստծուն պատկանող ցանկացած բանի մասին, որի համար մենք հաշվետու ենք: (Ժերալդ Կոսե, “Տնտես լինելու մեր երկրային պարտականությունը,” Լիահոնա, նոյ. 2022 թ․, 57)

  • Տնտես լինելու պարտականությունների ի՞նչ օրինակներ կնշեք, որոնք Աստված տալիս է մեզ մեր կյանքում:

Նախորդ հարցի ուսանողների պատասխանները գրեք գրատախտակին, կամ կարող եք առաջարկել նրանց գալ գրատախտակի մոտ և գրել իրենց պատասխանները:

Անհրաժեշտության դեպքում, որպես օրինակներ կարող եք օգտագործել հետևյալը. մոլորակի այն հատվածը, որտեղ մենք ապրում ենք, մեր ընտանիքները, Եկեղեցում մեր կոչումները կամ հանձնարարությունները, մեր ունեցվածքն ու գույքը, մեր մարմինները, մեր ժամանակը:

Այս օրինակները նշելուց հետո առաջարկեք ուսանողներին խորհել իրենց կյանքում ունեցած՝ տնտես լինելու պարտականությունների մասին։ Դա անելու համար կիսվեք հետևյալով.

Ձեր ուսումնասիրության օրագրում գրեք տնտես լինելու ձեր պարտականություններից մի քանիսը կամ այն, ինչ Տերը վստահել է ձեզ: Այսօր ուսումնասիրելիս փնտրեք ճշմարտություններ, որոնք կարող են օգնել ձեզ ավելի լավ տնտես դառնալ այն բաների վերաբերյալ, որոնք գրել եք ձեր ցանկում:

Վաղ շրջանի Սրբերի՝ տնտես լինելու պարտականությունները

Որպեսզի օգնեք ուսանողներին հասկանալ Վարդապետություն և Ուխտեր 51 բաժնի համատեքստը, կարդացեք կամ ամփոփ ներկայացրեք հետևյալ պարբերությունը։ Կարող եք նաև առաջարկել որևէ ուսանողի կարդալ այն դասարանի համար։

1831 թվականի գարնանը շատ Սրբեր սկսեցին ժամանել Օհայո՝ գաղթելով Միացյալ Նահանգների արևելյան շրջաններից: Նյու Յորք նահանգի Քոլսվիլ քաղաքից մի խումբ եկել էր մեծ զոհաբերությունների հաշվին: Այդ խմբին հրահանգվել էր բնակվել Թոմսոնում (Օհայո) և ապրել նվիրաբերման օրենքով: Վարդապետություն և Ուխտեր 51 բաժնում արձանագրված հայտնությունը պարունակում է Տիրոջ հրահանգները Սրբերին:

Առաջարկեք ուսանողներին արտագրել հետևյալ աղյուսակը իրենց ուսումնական օրագրերում և լրացնել այն՝ Վարդապետություն և Ուխտեր 51 բաժինն ուսումնասիրելիս:

Եպիսկոպոս Պարթրիջի պարտականությունները

Սրբերի պարտականությունները

Կարդացեք Վարդապետություն և Ուխտեր 51․1–4 հատվածները՝ փնտրելով, թե Տերն ինչ ուսուցանեց եպիսկոպոս Էդվարդ Փարթրիջին իր պարտականությունների մասին:

  • Տերը ի՞նչ պարտականություններ տվեց եպիսկոպոս Էդվարդ Փարթրիջին։

Երբ ուսանողները պատասխանեն, օգտակար կլինի նշել, որ «այս ժողովրդին կարգել իրենց բաժինները» (Վարդապետություն և Ուխտեր 51.3) նշանակում է այն ունեցվածքն ու գույքը, որ Սրբերը ստանում էին ըստ նվիրաբերման օրենքի: Շարունակելուց առաջ օգտակար կլինի առաջարկել ուսանողներին կիսվել, թե ինչ գիտեն կամ ինչ են հիշում նվիրաբերման օրենքի մասին:

Անհրաժեշտության դեպքում բացատրեք, որ ըստ նվիրաբերման օրենքի՝ Սրբերը Տիրոջն էին նվիրաբերում իրենց ունեցվածքն ու գույքը: Այնուհետև, եպիսկոպոսի միջոցով նրանք ստանում էին ունեցվածք և գույք՝ տնտես լինելու պարտականություններով, դրանց մասին հոգ տանելու և օգտագործելու համար: Սրբերը նվիրաբերում էին եպիսկոպոսին նաև իրենց աճեցրածի, բուծածի կամ ստացածի ավելցուկը՝ աղքատներին տալու համար:

Կարդացեք Վարդապետություն և Ուխտեր 51․9, 12–15, 19 հատվածները և լրացրեք աղյուսակը ձեր գտածի հիման վրա։

Ուսանողների համար օգտակար կլինի իմանալ, որ հատված 13-ում նշված շտեմարանն այն տեղն էր, որտեղ եպիսկոպոսը պահում էր սնունդ և տարբեր պարագաներ՝ աղքատների և կարիքավորների մասին հոգ տանելու համար։

  • Այս հատվածներից ո՞ր խորհուրդը կարող էր օգնել Սրբերին հաղթահարել այն դժվարությունները, որոնց նրանք բախվեցին՝ ապրելով նվիրաբերման օրենքով:

  • Ի՞նչ օրհնություն խոստացավ Տերը հատված 19-ում նրանց, ովքեր հավատարիմ, արդար և իմաստուն տնտեսներ էին:

    Առաջարկեք ուսանողներին բացահայտել մի ճշմարտություն, որը կիրառելի է տնտես լինելու իրենց պարտականությունների համար՝ հատված 19-ում Տիրոջ ուսմունքների հիման վրա: Նրանք կարող են բացահայտել նմանատիպ մի ճշմարտություն. Երբ մենք դառնում ենք հավատարիմ, արդար և իմաստուն տնտեսներ, մենք կարող ենք զգալ Տիրոջ ուրախությունը և ստանալ հավերժական կյանքի պարգևը:

    Եթե օգտակար կլինի, կարող եք առաջարկել ուսանողներին մի քանի րոպե տրամադրել՝ հետևյալ բառերից մեկը սահմանելու համար․ հավատարիմ, արդար կամ իմաստուն։ Ուսանողները կարող են կիսվել իրենց ընկալմամբ, օգտագործել Սուրբ գրքերի ուղեցույցը կամ օգտվել բառարանից:

  • Որո՞նք են ուրախության այն օրինակները, որոնք մենք կարող ենք զգալ կամ այն օրհնությունները, որոնք մենք կարող ենք ստանալ, երբ հավատարիմ ենք տնտես լինելու մեր պարտականությունների կատարմանը:

Հավատարիմ, արդար և իմաստուն տնտեսների օրինակներ

Հետևյալ վարժությունները կարող են օգնել ուսանողներին ավելի լավ հասկանալ, թե ինչ է նշանակում լինել հավատարիմ, արդար և իմաստուն տնտեսներ: Կարող եք ցուցադրել վարժությունները և ուսանողներին բաժանել փոքր խմբերի՝ վարժությունները միասին կատարելու համար: Եթե հետևյալ վարժությունը կատարվում է խմբերով, յուրաքանչյուր խմբում նշանակեք քննարկման ղեկավար:

Վարժություն Ա․ Փրկչի օրինակը

Փրկիչը հավատարիմ, արդար և իմաստուն տնտես լինելու կատարյալ օրինակն է:

Սուրբ գրություններում գտեք օրինակ, թե ինչպես է Հիսուս Քրիստոսը կատարում Իր պարտականություններից մեկը՝ հոգ տանել մեր մասին և օգնել մեզ: Սուրբ գրությունների օրինակներ, որոնք դուք կարող եք ուսումնասիրել. Եզեկիել 34․11–16, Հովհաննես 6․38–39, 17․1–4, 3 Նեփի 17․6–9 և Վարդապետություն և Ուխտեր 19․16–19։

Խորհեք, թե ինչպես է Փրկիչը ձեզ համար եղել հավատարիմ, արդար և իմաստուն տնտես:

  • Ինչպե՞ս են Փրկչի ջանքերը ուրախություն և օրհնություններ բերել ձեզ:

  • Ինչպե՞ս կարող է Փրկչի օրինակը մոտիվացրել մեզ լինել հավատարիմ, իմաստուն և արդար տնտես:

Վարժություն Բ. Տնտես լինելու պարտականություններն այսօր

Մեզ նույնպես առաջարկվում է հետևել Հիսուս Քրիստոսին և լինել հավատարիմ, արդար և իմաստուն տնտեսներ:

Ընտրեք գրատախտակին նշված՝ տնտես լինելու պարտականություններից մի քանի օրինակ, որոնք Տերը տվել է մեզ (կամ մեկ այլ օրինակ, որի մասին մտածել եք):

Նկարագրեք, թե ինչ կարող է անել մարդը տնտես լինելու պարտականությունները հավատարիմ, արդար և իմաստուն կերպով կատարելու համար: Կարող եք ներառել օրինակներ, որոնք դուք տեսել եք, կամ այն եղանակները, որոնցով փորձել եք լավ տնտես լինել:

  • Ըստ ձեզ, ինչո՞ւ է Տերը ցանկանում, որ այսօր մարդիկ այս եղանակով ձգտեն լինել հավատարիմ, արդար և իմաստուն տնտեսներ:

  • Ինչպե՞ս կարող են նրանց ջանքերը ուրախություն և օրհնություններ բերել:

Մի քանի ուսանողի առաջարկեք կիսվել, թե ինչ գաղափարներ ստացան քննարկումներից: Առաջարկեք մի քանի ուսանողի կիսվել այն սուրբ գրություններով, որոնք իրենք նշել են Վարժություն Ա-ում և որոնք իրենց համար հատկապես արժեքավոր կամ կարևոր են: Կարող եք նաև խնդրել ուսանողներին կիսվել, թե ինչ սովորեցին դասընկերոջից, որի հետ աշխատում էին:

Ինչ սովորեցիք

Որպեսզի օգնեք ուսանողներին մշակել այս դասում իրենց սովորածը, առաջարկեք նրանց պատասխանել հետևյալ հարցերին իրենց ուսումնական օրագրերում:

  • Ի՞նչ սովորեցիք այսօր տնտես լինելու պարտականությունների մասին, որը կուզեիք հիշել:

  • Ի՞նչ կարող եք անել, որպեսզի լինեք ավելի հավատարիմ, արդար և իմաստուն տնտես ձեր կյանքի որևէ ոլորտում:

Մի քանի պատրաստակամ ուսանողի առաջարկեք կիսվել նախորդ երկու հարցի վերաբերյալ իրենց գրածով: Վկայեք այն ուրախության մասին, որը եկել է, երբ դուք ձգտել եք կատարել Տիրոջ կողմից տրված՝ տնտես լինելու ձեր պարտականությունները։