Сургаал ба Гэрээ 93

Сургаал ба Гэрээ 93

Тойм

Сургаал ба Гэрээ 93 дээр Аврагч бидэнд “хэрхэн шүтэхээ мэдэж … мөн [бид хэнийг] шүтэхээ мэдэ[хэд]” (19-р шүлэг) туслах зорилгоор Өөрийнхөө тухай чухал үнэнүүдийг илчилсэн. Бид зарлигуудыг дагаснаар Тэнгэрлэг Эцэг, Есүс Христ хоёроос ирдэг үнэний болон гэрлийн бүрэн байдлыг хүлээн авч чадна гэдгийг олж мэдсэн.

Есүс Христийг илүү их хайрлаж, илүү гүн талархдаг болоход нь суралцагчдад тусал. Суралцагчдыг Есүс Христийн талаар судлах үед Түүний хэлсэн, хийсэн зүйлийг сурч мэдэхээс гадна хэн болохыг нь олж мэдэхэд тэдэнд тусал. Ийн үйлдэх нэг арга зам бол Түүний зан чанар, дүр төрхөд төвлөрөх явдал юм. Хэрхэн ийн үйлдэх талаар илүү ихийг Аврагчийн арга барилаар заах нь гарын авлагын “Есүс Христийн нэр, үүрэг хариуцлага, зан чанарын талаар заа” хэсгээс үзнэ үү. Та энэ долоо хоногийн “Сургаал ба Гэрээ 93:1–22” гэсэн гарчигтай хичээлээс хэрхэн үүнийг хэрэгжүүлж болох талаарх жишээг мөн харж болно.

Заахад бэлтгэ

Дараах мэдээлэл хичээл бүрд урьдчилан бэлтгэх шаардлагатай санаануудыг танд өгдөг.

Сургаал ба Гэрээ 93:1–22

Хичээлийн зорилго: Есүс Христийн зарим зан чанар, үүрэг хариуцлагыг илүү гүн гүнзгий ойлгодог болоход нь суралцагчдад туслах.

• Суралцагчийн бэлтгэл: Есүс Христийн тухай мэддэг зүйл нь тэдний амьдралд хэрхэн нөлөөлөх талаар бодоход суралцагчдыг урь.

• Зураг: Олны танил хүн болон Есүс Христийн дүрс зураг

• Үзүүлэх контент: Судлах үйл ажиллагаанд зориулсан хүснэгт

Сургаал ба Гэрээ 93:19–53

Хичээлийн зорилго: Бурханы гэрэл, үнэнийг амьдралдаа илүү их хүлээн авах төлөвлөгөө гаргахад нь суралцагчдад туслах.

• Суралцагчийн бэлтгэл: Есүс Христийн нөлөөг амьдралдаа урихын тулд хийж байгаа зүйлсээ жагсаан бичихэд суралцагчдыг урь. Мөн суралцагчид Түүний нөлөөг өдөр бүр илүү их хүртэхийн тулд хийж чадах зүйлсийнхээ жагсаалтыг гаргаж болно.

• Видео: “Гэрэл гэрэлтэй нэгдэн нийлдэг” (цагийн код 11:02; 0:32-оос 2:15; 2:15-аас 2:52 хүртэл үзнэ үү); “Тэнгэрлэг гэрэл түгээгчид” (цагийн код 22:09; 18:26-аас 19:36 хүртэл үзнэ үү); “Finding Christ During Difficult Times” (4:35)

• Үзүүлэх контент: Судлах үйл ажиллагаанд зориулсан хүснэгт

• Зураг: Үнэн дээр нэмэгдсэн, буурсан гэрэл

Суралцахуйн үнэлгээ 7

Хичээлийн зорилго: Сургаал ба Гэрээнээс судлах замаар сүнслэг өсөлт хөгжлөө үнэлж, эргэн санахад нь суралцагчдад туслах.

• Суралцагчийн бэлтгэл: Сургаал ба Гэрээг саяхан судалсны үр дүнд сүнслэгээр өөрчлөгдсөн, өсөж хөгжсөн байдлаа бодоход суралцагчдыг урь.

• Үзүүлэх агуулга: “Христийн нэр, үүрэг хариуцлага, шинж чанар” гэсэн үйл ажиллагааны доор сонголтуудыг жагсаав