Mataupu Faavae ma Feagaiga 81–83

Mataupu Faavae ma Feagaiga 81–83

Vaaiga Aoao

I le tautotogo i le 1832, sa malaga atu ai le Perofeta o Iosefa Samita ma isi i Initipene, Misuri, i le usitaia o le poloaiga a le Alii e faatu se faalapotopotoga e atiina ae Siona ma tausia e matitiva (tagai i le Mataupu Faavae ma Feagaiga 78). O iina, na maua ai e le Perofeta se faaaliga e faamatala ai faamoemoega o le Alii i Lona nuu ma valaaulia sui auai o le Kamupani Tuufaatasi e noatia i latou lava e ala i feagaiga e pulea mataupu o Lana Ekalesia.

Taiala tagata aoao ia iloa le aafiaga a le Alii i o latou olaga: A o e fesoasoani i tagata aoga ia iloa le ala na faamanuiaina ai e le Faaola olaga o tagata i tusitusiga paia, vaavaai mo auala e fesoasoani ai ia i latou ia iloa le ala e faapena foi ona Ia faamanuiaina ai o latou olaga. Mo nisi faamatalaga i le ala na faia ai e le Faaola lenei mea, tagai i le vaega “Fesoasoani i Tagata Aoao ia Iloa le Alofa, Mana, ma le Alofa Mutimutivale o le Alii i o Latou Olaga” i le Aoao Atu i le Ala a le Faaola. E mafai foi ona e vaai i se faataitaiga o le auala e faia ai lenei mea i le lesona o lenei vaiaso ua faaulutalaina “Mataupu Faavae ma Feagaiga 82:1–7.”

Ia saunia e aoao atu

O lenei faamatalaga e tuuina atu ai ia te oe ni manatu o mea atonu e manaomia ona muai saunia mo lesona taitasi.

Mataupu Faavae ma Feagaiga 82:1–7

Faamoemoega o le lesona: Ina ia fesoasoani i tagata aoga ia malamalama i auala ua faamanuiaina ai i latou e le Alii ma le auala ua Ia faamoemoeina ai i latou e faaaoga na faamanuiaga.

• Sauniuniga a le tagata aoga: Valaaulia tagata aoga e fai se lisi o faamanuiaga na latou maua mai le Alii.

• Aitema e saunia ai: O mea mo tagata aoga e uu i luma o le vasega, e pei o se kopi o le Tusi a Mamona, o se teutusi o iai se aofaiga tele o le tupe o loo tusia i fafo (mo se faataitaiga $1,000,000), ma ni nai fasi lole

• Pepa e tufa atu: “Faamanuiaga mai le Alii”

• Vitiō: “Oa i le Lagi: O le Tala ia Ioane Tanner” (20:31; matamata mai le faailotaimi 8:21 e oo i le 12:24)

Mataupu Faavae ma Feagaiga 82:8–24

Faamoemoega o le lesona: Ina ia fesoasoani i tagata aoga ia malamalama pe faapefea ona tausia feagaiga tatou te osia ma le Tama Faalelagi ma Iesu Keriso.

• Sauniuniga a le tagata aoga: Valaaulia tagata aoga e fesili i se matua po o se taitai talavou pe faapefea ona faamalosia lana sootaga ma Iesu Keriso e ala i le usiusitai i Ana poloaiga.

• Aitema e saunia ai: Ni maneta se lua

Iloilo Lou Aoaoina 6

Faamoemoega o le lesona: Ina ia fesoasoani i tagata aoga e iloilo lo latou tuputupu ae faaleagaga mai a latou suesuega o le Mataupu Faavae ma Feagaiga i le taimi nei.

• Sauniuniga a le tagata aoga: Mafaufau e valaaulia tagata aoga e mafaufau loloto i auala atonu o loo latou tuputupu ae ai faaleagaga, ae maise lava i le latalata atili atu ia Iesu Keriso.

• Ata e faaali atu: Tagata o loo savavali sopo, tietie uila, ma taufetuli; Iosefa Samita ma Sini Rikitone; ata e uiga i le faitauina o tusitusiga paia