Mataupu Faavae ma Feagaiga 98–101

Mataupu Faavae ma Feagaiga 98–101

Vaaiga Aoao

Ia Iulai o le 1833, na poloaiina ai e ni vaega e le aloaia i Misuri le Au Paia e tuua le Itumalo o Siakisone. Na valitāina ma faafulufuluina ai Epikopo Eteuati Paterika ma Charles Allen ma sa faaleagaina ai le falelomitusi a W. W. Phelps. Sa lei silafia e le Perofeta o Iosefa Samita nei mea na tutupu ina ua ia mauaina le Mataupu Faavae ma Feagaiga 98. I lea faaaliga, sa faamafanafanaina ai le Au Paia ma tuuina mai faatonuga i le tali atu i sauaga. I lena taimi na maua ai le Mataupu Faavae ma Feagaiga 101 ia Tesema o le 1833, ua tutuliese le tino autu o le Au Paia mai o latou fale i le Itumalo o Siakisone, Misuri. Sa ta’u atu e le Alii ia i latou le mafuaaga na Ia faatagaina ai i latou e tutuliese mai o latou fale, faamanatu atu ia i latou Lona agaalofa, ma fetalai atu e uiga i le laveaiina mulimuli ane o Siona.

Tuu atu i tagata aoga ni avanoa e talanoaina ai upumoni o le talalelei. Faaavanoa se taimi mo tagata aoga e faataitai ai ona talanoa e uiga i mea o loo latou aoaoina e uiga i le Faaola ma Lana talalelei. E mafai ona fesoasoani lenei mea i tagata aoga e teuloto, manatua, ma faailoa manino atu ai nei upumoni. O lenei faiga e mafai foi ona faateleina ai le talitonuga o tagata aoga e faasoa atu upumoni i isi faatulagaga. Mo nisi faamatalaga i le ala na faia ai e le Faaola lenei mea, tagai i le vaega “Na Faamalosi le Faaola i Isi e Faasoa atu Mea Moni o loo latou Aoaoina” i le Aoao atu i le Ala a le Faaola. E mafai foi ona e vaai i se faataitaiga o le auala e faia ai lenei mea i le lesona o lenei vaiaso ua faaulutalaina “Mataupu Faavae ma Feagaiga 101:1–42.”

Ia saunia e aoao atu

O lenei faamatalaga e tuuina atu ai ia te oe ni manatu o mea atonu e manaomia ona muai saunia ai mo lesona taitasi.

Mataupu Faavae ma Feagaiga 98

• Faamoemoega o le lesona: Ina ia fesoasoani i tagata aoga e faatalitali ma le onosai i le Alii i taimi o puapuaga.

• Sauniuniga a le tagata aoga: Valaaulia tamaiti aoga e fai atu i se matua po o se taitai faatuatuaina e faasoa mai se aafiaga i se taimi na mafai ai ona latou faatuatuaina le Atua i se taimi o se tofotofoga faigata. E mafai ona fesoasoani lenei mea ia i latou e mafaufau ai i le taua o tofotofoga i o latou olaga ma saunia ai e faasoa mai o latou manatu i le vasega.

• Vitiō: “Faamoemoe ia Keriso” (15:37) mai le faailo taimi 9:13 i le 10:06; “Faasaga Atu ma le Faatuatua i le Lumanai” (14:25) mai le faailo taimi 8:05 i le 9:14; “O Le A Siitia i Tatou e le Atua” (4:59); “O Mauga e A’ea” (05:02)

Mataupu Faavae ma Feagaiga 101:1–42

Faamoemoega o le lesona: Ina ia fesoasoani i tagata aoga ia lagonaina le agaalofa ma le agalelei o le Faaola mo i latou.

• Sauniuniga a le tagata aoga: Valaaulia tagata aoga e mafaufau pe mafai faapefea e le auai i le seminare ona aafia ai o latou aafiaga. E mafai ona latou mafaufau pe faapefea ona latou auai i talanoaga i vasega ma vaega ma filifili pe faapefea ona latou auai atili.

• Vitiō: “The Savior’s Abiding Compassion” (13:00; matamata mai le faailotaimi 9:40 e oo i le 10:01)

• Ata: O se talavou mafatia

Mataupu Faavae ma Feagaiga 101:43–101

Faamoemoega o le lesona: Ina ia tuu atu i tagata aoga ni avanoa e suesue ai se faataoto ma iloa ai lona uiga faaleagaga.

• Sauniuniga a le tagata aoga: Faamalamalama atu i tagata aoga o mea o siomia ai i tatou e mafai ona faatusa i ai pe aoao ai i tatou i upumoni e uiga ia Iesu Keriso (tagai i le Mose 6:63). Mo se faataitaiga, o le la o loo i le ogatotonu o le afuafu malamalama ma e aumaia le malamalama ma le ola i le lalolagi. E faapena foi, o loo i ai Iesu Keriso i le totonugalemu o le fuafuaga a le Tama Faalelagi mo Ana fanau ma tuuina mai ia i tatou taitoatasi le malamalama ma le ola. Valaaulia tagata aoga e sue se mea i o latou olaga i aso taitasi e mafai ona aoao ai i latou i se mea e uiga ia Iesu Keriso. O le a maua e tagata aoga se avanoa e faasoa atu ai i le amataga o le lesona.

• Vitiō: “Put on Thy Strength” (13:44) mai le faailo taimi 0:47 i le 1:20

• Pepa e tufa atu: “Auala e Suesue ai Faataoto a le Faaola”