Mataupu Faavae ma Feagaiga 60–63

Mataupu Faavae ma Feagaiga 60–63

Vaaiga Aoao

Ina ua uma ona auauna atu le Perofeta o Iosefa Samita ma nisi o toeaina o le Ekalesia i le Au Paia i Misuri i le taumafanafana o le 1831, sa oo mai le taimi e toe foi atu ai i Ohaio. O faaaliga o loo tusia i le Mataupu Faavae ma Feagaiga 60–62 o loo i ai fautuaga mai le Alii e fesoasoani i toeaina i la latou malaga. I le Mataupu Faavae ma Feagaiga 63, o loo faasa’o ai e le Alii amioga le talafeagai a le Au Paia i Ohaio.

Taulai atu i mataupu faavae e liua ai: Fesoasoani i tagata aoga ia iloa aoaoga faavae ma mataupu faavae e mafai ona tosina ai lo latou sootaga ma le Tama Faalelagi ma Iesu Keriso. Uunaia i latou e iloilo pe mafai faapefea e nei upumoni ona faaloloto lo latou liuaina ma fesoasoani ia i latou e faatino i le faatuatua. Mo nisi faamatalaga i le ala na faia ai e le Faaola lenei mea, tagai i le vaega o le “The Savior Taught Truths That Lead to Conversion and Build Faith” i le Aoao Atu i le Ala a le Faaola. E mafai foi ona e vaai i se faataitaiga o le auala e faia ai lenei mea i le lesona i lenei vaiaso ua faaulutalaina “Mataupu Faavae ma Feagaiga 60–62.”

Ia saunia e aoao atu

O lenei faamatalaga e tuuina atu ai ni manatu o mea atonu e te manaomia ona muai saunia mo lesona taitasi.

Mataupu Faavae ma Feagaiga 60–62

Faamoemoega o le lesona: Ina ia fesoasoani i tagata aoga ia malamalama atili e uiga i faamoemoega ma manaoga o le Faaola mo i latou.

• Sauniuniga a le tagata aoga: Valaaulia tagata aoga e mafaufau e uiga i taimi i o latou olaga atonu na latou faalagolago ai i le uunaiga a le Agaga Paia ma a latou lava faamasinoga e faia se faaiuga. Valaaulia i latou e mafaufau pe na faapefea ona faamanuiaina i latou e le Alii i nei tulaga.

• Anotusi e faaali atu: Tulaga i le amataga o le lesona; o le siata mo le gaoioiga suesue

Mataupu Faavae ma Feagaiga 63:1–23

Faamoemoega o le lesona: Ina ia fesoasoani i tagata aoga ia lagonaina le taua o le usiusitai patino i le tulafono a le Alii o le legavia.

• Sauniuniga a le tagata aoga: Valaaulia tagata aoga e suesue vaega nei o le Mo Le Malosi o le Autalavou: O Se Taiala mo le Faia o Filifiliga (2022): “Savavali i le malamalama o le Atua” (itulau 16–21) ma le “E paia lou tino” (itulau 22–29). Valaaulia tagata aoga e vaavaai mo tulaga faatonuina a le Alii e faatatau i le tulafono o le legavia.

• Ata e faaali atu: Ata o Iesu Keriso

• Aitema e aumai: Kopi o le Mo Le Malosi o le Autalavou: O Se Taiala mo le Faia o Filifiliga (2022) mo tagata aoga o e atonu e le maua ni masini faatekinolosi

Mataupu Faavae ma Feagaiga 63:57–64

Faamoemoega o le lesona: Ina ia fesoasoani i tagata aoga ia lagonaina le taua o le faaaogaina o le suafa o le Faaola ma le migao.

• Sauniuniga a le tagata aoga: Valaaulia tagata aoga e suesue le Mataupu Faavae ma Feagaiga 63:57–64, ma vaavaai mo aoaoga e uiga ia Iesu Keriso e mafai ona aafia ai le ala latou te tautatala ai e uiga ia te Ia.