« គោលលទ្ធិ និងសេចក្ដីសញ្ញា ៨៨ ៖ ទិដ្ឋភាពទូទៅ » សៀវភៅសិក្សាព្រះគម្ពីរគោលលទ្ធិ និងសេចក្ដីសញ្ញា សម្រាប់គ្រូបង្រៀនថ្នាក់សិក្ខាសាលា ( ឆ្នាំ ២០២៥ )
« គោលលទ្ធិ និងសេចក្តីសញ្ញា ៨៨ » សៀវភៅសិក្សាព្រះគម្ពីរគោលលទ្ធិ និងសេចក្ដីសញ្ញា សម្រាប់គ្រូបង្រៀនថ្នាក់សិក្ខាសាលា
គោលលទ្ធិ និងសេចក្តីសញ្ញា ៨៨
គោលលទ្ធិ និងសេចក្តីសញ្ញា ៨៨
ទិដ្ឋភាពទូទៅ
នៅចុងខែ ធ្នូ ឆ្នាំ ១៨៣២ និងដើមខែ មករា ឆ្នាំ ១៨៣៣ ព្រះអម្ចាស់បានបើកសម្ដែងសារលិខិតមួយដែល យ៉ូសែប ស្ម៊ីធ បានចាត់ទុកថាជា « ស្លឹកអូលីវ » ។ សារលិខិតនៃសេចក្តីសុខសាន្តនេះមកពីព្រះអម្ចាស់បានលាតត្រដាងសេចក្តីពិតជាច្រើនអំពីសារៈសំខាន់ដ៏នៅអស់កល្បជានិច្ច រួមទាំងអំណាចដែលទ្រង់គ្រប់គ្រងការបង្កបង្កើតរបស់ទ្រង់ និងសេចក្ដីពិតអំពីក្រឹត្យវិន័យដ៏នៅអស់កល្បជានិច្ចរបស់ទ្រង់ ។ ព្រះអង្គសង្គ្រោះបានបង្រៀនអំពីការរស់ឡើងវិញ ហើយថាក្រឹត្យវិន័យដែលយើងគោរពតាមកំណត់នូវសិរីល្អដែលយើងទទួលបាននៅពេលដែលបានរស់ឡើងវិញ ។ ទ្រង់បានអញ្ជើញអ្នកដើរតាមទ្រង់ឲ្យចូលទៅជិតទ្រង់ ។ ទ្រង់បានបញ្ជាប្រជារាស្រ្តរបស់ទ្រង់ឲ្យសាងសង់ព្រះវិហារបរិសុទ្ធ ហើយបានប្រទានការណែនាំឲ្យរៀបចំសាលារបស់ពួកព្យាការី ។
ការវាយតម្លៃការយល់ដឹងរបស់សិស្ស ៖ ចំណេះដឹងរបស់សិស្សអំពីប្រធានបទដំណឹងល្អអាចខុសៗគ្នា ។ វាអាចមានអត្ថប្រយោជន៍ដើម្បីកំណត់ថាតើពួកគេយល់ដឹងអំពីអ្វីមួយបានប៉ុន្មានដើម្បីជួយពួកគេឲ្យរីកចម្រើន ។ ការអញ្ជើញពួកគេឲ្យចែកចាយអ្វីដែលពួកគេបានរៀន ឬសួរថាតើពួកគេមានសំណួរដែរឬទេ អាចជួយអ្នកកំណត់ផ្នែកនៃមេរៀននេះដែលពួកគេត្រូវផ្តោតទៅលើ ។ សម្រាប់ព័ត៌មានបន្ថែមទៀតអំពីរបៀបដែលព្រះអង្គសង្គ្រោះបានធ្វើការណ៍នេះ សូមមើលផ្នែក « ព្រះអង្គសង្គ្រោះត្រៀមព្រះកាយរួចស្រេចជានិច្ច ដើម្បីឆ្លើយតបទៅនឹងតម្រូវការរបស់អ្នកដទៃ » នៅក្នុង ការបង្រៀនតាមរបៀបរបស់ព្រះអង្គសង្គ្រោះ ។ អ្នកក៏អាចឃើញឧទាហរណ៍មួយអំពីរបៀបធ្វើកិច្ចការនេះក្នុងមេរៀននៅសប្ដាហ៍នេះផងដែរ ដែលមានចំណងជើងថា « គោលលទ្ធិ និងសេចក្តីសញ្ញា ៨៨:១៤–៤១ » ។
រៀបចំខ្លួនបង្រៀន
ព័ត៌មានខាងក្រោមផ្តល់ឲ្យអ្នកនូវគំនិតខ្លះៗអំពីអ្វីដែលអ្នកអាចត្រូវរៀបចំទុកជាមុនសម្រាប់មេរៀននីមួយៗ ។
គោលលទ្ធិ និងសេចក្តីសញ្ញា ៨៨:១–១៣, ៤១–៥០
គោលបំណងមេរៀន ៖ ដើម្បីជួយសិស្សឲ្យមានអារម្មណ៍ដឹងគុណកាន់តែខ្លាំងចំពោះឥទ្ធិពលនៃពន្លឺនៃព្រះគ្រីស្ទនៅក្នុងជីវិតរបស់ពួកគេ ។
-
ការរៀបចំសិស្ស ៖ សូមពិចារណាអញ្ជើញសិស្សឲ្យឆ្លៀតពេលមើលទៅលើមេឃពេលយប់ ឬស្វែងរករូបភាពនៃលំហនៅលើអនឡាញ ហើយជញ្ជឹងគិតអំពីភាពអស្ចារ្យរបស់ព្រះដូចដែលបានឃើញក្នុងសកលលោកដែលមើលឃើញនេះ ។
-
សំណៅចែក ៖ « ពន្លឺនៃព្រះគ្រីស្ទ ( ផ្នែកទី ១ និង ផ្នែកទី ២ ) »
គោលលទ្ធិ និងសេចក្តីសញ្ញា ៨៨:១៤–៤១
គោលបំណងមេរៀន ៖ ដើម្បីជួយសិស្សបង្កើនទំនុកចិត្តរបស់ពួកគេថា ពួកគេអាចទទួលបានសិរីល្អសេឡេស្ទាល ។
-
ការរៀបចំសិស្ស ៖ សូមអញ្ជើញសិស្សឲ្យបង្កើតបញ្ជីខ្លីមួយអំពីរបៀបដែលក្រឹត្យវិន័យផ្តល់ប្រយោជន៍ដល់ជីវិតរបស់យើង ។ សូមលើកទឹកចិត្តពួកគេឲ្យត្រៀមខ្លួនដើម្បីចែកចាយគំនិតរបស់ពួកគេ ។
គោលលទ្ធិ និងសេចក្តីសញ្ញា ៨៨:៥១–៩៥
គោលបំណងមេរៀន ៖ ដើម្បីជួយសិស្សទទួលបានពរជ័យនៃការចូលទៅជិតព្រះវរបិតាសួគ៌ និងព្រះយេស៊ូវគ្រីស្ទ ។
-
ការរៀបចំសិស្ស ៖ សូមអញ្ជើញសិស្សឲ្យទូលសួរព្រះវរបិតាសួគ៌ក្នុងការអធិស្ឋានពីអ្វីដែលពួកគេអាចធ្វើដើម្បីទទួលអារម្មណ៍ជិតស្និទ្ធជាមួយទ្រង់ និងព្រះយេស៊ូវគ្រីស្ទ ។
-
វីដេអូ ៖ « How I #HearHim: Elder Dale G. Renlund » ( ៣:០០ )
គោលលទ្ធិ និងសេចក្តីសញ្ញា ៨៨:៧៦-៨០, ១១៧–១៤១
គោលបំណងមេរៀន ៖ ដើម្បីជួយសិស្សឲ្យរៀនដោយសេចក្តីជំនឿលើព្រះយេស៊ូវគ្រីស្ទនៅក្នុងស្ថានភាពផ្សេងៗ ។
-
ការរៀបចំសិស្ស ៖ សូមលើកទឹកចិត្តសិស្សឲ្យជញ្ជឹងគិតអំពីអ្វីដែលពួកគេកំពុងធ្វើ ដើម្បីរៀនអំពីព្រះយេស៊ូវគ្រីស្ទ ហើយបង្កើនសេចក្តីជំនឿលើទ្រង់ ។ សូមលើកទឹកចិត្តពួកគេឲ្យមករៀនដោយបានត្រៀមខ្លួនដើម្បីចែកចាយគំនិតទាំងនេះ និងរីកចម្រើនជាមួយថ្នាក់ ។
-
វីដេអូ ៖ « Embrace the Future with Faith » ( ១៦:២៤ សូមមើលពីនាទីទី ១០:២៨ ដល់ ១១:២០ )
-
សម្ភារ ៖ កាបូបសិស្ស និងក្រដាសមួយចំនួន