“Leksiyon 83—Pagbansay 5 sa Doktrinal nga Kahanas: Pagsag-ulo ug Pag-angkon og Espirituhanong Kahibalo,” Manwal sa Magtutudlo sa Seminary sa Doktrina ug mga Pakigsaad (2025)
“Pagbansay 5 sa Doktrinal nga Kahanas,” Manwal sa Magtutudlo sa Seminary sa Doktrina ug mga Pakigsaad
Leksiyon 83: Doktrina ug mga Pakigsaad 71–75
Pagbansay 5 sa Doktrinal nga Kahanas
Pagsag-ulo ug Pag-angkon og Espirituhanong Kahibalo
Ang doktrinal nga kahanas makatabang sa mga estudyante sa pagtukod sa ilang pundasyon diha ni Jesukristo ug sa Iyang ebanghelyo. Kini nga leksiyon makahatag sa mga estudyante og mga kahigayonan sa pagsag-ulo sa mga pakisayran sa doktrinal nga kahanas ug sa ilang mahinungdanon nga mga hugpong sa mga pulong sa kasulatan ingon man sa pagkat-on ug sa paggamit sa balaanong mga baroganan alang sa pag-angkon og espirituhanong kahibalo.
Mga Posibleng Kalihokan sa Pagkat-on
Pagrebyo sa doktrinal nga kahanas: Isag-ulo
Paghunahuna og mga panahon sa imong kinabuhi sa dihang ang pagsag-ulo sa impormasyon nakatabang sa pagtuman sa usa ka tahas.
-
Sa unsa nga paagi ang pagsag-ulo sa impormasyon mipanalangin sa imong kinabuhi?
-
Sa unsang mga sitwasyon nga makabenepisyo ka gikan sa pagsag-ulo sa pipila ka mga pakisayran sa kasulatan?
Ang mosunod nga kalihokan usa ka paagi sa pagtabang sa mga estudyante sa pagsag-ulo sa mga pakisayran sa doktrinal nga kahanas ug sa mahinungdanon nga mga hugpong sa mga pulong sa kasulatan. Ang dugang nga mga ideya sa pagsag-ulo makita sa apendiks ubos sa “Mga Kalihokan sa Pagrebyo sa Doktrinal nga Kahanas.” Ang kalihokan sa pagsag-ulo nga imong gipili kinahanglan dili molapas sa 10–15 ka minuto aron ikaw adunay panahon alang sa pagbansay sa paggamit sa doktrinal nga kahanas.
Bahina ang mga estudyante ngadto sa gagmay nga mga grupo ug iprinta ang usa ka kopya sa mosunod nga tsart alang sa matag grupo. Dapita ang mga grupo nga buwagon pinaagi sa pagputol ang matag pakisayran ug ang mahinungdanon nga hugpong sa mga pulong. Ipasagol sa mga estudyante ang mga pakisayran ug ang mahinungdanon nga mga hugpong sa mga pulong ug dayon magtinabangay isip usa ka grupo aron ipares kini pagbalik sa labing madali kutob sa ilang mahimo. Ang mga grupo mahimong mosubli niini nga kalihokan sa makadaghan nga higayon aron makita kon mas paspas ba nila kining mapares sa matag pagsulay.
|
Pakisayran sa kasulatan sa doktrinal nga kahanas |
Mahinungdanon nga hugpong sa mga pulong sa kasulatan |
|---|---|
Pakisayran sa kasulatan sa doktrinal nga kahanas | Mahinungdanon nga hugpong sa mga pulong sa kasulatan Si Joseph Smith “nakakita og duha ka Personahe, kansang kahayag ug himaya dili mahulagway.” |
Pakisayran sa kasulatan sa doktrinal nga kahanas | Mahinungdanon nga hugpong sa mga pulong sa kasulatan “Mao lamang ang tinuod ug buhi nga simbahan.” |
Pakisayran sa kasulatan sa doktrinal nga kahanas | Mahinungdanon nga hugpong sa mga pulong sa kasulatan “Bisan pinaagi sa akong kaugalingon nga tingog o pinaagi sa tingog sa akong mga sulugoon, kini managsama ra.” |
Pakisayran sa kasulatan sa doktrinal nga kahanas | Mahinungdanon nga hugpong sa mga pulong sa kasulatan “Paghunahuna ngari kanako sa matag hunahuna; ayaw pagduha-duha, ayaw kahadlok.” |
Pakisayran sa kasulatan sa doktrinal nga kahanas | Mahinungdanon nga hugpong sa mga pulong sa kasulatan “Ako mosulti kanimo diha sa imong hunahuna ug sa imong kasingkasing, pinaagi sa Espiritu Santo.” |
Pakisayran sa kasulatan sa doktrinal nga kahanas | Mahinungdanon nga hugpong sa mga pulong sa kasulatan Ang Aaronic nga Pagkapari “naghupot sa mga yawe sa pagpangalagad sa mga anghel, ug sa ebanghelyo sa paghinulsol, ug sa bunyag.” |
Pakisayran sa kasulatan sa doktrinal nga kahanas | Mahinungdanon nga hugpong sa mga pulong sa kasulatan “Ang bili sa mga kalag mahinungdanon sa panan-aw sa Dios.” |
Pakisayran sa kasulatan sa doktrinal nga kahanas | Mahinungdanon nga hugpong sa mga pulong sa kasulatan “Unsa kaha kadako ang imong hingpit nga kalipay kon ikaw makadala og daghan nga mga kalag ngari kanako!” |
Pakisayran sa kasulatan sa doktrinal nga kahanas | Mahinungdanon nga hugpong sa mga pulong sa kasulatan “Ako, [si Jesukristo], nag-antos niini nga mga butang alang sa tanan.” |
Pakisayran sa kasulatan sa doktrinal nga kahanas | Mahinungdanon nga hugpong sa mga pulong sa kasulatan Ang pulong sa propeta “ikaw makadawat, ingon og gikan sa akong kaugalingon nga baba.” |
Pakisayran sa kasulatan sa doktrinal nga kahanas | Mahinungdanon nga hugpong sa mga pulong sa kasulatan “Ako mopadayag sa akong kaugalingon gikan sa langit uban sa gahom ug dako nga himaya … ug mopuyo diha sa pagkamatarong uban sa mga tawo diha sa yuta sa kaliboan ka mga tuig.” |
Pakisayran sa kasulatan sa doktrinal nga kahanas | Mahinungdanon nga hugpong sa mga pulong sa kasulatan “Ang kaminyoon gi-orden sa Dios.” |
Pakisayran sa kasulatan sa doktrinal nga kahanas | Mahinungdanon nga hugpong sa mga pulong sa kasulatan “Siya kinsa naghinulsol sa iyang mga sala, ang mao gipasaylo.” |
Pakisayran sa kasulatan sa doktrinal nga kahanas | Mahinungdanon nga hugpong sa mga pulong sa kasulatan “Kamo gikinahanglan nga mopasaylo sa tanan nga mga tawo.” |
Paggamit sa mga baroganan sa pag-angkon og espirituhanong kahibalo
Ang nahabilin sa leksiyon nakatutok sa pagtabang sa mga estudyante sa paggamit sa mga baroganan sa pag-angkon og espirituhanong kahibalo sa tinud-anay nga sitwasyon sa kinabuhi. Sa dili pa basahon ang sitwasyon sa ubos, ikonsiderar ang pagdapit sa mga estudyante sa pagrebyo sa mga baroganan sa pag-angkon og espirituhanong kahibalo. Ang gisugyot nga mga kalihokan sa pagrebyo gilakip diha sa apendiks ubos sa “Mga Kalihokan sa Pagrebyo sa Doktrinal nga Kahanas.” Makita nimo ang mga paghulagway sa mga baroganan diha sa mga parapo 5–12 sa seksiyon nga “Pag-angkon og Espirituhanong Kahibalo” sa Mahinungdanon nga Dokumento sa Doktrinal nga Kahanas (2023).
Kini nga senaryo sa pagbansay sa paggamit gibase sa usa ka kasinatian nga si Sister Kristin M. Yee, Ikaduhang Magtatambag sa Kinatibuk-ang Kapangulohan sa Relief Society, mipakigbahin diha sa kinatibuk-ang komperensiya. Kon makatabang, mahimo kang mogamit og lahi nga senaryo mahitungod sa pagpasaylo aron mas mohaom sa mga panginahanglan sa imong mga estudyante.
Si Sister Kristin M. Yee, Ikaduhang Magtatambag sa Kinatibuk-ang Kapangulohan sa Relief Society, mipakigbahin sa mosunod nga personal nga kasinatian.
Ako personal nga nakasaksi sa milagro ni Kristo nga miayo sa akong pagbati sa kasuko ug kalagot. Uban sa pagtugot sa akong amahan, ako mopakigbahin nga ako nagdako sa usa ka panimalay diin wala gayod ako kanunay mobati nga luwas tungod sa emosyonal ug berbal nga pagmaltrato. Sa akong kabatan-on ug sa hingkod nga mga tuig, ako naglagot sa akong amahan ug adunay kasuko sa akong kasingkasing gikan niana nga kasakit. (Kristin M. Yee, “Nagdala Akog Kalipay Inay Kagul-anan: Ang Makaayo nga Dalan sa Pagpasaylo,” Liahona, Nob. 2022, 37)
Pagtagana og panahon sa makadiyot sa paghunahuna mahitungod kon unsa kaha ang bation nga makasinati sa sitwasyon ni Sister Yee. Hunahunaa kon unsa kaha tingale ang imong mahimo kon ikaw nag-atubang og susama nga sitwasyon.
Samtang kita magtuon sa unsay gibuhat ni Sister Yee, hunahunaa unsa nga mga leksiyon ang imong makat-onan gikan sa iyang kasinatian. Hatagi og espesyal nga pagtagad kon giunsa niya paggamit ang mga baroganan sa pag-angkon og espirituhanong kahibalo ug sa unsang paagi ang Manluluwas mitabang kaniya.
Ipang-apod-apod ang kauban nga handout ngadto sa mga estudyante. Ikonsiderar ang pagpakita diha sa pisara sa mosunod nga mga pangutana nga matan-aw sa mga estudyante samtang magtuon sila sa pakigpulong ni Sister Yee. Dasiga ang mga estudyante sa pagkonsiderar og dugang nga mga paagi nga ang usa ka tawo sa susama nga sitwasyon mahimong mogamit sa mga baroganan sa pag-angkon og espirituhanong kahibalo.
-
Unsa ang gibuhat ni Sister Yee aron molihok inubanan sa hugot nga pagtuo? Sa unsang paagi ang Manluluwas mitabang kaniya?
-
Unsa ang gibuhat ni Sister Yee aron makita ang iyang sitwasyon sa konteksto sa plano sa kaluwasan ug sa mga pagtulun-an sa Manluluwas?
-
Unsang balaanong gitudlo nga mga tinubdan ang gisaligan ni Sister Yee? Sa unsang paagi kini nga mga tinubdan nakatabang kaniya nga makaangkon og pagsabot o panglantaw mahitungod sa iyang sitwasyon?
Ikonsiderar ang paggamit sa usa sa mosunod nga mga ideya sa pagtabang sa mga estudyante sa pag-ila kon sa unsang paagi gigamit ni Sister Yee ang mga baroganan sa pag-angkon og espirituhanong kahibalo:
-
Tinoa isip usa ka klase ang pipila ka piho nga mga paagi sa pagtimaan kon sa unsang paagi gigamit ni Sister Yee ang matag baroganan sa pag-angkon og espirituhanong kahibalo. Sama pananglit, mahimo ninyong badlisan ang usa ka baroganan, isulod sa kuwadro ang usa, ug linginan ang laing usa. Mahimo usab ninyong gamitan og lain-laing mga kolor aron markahan ang matag baroganan. Dapita ang mga estudyante sa pagtuon sa nahibilin sa handout, mangita ug magmarka sa mga ehemplo sa matag baroganan.
-
Tahasi ang mga estudyante o mga grupo sa mga estudyante og lain-laing baroganan sa pag-angkon og espirituhanong kahibalo. Samtang magtuon sila sa pakigpulong ni Sister Yee, dapita sila sa pagsulat kon unsay iyang gibuhat sa paggamit niana nga baroganan.
-
Imbis nga gamiton ang handout, mahimo nimong ipakita ang bidyo sa pakigpulong ni Sister Yee. Dapita ang mga estudyante sa pagpaminaw sa mga paagi nga iyang gigamit ang mga baroganan sa pag-angkon og espirituhanong kahibalo. Mahimong ipataas sa mga estudyante ang ilang kamot sa higayon nga makadungog sila og mga ehemplo, ug mahimo nimong ihunong ang bidyo ug tugoti sila sa pagpakigbahin sa unsay ilang nakaplagan.
Beauty for Ashes: The Healing Path of Forgiveness
Sister Yee teaches that we are blessed as we follow the Savior on the healing path of forgiveness.
Nagdala Akog Kalipay Inay Kagul-anan: Ang Makaayo nga Dalan sa Pagpasaylo
Sa katuigan ug sa akong mga paningkamot sa pagpangita og kalinaw ug pagkaayo niana nga dalan sa paghatag ug pagdawat sa pagpasaylo, nakaamgo ko sa lawom nga paagi nga ang sama nga Anak sa Dios kinsa miula alang sa akong mga sala mao ang sama nga Manunubos kinsa mao usab ang moluwas niadtong kinsa nakapasakit kanako og maayo. Ako dili gayod makatuo sa unang kamatuoran nga dili motuo sa ikaduha.
Sama sa akong gugma alang sa Manluluwas nga mitubo, mao usab ang akong tinguha sa pagpuli sa kasakit ug kasuko uban sa Iyang makaayo nga buhat. Kini ang proseso sa daghang katuigan, nagkinahanglan og kaisog, kahuyang, pagkamalungtaron, ug pagkat-on sa pagsalig sa balaang gahom sa Manluluwas sa pagluwas ug pag-ayo. Ako aduna gihapoy buhatonon pa, apan ang akong kasingkasing wala nay kasuko ug pagbati sa pagpanimalos. Ako gihatagan na og “usa ka bag-o nga kasingkasing” [Ezequiel 36:26]—usa nga nakabati sa lawom ug malungtarong gugma sa usa ka personal nga Manluluwas, kinsa nagpabilin sa akong kiliran, kinsa malumo ug mapailobong naggiya nako ngadto sa mas maayo nga dapit, kinsa mihilak uban nako, kinsa nasayod sa akong kasub-anan. …
Si Elder Richard G. Scott miingon: “Dili ninyo mapapas ang nanghitabo, apan kamo makapasaylo. Ang pagpasaylo moayo sa hilabihan, grabing mga samad, kay motugot kini sa gugma sa Dios nga molangkat sa makahilo nga kasilag nga naa sa inyong kasingkasing ug hunahuna. Kini molimpyo sa inyong kaugalingon sa tinguha nga makapanimalos. Kini magmugna og luna alang sa makalunsay, makaayo, makapahiuli nga gugma sa Ginoo” [“Healing the Tragic Scars of Abuse,” Ensign, Mayo 1992, 33].
Ang akong yutan-ong amahan usab adunay milagrosong kausaban sa kasingkasing bag-ohay lang ug mibalik sa Ginoo—usa ka butang nga wala nako damha niini nga kinabuhi. Lain pa nga pagpamatuod ngari kanako sa hingpit ug makapa-usab nga gahom ni Jesukristo.
Ako nasayod nga Siya makahimo sa pag-ayo sa makasasala ug niadtong nakahimo sa sala. Siya ang Manluluwas ug ang Manunubos sa kalibotan, kinsa mitugyan sa Iyang kinabuhi aron kita mabuhi pag-usab. Siya miingon, “Ang Espiritu sa Ginoo ania kanako, kay iya man akong gidihogan aron sa pagwali sa maayong balita ngadto sa mga kabos; gipadala niya ako aron sa pag-ayo sa masulob-ong kasingkasing, sa pagpahibalo sa kagawasan ngadto sa mga binilanggo, ug sa kahiuli sa igtatan-aw ngadto sa mga buta, sa paghatag sa kagawasan ngadto sa mga dinaugdaog” [Lucas 4:18].
Ngadto sa tanan kinsa masulob-on ang kasingkasing, nabihag, nasamdan, ug tingali nasakitan o nakasala, Siya nagtanyag og kaayohan, pagkamaulian, ug kaluwasan. Ako mopamatuod nga kadtong nga pagkaayo ug pagkamaulian nga Iyang gitanyag tinuod. Ang tyempo niana nga pagkaayo indibidwal, ug dili kita makahukom sa tyempo sa uban. Importante nga hatagan ang atong kaugalingon sa gikinahanglan nga panahon sa pagpaayo ug magmabination sa atong kaugalingon diha sa proseso. Ang Manluluwas manggiloy-on gayod ug maminaw ug mobarog nga andam sa paghatag og tabang nga atong gikinahanglan.
Diha sa dalan sa pagpasaylo ug pagkaayo adunay pagpili nga dili ipadayon ang dili maayo nga mga sundanan o mga relasyon sa atong mga pamilya o bisan asa. Ngadto sa tanan nga anaa sa atong impluwensiya, kita makatanyag og kamaayo alang sa kabangis, gugma alang sa pagdumot, kalumo alang sa kapintas, kahilwasan alang sa kaguol, ug kalinaw alang sa panagbingkil.
Sa paghatag sa unsay wala mahatag kanimo mao ang gamhanang bahin sa balaang pagkaayo nga posible pinaagi sa hugot nga pagtuo diha kang Jesukristo. Sa pagpuyo sa paagi nga ikaw, sama sa giingon ni Isaias, nagdala og kalipay inay kagul-anan sa imong kinabuhi [tan-awa sa Isaias 61:3] usa ka buhat sa hugot nga pagtuo nga mosunod sa labing gamhanan nga ehemplo sa usa ka Manluluwas kinsa miantos sa tanan aron Siya makatabang sa tanan. …
Ako mopamatuod nga ang labing halangdon nga ehemplo sa gugma ug pagpasaylo mao kana sa atong Manluluwas, si Jesukristo, kinsa diha sa tumang kasakit miingon, “Amahan, pasayloa sila; kay wala sila mahibalo sa ilang gibuhat” [Lucas 23:34]. (Kristin M. Yee, “Nagdala Akog Kalipay Inay Kagul-anan: Ang Makaayo nga Dalan sa Pagpasaylo,” Liahona, Nob. 2022, 37–38)
Human ipakigbahin sa mga estudyante ang unsay ilang nakaplagan, dapita sila sa pag-ila og may kalabotan nga mga tudling sa doktrinal nga kahanas ug ipasabot kon sa unsang paagi kini nga mga tudling makatabang sa usa ka tawo niini nga matang sa sitwasyon. Ang pipila ka mga pananglitan naglakip sa Doktrina ug mga Pakigsaad 6:36 ug Doktrina ug mga Pakigsaad 64:9–11.
-
Sa unsang paagi nga nakatabang kanimo ang pagtuon sa usa ka ehemplo sa usa ka tawo nga naggamit sa mga baroganan sa pag-angkon og espirituhanong kahibalo sa usa ka kasinatian nga iyang giatubang?
-
Sa unsang paagi nga ang paggamit niini nga mga baroganan makatabang kanimo sa mga sitwasyon nga imong giatubang?