Семинар
Сургаал ба Гэрээ 51–57: Тойм

“Сургаал ба Гэрээ 51–57: Тойм,” Сургаал ба Гэрээний семинарын багшийн гарын авлага (2025)

“Сургаал ба Гэрээ 51–57: Тойм,” Сургаал ба Гэрээний семинарын багшийн гарын авлага

Сургаал ба Гэрээ 51–57

Сургаал ба Гэрээ 51–57

Тойм

Гэгээнтнүүдийн нэг бүлэг Огайогийн Томпсонд ирээд, бүхнээ зориулах хуулийн дагуу амьдрах гэж хичээсэн ч Леман Коплей олон гэгээнтнийг байрлах газаргүй болгон орхисноор Сүмд газраа зориулна гэсэн гэрээгээ зөрчсөн юм. Энэ гэгээнтнүүд Их Эзэнээс ирсэн илчлэлийг дагаж, Миссури руу нүүжээ. Иосеф Смит болон бусад ахлагч Их Эзэний удирдамжийн дагуу Миссури руу чуулганд оролцохоор явав. Их Эзэн чуулган дээр тэднийг Миссурид Сионыг байгуулах ёстой хэмээн илчлэв.

сургалтын шигтгээ зураг Есүс Христ шиг байхыг зориуд хичээхэд нь суралцагчдад тусал. Олон суралцагч Христийнхтэй адил зан чанар, чадавхтай байдаг. Бид Христийнхтэй адил зан чанарыг таньж, анзаарснаар суралцагчдыг уг зан чанараараа үргэлжлүүлэхэд урамшуулдаг. Аврагч үүнийг хэрхэн хийдэг байсан талаар илүү ихийг Аврагчийн арга барилаар заах нь гарын авлагын “Суралцагчдад Их Эзэний хайр, хүч, нигүүлслийг амьдралдаа танихад нь тусал” хэсгээс үзнэ үү. Та мөн хэрхэн ийн үйлдэх жишээг энэ долоо хоногийн “Сургаал ба Гэрээ 57”-ийн хичээлээс харж болно.

Заахад бэлтгэх

Дараах мэдээлэл нь хичээл бүрд урьдчилан бэлтгэх шаардлагатай зүйлсийн талаарх санаануудыг багшид өгнө.

Сургаал ба Гэрээ 51

Хичээлийн зорилго: Их Эзэний итгэлтэй, үнэнч шударга, ухаалаг даамал байх зөвлөгөөг хэрхэн дагаж чадахаа ойлгоход нь суралцагчдад туслах.

  • Хичээлийн бэлтгэл: Суралцагчдыг Аврагчийн Сүмийн гишүүний хувьд хүлээдэг зарим үүргийнхээ тухай бодож үзэхэд урь. Тэднийг эдгээр үүргээрээ дамжуулан хүлээн авсан адислалуудаа бодож үзэхэд урь.

Сургаал ба Гэрээ 57

Хичээлийн зорилго: Сионыг байгуулснаар Их Эзэний хүмүүс болох агуу хүсэлтэй болоход суралцагчдад туслах.

  • Суралцагчийн бэлтгэл: Суралцагчдыг Мосе 7:18-ыг уншаад, энэ шүлэгт дүрсэлсэн шиг нийгэмд амьдрахын ач холбогдлын тухай бодож үзэхэд урихыг бод.

  • Үзүүлэх материал: Аврагчийн зураг, Енох ба түүний хүмүүсийн зураг

  • Видео: “Eyes to See” (9:35) цагийн код 4:54-өөс 6:54 хүртэл; “The Needs before Us” (11:57) цагийн код 6:03-аас 8:10 хүртэл

Төгс эзэмших сургаалын дадлага 4

Хичээлийн зорилго: Төгс эзэмших сургаалын судрын хэсгүүд болон эдгээр хэсгийн зааж буй үнэнүүдийг судлах, сүнслэг мэдлэг олж авахад туслах бурханлаг зарчмуудыг сурч мэдэн, хэрэгжүүлэх боломжийг суралцагчдад олгох.