69-р хичээл: Сургаал ба Гэрээ 51–57

Сургаал ба Гэрээ 57

Их Эзэн Сионыг хэрхэн байгуулдаг вэ

Их Эзэн бошиглогч Иосеф Смитэд Сионы тухай илүү ихийг илчлэхэд гэгээнтнүүд ийм нийгмийн нэг хэсэг нь болохдоо баярлах, эмээх зэрэгцэж байв. Сионы хаана баригдахыг илчилснээр Их Эзэн хэд хэдэн хүнд энэ нийгмийг байгуулж эхлэхийг зааварлав. Энэ хичээл нь суралцагчдад Сионыг байгуулснаар Их Эзэний хүмүүс болох агуу хүсэлтэй болоход туслах зорилготой.

Боломжит суралцах үйл ажиллагаа

Сион

Аврагчийн зургийг үзүүлэхийг бод.

Танд Есүс Христтэй ойр амьдрах боломж гарлаа гэж бод.

• Түүнд Өөртэй нь ойр амьдармаар болгодог ямар зан чанарууд байдаг вэ?

Есүс Христийн сургаал, үлгэр жишээг дагахыг хичээдэг хүмүүсээр дүүрэн нийгэмд одоо амьдрахад ямархуу байхыг төсөөлөөд үз дээ. Ийм нийгмийн жишээ Хуучин Гэрээний үед Енохын хүмүүст бүрдсэн байв.

Енохын болон түүний хүмүүсийн зургийг үзүүлээд, суралцагчдаас энэ судрын түүхийн талаар мэдэж буй зүйлсийг нь асуухыг бод.

Мосе 7:18-ыг уншаад, тэдгээр хүний зан чанарыг олж мэд.

• Өнөөдөр энэ нийгэмд шийдвэл зохих эсвэл багасгах шаардлагатай ямар асуудлууд бидэнд тулгарч байна вэ?

• Энэ хүмүүсийг юу ийм ойлголтод хүргэсэн гэж та бодож байна вэ?

Сионы хүмүүс шиг Христийнхтэй илүү адил арга замаар амьдрах нь таны амьдралыг хэрхэн адисалж болох талаар бодож үз. Өнөөдөр судалж байхдаа та Сионыг эргэн тойрондоо байгуулахад туслахын тулд юу хийж чадахаа илүү сайн ойлгоход тус болох сургаалуудыг олж мэд.

Сионы хот

Суралцагчдад өнөөдөр судлах шүлгүүдийнх нь нөхцөл байдлыг ойлгоход нь туслахын тулд дараах мэдээллийг унш эсвэл дүгнэлт хий. Та мөн Гэгээнтнүүдийн 1:118–119-ийг уншиж болно.

Сүм байгуулагдаад удаагүй байхад олон гэгээнтэн Енохын хүмүүстэй адилаар Сионы нийгмийг байгуулах гэж байгаад баяртай байв. Их Эзэн Сион хожмын үед байгуулагдана хэмээн амласан (Сургаал ба Гэрээ 45:65–71; Мосе 7:62-ыг үзнэ үү).

1831 оны 6-р сард Их Эзэн Иосеф Смитэд болон хэдэн ахлагчид Огайогаас Миссури хүртэл 1287 км аялж, чуулган зохион байгуулж мөн өвлөх газраа судлахыг зарлиглажээ (Сургаал ба Гэрээ 52:1–2, 5-ыг үзнэ үү). Сургаал ба Гэрээ 57-д цэдэглэгдсэн илчлэл нь 1831 оны 7-р сард Иосеф Смитийг ахлагчдын хамт Миссурид ирэх үед өгөгдсөн юм.

Сургаал ба Гэрээ 57:1–3-ыг уншаад, гэгээнтнүүд юу олж мэдсэнийг хар.

• Их Эзэн Сионы хотыг хаана баригдана гэж тогтоосон бэ?

• 3-р шүлэгт ариун сүм Их Эзэнд хэр чухал болох талаар танд юу ойлгуулсан бэ?

1–3-р шүлгээс суралцагчдад Аврагчийн сургаалын талаар асуух зүйлүүд гарч ирж магадгүй. 1830-аад оны үед Миссурийн Индепенденст Сион хотыг байгуулах оролдлого хавчлага дарамтын улмаас бүтэлгүйтсэнийг тайлбарлах нь хэрэгтэй байж болох юм. 1838 онд гэгээнтнүүдийг Миссуригээс дайснууд нь хөөж гаргав.

Их Эзэн Сионы ирээдүйн хотыг Америк тивд байгуулагдана хэмээн амласан ч (Итгэлийн тунхаг 1:10-ыг үзнэ үү) бид зөв шударгаар амьдрах гэж мөн Сүмийг дэлхий даяар байгуулах гэж хичээснээр Сионыг хаана ч байгуулж болно гэж бидэнд зөвлөдөг (“Zion,” Topics and Questions, topics.ChurchofJesusChrist.org).

Сионы хотыг байгуулах

Сургаал ба Гэрээ 57-д цэдэглэгдсэн илчлэлд Их Эзэн зарим хүнд Сионыг байгуулж эхлэх удирдамж өгсөн.

Дараах шүлгүүдээс суралцахад нь суралцагчдад тусалж болох нэг арга зам бол тэднийг дөрвөн бүлэг болгон хуваагаад, шүлгүүдийг бүлгийн гишүүдэд хувааж өгөх явдал юм (6–7, 8–10, 11–12, 13–14-р шүлэг). Бүлгийн гишүүн бүр хэн хэнд хандсаныг мөн тэднээс юу хийхийг хүссэнийг тодорхойлж болно. Суралцагчид дараа нь олж мэдсэн зүйлсээ бүлгийн гишүүдтэйгээ хуваалцаж болно.

Сургаал ба Гэрээ 57:6–14-ийг уншаад, Их Эзэн тэднээс юу хийхийг хүссэнийг олж мэд.

• Их Эзэн яагаад өөр өөр хүмүүсээс өөр өөр зүйл хийхийг хүссэн гэж та бодож байна вэ?

• Энэ нь Их Эзэн Сионыг буюу Түүний хаант улсыг дэлхий дээр байгуулдаг арга замын талаар бидэнд юу зааж байна вэ?

  Суралцагчдад Аврагч хувь хүний чадваруудыг ашиглан Сионыг байгуулдаг гэсэн зарчмыг тодорхойлоход тусал.

  Энэ хүмүүс хөдөлмөрлөхөөр явж, Их Эзэний хүссэн зүйлсийг гүйцэлдүүлсэн гэдгийг тайлбарла. Тэд агуу ихийг золиослон өөрсдийгөө тухайн үеийн Америкийн Нэгдсэн Улсын баруун хилд байсан Миссури хэмээх олон талаараа тав тухгүй газар “суурьшуулав” (Сургаал ба Гэрээ 57:8, 11, 14, 15-ыг үзнэ үү)

• Энэ нь Аврагч Өөрийн хаант улсыг ийм байдлаар байгуулдаг гэдгийг ойлгоход бидэнд хэрхэн тусалж чадах вэ?

Их Эзэн эдгээр шүлэгт дурдсан хүмүүс шиг Сионыг байгуулах адил даалгавруудыг өгөхгүй ч биднээс өнөөдөр Сионыг байгуулахыг хүсдэг. Тэр бошиглогчдоороо дамжуулан биднийг хаана амьдарч байгаагаасаа үл хамааран Сионыг байгуулахад урамшуулсан (“Come to Zion,” Liahona, Nov. 2008, 38).

• Бид эргэн тойрондоо ямар арга замаар Сионыг байгуулж болох вэ?

Та суралцагчдыг гэртээ болон тойрог, салбар, сургууль дээрээ эсвэл бусад харилцаанд орохдоо Сионыг байгуулж болох амьдралынхаа аль нэг талуудыг бодож үзэхэд урьж болно.

Ярилцаж байх үедээ дараах жишээнүүдээс нэг, хоёрыг ашиглахыг бод. Суралцагчдыг эдгээр жишээ эргэн тойрондоо Сионыг хэрхэн байгуулахаа илүү сайн ойлгоход тэдэнд хэрхэн туслах талаар бодож үзэхэд урь.

“Eyes to See” видеог цагийн код 4:54-өөс 6:54, “The Needs before Us” видеог цагийн код 6:03-аас 8:10 хүртэл үзнэ үү. Энэ хоёр видео ChurchofJesusChrist.org дээр байгаа.

Харах нүд

Крэйг эгч биднийг Ариун Сүнсний тусламжтай өөрсдийгөө болон бусдыг Аврагчийн нүдээр харж чадна хэмээн заалаа.

Тусламж хэрэгтэй хүмүүс бидний өмнө байна

Sister Oscarson teaches us to serve those closest to us: our families, friends, ward and community members. The essence of living the gospel is service.

Эргэн тойрондоо Сионыг байгуулах

Суралцагчдыг өөрсдийн эсвэл бусдын Сионыг байгуулахад тусалж байсан эсвэл мэддэг туршлагуудаа хуваалцахад урихыг бод. Тэднийг эдгээр оролдлогынхоо ачаар авч байсан адислалуудаа хуваалцахад урь.

Есүс Христтэй илүү адил болохын тулд зориуд хичээхэд нь суралцагчдад тусал. Суралцагчид эдгээр туршлагаа хуваалцахдаа өөрсдийн эсвэл бусдын Есүс Христтэй илүү адил болох арга замуудыг тодорхойлж болно. Христтэй илүү адил болох арга замуудыг хэрхэн онцолж болох талаар илүү их дадлага хийхийн тулд Багшийн хөгжүүлбэл зохих ур чадвар: Есүс Христэд төвлөрөх сургалтын Суралцагчдаас Христийнхтэй адил зан чанаруудыг ажиглаж, анзаарсан зүйлээ Түүнтэй адил байхыг үргэлжлүүлэн урамшуулах арга замаар хуваалц сургалтыг үзнэ үү.

Дараа нь суралцагчдыг судлах тэмдэглэлдээ дараах асуултуудын аль нэгд эсвэл хоёуланд хариулж бичихэд урь.

• Та өнөөдөр судалсан зүйлсээрээ дамжуулан Тэнгэрлэг Эцэг, Есүс Христ хоёрын тухай юу олж мэдсэн эсвэл мэдэрсэн бэ?

• Сурч мэдсэн зүйлийнхээ ачаар танд юу хийх сэдэл төрсөн бэ?

Хэрэв хэт хувийн шинжтэй биш бол хэдэн суралцагчийг хариултаа хуваалцахад урь. Хэлэлцсэн үнэнийхээ талаар гэрчлээд, суралцагчдыг Ариун Сүнсээр дамжуулан Сионыг байгуулахын тулд авсан сүнслэг өдөөлтийнхөө дагуу үйлдэхэд урь.

Нэмэлт эх сурвалж

Яагаад Сионыг байгуулах нь чухал вэ?

Бошиглогч Иосеф Смит (1805–44) ийн заасан.

“Бид Сионыг хамгийн агуу зорилгоо болгон байгуулах ёстой” (Сүмийн ерөнхийлөгчдийн сургаалаас: Иосеф Смит [2007], 211).

Миссурийн Индепенденс төв газар гэдэг нь юу гэсэн утгатай вэ?

Их Эзэн Миссурийн Жаксон гүнлэгийг Сион хот байгуулагдах газар гэж тогтоосон ч Индепенденс хотыг “төв газар” (Сургаал ба Гэрээ 57:3) хэмээн тунхагласан юм. Төв газар гэдэг нь Мянган жилийн хугацаанд Их Эзэний хаант улсын хоёр нийслэлийн нэг Сион буюу Шинэ Иерусалимын (нөгөө нь Иерусалим) гүйцэтгэх үүргийг нэг талаас илэрхийлдэг (see Joseph Fielding Smith, Doctrines of Salvation, comp. Bruce R. McConkie [1955], 3:71). Их Эзэн Өөрөө энэ үйл ажиллагааг энэ байршлаас тольдон, Өөрийн хаант улсыг авч явах болно.

Бид хэрхэн бусдад тусалж мөн Сионыг байгуулна гэдгээ мэдэж авч болох вэ?

Залуу эмэгтэйчүүдийн ерөнхий ерөнхийлөгчийн зөвлөлийн нэгдүгээр зөвлөх асан Мишэлл Д.Крэйг эгч ийн заасан.

Есүс Христ бидэнд хайртай бөгөөд бүр хүнд хэцүү үед төдийгүй бүр ядарч эцсэн үед ч хүртэл, бүр биднийг ганцаардсан, тэр байтугай итгэж найдсан үр дүн гараагүй үед ч хүртэл харах нүдийг өгдөг. Тэрээр ач ивээлээрээ биднийг адисалж, чадварыг маань нэмэгдүүлнэ. Ариун Сүнсний хүчээр Есүс Христ бидэнд Түүн шиг өөрсдийгөө харах бас бусдыг харах чадварыг өгнө. Бид Түүний тусламжтайгаар юу хамгийн их хэрэгтэй байгааг мэдэх чадвартай байх болно. Бид Их Эзэний мутрыг амьдралынхаа эгэл жирийн зүйлд хэрхэн хүрч ажиллаж байгааг харж эхлэх төдийгүй илүү гүнзгий харах болно. (Мишэлл Д.Крэйг, “Харах нүд,” 2020 оны 10-р сарын Ерөнхий чуулган, 14)

Дараах видеонд бусдын хэрэгцээг олж харах нүдтэй байх тухай Крэйг эгчийн хуваалцсан жишээг үзүүлсэн юм.

Pray for Eyes to See as He Sees

Michelle D. Craig of the Young Women General Presidency shares how to see things more deeply, as Jesus Christ does. “Pray for eyes to see,” she counsels. “His grace will increase our capacity.”

Нэмэлт суралцах үйл ажиллагаа

Суурьшигд

Хэрэв ангид цаг үлдвэл, та Сионд ирж буй хүмүүст өөр сургаал өгдөгийг онцлон хэлж болно. Та ургамлын зураг үзүүлээд эсвэл нэг ургамал авчраад, суралцагчдыг Сургаал ба Гэрээ 57:8, 11, 14, 15 дээрх дүрслэлтэй тохирч буй үг хэллэгийг хайж олоход урь. Та суралцагчдыг эдгээр шүлэгт дүрслэн хэлсэн суурьшигдах гэдэг нь юу гэсэн утгатай үг гэж бодож байгаагаа хуваалцахад урьж болно. Сургаал ба Гэрээ 51:17 дээрээс суурьшуулагдах гэдэг үгийн тодорхойлолтыг суралцагчдаар хайлгуул. Та дараах байдлаар асууж болно.

• Өнөөгийн өсвөр үеийнхэнд “суурьшуулагдана” гэдэг нь ямар хамаатай вэ? Өсвөр үеийнхэн “олон жил байх [мэтээр]” хэрхэн үйлдэж болох вэ?

• Өөрсдийгөө суурьшуулах нь Есүс Христийн дагалдагч болоход тань хэрхэн тусална гэж та бодож байна вэ?

• Хүн яагаад тойрогтоо эсвэл өсвөр үеийн бүлэгтээ өөрсдийгөө суурьшуулахгүй байхаар соригдож магадгүй вэ?

Амьдарч буй газраа Сионыг байгуулах

Арван хоёр төлөөлөгчийн чуулгын ахлагч Д.Тодд Кристоффэрсоны дараах видеог үзүүлээд, суралцагчдыг бид орон нутгийн цуглаандаа Сионыг байгуулж чадна гэж түүний хэлсэн гурван арга замыг хайж олоход урь.

Establishing Zion

We need to adopt the character, attributes, and faithfulness of those who lived in Zion if we are to establish Zion in our homes, branches, wards, and stakes.

Видеоны дараа та суралцагчдыг олж мэдсэн зүйлээ жагсааж, тойрог, салбар эсвэл өсвөр үеийнхний бүлэгт гурван цэг тус бүрийг хэрэгжүүлж болох практик арга замуудыг олоход урьж болно. Та суралцагчдаас бид яагаад Сионыг бидэн дээр иртэл хүлээж болохгүйг асууж болно.

Колесвиллын гэгээнтнүүдийн жишээ

Та Колесвиллын гэгээнтнүүд хэрхэн өөрсдийн тав тухаас илүүтэй Сионыг байгуулахыг илүүд үзсэн тухай тодруулж болох юм.

Колесвилл салбарын гишүүд Огайод цугларахын тулд Нью-Йорк дахь орон гэрээ орхисон юм. Леман Коплей гэгээнтнүүдийг өөрийн газар дээр суурьшихыг зөвшөөрсөн гэрээнээсээ ухарч буцах хүртэл тэд тэнд богинохон хугацаанд амьдарч байжээ. Колесвиллын гэгээнтнүүд Миссури дахь Сионд цугларахын тулд 1287 км аялах удирдамж хүлээн авав.

Колесвиллын гэгээнтнүүдийн нэг Ньюел Найтын хуваалцсан дараах зүйлийг хуваалцахыг бод.

“[Бид] Индепенденс рүү [усан онгоцоор] аялалд гарсан. Ээжийн эрүүл мэнд таагүй байсан ба цаг хугацаагаар хэмжигдэж байв. Гэсэн хэдий ч тэр аяллаа зогсоохыг зөвшөөрөөгүй төдийгүй Түүний цорын ганц хүсэл нь Сионы нутагт хүрч, тэнд ясаа тавих явдал байв. Түүний бие маш хурдан муудаж байсан тул би эрэг дээр гараад, биднийг очих газартаа хүрэхээс өмнө түүнийг үхчих вий гэсэндээ авс хийх мод худалдаж авч билээ” (Newel Knight, Newel Knight autobiography and journal, circa 1846–1847, Church History Library, Salt Lake City; spelling, capitalization, and punctuation standardized).

• Гэгээнтнүүд Сионы нэг хэсэг байхын тулд яагаад ийм их золиослол гаргахыг хүсэж байсан гэж та бодож байна вэ?