“107-р хичээл—Сургаал ба Гэрээ 93:1–22: Есүс Христийн тухай мэдлэгээ өсгөх,” Сургаал ба Гэрээний семинарын багшийн гарын авлага (2025)
“Сургаал ба Гэрээ 93:1–22,” Сургаал ба Гэрээний семинарын багшийн гарын авлага
107-р хичээл: Сургаал ба Гэрээ 93
Сургаал ба Гэрээ 93:1–22
Есүс Христийн тухай мэдлэгээ өсгөх
1833 оны 5-р сарын 6-нд бошиглогч Иосеф Смитийн хүлээн авсан илчлэлт Сургаал ба Гэрээ 93-т цэдэглэгдсэн. Үүнд Аврагч Өөрийнх нь хэн болохыг илүү сайн ойлгоход бидэнд туслахын тулд Өөрийнхөө тухай чухал үнэнүүдийг илчилсэн. Энэ хичээл Есүс Христийн зарим зан чанар, үүрэг хариуцлагын талаарх ойлголтоо гүнзгийрүүлэхэд суралцагчдад тусална.
Боломжит суралцах үйл ажиллагаа
Хүмүүсийн мэддэг хэн нэгэн
Суралцагчдын мэддэг олны танил хүний зургийг үзүүлж, тэр хүний нэрийг мэддэг эсэхийг тэднээс асуух байдлаар хичээлээ эхлүүл. Суралцагчдыг уг хүн яагаад олны танил болохыг мөн түүний хэн гэдгийг хүмүүс мэдэх нь яагаад чухал байж болох талаар ярилцахад урь.
Дараа нь Есүс Христийн зургийг үзүүлж, дараах асуултуудыг авч үзэн ярилцахад суралцагчдыг урь.
-
Есүс Христ гэж хэн болох мөн Түүний юу хийснийг мэдэх нь яагаад чухал гэж та бодож байна вэ?
-
Есүс Христийн тухай мэдлэг бидний амьдралд хэрхэн нөлөөлж болох ямар ямар жишээ байдаг вэ?
Суралцагчдыг Есүс Христийн тухай мэддэг зүйл нь тэдэнд хувь хүний хувьд хэрхэн нөлөөлж байсныг дотроо эргэцүүлэхэд урь. Судалж байхдаа та Есүс Христ гэж хэн болох, Тэр тэдний төлөө юу хийх чадвартайг илүү сайн ойлгоход нь туслах үнэнийг хайж олоход тэднийг урамшуулан дэмж.
“Миний нүүрийг харж мөн намайг байдгийг мэд”
Аврагч Өөрийнхөө тухай олон чухал үнэнийг Сургаал ба Гэрээ 93-р хэсэгт хуваалцсан. Тэрээр эдгээр үнэнийг илчлэх Өөрийнх нь зорилгуудын нэг нь бидэнд хэнийг шүтэн бишрэхээ мэдэхэд туслах явдал байсан гэж тайлбарлажээ (Сургаал ба Гэрээ 93:19-ийг үзнэ үү).
Сургаал ба Гэрээ 93:1-ийг уншаад, Аврагч энэ илчлэлтийг хэрхэн эхлүүлсэн тухай олж мэд.
Энэ шүлэг дэх Аврагчийн өгсөн урилгыг санахад нь суралцагчдад туслахын тулд тэднийг судар дээрээ урилга нэг бүрийг дугаарлахад урь. Түүнчлэн суралцагчдыг эдгээр урилгыг судлах тэмдэглэл дээрээ жагсааж бичихэд юм уу самбар дээр бичихэд урьж болно.
-
Энэ шүлэг нь Аврагчийн биднээс хүсдэг зүйлийн талаар юу олж мэдэж, мэдрэхэд тусалсан бэ?
-
Энэ шүлэг дэх үйлдэл бүр нь Аврагчийг илүү сайн мэдэхэд бидэнд хэрхэн тусалж чадах вэ?
1-р шүлэг дээрх Аврагчийн урилгыг дагасан хүмүүс Түүний царайг харна гэсэн Түүний амлалтын талаар асуух асуулт суралцагчдад байж болно. Та энэ адислал нь Их Эзэний “өөрийнх нь цагт, мөн түүний өөрийнх нь замаар, мөн түүний өөрийнх нь тааллын дагуу” (Сургаал ба Гэрээ 88:68) ирэх болно гэдгийг онцолж болох юм.
Аврагчийн зан чанар
Аврагч энэхүү илчлэлт дэх Өөрийн сургаалыг үргэлжлүүлэхдээ Өөрийнхөө тухай олон янз бүрийн зан чанар, шинжийг хуваалцсан. Эдгээр зан чанар, шинжийн тухай суралцах нь Аврагчийн таны амьдралд тус болох зарим арга замыг ойлгоход тусална.
Дараах хүснэгтийг харуулаад, үүнийг судлах тэмдэглэлдээ хуулж бичихэд суралцагчдыг урь. Тэд хоёр хоёроороо эсвэл жижиг бүлгээр ажиллаж, хүснэгтийн хэсэг бүрийг судалж болно. Эсвэл та уг шүлгүүдийг жижиг цаасан дээр бичээд, хайрцагт хийж, суралцагчид хайрцгаас нэг юм уу хэд хэдэн цаасыг сонгож, сонгосон шүлгүүдээ судалж болно.
Есүс Христийг илүү их хайрлаж, илүү гүн талархахад нь суралцагчдад тусал. Үүнд туслах илүү их дадлагыг Багшийн хөгжүүлбэл зохих ур чадвар: Есүс Христэд анхаарлаа төвлөрүүл гарын авлагын “Есүс Христийн нэр, үүрэг хариуцлага, зан чанарыг заа” гарчигтай сургалтаас үзнэ үү. Есүс Христийн нэр, үүрэг хариуцлага, бэлгэ тэмдэг, зан чанар, шинжүүдийг тодорхойлоход туслах, эрж хайх асуулт зохиосноор уг ур чадвараар дадлага хий.
Суралцаж байхдаа Аврагчийн тухай сурч мэдсэн зүйл нь тэдний амьдралд хэрхэн тус болох талаар бодоход суралцагчдыг урь.
|
Судлах шүлгүүд |
Есүс Христийн талаар миний олж мэдсэн зүйлс |
|---|---|
Судлах шүлгүүд | |
Судлах шүлгүүд | |
Судлах шүлгүүд | |
Судлах шүлгүүд | |
Судлах шүлгүүд | |
Судлах шүлгүүд | |
Судлах шүлгүүд | |
Судлах шүлгүүд | |
Судлах шүлгүүд |
Суралцагчдыг судалсан шүлгүүдээсээ Есүс Христийн тухай сурч мэдсэн зүйлээ хуваалцахад урь. Та самбарт уг хүснэгтийг харуулсан бол өөр өөр суралцагч олж мэдсэн үнэнээ уншсан шүлгийнхээ хажууд бичин бөглөж болно.
Суралцагчдын ярилцаж, хуваалцаж болох зарим үнэнийг дурдвал: Есүс Христ бол дэлхийн гэрэл (2, 9-р шүлэг-ийг үзнэ үү); Есүс Христ бол авралын элч (8-р шүлэг-ийг үзнэ үү); Есүс Христ Эцэгээс бүрэн байдлыг хүлээн авах хүртлээ ач ивээлээс ач ивээлд өсөж торнисон (12–14-р шүлэг-ийг үзнэ үү) мөн Есүс Христ бол Тэнгэрлэг Эцэгийн бүх сүнсэн хүүхдийн ууган хүү юм (21-р шүлэг-ийг үзнэ үү).
Аврагчийн тухай олж мэдсэн болон ойлгосон зүйлээ ярилцахад нь суралцагчдад туслахын тулд дараах асуултуудыг тавь.
-
Есүс Христийн тухай судалсан үнэнүүдээс аль нь танд хамгийн онцгой санагдаж байна вэ? Яагаад?
-
Таны судалсан дагалдах эшлэлүүд Сургаал ба Гэрээ 93-т заасан үнэний талаарх ойлголтод тань юу нэмсэн бэ?
-
Аврагчийн тухай эдгээр үнэнийг мэдэх нь Түүнтэй харилцах харилцаанд тань хэрхэн нөлөөлж чадах вэ?
Суралцагчдыг үргэлжлүүлэн хувиараа судар судлахаар хичээх үедээ Есүс Христийг илүү бүрэн дүүрэн мэдэхийг эрэлхийлэхэд урамшуулан дэмж. Боломж гарвал “Нэмэлт эх сурвалж” дахь ахлагч Дэвид А.Бэднарын мэдэгдлийг ашиглан суралцагчдад Аврагчийг илүү сайн таньж мэдэх нэмэлт аргуудыг мэдэж авахад нь тусал. Энэ нь тэднийг Аврагчийн талаарх мэдрэмжээ хуваалцахад мөн Түүний талаарх бидний мэдлэг нэмэгдэх үед ирэх адислалуудын тухай гэрчлэхэд урих таатай цаг байж болох юм.
Та Иохан 17:3-ыг уншаад, ангийн гишүүдийг Тэнгэрлэг Эцэгтэй болон Есүс Христтэй илүү их ойртсоноор бидний хүлээж авах боломжтой хамгийн чухал адислалыг олж мэдэхэд урьснаар хичээлээ дуусгаж болно.