Doktrina ug mga Pakigsaad 85–87

Doktrina ug mga Pakigsaad 85–87

Kinatibuk-ang Pagpasabot

Samtang ang Propeta nagtrabaho sa dinasig nga hubad sa Biblia niadtong Disyembre 1832, ang Ginoo mipadayag og interpretasyon sa sambingay sa trigo ug mga sagbot (tan-awa sa Doktrina ug mga Pakigsaad 86). Pipila ka semana human niana, sa panahon sa Pasko, ang Propeta namalandong sa politikanhon ug sibil nga kagubot nga may kalabotan sa pagpangulipon diha sa Estados Unidos. Ang Ginoo mipadayag ngadto sa Propeta nga kini nga mga panghitabo mosangpot ngadto sa usa ka makamatay nga gubat.

Tabangi ang mga tigkat-on nga makadiskobre sa doktrina ug mga baroganan sa ebanghelyo: Usa ka paagi sa pagtabang sa mga estudyante sa pagdiskobre sa doktrina ug mga baroganan mao ang pagpangutana og dili limitado ang tubag nga mga pangutana imbis nga mga pangutana nga nagkinahanglan og piho nga mga tubag. Ang epektibo nga mga pangutana makatabang sa mga estudyante sa pagkonsiderar sa unsay ilang nakita nga personal nga makahuloganon ug mahinungdanon. Alang sa dugang pa kon sa unsang paagi kini gibuhat sa Manluluwas, tan-awa ang seksiyon sa “Mikat-on ang Manluluwas sa Doktrina” diha sa Pagtudlo Sumala sa Pamaagi sa Manluluwas. Makita usab nimo ang usa ka ehemplo kon unsaon sa pagbuhat niini diha sa leksiyon karong semanaha nga giulohan og “Doktrina ug mga Pakigsaad 87.”

Pangandam sa pagtudlo

Ang mosunod nga impormasyon naghatag kanimo og mga ideya kon unsa ang imong gikinahanglan nga andamon daan alang sa matag leksiyon.

Doktrina ug mga Pakigsaad 86

Katuyoan sa leksiyon: Aron matabangan ang mga estudyante sa ilang mga paningkamot sa pag-apil uban sa Manluluwas sa pagpundok sa Israel.

• Pagpangandam sa estudyante: Dapita ang mga estudyante sa pagbasa sa sambingay sa trigo ug mga sagbot gikan sa Mateo 13:24–30 ug sa pagpangandam sa pagpakigbahin unsa ang kahulogan niini nga sambingay diha kanila.

• Mga bidyo: “Jesus Declares the Parables of the Wheat and Tares, Mustard Seed, and Leaven” (2:15; tan-awa gikan sa time code 00:00 hangtod sa 01:30); “Ipatigbabaw ang Dios Labaw sa Tanan” (18:42; tan-awa gikan sa time code 4:14 hangtod sa 5:48); “LightTheWorld—Follow the Example of Jesus Christ. Share His Light—Serve as He Served” (2:35: tan-awa gikan sa time code 0:29 hangtod sa 2:17).

Doktrina ug mga Pakigsaad 87

Katuyoan sa leksiyon: Aron matabangan ang mga estudyante nga makasabot nga ang tanan nga mga pulong sa Ginoo ngadto sa Iyang mga propeta matuman.

• Pagpangandam sa estudyante: Motambong nga andam nga mopakigbahin og usa ka ehemplo sa kasulatan diin ang usa ka propeta sa Dios mitagna og umaabot nga panghitabo.