« គោលលទ្ធិ និងសេចក្ដីសញ្ញា ៩៣ ៖ ទិដ្ឋភាពទូទៅ » សៀវភៅសិក្សាព្រះគម្ពីរគោលលទ្ធិ និងសេចក្ដីសញ្ញាសម្រាប់គ្រូបង្រៀនថ្នាក់សិក្ខាសាលា ( ឆ្នាំ ២០២៥ )
« គោលលទ្ធិ និងសេចក្ដីសញ្ញា ៩៣ » សៀវភៅសិក្សាព្រះគម្ពីរគោលលទ្ធិ និងសេចក្ដីសញ្ញាសម្រាប់គ្រូបង្រៀនថ្នាក់សិក្ខាសាលា
គោលលទ្ធិ និងសេចក្តីសញ្ញា ៩៣
គោលលទ្ធិ និងសេចក្តីសញ្ញា ៩៣
ទិដ្ឋភាពទូទៅ
នៅក្នុង គោលលទ្ធិ និងសេចក្តីសញ្ញា ៩៣ ព្រះអង្គសង្គ្រោះបានបើកសម្ដែងសេចក្ដីពិតសំខាន់ៗអំពីទ្រង់ដោយមានព្រះទ័យចង់ជួយយើង « ចេះថ្វាយបង្គំ ហើយស្គាល់ [ នរណាដែលយើង ] ថ្វាយបង្គំ » ( ខទី ១៩ ) ។ យើងរៀនថា យើងអាចទទួលបានភាពពេញលេញនៃពន្លឺ និងសេចក្ដីពិតដែលមកពីព្រះវរបិតាសួគ៌ និងព្រះយេស៊ូវគ្រីស្ទ នៅពេលយើងគោរពតាមបទបញ្ញត្តិទាំងឡាយ ។
សូមជួយសិស្សឲ្យកាន់តែមានអំណរគុណ និងសេចក្តីស្រឡាញ់ដ៏ជ្រាលជ្រៅរបស់ពួកគេចំពោះព្រះយេស៊ូវគ្រីស្ទ ។ នៅពេលសិស្សរៀនអំពីព្រះយេស៊ូវគ្រីស្ទ សូមជួយពួកគេរៀនលើសពីការរៀនអ្វីដែលទ្រង់បានមានព្រះបន្ទូល និងបានធ្វើ ដើម្បីរៀនថាតើទ្រង់ជានរណា ។ របៀបមួយដើម្បីធ្វើរឿងនេះគឺផ្តោតទៅលើគុណលក្ខណៈ និងបុគ្គលិកលក្ខណៈរបស់ទ្រង់ ។ សម្រាប់ព័ត៌មានបន្ថែមទៀតអំពីរបៀបដែលព្រះអង្គសង្គ្រោះបានធ្វើការណ៍នេះ សូមមើលផ្នែក « បង្រៀនអំពីព្រះបរមងារ តួនាទី និងគុណលក្ខណៈរបស់ព្រះយេស៊ូវគ្រីស្ទ » នៅក្នុង ការបង្រៀនតាមរបៀបរបស់ព្រះអង្គសង្គ្រោះ ។ អ្នកអាចក៏មើលឃើញឧទាហរណ៍មួយអំពីរបៀបធ្វើកិច្ចការនេះក្នុងមេរៀននៅសប្ដាហ៍នេះផងដែរ ដែលមានចំណងជើងថា « គោលលទ្ធិ និងសេចក្តីសញ្ញា ៩៣:១–២២ » ។
រៀបចំខ្លួនបង្រៀន
ព័ត៌មានខាងក្រោមផ្តល់ឲ្យគំនិតខ្លះៗអំពីអ្វីដែលអាចត្រូវរៀបចំជាមុនសម្រាប់មេរៀននីមួយៗ ។
គោលលទ្ធិ និងសេចក្ដីសញ្ញា ៩៣:១–២២
គោលបំណងមេរៀន ៖ ដើម្បីជួយសិស្សឲ្យយល់កាន់តែស៊ីជម្រៅអំពីតួនាទី និងបុគ្គលិកលក្ខណៈមួយចំនួនរបស់ព្រះយេស៊ូវគ្រីស្ទ ។
-
ការរៀបចំសិស្ស ៖ សូមអញ្ជើញសិស្សឲ្យគិតអំពីរបៀបដែលជីវិតរបស់ពួកគេត្រូវបានជះឥទ្ធិពលដោយអ្វីដែលពួកគេដឹងអំពីព្រះយេស៊ូវគ្រីស្ទ ។
-
រូបភាព ៖ ជាបុគ្គលដែលមានភាពល្បីល្បាញ និងជាការពិពណ៌នាអំពីព្រះយេស៊ូវគ្រីស្ទ
-
មាតិកាដែលត្រូវបង្ហាញ ៖ តារាងសម្រាប់សកម្មភាពសិក្សា
គោលលទ្ធិ និងសេចក្តីសញ្ញា ៩៣:១៩–៥៣
គោលបំណងមេរៀន ៖ ដើម្បីជួយសិស្សរៀបគម្រោងដើម្បីទទួលបានពន្លឺ និងសេចក្តីពិតរបស់ព្រះបន្ថែមទៀតក្នុងជីវិតរបស់ពួកគេ ។
-
ការរៀបចំសិស្ស ៖ សូមអញ្ជើញសិស្សឲ្យធ្វើបញ្ជីនៃអ្វីៗដែលពួកគេកំពុងធ្វើ ដើម្បីយាងអញ្ជើញឥទ្ធិពលនៃព្រះយេស៊ូវគ្រីស្ទមកក្នុងជីវិតរបស់ពួកគេ ។ សិស្សក៏អាចធ្វើបញ្ជីនៃអ្វីៗដែលពួកគេមានអារម្មណ៍ថា ពួកគេអាចធ្វើបាន ដើម្បីរីករាយនឹងឥទ្ធិពលរបស់ទ្រង់បន្ថែមទៀតជារៀងរាល់ថ្ងៃ ។
-
វីដេអូ ៖ « Light Cleaveth unto Light » ( ១១:០២; សូមមើលពីនាទីទី ០:៣២ ដល់នាទីទី ២:១៥ និង ២:១៥ ដល់នាទីទី ២:៥២ ); « Bearers of Heavenly Light » ( ២២:០៩; សូមមើលពីនាទីទី ១៨:២៦ ដល់នាទីទី ១៩:៣៦ ) « Finding Christ During Difficult Times » ( ៤:៣៥ )
-
មាតិកាដែលត្រូវបង្ហាញ ៖ តារាងសម្រាប់សកម្មភាពសិក្សា
-
រូបភាព ៖ ពន្លឺនៃសេចក្តីពិតកើនឡើង និងថយចុះ
វាយតម្លៃការសិក្សារបស់អ្នក ទី ៧
គោលបំណងមេរៀន ៖ ដើម្បីជួយសិស្សចងចាំ និងវាយតម្លៃការរីកចម្រើនខាងវិញ្ញាណរបស់ពួកគេ តាមរយៈការសិក្សារបស់ពួកគេអំពីគោលលទ្ធិ និងសេចក្តីសញ្ញា ។
-
ការរៀបចំសិស្ស ៖ សូមអញ្ជើញសិស្សឲ្យគិតអំពីរបៀបដែលពួកគេបានផ្លាស់ប្ដូរ ឬរីកចម្រើនខាងវិញ្ញាណ ដែលជាលទ្ធផលនៃការសិក្សាថ្មីៗរបស់ពួកគេអំពីគោលលទ្ធិ និងសេចក្ដីសញ្ញា ។
-
មាតិកាដែលត្រូវបង្ហាញ ៖ ជម្រើសដែលបានរាយបញ្ជីនៅក្រោមសកម្មភាព « ពន្យល់ពីតួនាទី ព្រះបរមងារ និងបុគ្គលិកលក្ខណៈរបស់ព្រះគ្រីស្ទ »