Mataupu Faavae ma Feagaiga 77-80

Mataupu Faavae ma Feagaiga 77-80

Vaaiga Aoao

Sa faatonuina e le Alii Iosefa Samita ma isi taitai o le Ekalesia e faia se kamupani e pulea ai pisinisi ma taumafaiga lomitusi a le Ekalesia. O lenei kamupani sa ta’ua o le Kamupani Tuufaatasi ma vaaia taumafaiga a le Ekalesia e faagaoioia tupe ma ia tausia i latou e manaomia le fesoasoani. Ina ia faataunuuina le poloaiga a le Faaola e “talai atu le talalelei i tagata uma” (Mataupu Faavae ma Feagaiga 80:1), sa valaauina ai tagata taitoatasi i misiona. Na maua e Jared Carter, Stephen Burnett, ma Eden Smith ni valaauga faamisiona.

Fesoasoani i tagata aoga taitasi e saofaga i le aafiaga e aoao ai: Ia iloa ma le faamaoni e manaomia tagata aoga taitasi ma e i ai se saofaga e fai. O nisi atonu e sili atu ona naunau e auai nai lo isi. Fai le taumafaiga faaopoopo ma fatufatua’i e fesoasoani ai i tagata aoga taitasi e saofagā i ni auala toafimalie ai mo i latou. Mo nisi faamatalaga i le ala na faia ai e le Faaola lenei mea, tagai i le vaega o le “Sa Faamautinoa e le Faaola Sa Lagona e Tagata Uma le Faaaloalogia ma le Faatauaina” i le Aoao Atu i le Ala a le Faaola. E mafai foi ona e vaai i se faataitaiga o le auala e faia ai lenei mea i le lesona o lenei vaiaso ua faaulutalaina “Mataupu Faavae ma Feagaiga 78.”

Ia saunia e aoao atu

O lenei faamatalaga e tuuina atu ai ia te oe ni manatu o mea atonu e manaomia ona muai saunia mo lesona taitasi.

Mataupu Faavae ma Feagaiga 78

Faamoemoega o le lesona: Fesoasoani i tagata aoga ia faateleina lo latou manao ia avea e faapei o le Faaola e ala i le tausia o i latou e le tagolima.

• Sauniuniga a le tamaititi aoga: O le suesueina o tusitusiga paia o se tasi lea o auala e mafai ai e tagata aoga ona saunia lelei e maua faaaliga faaletagata lava ia. Mafaufau e valaaulia tagata aoga e tatalo le leoa i le lesona atoa ia iloa mea e finagalo le Tama Faalelagi latou te aoaoina, lagona, pe faia o se taunuuga o mea latou te suesueina.

• Anomea: O se pusa ua faaigoaina “O Le Faleteuoloa a le Alii”; fasipepa mo tagata aoga taitasi

Mataupu Faavae ma Feagaiga 79–80

Faamoemoega o le lesona: Fesoasoani i tagata aoga e faasoa atu le talalelei a le Faaola i o latou olaga atoa.

• Sauniuniga a le tagata aoga: Mafaufau e valaaulia tagata aoga e mafaufau ma le agaga tatalo i tagata e mafai ona latou faasoa atu i ai le talalelei a Iesu Keriso. Fautuaina tagata aoga e mafaufau pe mafai faapefea ona faamanuiaina nei tagata e ala i le savali o le talalelei ma mafaufau i ni auala masani latou te ono faasoa atu ai ia i latou.

• Anomea: Kopi o le pepa e tufa atu “Tala’i La’u Talalelei”

• Vitiō: “O Mea Lelei e Faasoa Atu” (2:21)