Lesona 92: Mataupu Faavae ma Feagaiga 81–83

Mataupu Faavae ma Feagaiga 82:8–24

“O A’u, o le Alii, e Noatia A’u Pe a Outou Faia Mea Ou te Fai Atu Ai”

Sa valaaulia e le Faaola ia sui auai o le Kamupani Tuufaatasi e noatia i latou lava e ala i feagaiga e pulea mataupu o Lana Ekalesia. Na Ia tuuina atu ia i latou poloaiga ma folafola atu e faamanuia i latou pe a latou usiusitai. Pe a tatou osifeagaiga e usitai i poloaiga a Iesu Keriso, ua Ia folafola mai e faamanuia i tatou. O lenei lesona e mafai ona fesoasoani i tagata aoga ia malamalama pe faapefea ona tausia feagaiga tatou te osia ma le Tama Faalelagi ma Iesu Keriso.

Gaoioiga E Ono Mafai Ona Aoao Ai

Noatia i le Alii

O lenei lesona faatino e mafai ona fesoasoani i tagata aoga e faamalolosia ai o latou sootaga ma le Tama Faalelagi ma Iesu Keriso. Faaali atu i tagata aoga ni maneta se lua. E mafai e se tagata aoga ona faataitai pe faapefea ona felata’i faatasi maneta, o le a latou tosina atu pe tetee le tasi i le isi. Fai i tagata aoga e mafaufau faapea o se tasi o maneta e faatusa ia Iesu Keriso ma le isi e faatusa ia i latou.

• O le a se mea e mafai ona tatou aoao e uiga i le tatou sootaga ma le Tama Faalelagi ma Iesu Keriso mai nei fuaitau?

Valaaulia tagata aoga e mafaufau i o latou sootaga ma le Tama Faalelagi ma Iesu Keriso. A o suesueina e tagata aoga le Mataupu Faavae ma Feagaiga 82, fautuaina i latou e saili faaaliga faaletagata lava ia e uiga i le ala e mafai ai ona latou faamalosia lo latou sootaga ma le Tama Faalelagi ma Iesu Keriso.

“O A’u, o le Alii, e noatia a’u pe a outou faia mea Ou te fai atu ai”

I le Mataupu Faavae ma Feagaiga 82, na toe ta’u mai ai e le Alii faatonuga na tuuina mai i se faaaliga na muamua atu (tagai Mataupu Faavae ma Feagaiga 78). O faatonuga o le faatuina lea o le Kamupani Tuufaatasi e pulea ai mataupu faaletino a le Ekalesia ma fausia ai Siona.

O leMataupu Faavae ma Feagaiga 82:10 o se fuaitau o le atamai i aoaoga faavae. Mafaufau e valaaulia tagata aoga e faailoga ia fuaitau o le atamai i aoaoga faavae i se auala iloga ina ia faigofie ona latou mauaina.

Faitau le Mataupu Faavae ma Feagaiga 82:8–10, ma vaavaai mo mea na aoao mai e le Alii e uiga i Ana poloaiga.

• O le a le mafuaaga a le Faaola mo le tuuina mai o poloaiga ia i tatou?

• O a mea ua folafola mai e le Faaola pe a tatou tausia Ana poloaiga?

Valaaulia tagata aoga e toe faailoa mai se upumoni mai nei fuaiupu ma i a latou lava upu. E mafai foi ona latou tusia i a latou api talaaga po o luga o le laupapa. Atonu e faailoa mai e tagata aoga ni upumoni e talitutusa ma lenei: Pe a tatou usiusitai i poloaiga a le Alii, ua Ia folafola mai e faamanuia i tatou.

O a mea o loo aoao mai e nei fuaiupu ia te oe e faatatau i uiga o le Tama Faalelagi ma Lona Alo o Iesu Keriso?

Ina ia fesoasoani i tagata aoga ia iloa le taimi na latou vaai ai i le faataunuuga o lenei upumoni, atonu e te manao e fai se gaoioiga e pei o lea:

Vaevae le vasega i ni vaega toalaiti. Fai atu i vaega taitasi e sue faataitaiga o le Faaola o loo faamanuiaina tagata mo le usitaia o Ana poloaiga. E mafai e tagata aoga ona lisi ni faataitaiga mai tusitusiga paia, o latou lava olaga, po o olaga o tagata latou te iloa. A uma ua lava se taimi, e mafai ona e valaaulia vaega e feauauai i le fefaasoaai o faataitaiga. E mafai ona outou talanoaina mea e mafai ona tatou aoao mai nei faataitaiga e uiga i le naunau o le Faaola e tausia Ana folafolaga.

Fusia e ala i feagaiga

Atonu e te manao e fesoasoani i tagata aoga ia iloa pe mafai faapefea e le fuaiupu 1 ona aoao atu e uiga i la tatou sootaga faalefeagaiga ma le Tama Faalelagi ma Iesu Keriso. E ala i feagaiga, tatou te osia ai folafolaga ma le Tama Faalelagi ma Iesu Keriso, ma La te faia folafolaga ma i tatou.

• O le a sou manatu o le a se mea o aoao mai e le fuaiupu 10 e uiga i feagaiga tatou te osia ma le Tama Faalelagi ma Iesu Keriso?

Faitau le saunoaga lenei a Peresitene Russell M. Nelson, ma vaavaai mo mea na ia aoaoina mai e uiga i feagaiga.

O le taimi lava tatou te osia ai se feagaiga ma le Atua, tatou te tuua loa ni eleele e le faavaea e faavavau. O le a le lafoaia e le Atua Lana sootaga ma i latou o e na faia se sootaga ma Ia. O le mea moni, o i latou uma ua osia se feagaiga ma le Atua e mafai ona maua se ituaiga o alofa ma le alofa mutimutivale faapitoa. …

O le taimi lava e osia ai e oe ma a’u se feagaiga ma le Atua, o le a sili atu ona vavalalata lo tatou sootaga ma Ia nai lo le taimi a o lei faia a tatou feagaiga. O lenei ua fusia faatasi i tatou. Ona o la tatou feagaiga ma le Atua, o le a lē vaivai ai lava o Ia i Ana taumafaiga e fesoasoani ia i tatou, ma o le a tatou le faaumaina lava Lona onosai alofa mutimutivale ia i tatou. Ua tofu i tatou ma se nofoaga faapitoa i le loto o le Atua. E i ai Ona faamoemoega maualuluga mo i tatou. (Russell M. Nelson, “O Le Feagaiga Faavavau,” Liahona, Oke. 2022, 5, 6).

• O le a sou manatu i le mea e taua ona manatua mai lenei faamatalaga?

O le tausia o feagaiga e aumaia ai faamanuiaga

I le avea ai o se vaega o faatonuga a le Alii i taitai o le Kamupani Tuufaatasi, sa Ia fautuaina ai Iosefa Samita, Oliva Kaotui, Eteuati Paterika, ma isi ina ia “fusia faatasi i se sootaga ma se feagaiga” (Mataupu Faavae ma Feagaiga 82:11) e pulea ai mataupu faaletino a le Ekalesia. I le avea ai ma fanau o le feagaiga a le Atua, tatou te osifeagaiga foi e faia ni mea patino a o tatou mulimuli ia Iesu Keriso.

Mafaufau e vaevae le vasega i ni vaega se lua ma valaaulia vaega taitasi e tuufatasia se tasi o lisi lenei. E mafai ona tusi e tagata aoga a latou lisi i le laupapa.

Faitau le Mataupu Faavae ma Feagaiga 82:12–19 ma fai se lisi o mea na talosagaina e le Alii ia sui auai o le Kamupani Tuufaatasi e osifeagaiga e fai.

Faitau le Mosaea 18:8–10 ma le Mataupu Faavae ma Feagaiga 20:77 ma fai se lisi o mea ua poloaiina i tatou e le Alii e osifeagaiga e fai i le aso.

• O le a se mea e tumatila ia te oe mai nei lisi?

• E faapefea e nei matafaioi o feagaiga ona tutusa?

• O le a sou manatu e mafai faapefea e le tausia o a tatou feagaiga ona fesoasoani ia i tatou ia avea faapei o le Faaola?

Faitau le Mataupu Faavae ma Feagaiga 82:24, ma vaavaai mo mea na folafola atu le Alii e fai mo i latou o e mulimuli ia te Ia.

Mafaufau e faaali atu maneta fesootai. Valaaulia tagata aoga e faasoa mai mea na latou aoaoina mai lenei lesona e uiga i la latou sootaga ma Iesu Keriso. E mafai foi ona e faasoa atu ou lagona e uiga i faamanuiaga ua e maua mai le osia ma le tausia o feagaiga ma le Tama Faalelagi ma Iesu Keriso.

Tauloto le atamai i aoaoga faavae

I le taimi o lenei lesona, atonu e te manao e fesoasoani i tagata aoga e tauloto le Mataupu Faavae ma Feagaiga 82:10 ma le fasifuaitau autu o le mau “O A’u, o le Alii, e noatia a’u pe a outou faia mea Ou te fai atu ai.” Ona mafai lea ona e toe faamanatuina i lesona i le lumanai. O manatu mo gaoioiga o le taulotoina o loo i ai i anomea faaopoopo i lalo o le “Gaoioiga Toefaamanatu o le Atamai i Aoaoga Faavae.”

Punaoa Faaopoopo

E mafai faapefea e le tausiaina o feagaiga ona suia ai lou sootaga ma le Tama Faalelagi ma Iesu Keriso?

Na faamatala mai e Peresitene Russell M. Nelson:

Pe a tatou ulu atu foi i le ala o [le feagaiga], ua tatou maua se ala fou o le olaga. O lea tatou te fatuina ai se sootaga ma le Atua lea e mafai ai e Ia ona faamanuia ma suia i tatou. O le ala o feagaiga e toe taitai atu ai i tatou ia te Ia. Afai tatou te faamuamua le Atua i o tatou olaga, o lena feagaiga o le a taitai atu ai i tatou ia latalata atili atu ia te Ia. O feagaiga uma ua faamoemoe e fusia ai. Latou te fatuina se sootaga ma ni fusi e faavavau. …

O le osia o se feagaiga ma le Atua e suia ai lo tatou sootaga ma Ia e faavavau. E faamanuiaina ai i tatou i se fuataga faaopoopo o le alofa ma le alofa mutimutivale. E aafia ai i tatou ma le ala o le a fesoasoani ai le Atua ia i tatou ia avea ma tagata e mafai ona avea ai i tatou (Russell M. Nelson, “O Le Feagaiga e Faavavau,” Liahona, Oke. 2022, 5, 10).

Ae faapefea pe afai tatou te le vaai i faamanuiaga o le usiusitai i poloaiga ma le tausia o feagaiga?

Na aoao mai Elder D. Todd Christoffferson o le Korama a Aposetolo e Toasefululua:

O Lo Tatou Sootaga ma le Atua

Ua aoao mai Elder Christofferson e faapea, po o a lava o tatou tulaga faaleolaga nei, e mafai lava ona tatou talitonu o le a faataunuuina e le Atua Ana folafolaga.

O le a faamamaluina lava e le Atua Ana feagaiga ma folafolaga ia i tatou taitoatasi. E le tatau ona tatou popole i lena mea [Mataupu Faavae ma Feagaiga 82:10]. O le mana togiola a Iesu Keriso—o le na afio ifo i lalo o mea uma ona toe afio a’e ai lea i le mea maualuga [Mataupu Faavae ma Feagaiga 88:6] ma ua umia mana uma i le lagi ma i le lalolagi [Mataio 28:18]—ua faamautinoa mai ai e mafai e le Atua ma o le a faataunuuina Ana folafolaga. O le mea tatau lo tatou faamamalu ma usitaia Ana tulafono, ae e le o faamanuiaga uma na muai folafola mai i luga o le usiusitai i le tulafono [Mataupu Faavae ma Feagaiga 130:20–21] ua fatuina, mamanu, ma faatulagaina taimi e tusa ai ma o tatou faamoemoega. Tatou te faia le mea sili ae e tatau ona tuu atu ia te Ia le pulega o faamanuiaga, i le faaletino ma le faaleagaga. (D. Todd Christofferson, “O Lo Tatou Sootaga ma le Atua,” Liahona, Me 2022, 78)

Na fautua mai Peresitene Russell M. Nelson:

E lē mafai ona lē amanaiaina le upumoni faaleagaga—aemaise lava poloaiga paia. O le tausia o poloaiga paia e aumaia ai faamanuiaga, i taimi uma! O le solia o poloaiga paia e lē aumaia ai ni faamanuiaga, i taimi uma! (Russell M. Nelson, “Ia Faaali Atu Lou Faatuatua,” Liahona, Me 2014, 30)

O a nisi o faamanuiaga faaopoopo e fesootai ma le tausia o feagaiga?

Na aoao mai Elder David A. Bednar o le Korama a Aposetolo e Toasefululua:

E noatia ma le mausali i tatou i a ma i le Faaola pe a tatou manatua ma le faamaoni ma faia le mea sili tatou te mafaia e ola ai e tusa ma matafaioi ua tatou taliaina. Ma o lena noataga faatasi ma Ia o le puna lea o le malosi faaleagaga i vaitau uma o o tatou olaga. …

… Ou te molimau atu o le nuu o le feagaiga a le Alii i ona po nei, e moni lava ua faaauupegaina i le amiotonu ma le mana o le Atua i le mamalu tele. Ua ou molimauina le faatuatua, lotototoa, magafagafa, naunautai, ma le olioli ua oo atu i talaatu o le malosi faaleolaga nei—ma e na o le Atua e mafai ona maua mai ai. (David A. Bednar, “Ma le Mana o le Atua i le Mamalu Tele,” Liahona, Nov. 2021, 29–30)

Na matauina e Sister Jean B. Bingham, o lē sa avea ma Peresitene Aoao o le Aualofa i lena taimi:

Covenants with God Strengthen, Protect, and Prepare Us for Eternal Glory

President Bingham teaches that making and keeping covenants with God brings us happiness and safety now and eternal joy in the world to come.

O i latou o e ua papatisoina ua osifeagaiga i lena aso e lē mafaagaloina ina ia ave i o latou luga le suafa o Iesu Keriso, ia manatua pea o Ia, tausi Ana poloaiga, ma auauna atu ia te Ia e oo i le iuga. A tatou faia nei mea, ua folafola mai le Tama Faalelagi e faamagalo a tatou agasala ma tuuina mai ia i tatou le mafutaga a le Agaga Paia. O nei faamanuiaga e amata ai i tatou i luga o le ala, pe afai tatou te faaauau pea ona fetaomi atu i luma ma tumau e oo i le iuga, o le a mafai ona tatou nonofo faatasi ma Ia ma Lona Alo, i le malo selesitila. O tagatauma ua papatisoina ua i ai le folafolaga o nei faamanuiaga ma avanoa pe afai na te tausia le feagaiga na latou osia i lena aso faapitoa.

O i latou o e osia nisi feagaiga i le malumalu e maua folafolaga mamana e faalagolago i le faamaoni o le tagata lava ia. Tatou te folafola atu ma le faamaoni e usitai i poloaiga a le Atua, ola i le talalelei a Iesu Keriso, ia mama a‘ia’i, ma tuuto atu o tatou taimi ma taleni i le Alii. Ae ua folafola mai ai e le Atua, ia faamanuiaga i lenei olaga ma le avanoa e toe foi atu ai ia te Ia. I lena faagasologa, ua tuuina mai ia i tatou, pe faaeeina i ai, le mana e iloatino ai le mea moni ma le sese, i le va o le sa‘o ma le sese, i le tele o leo fenumiai ma lē lelei lea e osofaia ai i tatou. Se meaalofa ina a mamana! (Jean B. Bingham, “O Feagaiga ma le Atua e Faamalosia, Puipuia, ma Saunia ai i Tatou mo le Mamalu e Faavavau,” Liahona, Me 2022, 66)

Gaoioiga Faaopoopo e Aoao Ai

Mataupu Faavae ma Feagaiga 82:8–9. “Atonu o le a liliu atu ia te oe mo lou faaolataga”

I le faaaogaina o le Mataupu Faavae ma Feagaiga 82:8–9, valaaulia tagata o le vasega e lisi mai poloaiga ua poloaiina ai i latou e le Alii e tausia i aso nei. E mafai ona e fesili i le vasega po o le a so latou manatu i le uiga o le fasifuaitau “ina ia liliu atu ia te outou mo lo outou faaolataga”. Ona talanoaina lea pe mafai faapefea e le usiusitai i poloaiga taitasi o i le lisi ona saofaga i lo latou faaolataga.

O le tausia o feagaiga e fesoasoani e faatuina Siona

O se isi auala e mafaufau ai i le Mataupu Faavae ma Feagaiga 82:12–19 o le taulai atu lea i le faatuina o Siona. O loo ta’u mai i leMataupu Faavae ma Feagaiga 82:14 e tatau ona tulai mai Siona, ia faamalosia, ma faateleina i le matagofie ma le paia. Na faavaeina le Kamupani Soofaatasi e fesoasoani e faatuina Siona ma manuia ai e matitiva (tagai i le faaulutala o le vaega mo le Mataupu Faavae ma Feagaiga 78).

Fai i tagata aoga e faitau le Mose 7:18, ma mafaufau pe na faapefea ona faauigaina e le Alii ia Siona. Ona valaaulia lea o i latou e faitau le Mataupu Faavae ma Feagaiga 82:12–19, ma faailoa mai auala na talosagaina ai e le Alii le Au Paia anamua e tausia a latou feagaiga e fesoasoani e fausia Siona.

Mafaufau e tusi le upu Siona i luga o le laupapa. Valaaulia tagata aoga e faaopoopo fuaitau ma ata e faatusa i auala e mafai ona tatou mulimuli ai i nei faatonuga i o tatou aso. A uma ona latou faaopoopoina ni mea se tele i luga o le laupapa, talanoa pe mafai faapefea e le auai i nei gaoioiga ona fusia i tatou i le Faaola ma le tasi ma le isi e fatu ai Siona. E mafai ona e mafaufau e faaaofia ai faamanuiaga e o faatasi ma le noatia i le Faaola e ala i feagaiga.