75-р хичээл: Сургаал ба Гэрээ 60–63

Сургаал ба Гэрээ 63:1–23

Ариун явдлын талаарх Их Эзэний хууль

1831 оны зун бошиглогч Иосеф Смит Миссуригээс буцаж ирээд, Көртланд дахь гэгээнтнүүдийн зарим нь ариун явдлын хуулийг зөрчих гэх мэтээр ноцтой нүгэл үйлдсэнийг мэдэв. Сургаал ба Гэрээ 63-д цэдэглэгдсэн илчлэлтээр Их Эзэн гэгээнтнүүдэд нүглийнх нь ноцтой байдлын талаар анхааруулсан. Энэ хичээл нь суралцагчдад ариун явдлын талаарх Их Эзэний хуульд хувь хүн бүр дуулгавартай байхын чухлыг мэдрэхэд тусалж чадна.

Боломжит суралцах үйл ажиллагаа

Ариун журмын ач холбогдол

Хичээлийн эхэнд Аврагчийг дүрсэлсэн зургийг үзүүлэхийг бод. Доорх асуултуудын эхний асуултад өгөх хариултаа самбарт бичихэд суралцагчдыг урь. Та цөөн суралцагчийг бичсэн зүйлээ тайлбарлаж, хоёр дахь асуултад хариулсан хариултаа хуваалцахад урьж болно.

• Аврагч биднийг ямар зан чанартай байгаасай гэж хүсдэгийг дүрсэлсэн ямар үг, хэллэг байдаг вэ?

  Самбарт ариун журамтай гэсэн үг байхгүй бол нэмж бич. Ариун журамтай гэдэгт ёс суртахууны хувьд шударга, бэлгийн харьцааны хувьд цэвэр, сүнслэг хүч, чадалтай байх багтдаг гэдгийг тайлбарла (Судруудын удирдамж, “Ариун журам,” scriptures.ChurchofJesusChrist.org-ыг үзнэ үү).

• Ариун журамтай байх нь яагаад бидэнд байх ёстой чухал чанар гэж та нар бодож байна вэ?

• Ариун журамтай байх Аврагчийн зарлиг руу өнөө үед хэрхэн довтолж байна вэ?

Суралцагчдыг ариун журамтай, бэлгийн харьцааны хувьд цэвэр ариун байх нь тэдэнд хэчнээн чухал болохыг бодоход урь. Тэд мөн энэ зарлигтай холбоотой асуултууд, өөрт тулгардаг саад бэрхшээлүүдийн талаар бодож болно. Цэвэр, ариун журамтай амьдрах хүслийг төрүүлэх сүнслэг өдөөлтүүдэд анхаарлаа хандуулахад суралцагчдыг урамшуул.

Аврагч бэлгийн харьцааны нүглийг буруушаадаг

Дараах түүхэн нөхцөл байдлын мэдээлэл нь суралцагчдад Сургаал ба Гэрээ 63-ыг судлахаар бэлтгэхэд тусалж чадна.

Сургаал ба Гэрээ 63-т цэдэглэгдсэн илчлэлтэд Аврагч Огайогийн Көртланд дахь зарим гэгээнтний нүгэлт зан үйлийн тухай ярьжээ. Тэрээр эдгээр нүглийн ноцтой байдлыг анхааруулж (Сургаал ба Гэрээ 63:1–6-г үзнэ үү), бэлгийн харьцааны хувьд цэвэр байхын ач холбогдлын талаарх үнэнүүдийг хуваалцсан.

Сургаал ба Гэрээ 63:13–16-г судлаад, Их Эзэний урилга, сэрэмжлүүлгийг олж мэд.

Шаардлагатай бол суралцагчдад эдгээр шүлэг дэх түлхүүр үг, хэллэгийн утгыг ойлгоход тусал. Жишээлбэл: “Садар самуун явдал” гэдэг нь гэрлэсэн хүн эхнэр, нөхрөөсөө өөр хүнтэй бэлгийн харьцаанд орохыг хэлж буйг тайлбарлах нь тустай байж болох юм. Бусдыг “тачаангуйгаар харах” гэдэг нь хүнийг бэлгийн харьцааны дур хүслээ өдөөх маягаар харахыг хэлдэг. Үүнд порнограф үзэх ордог. “Ариун явдлын хууль дээр зөвхөн гэрлэсэн эрэгтэй, эмэгтэй хүний хооронд бэлгийн харьцаа байж болохыг Бурхан зөвшөөрдөг талаар өгүүлдэг” (Өсвөр үеийнхний бат бөх байдлын төлөө: Сонголт хийхэд туслах хөтөч [2022], 23).

• Бэлгийн харьцааны нүгэл бидэнд ямар нөлөө үзүүлдэг талаар эдгээр шүлэг та нарт юу зааж байна вэ?

• Эдгээр шүлэг дэх Аврагчийн үгсээс та нар Түүний талаар юу сурч мэдэх боломжтой вэ?

Энэхүү ярилцлагын үеэр онцолбол зохих нэг үнэн бол Аврагч хүсэл тачаалыг болон бэлгийн харьцааны нүглийн бусад бүх хэлбэрийг буруушаадаг явдал юм.

Ариун явдлын хуулийн талаарх ойлголтыг гүнзгийрүүлэх

Бэлгийн харьцааны хувьд цэвэр байх Аврагчийн зарлигийг ихэвчлэн ариун явдлын хууль гэж нэрлэдэг гэдгийг ойлгоход суралцагчдад тусал. Дараах үйл ажиллагаа нь суралцагчдад энэ хуулийг дагаж мөрдөхийн ач холбогдлыг илүү гүнзгий ойлгоход тусална.

Ангийнхнаас ариун явдлын талаарх Их Эзэний хуулийн тухай өсвөр насныхны асууж магадгүй хэдэн асуултыг бодоход урь. Тэдэнд нэрээ нууцлан, асуултаа цаасан дээр бичих замаар асуух нь илүү тухтай байж магадгүй. Хэд хэдэн зохих асуултыг сонгоод, самбарт бич.

Ариун явдлын талаарх Их Эзэний хуулийн тухай өөрт болон бусдад байгаа асуултуудад хариулахаар бэлтгэхийн тулд Өсвөр үеийнхний бат бөх байдлын төлөө: Сонголт хийхэд туслах хөтөч (2022): “Бурханы гэрэлд алх” (16–21-р хуудас) мөн “Таны бие махбод бол ариун нандин юм” (22–29-р хуудас)-ыг тус тус судал.

Суралцагчид хамтрагчтайгаа эсвэл жижиг бүлгээрээ ажиллаж, судлахаар сонгосон асуултынхаа хариултыг олж болох юм. Тэднийг Өсвөр үеийнхний бат бөх байдлын төлөө: Сонголт хийхэд туслах хөтөч (2022) дахь хэсгүүдээс судлахаас гадна сайн мэдээний бусад эх сурвалжаас хайхад урьж болно.

Суралцагчидтай хуваалцаж болох хэд хэдэн нэмэлт эх сурвалжийг хичээлийн төгсгөл дэх “Нэмэлт суралцах үйл ажиллагаа” хэсгээс олох боломжтой.

Тохиромжтой хугацааны дараа суралцагчдыг судлаад олж мэдсэн зүйлээ ярилцахад урь. Хэд хэдэн суралцагчийг ойлголтоо хуваалцахад урь. Энэ хэлэлцүүлгийг удирдан чиглүүлэхэд дараахтай адил асуулт тустай.

• Яагаад бидэнд ариун явдлын хуулийн дагуу амьдрахыг зарлигласан талаар илүү гүн гүнзгий ойлгуулсан юуг та нар олж мэдсэн бэ?

Ариун явдлын хуульд дуулгавартай байхын адислал

Аврагч ариун явдлын хуулийг зөрчих нь ноцтой мөн чанартай талаар гэгээнтнүүдэд анхааруулсныхаа дараа тэднийг Өөрийн зарлигуудыг сахихад урамшуулан, дуулгавартай байдлын төлөө адислалуудыг амласан.

Сургаал ба Гэрээ 63:19–20, 23-ыг уншаад, Аврагч юу заасныг олж мэд.

• Түүний зарлигуудыг дагадаг хүмүүст Аврагч ямар адислалуудыг амласан бэ?

• Эдгээр адислалыг санах нь биднийг ариун журамтай амьдрахад хэрхэн урамшуулж болох вэ?

Ариун явдлын хуультай холбоотой нүгэл үйлдсэн суралцагчид байж магадгүй. Биднийг нүглээ наманчлахаар чин сэтгэлээсээ хичээх үед Аврагч бүрэн уучлал, эдгэрлийг боломжтой болгодог гэдгийг ангийнханд сануул. Та аль хэдийн алдаа гаргасан гэж санаа зовниж буй хүмүүст туслахын тулд Сургаал ба Гэрээ 58:42–43-ыг онцолж болно.

Сурсан зүйлсээ санах

Өнөөдрийн хичээлээс сурч мэдсэн, мэдэрсэн зүйлээ эргэцүүлэн бодох цагийг суралцагчдадаа гаргаж өг. Үүнийг хийх нэг арга бол тэднийг дараах асуултуудаас аль нэгд эсвэл хэдэд нь хариулж, судлах тэмдэглэлдээ бичихэд урих явдал юм.

• Өнөөдөр судалж байхад та нарт ямар бодол сэтгэгдэл төрсөн бэ?

• Цэвэр ариун байхын ач холбогдлын талаар болон ийм сонголт амьдралд чинь хэрхэн нөлөөлж болох талаар та нар юу мэдэж авсан бэ?

• Та нарт хийхээр эсвэл өөрчлөхөөр өдөөгдсөн ямар зүйл байгаа вэ?

Ариун явдлын талаарх Их Эзэний хуулийг дуулгавартай дагахыг итгэлтэйгээр чармайж буй бүх хүнийг адислах Аврагчийн амлалтыг суралцагчдад сануулаад, хичээлээ дуусга.

Нэмэлт эх сурвалж

Ариун явдлын талаарх Их Эзэний хууль гэж юу вэ?

Ариун явдал бол бэлгийн харьцааны цэвэр ариун байдал юм. Цэвэр ариун хүмүүсийн бодол санаа, үг хэллэг, үйлдэл нь ёс суртахууны хувьд цэвэр ариун байдаг. Ариун явдал гэдэг нь гэрлэлтээс өмнө ямар нэгэн бэлгийн харьцаанд орохгүй байхыг хэлнэ. Энэ нь мөн гэрлэсэн эхнэр, нөхөртөө чин үнэнч байхыг хэлнэ. (Topics and Questions, “Chastity,” topics.ChurchofJesusChrist.org)

Би ариун явдлын хуулийг зөрччихсөн бол яах вэ?

Арван хоёр төлөөлөгчийн чуулгын ахлагч Дийтр Ф.Угдорф ийн заасан.

Бурхан бидний дунд

Ахлагч Угдорф бидэнд найдварыг агуулж, сэтгэлээр уналгүй, Бурхан бидний дунд байгааг илчлэх арга замуудыг олж харахыг заана.

Аврагчийн хязгааргүй Цагаатгал гэм нүгэл, төгс бус байдлаа харж болох арга замыг маань эгнэгт өөрчилдөг. Гэм нүгэл, төгс бус байдлаа үргэлж бодож, гэтэлгэгдэх аргагүй эсвэл найдваргүй гэж бодохын оронд бид тэдгээрээс сургамж авч, найдварыг мэдэрч болно [Алма 36:17–20-ийг үзнэ үү]. Наманчлалын ариусгах бэлэг нь бидэнд гэм нүглээ орхин, шинэ бүтээл болох боломжийг олгодог билээ [2 Коринт 5:17-г үзнэ үү].

Есүс Христийн ачаар, алдаа дутагдал маань биднийг тодорхойлох ёсгүй. Харин энэ нь биднийг цэвэршүүлж чадна. (Дийтр Ф.Угдорф, “Бурхан бидний дунд,” 2021 оны 4-р сарын Ерөнхий чуулган, 6)

Хэрэв би порнограф үзсэн бол яах вэ?

Тэргүүн зөвлөлийн ерөнхийлөгч Даллин Х.Өүкс ийн заасан.

Хүн бүр л порнографыг санамсаргүй байдлаар үзсэн гэж би бодож байна. Бид энэ үед л нүүр буруулах хэрэгтэй бөгөөд цааш үзэхгүй бол энэ нь нүгэл биш. Энэ нь наманчлал гэхээсээ илүү засаж залруулах шаардлагатай алдаатай адил юм.

Порнографыг санаатай, хэчнээн гэм зэмгүйгээр эсвэл ховор тохиолдолд үздэг байсан ч энэ нь үргэлж илүү ойр ойрхон үзэх хүслийг төрүүлж, ингэснээр бэлгийн харьцааны мэдрэмж болоод зан араншинд автуулах аюултай. Эрдэмтэд садар самуун утга агуулгатай зураг тархинд бэлгийн харьцааны мэдрэмжийг ихэсгэдэг бодис ялгаруулдаг бөгөөд энэ нь бэлгийн зан хандлагыг өөгшүүлдэг гэдгийг нээжээ. Ямар ч төрөл эсвэл түвшний бай, аливаа ёс суртахуунгүй бэлгийн зан авир нь хүний дотор бат бөх гэгчийн ичих мэдрэмжийг төрүүлдэг байна.

Нүгэлт зан авирын бүх хэлбэрийн адилаар порнографыг санаатай үзэх нь Ариун Сүнсийг холдуулдаг. Үүнийг мэдэрсэн зарим хүн наманчлах ёстой гэсэн өдөөлтийг мэдэрдэг. Бусад хүн харин ичиж мөн худал хэлэн, гэм буруугаа нуухыг хичээдэг. Тэд түүнчлэн ичиж зовж эхэлдэг бөгөөд энэ нь тэднийг өөрсдийгөө үзэн ядахад хүргэдэг. Ийм зүйл тохиолдвол, тэд Сатаны хамгийн аймшигтай худал зүйлүүдийн нэгэнд итгэж эхлэх болно. Энэ бол тэдний хийсэн эсвэл хийж буй зүйл нь тэднийг муу хүн, Аврагчийн ач ивээлийг хүртэх зохисгүй, наманчлах боломжгүй болсон гэх мэхлэлт юм. Энэ нь зүгээр л үнэн биш. Бид Аврагчаас болон Түүний Цагаатгалаас тусламж авахад хэзээ ч оройтдоггүй. (Даллин Х.Өүкс, “Порнографын урхинаас мултрах нь,” Лиахона, 2015 оны 10-р сар, 50–55)

Нэмэлт суралцах үйл ажиллагаа

Ариун явдлын хуулийн талаар нэмж судлах эх сурвалж

Суралцагчдад ариун явдлын хуулийн талаарх асуултуудад хариулахад нь туслахын тулд та дараах эх сурвалжуудыг өгч болно.

• Topics and Questions, “Chastity,” topics.ChurchofJesusChrist.org

• Topics and Questions, “Repentance,” topics.ChurchofJesusChrist.org

• Topics and Questions, “Same-Sex Attraction,” topics.ChurchofJesusChrist.org

• Pornography,” Life Help, ChurchofJesusChrist.org

• “Бурханы гэрэлд алх,” (Өсвөр үеийнхний бат бөх байдлын төлөө: Сонголт хийхэд туслах хөтөч [2022], 16–21)

• Ерөнхий гарын авлага: Есүс Христийн Хожмын Үеийн Гэгээнтнүүдийн Сүмд үйлчлэх нь, 38.6.5, ChurchofJesusChrist.org.

• Судрын эшлэлүүд: Матай 5:27–28; 1 Коринт 6:18–20; 10:13; Иаков 2:28, 31–35; Алма 7:21; 13:28; 39:8–9; Сургаал ба Гэрээ 59:6; 121:45

Ариун явдлын хуулийн талаарх видео

Суралцагчдад ариун явдлын хуулийг дагаж мөрдөхийн ач холбогдлыг мэдрэхэд нь туслахын тулд та дараах видеонуудаас нэг юм уу хэд хэдийг үзүүлж болох юм.

• “What Should I Do When I See Pornography?” (5:45)

  Би садар самуун сурталчилсан зүйл (порнограф) харсан үедээ юу хийх ёстой вэ?

  Өнөө үед порнографтай холбоотой асар их бэрхшээл хүүхдүүдэд тулгарч байна. Гэхдээ тэднийг ийм асуудалтай тулгарвал юу хийх тухай зөв мэдээллээр хангавал тэд уг бэрхшээлийг амжилттай даван гарч, аюулгүй, аз жаргалтай амьдарч чадна.

• “Stay within the Lines” (5:10)

  Stay within the Lines

  Just as athletes must stay within lines to compete in sports, those who are called to labor in the Lord's work must stay within the lines of worthiness.

• “Atonement—Not a One-Time Thing” (3:00)

  Atonement - Not a One-Time Thing

  A young man shares how with the help of his bishop, he is experiencing the blessings of the Atonement of Jesus Christ.

• “I Choose to Be Pure” (4:19)

  I Choose to be Pure

  Six interfaith youth speak candidly on why they have chosen to be sexually pure.

Сургаал ба Гэрээ 63:6–12. Их Эзэн тэмдэг эрэлхийлэгчийг буруушаадаг

Хэрэв та хичээлийн нэг хэсгийг Сургаал ба Гэрээ 63:6–12-т төвлөрүүлэхээр сонгосон бол Эзра Бүтын тухай ярилцах нь суралцагчдад үр өгөөжтэй байж магадгүй. Тэрээр Элса Жонсоны гарыг гайхамшигтайгаар эдгээж байгааг харсныхаа дараа Есүс Христийн сайн мэдээнд хөрвөсөн юм. Гэвч Есүс Христийн Сүмд нэгдсэнийхээ дараахан Эзра сүнслэг илэрхийлэлт дутмаг байгаад урам нь хугарч, Сүмд болон бошиглогч Иосеф Смитэд шүүмжлэлтэй хандав ( Гэгээнтнүүд: Хожмын үеийн Есүс Христийн Сүмийн түүх, 1-р боть, Үнэний жишиг, 1815–1846 [2018], х. 146-г үзнэ үү). Эзра Сүмийг орхиж, бошиглогч Иосеф Смитийг хамгийн их шүүмжилдэг хүмүүсийн нэг болжээ.

Суралцагчдыг Сургаал ба Гэрээ 63:6–12-ыг уншаад, тэмдгүүд болон итгэлийн талаар Их Эзэний заасан үнэнүүдийг олж мэдэхэд урь. Тэдний тодорхойлж магадгүй нэг үнэн бол Есүс Христэд итгэх итгэл тэмдгүүдээр ирдэггүй, харин Түүнд итгэдэг хүмүүсийг тэмдгүүд дагадаг гэх үнэн юм.

• Та нарын амьдрал дахь ямар энгийн зүйл Тэнгэрлэг Эцэгийн та нарыг гэсэн хайрыг гэрчилдэг вэ?

• Өдөр тутамдаа гайхамшгийг эрэлхийлэх нь Есүс Христэд итгэх итгэлийг чинь хэрхэн нэмэгдүүлж болох вэ?