Դաս 108․ Վարդապետություն և Ուխտեր 93

Վարդապետություն և Ուխտեր 93․19–53

Ստանալ Տիրոջ լույսն ու ճշմարտությունը

Վարդապետություն և Ուխտեր 93 բաժնում գրանցված հայտնության մեջ Փրկիչը նկարագրել է, թե մենք ինչպես կարող ենք ավելի շատ լույս և ճշմարտություն ստանալ, որը գալիս է Իրենից: Այս դասը կօգնի ուսանողներին ձգտել ավելի շատ ստանալ Աստծո լույսն ու ճշմարտությունն իրենց կյանքում:

Հնարավոր ուսումնական վարժություններ

Լույսն ընդդեմ խավարի

Յոթանասունից Երեց Տիմոթի Ջ. Դայչեսը նկարագրել է մի փորձառություն, որը նա և իր որդիները ունեցել են պարանով խոր քարանձավ իջնելիս:

Light Cleaveth unto Light

Առանց նախազգուշացման հանկարծ լույսերը [քարանձավում] ամբողջովին անջատվեցին: Անդունդի վերևում կախված՝ մենք ընկղմվել էինք այնքան խորը մթության մեջ, որ նույնիսկ չէինք տեսնում մեր ձեռքերը մեր առջևի պարանների վրա: Մի ձայն ակնթարթորեն կանչեց. «Հայրի՜կ, հայրի՜կ, դու այդտե՞ղ ես»:

«Ես այստեղ եմ, որդի՛ս, ես հենց այստեղ եմ»,- պատասխանեցի ես:

Լույսի անսպասելի կորուստը նախատեսված էր ցույց տալ, որ առանց էլեկտրականության քարանձավի մթությունն անթափանց էր: Դա հաջողվեց, մենք «զգացինք» խավարը: (Թիմոթի Ջ. Դայչես, «Լույսը հարում է լույսին», Լիահոնա, մայիս 2021, 113)

• Ի՞նչ զգացողություններ են մարդիկ կապում խավարի հետ։

• Ո՞ր բառերը կամ արտահայտություններն են նկարագրում լույսի հետ կապված զգացողությունը:

Երեց Դայչեսը նկարագրել է, թե ինչպիսի զգացողություններ ունեցան ինքն և իր որդիները, երբ քարանձավի լույսերը նորից վառվեցին:

Light Cleaveth unto Light

Երբ լույսերը վառվեցին, խավարն ակնթարթորեն տեղի տվեց, ինչպես խավարը միշտ պետք է տեղի տա՝ նույնիսկ ամենաթույլ լույսին: Իմ և որդիներիս հիշողության մեջ մնաց մի մթություն, որը մենք երբևէ չէինք իմացել, ավելի մեծ գնահատանք լույսի համար, որը մենք երբեք չենք մոռանա, և մի վստահություն, որ մենք երբեք ամբողջովին մենակ չենք մթության մեջ:

Մեր վայրէջքը այդ քարանձավում ինչ-որ ձևով զուգահեռներ ունի մահկանացու կյանքի միջով մեր ճամփորդության հետ: («Lույսը հարում է լույսին», 113)

• Ի՞նչ նմանություններ նկատեցիք այս պատմության և մահկանացու կյանքի մեր ճանապարհորդության միջև:

Կարդացեք Վարդապետություն և Ուխտեր 93․36 հատվածները՝ փնտրելով Աստծո փառքը նկարագրող բառերը։

• Լույսն ու ճշմարտությունը, որոնք գալիս են Երկնային Հորից և Հիսուս Քրիստոսից, ինչպե՞ս կարող են օգնել ձեզ մահկանացու կյանքի ձեր ճամփորդության մեջ:

Առաջարկեք ուսանողներին մտածել այն մասին, թե ներկայումս Աստծո լույսը կամ ազդեցությունը որքան է իրենց կյանքում: Կարող եք նաև առաջարկել նրանց մտածել այն մասին, թե ինչպես կարող էր փոխվել իրենց կյանքը, եթե Երկնային Հայրը և Հիսուս Քրիստոսն ավելի մեծ ազդեցություն ունենային իրենց կյանքում:

Բացատրեք, որ Վարդապետություն և Ուխտեր 93 բաժնում Փրկիչն ուսուցանել է այն վարքագծի մասին, որը կարող է կամ մեծացնել, կամ նվազեցնել Իրենից բխող լույսի և ճշմարտության հասանելիությունը մեզ համար։ Ուսումնասիրելիս ուսանողներին խրախուսեք փնտրել ուսմունքներ, որոնք կարող են օգնել իրենց Փրկչի լույսն ու ճշմարտությունն ավելի շատ ստանալ իրենց կյանքում:

Հիսուս Քրիստոսն ուսուցանում է մեզ, թե ինչպես ստանալ Իր լույսը

Կարող եք ցուցադրել ստորև ներկայացվող աղյուսակը և առաջարկել ուսանողներին արտագրել այն իրենց օրագրերում։ Ուսանողները կարող են կատարել հետևյալ վարժությունը դասընկերոջ հետ կամ փոքր խմբով։

Ավելացնել լույսն ու ճշմարտությունը Վարդապետություն և Ուխտեր 93․19–20, 24–28	Նվազեցնել լույսն ու ճշմարտությունը Վարդապետություն և Ուխտեր 93․37–40

Կարդացեք աղյուսակում թվարկված հատվածները և փնտրեք Փրկչի ուսմունքները, որոնք նկարագրում են, թե մենք ինչպես կարող ենք ավելացնել կամ նվազեցնել Նրա լույսն ու ճշմարտությունը մեր կյանքում: Ձեր գտածը գրեք յուրաքանչյուր սյունակում:

• Ի՞նչ օրհնություններ են տրվում նրանց, ովքեր փնտրում են Փրկչի լույսն ու ճշմարտությունը:

• Ինչպե՞ս կամփոփեք ձեր գտածները աղյուսակի յուրաքանչյուր սյունակի համար՝ որպես ճշմարտության խոսքեր:

  Ուսանողները կարող են բացահայտել նմանատիպ ճշմարտություններ․ Մենք ավելացնում ենք Փրկչի լույսն ու ճշմարտությունը մեր կյանքում, երբ պահում ենք Նրա պատվիրանները (հատվածներ 20, 28)։ Անհնազանդությունը կարող է հանգեցնել նրան, որ մենք կորցնենք Փրկչի լույսն ու ճշմարտությունը մեր կյանքում (հատված 39)։

• Ձեր կարծիքով, Փրկչի պատվիրանները պահելը ինչպե՞ս կարող է ազդել ճշմարտությունը տարբերելու ձեր ունակության վրա:

Նախորդ հարցի քննարկման ժամանակ կարող եք ցուցադրել կամ նկարել հետևյալ պատկերը: Առաջարկք ուսանողներին կիսվել, թե իրենց կարծիքով այս պատկերում ինչպես են ներկայացված Վարդապետություն և Ուխտեր 93 բաժնի ուսմունքները: Անհրաժեշտության դեպքում բացատրեք, որ երբ հնազանդվում ենք Աստծո պատվիրաններին, մենք օրհնվում ենք ավելի շատ Փրկչի լույսով մեր կյանքում, ինչը մեծացնում է ճշմարտությունը հասկանալու կամ տարբերելու մեր կարողությունը: Երբ մենք չենք հնազանդվում պատվիրաններին, մենք կորցնում ենք Փրկչի լույսը, և ճշմարտությունը հասկանալու կամ տարբերելու մեր կարողությունը նվազում է:

• Այս հատվածներում պարունակվող Փրկչի ուսմունքների ըմբռնումն ինչպե՞ս կարող է ազդել մեր կատարած ընտրությունների վրա:

Փրկչի լույսի և ճշմարտության ավելացումը մեր կյանքում

• Ի՞նչն է հատկապես օգնել կամ կարող է օգնել ձեզ Փրկչի լույսից ավելի շատ ստանալ ձեր կյանքում:

Ուսանողները կարող են քննարկել նախորդ հարցը դասընկերոջ կամ փոքր խմբի հետ՝ նախքան դասարանի հետ իրենց պատասխաններով կիսվելը։ Կարող եք նաև օգտագործել Երեց Դիթեր Ֆ. Ուխդորֆի հետևյալ խոսքերը՝ օգնելու ուսանողներին մտածել գաղափարների շուրջ:

Տասներկու Առաքյալների Քվորումից Երեց Դեյվիդ Ա. Բեդնարը բացատրել է, թե մենք ինչպես կարող ենք զգալ Փրկչի լույսը։

Երկնային լույսի կրողները

Ամեն անգամ, երբ դուք դարձնում եք ձեր սրտերն առ Աստված խոնարհ աղոթքի միջոցով, դուք զգում եք Նրա լույսը։ Ամեն անգամ, երբ սուրբ գրություններում փնտրում եք Նրա խոսքը և կամքը, լույսն ավելի է պայծառանում։ Ամեն անգամ, երբ նկատում եք կարիքի մեջ գտնվողին և զոհաբերում եք ձեր իսկ հարմարավետությունը՝ սիրով օգնության հասնելու համար, լույսը տարածվում և բոցավառվում է։ Ամեն անգամ, երբ դուք դիմակայում եք գայթակղությանը և ընտրում լինել մաքուր, ամեն անգամ, երբ ներում եք փնտրում կամ շնորհում, ամեն անգամ, երբ խիզախորեն վկայում եք ճշմարտության մասին, լույսը ցրում է խավարը և գրավում ուրիշներին, ովքեր նույնպես փնտրում են լույս և ճշմարտություն։ (Դիտեր Ֆ. Ուխդորֆ, «Երկնային լույսի կրողները», Լիահոնա, նոյեմբեր 2017, 79)

Կարող եք մի քանի պատրաստակամ ուսանողի առաջարկել կիսվել, թե ինչպես են իրենց քննարկած գաղափարները փոխել իրենց կյանքը: Այս քննարկման ընթացքում կարող եք ցուցադրել «Գտնել Քրիստոսին դժվար ժամանակներում» (4:35) տեսանյութը, որը հասանելի է ChurchofJesusChrist.org կայքում։ Հրավիրեք ուսանողներին նկատել, թե Փրկչի լույսի բացակայությունն ու ավելացումը ինչպես ազդեցին տեսանյութի երիտասարդ տղայի վրա:

Finding Christ During Difficult Times

Կիրառեք Փրկչի ուսմունքները

Առաջարկեք ուսանողներին աղոթքով մտածել, թե իրենք ինչպես կարող են մեծացնել Փրկչի լույսն ու ճշմարտությունն իրենց կյանքում, երբ պատասխանել հետևյալ հարցերին իրենց ուսումնասիրության օրագրերում:

• Ի՞նչ գործողություններ սկսելու վերաբերյալ եք հուշումներ զգում՝ Փրկչի ճշմարտությունը և լույսը ձեր կյանք ավելի շատ հրավիրելու համար։ Ո՞ր գործողությունները դադարեցնելու վերաբերյալ եք հուշումներ զգում։

• Ի՞նչ խոչընդոտների կարող եք հանդիպել այս գործողությունները սկսելիս կամ դադարեցնելիս: Ինչպե՞ս կարող եք հաղթահարել ձեր նշած խոչընդոտները:

Դասն ավարտելով՝ կարող եք կիսվել ձեր մտքերով այն զորության մասին, որ Քրիստոսի լույսն և ճշմարտությունը բերել են ձեր կյանք: Հորդորեք ուսանողներին ձգտել ավելացնել Փրկչի լույսն իրենց կյանքում այն ամենով, ինչն անելու վերաբերյալ իրենք հուշումներ զգացին այսօր:

Օժանդակ նյութեր

Ի՞նչ կարող եմ անել, որպեսզի ավելացնեմ Քրիստոսի լույսն իմ կյանքում։

Տասներկու Առաքյալների Քվորումից նախագահ Մ. Ռասսել Բալլարդն ուսուցանել է.

Մեր օրերում սատանան աշխատում է օր ու գիշեր, որպեսզի Աստծո զավակներին առաջնորդի դեպի խավարը՝ փակելով «լույսը և կյանքը և ճշմարտությունն աշխարհի» (Եթեր 4․12)։

Մենք չենք կարող լիովին ըմբռնել կամ գնահատել Փրկչին և Նրա ավետարանը, երբ կորցնում ենք Նրա լույսն ու ճշմարտությունը։ Բայց երբ մենք ապաշխարում ենք և հնազանդվում, ծառայում ու երկրպագում Նրան, մենք հաղթահարում ենք խավարը։ Նրա լույսը վերադառնում և հեռացնում է աշխարհի ստվերները մեր միջավայրից և մեր մտքից։ (Մ. Ռասսել Բալլարդ, «Կյանքի լույսը», Լիահոնա, հունվար 2023, 5)

Ի՞նչ է ճշմարտությունը։

Նախագահ Ռասսել Մ. Նելսոնը բացատրել է․

Ճշմարտությունը ճշմարիտն է:

Որոշ բաներ պարզապես ճշմարիտ են։ Ճշմարտության դատավորը Աստված է՝ ոչ ձեր սիրելի սոցիալական ցանցերի նորությունների հոսքը, ոչ Google-ը և, իհարկե, ոչ նրանք, ովքեր դժգոհ են Եկեղեցուց:

Նախագահ Սպենսեր Վ. Քիմբալն ուսուցանել է, որ բացարձակ ճշմարտությունը չի կարող «փոխվել մարդկանց կարծիքներով։ … Եթե մարդիկ իսկապես խոնարհ են, նրանք հասկանում են, որ իրենք բացահայտում են, բայց չեն ստեղծում ճշմարտությունը» [Սպենսեր Վ. Քիմբալ, «Absolute Truth», ԲՅՀ հոգևոր հավաքի ուղերձը, 6 սեպտեմբերի 1977 թ․ շեշտադրումը բնօրինակում]:

Շատերն այժմ պնդում են, որ ճշմարտությունը հարաբերական է, և որ գոյություն չունի աստվածային օրենք կամ աստվածային ծրագիր: Նման պնդումը պարզապես չի համապատասխանում իրականությանը: Ճշտի և սխալի միջև տարբերություն կա։ Ճշմարտությունը հիմնված է այն օրենքների վրա, որոնք Աստված սահմանել է Իր զավակների ապահովության, պաշտպանության և դաստիարակության համար: Հավերժական օրենքները գործում են և ազդում մեզնից յուրաքանչյուրի կյանքի վրա, անկախ նրանից՝ մենք հավատում ենք դրանց, թե ոչ: (Ռասսել Մ. Նելսոն, «Աստծո սերը և օրենքները» [Բրիգամ Յանգ Համալսարանի հոգևոր հավաք, սեպտեմբերի 17, 2019],1–2)

Լրացուցիչ ուսումնական վարժություններ

Դասը սկսելու այլընտրանքային եղանակներ

Դասարան բերեք մեծ լապտեր և մեծ հայելի: Սկսելու համար անջատեք սենյակի լույսերը: Ուսանողներից մեկին հանձնարարեք բռնել լապտերը և լույսը պահել հայելու մեջ: Առաջարկեք ուսանողին հայելու միջոցով արտացոլել լապտերի լույսը սենյակի ամենամութ անկյուններում: Երկու կամ երեք ուսանողի կարող եք առաջարկել օգտագործել հայելին՝ լույսն ամբողջ սենյակով արտացոլելու համար: Խնդրեք ուսանողներին կիսվել, թե այս վարժության ընթացքում նրանք ինչ նկատեցին խավարի հանդեպ լույսի զորության վերաբերյալ։ Բացատրեք նրանց, որ երբ մենք արտացոլում ենք Փրկչի լույսը, այդ լույսը միշտ հաղթում է խավարին:

Որպես այլընտրանք, կարող եք ցուցադրել մի քանի առարկա, որոնք ավելացնում կամ նվազեցնում են լույսը, օրինակ՝ լապտերներ կամ աչքերի կապիչներ: Առաջարկեք ուսանողներին ստեղծել պարզ առարկայական դաս, որը կարող է ճշմարտություն ուսուցանել՝ օգտագործելով ցուցադրված առարկաները: Մի քանի ուսանողի կարող եք առաջարկել դասարանին բացատրել իրենց առարկայական դասը:

Կարող եք նաև անդրադառնալ երկու լամպերի պատմությանը, որով երեց Ջեյմս Է. Թալմիջը (1862–1933) կիսվել է «Երեք առակ․ Անխելք մեղուն, Բվերի ճեպընթացը և Երկու ջահերը», գրքի էջ 40–41-ում։

Տեսանյութերի տարբերակներ

Որպեսզի օգնեք ուսանողներին հասկանալ իրենց կյանքում Փրկչի լույսի վրա կենտրոնանալու անհրաժեշտությունը, կարող եք ցուցադրել «Ընտրեք լույսը» տեսանյութը (2:05-7:02), որը հասանելի է ChurchofJesusChrist.org կայքում։ Կարող եք մի քանի անգամ դադարեցնել տեսանյութը և խնդրել ուսանողներին կիսվել, թե ինչն է իրենց համար առավել նշանակալից Յոթանասունից երեց Վերն Փ. Սթենֆիլի ուղերձում։

Choose the Light

Նախքան ուսանողներին կառաջարկեք մտածել Քրիստոսի լույսի մասին իրենց կյանքում՝ կարող եք ցուցադրել «Ինչո՞ւ մենք ունենք Փրկիչի կարիք» (2:15) տեսանյութը. ChurchofJesusChrist.org։

Why We Need a Savior

Վարդապետություն և Ուխտեր 93․24–28, 36–37։ Ի՞նչ է ճշմարտությունը։

Որպեսզի օգնեք ուսանողներին ավելի լավ հասկանալ ճշմարտության գնահատումը հավերժության հեռանկարից, առաջարկեք նրանց կիսվել պատմությունից տարբեր օրինակներով, երբ ժամանակի ամենապայծառ ուղեղները սխալ են թույլ տվել (Երկիրը հարթ է, ատոմը ամենափոքր մասնիկն է, արևը պտտվում է երկրի շուրջը և այլն)։ Երբ ուսանողները կարդան Վարդապետություն և Ուխտեր 93.24–28, 36–37 հատվածները, խնդրեք նրանց փնտրել, թե ինչ ենք մենք սովորում լույսի և ճշմարտության փոխկապակցվածության մասին:

• Ի՛նչ եք նկատում Աստծո լույսի և ճշմարտության քանակի վերաբերյալ

• Այս հատվածներն ի՞նչ են մեզ օգնում հասկանալ ճշմարտությունը փնտրելու կարևորության մասին:

Խնդրեք ուսանողներին կիսվել, թե ինչու է կարևոր ապավինել Աստծուն՝ որպես բոլոր ճշմարտությունների աղբյուրի (տես նաև Մոսիա 4.9 և Վարդապետություն և Ուխտեր 88.41): Առաջարկեք ուսանողներին իրենց ուսումնասիրության օրագրերում գրել Աստծո փառք, Բանականություն, Լույս և Ճշմարտություն բառերը։ Կարող եք առաջարկել նրանց բառերի միջև հավասարության նշան դնել:

Կարող եք ցուցադրել «Բացահայտել ճշմարտությունը» տեսանյութը (4:49), որը հասանելի է ChurchofJesusChrist.org կայքում։ Նախկինում Առաջին Նախագահությունից նախագահ Դիտեր Ֆ. Ուխդորֆը տեսանյութում օգտագործում է «Կույրերը և փիղը» բանաստեղծությունը, որպեսզի ցույց տա աշխարհիկ հեռանկարի սահմանափակությունը՝ հավերժության հեռանկարի համեմատ։ Կարող եք առաջարկել ուսանողներին կիսվել, թե իրենք ինչպես են ապավինել Աստծուն, որպեսզի Նա օգնի իրենց ճանաչել ճշմարտությունը:

Բացահայտել ճշմարտությունը

Ավելացող լույսն ու ճշմարտությունը ինչպես կարող են ազդել մեր կյանքի վրա

Երբ քննարկեք գծանկարը՝ հասկանալու լույսի և ճշմարտության փոխկապակցվածությունը, օգտագործեք հետևյալ սցենարները, որպեսզի օգնեք ուսանողներին տեսնել օրինակներ, թե ինչպիսին կարող է լինել այդ գործընթացը: Կարող եք հարմարեցնել սցենարները ձեր դասարանի կարիքներին:

• Հաննան նկատել է, որ երբ ինքը ջանքեր է գործադրում մոտ լինել Երկնային Հորը, իր համար ավելի հեշտ է հասկանալ հավերժության հեռանկարը։ Նա ավելի դրական է տրամադրվում և հույս է զգում ապագայի հանդեպ:

• Ռայլանը նկատել է, որ Հիսուս Քրիստոսի օրինակին հետևելու իր ջանքերը բարելավել են հարաբերությունները իր կյանքում: Նա ավելի շատ մտերմություն է զգում իր ծնողների հետ և հասկանում է, թե ընկերներից ովքեր են լավ ազդեցություն ունենում իր կյանքում:

Կարող եք քննարկում սկսել այն մասին, թե ինչ լրացուցիչ գործողություններ կարող են ձեռնարկել Հաննան և Ռայլանը՝ իրենց զգացած լույսն ու ճշմարտությունն ավելացնելու համար։