Mataupu Faavae ma Feagaiga 85–87

Mataupu Faavae ma Feagaiga 85–87

Vaaiga Aoao

A o galue le Perofeta i le faaliliuga musuia o le Tusi Paia ia Tesema 1832, sa faaali mai e le Alii se faauigaga o le faataoto i le saito ma le titania (tagai i le Mataupu Faavae ma Feagaiga 86). I ni nai vaiaso mulimuli ane, i le Kerisimasi, sa mafaufau ai le Perofeta i faiga faaupufai ma faalemalo e faatatau i pologa i le Iunaite Setete. Sa faaali atu e le Alii i le Perofeta e faapea o nei mea o le a tutupu o le a taitai atu ai i se taua matautia.

Fesoasoani i tagata aoao ia iloa aoaoga faavae ma mataupu faavae o le talalelei: O se tasi auala e fesoasoani ai i tagata aoga ia iloa aoaoga faavae ma mataupu faavae o le fai atu o fesili e tatala i soo se tali nai lo fesili e manaomia ai ni tali patino. O fesili aogā o le a fesoasoani i tagata aoga e mafaufau ai i mea latou te iloa e patino le aogā ma talafeagai. Mo nisi faamatalaga i le auala e faia ai e le Faaola lenei mea, tagai i le vaega “Sa Aoaoina e le Faaola le Aoaoga Faavae.” i le Aoao Atu i le Ala a le Faaola. E mafai foi ona e vaai i se faataitaiga o le auala e faia ai lenei mea i le lesona o lenei vaiaso ua faaulutalaina “Mataupu Faavae ma Feagaiga 87.”

Ia saunia e aoao atu

O lenei faamatalaga e tuuina atu ai ia te oe ni manatu o mea atonu e manaomia ona muai saunia mo lesona taitasi.

Mataupu Faavae ma Feagaiga 86

Faamoemoega o le lesona: Ina ia fesoasoani i tagata aoga ia latou taumafaiga e auai faatasi ma le Faaola i le faapotopotoina o Isaraelu.

• Sauniuniga a le tagata aoga: Valaaulia tagata aoga e faitau le faataoto i le saito ma le titania mai le Mataio 13:24–30 ma sauni e faasoa mai po o le a le uiga o lenei faataoto ia i latou.

• Vitiō: “Jesus Declares the Parables of the Wheat and Tares, Mustard Seed, and Leaven” (2:15; vaavaai mai le faailotaimi 00:00 i le 01:30); “Ia Faamuamua le Atua” (18:42; matamata mai le faailotaimi 4:14 i le 5:48); “LightTheWorld—Follow the Example of Jesus Christ. Faasoa Atu Lona Malamalama—Auauna Atu e Pei ona Ia Auauna Atu” (2:35: matamata mai le faailotaimi 0:29 i le 2:17).

Mataupu Faavae ma Feagaiga 87

Faamoemoega o le lesona: Ina ia fesoasoani i tagata aoga ia malamalama o afioga uma a le Alii i Ana perofeta o le a faataunuuina.

• Sauniuniga a le tagata aoga: O mai saunia e faasoa atu se faataitaiga o tusitusiga paia lea na valoia ai e se perofeta a le Atua se mea e tupu i le lumanai.