67-р хичээл: Сургаал ба Гэрээ 49–50

Суралцахуйн үнэлгээ 4

Сургаал ба Гэрээ 41–50

Залуучууд газрын зураг харж байна

Суралцагчдад суралцахуйгаа үнэлэх цаг олгох нь тэдэнд Аврагчид улам ойртож, Түүнтэй илүү адил болохоор хичээхэд тусалж чадна. Тэд гаргасан ахиц дэвшлээ мөн сайжирч болох орон зайгаа харж чадна. Энэ хичээл нь Сургаал ба Гэрээг судлах явцад суралцагчдын олж авсан туршлага хэрхэн тэдэнд сүнслэгээр өсөхөд тусалсныг эргэн санаж, үнэлэхэд тусална.

Боломжит суралцах үйл ажиллагаа

Сүнслэг тэмдгүүдийг үнэлэх

Дараах зүйлс нь суралцагчдыг гарт баригдахуйц тэмдэглэгээнүүдээ сүнслэг өсөлтийнхөө тухай олж мэдэж болох нотолгоотой харьцуулахад бэлтгэж болно. Тэд самбарт газрын зураг зураад, энэ үйл ажиллагааг ганцаараа юм уу ангиараа гүйцээж чадна.

Орон нутгийн нэг газрыг сонгон авч, одоогийн байгаа газраас тэнд хүрэх газрын зураг зур. Хэн нэгэнд зөв зам дээр байгаагаа мэдэхэд нь туслах тэмдэглэгээнүүдийг оруул.

• Та аль тэмдэглэгээнүүдийг оруулсан бэ? Яагаад?

• Таныг хүрэх газраа хүрэхэд тэмдэглэгээнүүд ямар үүрэг гүйцэтгэдэг вэ?

  Хэрэв та самбарт газрын зураг зурсан бол эхний газраа “Есүс Христтэй адил болох нь” гэдэг үгээр сольж болно. Суралцагчдыг дараах асуултад хариулах үед та зарим тэмдэглэгээг суралцагчдын хариултуудаар сольж болно.

  Суралцагчдыг амьдралынхаа талаар бодож, шилжихэд нь туслах арга замыг бодож ол. Та дараахтай адил зүйлсийг өөрийн үгээр хэлж болно.

• Хэрэв Есүс Христтэй илүү адил болох нь бидний хүрэх газар юм бол Таныг зам дээрээ байгааг мэдэхэд туслах ямар сүнслэг тэмдэглэгээнүүд байж болох вэ?

Өсөлт хөгжлөө тодорхой харах боломжтой байх нь тунгаан бодох үйл явцаас гадна Ариун Сүнсний удирдамжийг шаарддаг. Амьдралынхаа сүнслэг тэмдэглэгээнүүдийг хайж олсноор зарим ахиц дэвшлээ тодорхойлох цаг гарга. Өөрөөр хэлбэл, та сүүлийн хэдэн долоо хоног Сургаал ба Гэрээг судалснаар Есүстэй илүү адил болж байгаа нотолгоонуудаа олж хар.

Та суралцагчдад өөрсдөө эргэцүүлж, тунгаан бодох хугацаа өгөхийг хүсэж болно. Хангалттай хугацаа өгсний дараа, тэднийг олж мэдсэн зүйлээ хуваалцахад урь.

Эсвэл та дараах үйл ажиллагааг ашиглан, суралцагчдад сүүлийн хэдэн долоо хоног гаргасан сүнслэг өсөлтөө эргэцүүлэн бодоход тусалж болно. Энэ хичээлийн үнэлгээний үйл ажиллагаа нь семинарын өмнөх хичээлүүдтэй холбоотой. Хэрэв эдгээр хичээлийг өөрчилсөн эсвэл заагаагүй бол үнэлгээний үйл ажиллагааг суралцагчдын туршлагыг харуулахын тулд өөрчлөх шаардлага гарч болно.

Үйл ажиллагаа болгон дээр тэдний суралцаж буй байдлыг эдгээр арга замаар үнэлэх нь тэднийг зөв чиглэлд явж байгааг баталгаажуулах аяллын тэмдэглэгээнүүдийг тэмдэглэхтэй адил байж болох тухай та тэдэнд онцолж болно. Өсөж байгаагаа мэдрээгүй эсвэл амьдралаасаа эерэг өөрчлөлт олж хараагүй гэж бодож байгаа суралцагчдад мэдрэмжтэй хандаж, тэднийг хичээж чармайж байгаад нь урамшуулж болох арга замуудыг бодож үз.

Бүхнээ зориулсан амьдралаар амьдрах илүү хүсэл эрмэлзэлтэй болох

Энэ үйл ажиллагаа нь Аврагчтай адилаар бүхнээ зориулан амьдрах хүслээ эргэцүүлэн бодоход тусалж чадна. Энэ үйл ажиллагаа нь Сургаал ба Гэрээ 42:29–42 дээрх, бүхнээ зориулж амьдрахтай холбоотой суралцагчдын сурсан зүйлсэд тулгуурладаг. Дараах асуултуудын зарим нь суралцагчдад бүхнээ зориулах хуулийн талаарх ойлголтоо эргэн харахад тусалж чадна.

• Та бүхнээ зориулах хуулийн талаар юу санаж байна вэ?

• Сургаал ба Гэрээ 42-ын ямар шүлгүүд энэ хуулийг илүү сайн ойлгоход маань тусалж чадах вэ?

• Залуучууд өнөөдөр бүхнээ зориулах хуулийн дагуу амьдрахын тулд юу хийж болох талаар ямар жишээнүүд байдаг вэ?

  Суралцагчдын дурдаж болох зарим шүлэгт 29–38-р шүлгүүд орно. Хэрэв суралцагчид ямар нэгэн шүлэг дурдаагүй бол тэднээр эдгээр шүлгийг уншуулж, олж мэдсэн зүйлсийг нь хуваалцуулах хэрэгтэй байж мэднэ. Бүхнээ зориулах хуулийн тухай хичээл дээр суралцагчид “Түүний мутар” гэж бичсэн байж эсвэл нэг гарынхаа хэвийг дэвтэртээ зурсан байж магадгүй. Тэд бусадтай харилцахдаа Их Эзэний мутар мэт байхыг хүссэнээ дүгнэсэн байж болно. Хэрэв суралцагчид ингэж дүгнэсэн бол та тэднийг судлах тэмдэглэлээсээ шүлгийг олоод, хэрхэн хариулснаа олж харахад урьж болно. Дараах асуултууд нь суралцагчдад бүхнээ зориулах хуулийн тухай бодол нь хэрхэн өөрчлөгдсөнийг дүгнэхэд тусалж чадна. Суралцагчид судлах тэмдэглэлдээ хариулж бичиж болно.

• Та цаг зав, авьяас чадвараасаа гадна Их Эзэний Өөрийн хаант улсыг байгуулахын тулд таныг адисалсан өөр бусад зүйлийг зориулахыг мөн хэрэгцээтэй хүмүүст туслахыг юу гэж бодож байна вэ?

• Та мэдрэмжээ хэдэн долоо хоногийн өмнө бүхнээ зориулах хуулийг судалж байсан үетэйгээ хэрхэн харьцуулж чадах вэ? Таны мэдрэмжид юу нөлөөлсөн гэж та бодож байна вэ?

Суралцагчдад тунгаан бодох хугацаа гаргаж өгсний дараа та тэднийг мэдрэмжээ шударгаар үнэлж байгаад нь сайшааж болно. Та суралцагчдыг энэ үйл ажиллагаанаас сурч, мэдсэн зүйлээ хуваалцахад урьж болно. Суралцагчдад бүхнээ зориулах хуулиар амьдрах нь одоогоос 1, 5, 10 жилийн дараах өөрсдөд нь хэрхэн нөлөөлж болох талаар эргэцүүлэн бодоход туслахыг бод. Түүнчлэн та бүхнээ зориулж амьдрахаар хичээж чармайснаар адислагдаж байсан арга замуудыг болон энэ нь Христтэй улам адил болоход хэрхэн тусалсан тухай хуваалцаж болно.

Суралцагчдыг хэрхэн хэрэгцээтэй хүмүүст тусалж мөн өнөөдөр дэлхий дээр Бурханы хаант улсыг байгуулахын тулд чадах бүхнээ хийхэд илүү бэлэн байж болох талаар илчлэл хайхад урамшуулан дэмж.

Бурханы зарлигуудад дуулгавартай байх

Бурханы зарлигуудыг дуулгавартай дагахын тулд сүүлд гаргасан хүчин чармайлтаа үнэлэхэд нь суралцагчдад туслахын тулд тэднийг Сургаал ба Гэрээг давтаж, саяхан сурсан зарлигуудаа хайж олоход урь. Та тэднийг Сургаал ба Гэрээ 42:18–52-т илчлэгдсэн зарим зарлигийг самбарт жагсаан бичихэд урамшуулж болно.

• Зарлигуудад дуулгавартай хандахыг Есүс Христтэй илүү адил болох аяллынхаа сүнслэг тэмдэглэгээнүүдтэй хэрхэн харьцуулж болох вэ?

Хэрэв суралцагчид өмнөх хичээл дээр зарлигуудыг илүү сайн дагах зорилго тавьсан бол дараах тэмдэглэл нь зорилгоо эргэцүүлэн бодоход нь тусалж чадна.

Саяхан Ариун Сүнсээр дамжуулан анхаарах хэрэгтэй гэж бодсон зарлигийн талаар эргэцүүлэн бод.

• Та энэ зарлигийг дагах хүчин чармайлтаа хэрхэн дүрслэх вэ?

• Аврагч таныг хичээж зүтгэхэд хэрхэн адисалсан бэ?

• Танд илүү сайн үйлдэж болно гэсэн арга зам байна уу? Та юу хийх вэ?

• Ариун Сүнсээр дамжуулан анхаарах хэрэгтэй гэж бодсон өөр ямар нэг зарлиг бий юу? Та юу хийх вэ?

Ариун Сүнсний үүргийг тайлбарлах

Энэ дасгал нь суралцагчдад Сургаал ба Гэрээнээс судлах явцдаа Ариун Сүнсний тухай мэдэж авсан зүйлсээ тайлбарлахад тусалж чадна. Та “Ариун Сүнсний үүрэг” гэж самбарт бичиж болно. Суралцагчдыг Ариун Сүнсний олон үүргийг, болж өгвөл баталж буй судруудтай нь хамт жагсааж бичихийг бод. Эдгээр нь яагаад Ариун Сүнсний гүйцэтгэх чухал үүрэг болохыг ярилц.

Ариун Сүнс ямар ямар үүрэгтэйг доор дурдав. Суралцагчид холбоотой шүлгүүдийг уншаад, дараа нь Ариун Сүнсний онцгой үүргийг ойлгох нь хэн нэгэнд тусалж чадна гэсэн нөхцөл байдлыг гаргаж ирж болно. Дараа нь суралцагчдыг судруудыг ашиглан тухайн нөхцөл байдалд байгаа хүнд туслах Ариун Сүнсний үүргийг тайлбарлахад урь.

• Сайн мэдээг номлож мөн хүлээн авахад дэмждэг (Сургаал ба Гэрээ 42:5–6, 13–14; 50:13–14, 17–22)

• Тэнгэрлэг Эцэг, Есүс Христ хоёрын тухай гэрчилдэг (Сургаал ба Гэрээ 42:17)

• Биднийг чиглүүлж мөн Есүс Христийн Хоёр дахь ирэлтэд бэлтгэхэд бидэнд тусалдаг (Сургаал ба Гэрээ 45:56–57)

• Сүнслэг бэлгүүдийг өгдөг (Сургаал ба Гэрээ 46:11)

• Биднийг нүглээс цэвэршүүлдэг (Сургаал ба Гэрээ 50:29)

Нэмэлт суралцах үйл ажиллагаа

Гэрээ байгуулж, сахиж байгаагаа үнэлэх

Энэ үйл ажиллагаа нь суралцагчдын гэрээ байгуулж, сахиж байгаатай холбоотой Сургаал ба Гэрээ 40, 42, 45, 49-өөс сурсан зүйлс дээр тулгуурлана. Ахлагч Дийтр Ф.Угдорфын дараах мэдэгдлийг өгөхийг бод. Суралцагчид ахлагч Угдорфын энэ мэдэгдлийг судалж байхдаа дараах асуултуудыг эргэцүүлэн бодож болно.

• Та Тэнгэрлэг Эцэг, Есүс Христ хоёртой харилцаагаа сайжруулахын тулд юу хийхээр оролдсон бэ?

• Тэнгэрлэг Эцэг, Есүс Христ хоёртой ойрхон гэж мэдрэхэд тусалсан гэрээнүүдээ сахихын тулд та хэрхэн хичээж байгаа вэ?

Ерөнхийлөгч Дийтр Ф.Угдорф

Хайрт залуу найзууд минь, Аврагч яг одоо энд байсан бол та нарт юу гэж хэлэх байсан бэ?

Эхлээд Тэрээр та нарыг хайрлах гүн гүнзгий хайраа илэрхийлэх байсан гэдэгт би итгэлтэй байна. Тэр үүнийгээ үгээр илэрхийлж болох ч энэхүү хайр нь Түүний оршихуйгаас асар хүчтэй ундран гарч, та нарын зүрхний угт хүрч, бодгалийг тань бүхэлд нь дүүргэх байсан нь гарцаагүй! …

Та нарын баптисм хүртэхдээ Есүстэй байгуулсан, ариун ёслолоос хүртэх бүрдээ шинэчилдэг гэрээнүүд нь та нарыг Түүнтэй онцгой байдлаар холбож өгснийг Тэрээр дурдах байсан. Сударт энэхүү холбоог буулгад хамт орсноор Түүний тусламжтайгаар та нар ямар ч ачааг үүрч чадна хэмээн дүрсэлдэг. (Дийтр Ф.Угдорф, “Есүс Христ бол өсвөр үеийнхнийг бат бөх байлгах хүч мөн,” Лиахона, 2022 оны 11-р сар, 9–10)

Байгуулсан гэрээнийхээ талаар юу гэж бодож байгаагаа тунгаан бодоход суралцагчдыг урь. Та дараах мэдэгдлүүдийн заримыг эсвэл бүгдийг өгөөд, суралцагчдыг Тэнгэрлэг Эцэг, Есүс Христ хоёртой харилцах харилцаагаа дүгнэхэд урь. Суралцагчдыг тэмдэглэлдээ үнэн/худал мэдэгдлээр эсвэл 1-ээс 10 хүртэлх оноогоор мэдрэмжээ тэмдэглэхэд урь.

• Би Тэнгэрлэг Эцэгтээ хандан залбирах боломжуудыг эрэлхийлж олдог.

• Би Есүс Христийн нэрийг ѳѳр дээрээ авахад бэлэн.

• Би Аврагчийг үргэлж санахыг хичээдэг.

• Би Бурханы тушаалуудыг дагахаар чин сэтгэлээсээ чармайдаг.

• Би амьдралдаа Сүнсний тайтгаруулсан, чиглүүлсэн нөлөөг мэдэрдэг.

• Би нүгэл үйлдсэн үедээ бууж өгдөггүй. Би наманчлаад, үргэлжлүүлэн хичээдэг.

Энэ үйл ажиллагааны төгсгөлд та суралцагчдыг мэдрэмжээ үнэнчээр дүгнэсэнд нь урамшуулж чадна. Та суралцагчдыг чухал санагдсан зүйлсээ хуваалцахад урьж болно. Бид гэрээнүүд байгуулж, сахиснаар Есүс Христтэй онцгой харилцаа тогтоодог гэдгийг ойлгоход нь суралцагчдад туслахыг бод.