“Lesona 90—Mataupu Faavae ma Feagaiga 79–80: Folafola Atu Tala Fiafia o le Olioli Tele,” Tusi Lesona a le Faiaoga Seminare o le Mataupu Faavae ma Feagaiga (2025)
“Mataupu Faavae ma Feagaiga 79–80,” Tusi Lesona a le Faiaoga Seminare o le Mataupu Faavae ma Feagaiga
Lesona 90: Mataupu Faavae ma Feagaiga 77–80
Mataupu Faavae ma Feagaiga 79–80
Folafola Atu Tala Fiafia o le Olioli Tele
A o taliaina e uluai Au Paia le savali o le Toefuataiga, sa latou maua se naunautaiga tele e faasoa atu le talalelei a Iesu Keriso i isi. Sa faasoa atu e nisi o latou talitonuga i tagata o aiga ma uo. O isi na tali atu i se valaau mai le Faaola e auauna atu i se misiona. O lenei lesona e mafai ona fesoasoani i tagata aoga e faasoa atu le talalelei a le Faaola i o latou olaga atoa.
Gaoioiga E Ono Mafai Ona Aoao Ai
Avanoa e faasoa atu ai le talalelei a Iesu Keriso
Fesoasoani i tagata aoga e faailoa mai avanoa e faasoa atu ai le talalelei a Iesu Keriso. Mafaufau e valaaulia tagata aoga e faitau lenei faamatalaga ma talanoa mea nei i paga po o vaega toalaiti.
Na faasoa mai Elder Dieter F. Uchtdorf o le Korama a Aposetolo e Toasefululua:
Po o fea lava o e i ai i lenei lalolagi, e anoanoai avanoa e faasoa atu ai le tala fiafia o le talalelei a Iesu Keriso i tagata tou te feiloai i ai, aooga faatasi, ma nonofo faatasi pe faigaluega ma tafafao faatasi. (Dieter F. Uchtdorf, “Galuega Faafaifeautalai: Faasoaina atu o Mea o Loo i Totonu o Lou Loto,” Liahona, Me 2019, 15)
-
O a ni aafiaga na e maua i le faasoaina atu o le talalelei a Iesu Keriso?
-
O a ni avanoa e faasoa atu ai le talalelei e te manatu o le a e maua i lou olaga atoa?
-
O le a lou mautinoa i lou mafai ona faasoa atu le talalelei a Iesu Keriso? O le a se mea e faafaigata ai ona faasoa atu le talalelei?
Valaaulia tagata aoga e faailoa mai ma le agaga tatalo se tasi e mafai ona latou faasoa atu i ai le talalelei a Iesu Keriso. Afai na valaaulia tagata aoga e faamaea le gaoioiga sauniuni, atonu ua i ai se tasi i o latou mafaufau. Valaaulia tagata aoga e tusi igoa o nei tagata i a latou api talaaga mo suesuega. Pe, afai e leai se tasi na oo mai i lou mafaufau, valaaulia i latou e faaauau ona mafaufau loloto i avanoa latou te ono maua e faasoa atu ai le talalelei i isi. Fautuaina tagata aoga e saili musumusuga mai le Agaga Paia i lenei aafiaga faaleaoaoga atoa.
Tala fiafia o le olioli tele
I faaaliga o loo tusia i le Mataupu Faavae ma Feagaiga 79–80, na valaauina ai e le Faaola ni tagata se toatolu e auauna atu i ni misiona: o Iareto Kata, Stephen Burnett, ma Eden Smith.
Faitau le Mataupu Faavae ma Feagaiga 79:1. Vaavaai pe na faapefea ona faamatalaina e le Alii le savali na Ia talosagaina Iareto Kata e faasoa atu i isi.
-
O a upu na faagaeetia ai oe mai lenei fuaiupu? O le a le mea ua valaaulia i tatou e le Faaola e fai?
Fesoasoani i tagata aoga e faailoa mai ua valaaulia i tatou e Iesu Keriso e faasoa atu le olioli o Lana talalelei i tagata uma. Mafaufau e tusi le tala fiafia o le olioli tele i luga o le laupapa. Valaaulia tagata aoga e lisi mea ua latou iloa e uiga ia Iesu Keriso ma Lana talalelei e faavavau lea e aumaia ia i latou le olioli tele.
Mafaufau i olaga o tagata na e tusia igoa i le amataga o le lesona. Tusi i autafa o o latou igoa le auala e te manatu ai o “tala fiafia” o le talalelei e mafai ona aumaia ia i latou le olioli.
O leMataupu Faavae ma Feagaiga 79–80 o loo i ai aoaoga mai le Faaola e mafai ona fesoasoani i tagata aoga ia latou taumafaiga e faasoa atu le talalelei. Mafaufau i ni auala e mafai ona e fesoasoani ai ia i latou ia iloa nei aoaoga. O le gaoioiga lenei o se tasi lea o auala e mafai ona e faatinoina ai. E mafai ona suia ina ia fetaui ma manaoga o au tagata aoga.
Tuu atu i tagata aoga taitasi le pepa e tufa atu ua faaautuina “Tala’i La’u Talalelei.” Pe valaaulia tagata aoga e fatu se siata talitutusa i luga o se pepa avanoa ma tuu atu ia i latou faatonuga mo pusa taitasi.
Tala’i la’u talalelei
Tala’i La’u Talalelei
A o e faia lenei gaoioiga, vaavaai mo aoaoga mai ia Iesu Keriso e mafai ona fesoasoani ia te oe i au taumafaiga e faasoa atu le olioli o Lana talalelei.
Faitau le fuaitau o le mau ma faamaea ia faatonuga i sikuea taitasi. Afai e te manaomia nisi avanoa, e mafai ona e faaaogaina le isi itu o le pepa e tufa atu.
|
Mataupu Faavae ma Feagaiga 79:2 Toe tusi nei fuaiupu i au lava upu. |
Mataupu Faavae ma Feagaiga 79:3 Tusi se faatusa o lenei fuaiupu. (O fusisaito o ni fusi saito ma o ni faatusa o tagata e taliaina le talalelei.) |
|
Mataupu Faavae ma Feagaiga 79:4 Tusi mea e te talitonu o le upu po o le fasifuaitau aupito taua i lenei fuaiupu ma se faamalamalamaga puupuu o le mafuaaga e te manatu ai e taua i le faasoaina atu o le talalelei. |
Mataupu Faavae ma Feagaiga 80:1 Sue se fuaitau o le atamai i aoaoga faavae po o se isi mau e fesootai i lenei fuaiupu. Tusi le mau faasino i le sikuea lenei. |
|
Mataupu Faavae ma Feagaiga 80:2 Tusi se mafuaaga se tasi e te manatu e tuuina mai ai e le Alii i faifeautalai ni soa. |
Mataupu Faavae ma Feagaiga 80:3 Tusi pe o le a sou lagona e mafai ona fesootai lenei fuaiupu i a tatou lava taumafaiga e faasoa atu le talalelei a Iesu Keriso. |
|
Mataupu Faavae ma Feagaiga 80:4 Tusi se mea na e faalogo i ai, talitonu, pe iloa e moni e uiga ia Iesu Keriso po o Lana talalelei. Ia aofia ai le mafuaaga e mafai ai ona taua lena upumoni mo isi e faalogo i ai. |
Mataupu Faavae ma Feagaiga 80:5 Faitau le fuaiupu lenei e pei o loo tautala sa’o atu ia te oe. Tusi pe faapefea e le iloaina ua valaauina oe e le Faaola e faasoa atu le talalelei ona mafai ona e maua ai le mautinoa e faia ai. |
O se auala talafeagai e faaaoga ai lenei pepa tufa atu o le fuafua muamua po o le a le tele o le taimi e ono manaomia e tagata aoga e faamae’a ai gaoioiga taitasi. Faailoa atu i tagata aoga o latou taimi faatulagaina e faamae’a ai le gaoioiga i pusa taitasi ma seti se taimi. O taimi uma lava e faaleo mai ai le faailotaimi, faatonu i latou e pasi atu a latou pepa i se isi tagata aoga, faitau mea na tusia e le latou vasega, ma fai le gaoioiga i le pusa e sosoo ai.
A uma lenei gaoioiga, fai i le vasega e toe faafoi pepa ia i latou e onaina. Valaaulia tagata aoga e faitau ia i latou lava mea uma ua tusia i luga o a latou pepa. E mafai e tagata aoga ona faasoa mai ni malamalamaaga loloto mai a latou uo i le vasega po o a latou lava suesuega latou te lagona o le a fesoasoani ia latou taumafaiga e faasoa atu le olioli o le talalelei a Iesu Keriso.
Faasoaina atu o mea ua tatou faalogo i ai, talitonu, ma iloa e moni
Mafaufau e toe faamanatu le Mataupu Faavae ma Feagaiga 80:4. I lenei fuaiupu, ua fetalai mai le Alii ia i tatou e faasoa atu mea ua tatou faalogo i ai, talitonu, ma iloa e moni. Valaaulia ni nai tagata aoga e faasoa mai po o a mea na latou tusia pe na tusia e a latou uo i le vasega i lena sikuea.
Ina ia fesoasoani i tagata aoga e vaai faalemafaufau pe mafai faapefea ona latou faaaogaina mea sa latou aoaoina e faasoa atu ai le talalelei, mafaufau e faasoa atu se faataitaiga i se tala po o se vitio. O se tasi o na vitio o le “Mea Lelei e Faasoa” (2:21), e maua i le ChurchofJesusChrist.org.
Good Things to Share
Sharing what matters most is not unusual at all. What good things will you share?
-
O le a se mea ua e lagonaina i le asō ua faateleina ai lou manao e faasoa atu le olioli o le talalelei a le Faaola?
-
O a nisi o auala e mafai ona e faaaogaina ai upumoni ua e aoaoina i le aso i o outou olaga atoa?
Valaaulia tagata aoga e tusifaamaumau lagona na latou maua e mafai ona fesoasoani ia i latou e faasoa atu ai le olioli o le talalelei a le Faaola i tagata taitoatasi sa latou faailoa maia i le amataga o le vasega. Faamalosiau i tagata aoga e mulimuli i o latou lagona ma faasoa atu o latou talitonuga i isi i ni auala aogā e pei o talanoaga faaletagata lava ia, feau tusitusia, po o luga o ala o faasalalauga faaagafesootai.