Վարդապետություն և Ուխտեր 51–57

Վարդապետություն և Ուխտեր 51–57

Ակնարկ

Սրբերի մի խումբ ժամանեց Թոմփսոն (Օհայո) և ձգտեց ապրել նվիրաբերման օրենքով: Սակայն Լեման Քոփլին դրժեց Եկեղեցուն իր հողը նվիրաբերելու ուխտը՝ շատ Սրբերի զրկելով ապրելու տեղից: Այդ Սրբերը հետևեցին Տիրոջից ստացած հայտնությանը և տեղափոխվեցին Միսսուրի: Տիրոջ ուղղորդմամբ Ջոզեֆ Սմիթը և մյուս երեցները մեկնեցին Միսսուրի՝ համաժողով անցկացնելու համար: Այնտեղ Տերը հայտնեց, որ նրանք պետք է կառուցեն Սիոնը Միսսուրիում:

Օգնեք սովորողներին նպատակադրված ձգտել ավելի նմանվել Հիսուս Քրիստոսին. շատ ուսանողներ ունեն քրիստոսանման հատկանիշներ և որակներ: Եթե մենք նկատենք և ճանաչենք քրիստոսանման վարքագիծը, ուսանողները կքաջալերվեն և կշարունակեն այդ վարքագիծը: Լրացուցիչ տեղեկությունների համար տես «Օգնեք սովորողներին նպատակադրված ձգտել ավելի նմանվել Հիսուս Քրիստոսին» բաժինը «Ուսուցանել Փրկչի ձևով» ձեռնարկում։ Դա անելու օրինակ կարող եք տեսնել նաև այս շաբաթվա դասում, որը վերնագրված է «Վարդապետություն և Ուխտեր 57»։

Պատրաստվեք ուսուցանել

Հետևյալ տեղեկությունները ձեզ հուշում են, թե ինչ պետք է նախապատրաստեք յուրաքանչյուր դասի համար:

Վարդապետություն և Ուխտեր 51

Դասի նպատակը․ օգնել ուսանողներին հասկանալ, թե իրենք ինչպես կարող են հետևել Տիրոջ խորհրդին՝ լինել հավատարիմ, արդար և իմաստուն տնտեսներ:

• Ուսանողի նախապատրաստում․ առաջարկեք ուսանողներին մտածել այն պարտականությունների մասին, որ իրենք ունեցել են՝ անդամակցելով Փրկչի Եկեղեցուն: Խնդրեք նրանց մտածել այն օրհնությունների մասին, որ իրենք ստացել են այդ պարտականությունների շնորհիվ:

Վարդապետություն և Ուխտեր 57

Դասի նպատակը․ օգնել ուսանողներին ավելի մեծ ցանկություն ունենալ դառնալու Տիրոջ ժողովուրդը՝ կառուցելով Սիոնը:

• Ուսանողի նախապատրաստում․ կարող եք ուսանողներին առաջարկել կարդալ Մովսես 7․18 հատվածը և մտածել այդ հատվածում նկարագրված հասարակության մեջ ապրելու օգուտների մասին:

• Նյութեր ցուցադրման համար. Փրկչի նկարը, Ենովքի և նրա ժողովրդի նկարը

• Տեսանյութեր․ «Աչքեր՝ տեսնելու համար» 4:54-6:54, «Կարիքները մեր առջև են» 6:03-8:10:

Վարդապետության սերտման գործնական պարապմունք 4

Դասի նպատակը․ ուսանողներին հնարավորություն տալ զարգացնել վարդապետության սերտման հատվածների և դրանցում ուսուցանվող վարդապետության սերտման հմտությունը, ինչպես նաև սովորել և կիրառել հոգևոր գիտելիքներ ձեռք բերելու աստվածային սկզբունքները:

• Ուսանողի նախապատրաստում․ կարող եք առաջարկել ուսանողներին վերանայել վարդապետության սերտման որոշ հատվածներ, որոնք իրենք ուսումնասիրել են այս տարի: Հատվածների ցանկը կարելի է գտնել Վարդապետության սերտման հիմնարար փաստաթղթում (2023)։

• Նյութեր ուսանողների համար Վարդապետության սերտման հիմնարար փաստաթուղթ