« គោលលទ្ធិ និងសេចក្ដីសញ្ញា ៩៨–១០១ ៖ ទិដ្ឋភាពទូទៅ » សៀវភៅសិក្សាព្រះគម្ពីរគោលលទ្ធិ និងសេចក្ដីសញ្ញាសម្រាប់គ្រូបង្រៀនថ្នាក់សិក្ខាសាលា ( ឆ្នាំ ២០២៥ )
« គោលលទ្ធិ និងសេចក្ដីសញ្ញា ៩៨–១០១ » សៀវភៅសិក្សាព្រះគម្ពីរគោលលទ្ធិ និងសេចក្ដីសញ្ញាសម្រាប់គ្រូបង្រៀនថ្នាក់សិក្ខាសាលា
គោលលទ្ធិ និងសេចក្តីសញ្ញា ៩៨–១០១
គោលលទ្ធិ និងសេចក្តីសញ្ញា ៩៨–១០១
ទិដ្ឋភាពទូទៅ
នៅខែ កក្កដា ឆ្នាំ ១៨៣៣ ក្រុមយាមល្បាតនៅរដ្ឋមិសសួរី បានទាមទារឲ្យពួកបរិសុទ្ធចេញពីស្រុកចាកសុន ។ ប៊ីស្សព អែតវឺត ប៉ាទ្រិច និង ឆាលស៍ អេលែន ត្រូវបានគេចាក់ជ័រកៅស៊ូ និងស្លាបសត្វលើ ហើយហាងបោះពុម្ពរបស់ ដ័បបុលយូ ដ័បបុលយូ ហ្វែប្ស ត្រូវបានបំផ្លាញចោល ។ ព្យាការី យ៉ូសែប ស៊្មីធ មិនបានដឹងអំពីព្រឹត្តិការណ៍ទាំងនេះទេ នៅពេលលោកបានទទួល គោលលទ្ធិ និងសេចក្តីសញ្ញា ៩៨ ។ នៅក្នុងវិវរណៈនេះ ពួកបរិសុទ្ធត្រូវបានលួងលោម ហើយបានផ្ដល់ការណែនាំអំពីការឆ្លើយតបទៅនឹងការបៀតបៀន ។ នៅពេល គោលលទ្ធិ និងសេចក្តីសញ្ញា ១០១ ត្រូវបានទទួលនៅខែ ធ្នូ ឆ្នាំ ១៨៣៣ បុគ្គលសំខាន់របស់ពួកបរិសុទ្ធត្រូវបានបណ្ដេញចេញពីផ្ទះសម្បែងរបស់ពួកគេនៅស្រុកចាកសុន រដ្ឋមិសសួរី ។ ព្រះអម្ចាស់បានប្រាប់ពួកគេពីមូលហេតុដែលទ្រង់អនុញ្ញាតឲ្យពួកគេត្រូវបានបណ្ដេញចេញពីផ្ទះសម្បែងរបស់ពួកគេ រំឭកពួកគេអំពីសេចក្ដីមេត្តាករុណារបស់ទ្រង់ ហើយបានមានព្រះបន្ទូលអំពីការប្រោសលោះនៃទីក្រុងស៊ីយ៉ូននៅទីបំផុត ។
សូមទុកពេលឲ្យសិស្សពិភាក្សាអំពីសេចក្ដីពិតនៃដំណឹងល្អ ។ សូមទុកពេលឲ្យសិស្សអនុវត្តការនិយាយអំពីអ្វី ដែលពួកគេកំពុងរៀនអំពីព្រះអង្គសង្គ្រោះ និងដំណឹងល្អរបស់ទ្រង់ ។ ការណ៍នេះអាចជួយសិស្សឲ្យចូលរួមចំណែក ចងចាំ និងបង្ហាញយ៉ាងច្បាស់ពីសេចក្តីពិតទាំងនេះ ។ ការអនុវត្តនេះក៏អាចបង្កើនទំនុកចិត្តរបស់សិស្សក្នុងការចែកចាយសេចក្ដីពិតនៅកន្លែងផ្សេងទៀតផងដែរ ។ សម្រាប់ព័ត៌មានបន្ថែមទៀតអំពីរបៀបដែលព្រះអង្គសង្គ្រោះបានធ្វើការណ៍នេះ សូមមើលផ្នែក « ព្រះអង្គសង្គ្រោះបានលើកទឹកចិត្តអ្នកដទៃឲ្យចែកចាយសេចក្ដីពិតដែលពួកគេបានរៀន » នៅក្នុង ការបង្រៀនតាមរបៀបរបស់ព្រះអង្គសង្គ្រោះ ។ អ្នកក៏អាចមើលឧទាហរណ៍មួយអំពីរបៀបធ្វើកិច្ចការនេះក្នុងចំណងជើងមេរៀននៅសប្ដាហ៍នេះបានផងដែរ « គោលលទ្ធិ និងសេចក្តីសញ្ញា ១០១:១–៤២ » ។
រៀបចំខ្លួនបង្រៀន
ព័ត៌មានខាងក្រោមផ្តល់ឲ្យអ្នកនូវគំនិតខ្លះៗអំពីអ្វីដែលអ្នកអាចត្រូវរៀបចំទុកជាមុនសម្រាប់មេរៀននីមួយៗ ។
គោលលទ្ធិ និងសេចក្តីសញ្ញា ៩៨
-
គោលលទ្ធិ និងសេចក្តីសញ្ញា ៖ ដើម្បីជួយសិស្សរង់ចាំព្រះអម្ចាស់ដោយអត់ធ្មត់ក្នុងគ្រាជួបទុក្ខលំបាក ។
-
ការរៀបចំសិស្ស ៖ សូមអញ្ជើញសិស្សឲ្យសួរឪពុកម្ដាយ ឬអ្នកដឹកនាំដែលគួរឲ្យទុកចិត្តឲ្យចែកចាយបទពិសោធន៍មួយ នៅពេលពួកគាត់អាចទុកចិត្តលើព្រះក្នុងអំឡុងពេលការសាកល្បងដ៏លំបាកមួយ ។ ការណ៍នេះអាចជួយពួកគេឲ្យគិតអំពីតម្លៃនៃការសាកល្បងនៅក្នុងជីវិតរបស់ពួកគេ ហើយរៀបចំខ្លួនដើម្បីចែកចាយគំនិតរបស់ពួកគេនៅក្នុងថ្នាក់ ។
-
វីដេអូ ៖ « Hope in Christ » ( ១៥:៣៧ ) ចេញពីនាទីទី ៩:១៣ ទៅនាទីទី ១០:០៦; « Face the Future with Faith » ( ១៤:២៥ ) ចាប់ពីនាទីទី ៨:០៥ ដល់នាទីទី ៩:១៤; « God Will Lift Us Up » ( ៤:៥៩ ); « Mountains to Climb » ( ០៥:០២ )
គោលលទ្ធិ និងសេចក្តីសញ្ញា ១០១:១–៤២
គោលបំណងមេរៀន ៖ ដើម្បីជួយសិស្សឲ្យទទួលអារម្មណ៍អាណិតអាសូរ និងសេចក្ដីមេត្តាករុណារបស់ព្រះអង្គសង្គ្រោះសម្រាប់ពួកគេ ។
-
ការរៀបចំសិស្ស ៖ សូមអញ្ជើញសិស្សឲ្យគិតអំពីរបៀបដែលការចូលរួមក្នុងថ្នាក់សិក្ខាសាលាអាចមានឥទ្ធិពលលើបទពិសោធន៍របស់ពួកគេ ។ ពួកគេអាចគិតអំពីរបៀបដែលពួកគេចូលរួមក្នុងថ្នាក់ និងការពិភាក្សាជាក្រុម ហើយសម្រេចថាតើពួកគេអាចចូលរួមកាន់តែច្រើនដោយរបៀបណា ។
-
វីដេអូ ៖ « The Savior’s Abiding Compassion » ( ១៣:០០ ) ចាប់ពីនាទីទី ៩:៤០ ដល់នាទីទី ១០:០១
-
រូបភាព ៖ យុវជនម្នាក់មានទុក្ខព្រួយ
គោលលទ្ធិ និងសេចក្ដីសញ្ញា ១០១:៤៣–១០១
គោលបំណងមេរៀន ៖ ដើម្បីផ្តល់ឱកាសដល់សិស្សក្នុងការសិក្សារឿងប្រៀបប្រដូច និងស្វែងរកអត្ថន័យខាងវិញ្ញាណរបស់រឿងប្រៀបប្រដូចនោះ ។
-
ការរៀបចំសិស្ស ៖ សូមពន្យល់សិស្សថា អ្វីៗដែលនៅជុំវិញយើងអាចជានិមិត្តរូប ឬបង្រៀនយើងអំពីសេចក្ដីពិតអំពីព្រះយេស៊ូវគ្រីស្ទ ( សូមមើល ម៉ូសេ ៦:៦៣ ) ។ ឧទាហរណ៍ ព្រះអាទិត្យស្ថិតនៅចំកណ្តាលប្រព័ន្ធព្រះអាទិត្យរបស់យើង ហើយផ្តល់ពន្លឺ និងជីវិតដល់ផែនដី ។ ស្រដៀងគ្នានេះដែរ ព្រះយេស៊ូវគ្រីស្ទគឺនៅចំកណ្តាលនៃផែនការរបស់ព្រះវរបិតាសួគ៌សម្រាប់បុត្រាបុត្រីរបស់ទ្រង់ ហើយប្រទានពន្លឺ និងជីវិតដល់យើងម្នាក់ៗ ។ សូមអញ្ជើញសិស្សឲ្យស្វែងរកអ្វីមួយនៅក្នុងជីវិតប្រចាំថ្ងៃរបស់ពួកគេ ដែលអាចបង្រៀនពួកគេអំពីព្រះយេស៊ូវគ្រីស្ទ ។ សិស្សនឹងមានឱកាសចែកចាយនៅដើមមេរៀននេះ ។
-
វីដេអូ ៖ « Put on Thy Strength » ( ១៣:៤៤ ) ចាប់ពីនាទីទី ០:៤៧ ដល់នាទីទី ១:២០
-
សំណៅចែក ៖ « របៀបសិក្សារឿងប្រៀប្រដូចរបស់ព្រះអង្គសង្រ្គោះ »