Վարդապետություն և Ուխտեր 77–80

Վարդապետություն և Ուխտեր 77–80

Ակնարկ

Ջոզեֆ Սմիթին և Եկեղեցու այլ ղեկավարներին Տերը հանձնարարեց ստեղծել միաբանություն, որը կկառավարի Եկեղեցու գործերը և հրատարակչական գործունեությունը: Այս միաբանությունը կոչվում էր «Միացյալ միաբանություն» և վերահսկում էր Եկեղեցու ջանքերը՝ փող ստեղծելու և կարիքավորներին հոգալու համար: Փրկչի՝ «քարոզեք ավետարանն ամեն արարածի» պատվիրանը կատարելու համար (Վարդապետություն և Ուխտեր 80.1) անհատ մարդիկ կանչվեցին ծառայելու միսիաներում։ Ջարեդ Քարթերը, Սթիվեն Բարնեթը և Իդեն Սմիթը ստացան միսիայում ծառայելու կանչեր:

Յուրաքանչյուր ուսանողի օգնեք մասնակցել ուսումնական գործընթացին․ Անկեղծորեն ընդգծեք, որ յուրաքանչյուր ուսանողի կարիքը կա և յուրաքանչյուրը կարող է իր ներդրումն ունենալ։ Որոշ ուսանողներ գուցե ավելի հակված լինեն մասնակցելու գործընթացին, քան մյուսները։ Լրացուցիչ ջանքեր գործադրեք և ստեղծագործական մոտեցում ցուցաբերեք՝ օգնելու յուրաքանչյուր ուսանողի մասնակցել իրեն հարմար եղանակներով: Ավելին իմանալու համար, թե Փրկիչն ինչպես է դա արել, տես «Փրկիչն այնպես արեց, որ բոլորն իրենց հարգված և գնահատված զգան» բաժինը Ուսուցանել Փրկչի ձևով ձեռնարկում։ Դրա օրինակը կարող եք տեսնել նաև այս շաբաթվա դասում, որը վերնագրված է «Վարդապետություն և Ուխտեր 78»։

Պատրաստվեք ուսուցանել

Հետևյալ տեղեկությունները ձեզ հուշում են, թե ինչ պետք է նախապատրաստեք յուրաքանչյուր դասի համար:

Վարդապետություն և Ուխտեր 78

Դասի նպատակը․ օգնել ուսանողներին մեծացնել Փրկչին նմանվելու իրենց ցանկությունը՝ հոգ տանելով կարիքավորների մասին:

• Ուսանողի նախապատրաստություն․ սուրբ գրությունների ուսումնասիրությունն այն եղանակներից մեկն է, որով ուսանողները կարող են ավելի լավ նախապատրաստվել անձնական հայտնություն ստանալուն: Կարող եք առաջարկել ուսանողներին լուռ աղոթել դասի ընթացքում՝ իմանալու, թե Երկնային Հայրն ինչ կուզեր, որ իրենք սովորեին, զգային կամ անեին իրենց ուսումնասիրության արդյունքում:

• Նյութեր «Տիրոջ շտեմարան» պիտակով տուփ, թերթիկներ յուրաքանչյուր ուսանողի համար

Վարդապետություն և Ուխտեր 79–80

Դասի նպատակը․ օգնել ուսանողներին կիսվել Փրկչի ավետարանով իրենց ողջ կյանքի ընթացքում:

• Ուսանողի նախապատրաստություն․ կարող եք առաջարկել ուսանողներին աղոթքով մտածել այն մարդկանց մասին, որոնց հետ իրենք կարող են կիսվել Հիսուս Քրիստոսի ավետարանով: Խրախուսեք ուսանողներին մտածել, թե այդ մարդիկ ինչպես կարող են օրհնվել ավետարանի ուղերձի շնորհիվ և մտածել բնական եղանակներ, որոնցով իրենք կարող են նրանց հետ կիսվել ավետարանով:

• Նյութեր․ «Քարոզիր Իմ ավետարանը» աշխատաթերթի օրինակներ

• Տեսանյութ. «Կիսվելու բարիքներ» (2:21)