Семинар
120-р хичээл—Сургаал ба Гэрээ 107:21–100: Есүс Христийн онцгой гэрч нар

“120-р хичээл—Сургаал ба Гэрээ 107:21–100: Есүс Христийн онцгой гэрч нар,” Сургаал ба Гэрээний семинарын багшийн гарын авлага (2025)

“Сургаал ба Гэрээ 107:21–100,” Сургаал ба Гэрээний семинарын багшийн гарын авлага

120-р хичээл: Сургаал ба Гэрээ 106–108

Сургаал ба Гэрээ 107:21–100

Есүс Христийн онцгой гэрч нар

Христийн хөшөө

Есүс Христ Шинэ Гэрээний цаг үед ийн үйлдсэнтэй адил өнөөдөр Сүмээ удирдуулж дэлхий даяар Өөрийг нь гэрчлэх бошиглогч, төлөөлөгчдийг болон бусдыг дуудсан. Сургаал ба Гэрээ 107-д Есүс эдгээр сонгогдсон удирдагчийн үүргийг тайлбарлажээ. Энэ хичээл суралцагчдад төлөөлөгчид бол Есүс Христийн онцгой гэрч нар мөн гэсэн илүү их итгэлтэй болоход тусална.

Боломжит суралцах үйл ажиллагаа

Есүс Христийн Сүм

Ангид зургаан ширхэг цаасан аяга авч ирэн, тэдгээрээр жижиг пирамид бүтээх талаар бодож үзээрэй. Доод талд нь гурван аяга, дунд хэсэгт хоёр аяга, дээд талд нь нэг аяга өрж байрлуул. Хамгийн дээд талын аяган дээр гэгээнтнүүд гэж тэмдэглээд, энэ аяга Аврагчийн Сүмийн гишүүдийг төлөөлж байгааг суралцагчдад хэл. Шинэ Гэрээнд Есүс Сүмээ гишүүдийг адислах арга замаар зохион байгуулсан гэдгийг тайлбарлаж өг.

Дараах шүлгүүдийг унш. Аврагчийн Сүмээ удирдуулж, амьдарч байсан үеийнхээ гэгээнтнүүдийг дэмжихээр дууддаг дуудлагуудыг хайж ол.

  • Та юу олж мэдсэн бэ?

    Суралцагчдыг хуваалцаж байх хооронд та дунд талын хоёр аяган дээр Далууд болон Бишопууд мөн доод талын гурван аяга тус бүрд Есүс Христ, Бошиглогчид, Төлөөлөгчид гэж тэмдэглэж болно. Хэдийгээр бүх төлөөлөгчийг бошиглогч, үзмэрч, илчлэгчид гэж үздэг ч бид ахлах төлөөлөгчийг ихэнхдээ бошиглогч гэж нэрлэдэг гэдгийг тайлбарлаж өг.

  • Есүс Христ, бошиглогч, төлөөлөгчид бол Сүмийн үндэс суурь гэдгийг ойлгох нь яагаад бидэнд чухал вэ? (Ефес 2:20-ийг үзнэ үү).

    Эрт цагт “булангийн чулуу” (Ефес 2:20) нь суурийн буланд тавьдаг том чулуу байсан гэдгийг ойлгоход суралцагчдад тусал. Бусад бүх чулууны өнцөг, байрлалыг голлох булангийн чулуунаас хэмжиж гаргадаг байсан.

  • Та Есүс Христийн талаар булангийн чулуутай зүйрлүүлж болох юуг мэддэг вэ?

Аврагчийн Сүмд эдгээр удирдагч байснаар ирэх адислалуудын талаар бодоход суралцагчдыг урь. Суралцагчид Аврагчийн эдгээр дуудлагад дуудсан хүмүүсээр дамжуулан ирж болох адислалуудыг хүлээн авахын тулд юу хийж байгаагаа өөрсдөөсөө асууж болно.

Суралцагчдыг Есүс Христийн талаарх гэрчлэлээ хүчирхэгжүүлэхэд Сүмийн удирдагчид ямар үүрэгтэйг ойлгохоор эрэлхийлэхдээ Ариун Сүнсний нөлөөг урихад урамшуул.

Та Сургаал ба Гэрээ 107-д зориулсан дараах хам сэдвийг нэгтгэн дүгнэж эсвэл уншиж болно.

Эцгийнхээ удирдлаган доор Есүс Христ мөнх бус амьдралд тохинуулж байх үедээ тавьсан суурин дээрээ Өөрийн сэргээгдсэн Сүмийг өнөө үед зохион байгуулсан (Итгэлийн тунхаг 1:6-г үзнэ үү). Их Эзэн зохион байгуулалтын бүтцийг бошиглогч Иосеф Смитэд илчилж эхэлсэн бөгөөд өнөөдөр ч үүнийг илчилсээр байна. 1835 он гэхэд Аврагч гэгээнтнүүдэд үйлчилж, дэлхий дээрх Сүмээ удирдуулахаар Тэргүүн зөвлөл, Арван хоёр төлөөлөгчийн чуулга, Дал, бишопуудыг мөн бусад санваарын удирдагчийг дуудсан. Сургаал ба Гэрээ 107-д эдгээр дуудлагад дуудагдсан хүмүүст Аврагчийн өгсөн үүрэг хариуцлагуудын заримыг тоймлон өгүүлдэг.

Их Эзэний сонгосон удирдагчдын үүрэг хариуцлага

Дараах дуудлага бүрийг тус тусад нь цаасан дээр бичиж, өрөөний эргэн тойронд байрлуулахыг бод. Та суралцагчдыг тодорхой дуудлагуудыг судлах бүлгүүдэд хуваарилах юм уу тэдэнд судлахыг хүсэж буй дуудлага руу шилжихийг зөвшөөрч болно.

Хичээлийн төгсгөлийн хэсэгт хангалттай цаг үлдээхээ мартуузай.

Дараах хэсгүүдийг судалж, Есүс Христ Сүм дэх гэгээнтнүүдээ дэмжихийн тулд эдгээр дуудлагад томилсон хүмүүсээ хэрхэн ажиллуулдгийг олж мэд.

Бүлгүүдийг судалж дуусмагц сурч мэдсэн зүйлсээ ангийнхандаа хуваалцахад урь.

  • Эдгээр дуудлагыг авсан хүмүүсээр дамжуулан Аврагч таныг хэрхэн адисалсан бэ?

  • Эдгээр ариун нандин дуудлагатай хүмүүсийг дэмжихийн тулд бидний хийж чадах зүйл юу вэ? (Сургаал ба Гэрээ 107:22-ыг үзнэ үү).

Есүс Христийн онцгой гэрч нар

Бүлгүүдийг хуваалцаж дуусмагц Есүс Христ төлөөлөгчдийг бүх дэлхийд Өөрийн нэрийн тусгай гэрч нар байхаар дууддаг гэж заасан 23-р шүлэг дэх үг, хэллэгийг тодруулан тэмдэглэхэд суралцагчдыг урамшуул.

  • Төлөөлөгчид ямар арга замаар өнөө цагт бүх дэлхийд Христийн тухай гэрчлэл хуваалцдаг вэ?

Арван хоёр төлөөлөгчийн чуулгын ахлагч Дэвид А.Бэднар төлөөлөгчид “Христийн нэрний тусгай гэрчүүд” (23-р шүлэг) байна гэдэг нь ямар утгатайг тайлбарлажээ.

Ахлагч Дэвид А.Бэднар

Өнөө үеийн төлөөлөгчийн үүрэг эрт үеийнхтэй адил юм (Үйлс 1:22; 4:33-ыг үзнэ үү). Бид бүх дэлхийгээр явж, “Есүс Христ буюу цовдлогдсон Түүнийг” (Марк 16:15; 1 Коринт 2:2-ыг үзнэ үү) тунхаглах үүрэгтэй. Төлөөлөгч бол номлогч байдаг бөгөөд Христийн нэрийн тусгай гэрч юм. “Христийн нэр” гэдэг нь Аврагчийн номлол, үхэл, амилалтыг—Түүний эрх мэдэл, сургаал мөн Бурханы Хүүгийн хувьд бидний Гэтэлгэгч, Аврагч байхаар сонгогдсон Түүний ер бусын чадваруудыг бүхэлд нь төлөөлдөг. Христийн нэрийн тусгай гэрч нарын хувьд бид Есүс Христийн амилалт, сайн мэдээ, хэмжээлшгүй хийгээд мөнхийн Цагаатгал нь үнэн бодит, тэнгэрлэг болохыг гэрчилдэг. (David A. Bednar, “Special Witnesses of the Name of Christ,” Religious Educator: Perspectives on the Restored Gospel, vol. 12, no. 2 [2011], 1)

  • Есүс Христ яагаад судар дахь гэрч нараасаа гадна амьд төлөөлөгчдийг Өөрийн тусгай гэрч болгон өгсөн гэж та нар бодож байна вэ?

“Neil L. Andersen: Special Witness of Christ” (5:24; цагийн код 4:15-аас 5:24 хүртэл үзнэ үү) зэрэг Есүс Христийн тухай тусгай гэрчлэлээ хуваалцаж буй төлөөлөгчийн видеог үз. Түүний гэрчлэлийг сонсох үедээ юу мэдэрч байгаагаа анхаарахад суралцагчдыг урь.

5:24

Хэрэв дараах үйл ажиллагаанд шаардлагатай бол хамгийн сүүлийн Ерөнхий чуулганы үгс эсвэл төлөөлөгчдийн сүүлд гаргасан бусад мэдэгдлийг суралцагчдад өгөх талаар бодож үзээрэй.

Есүс Христийн талаар тусгай гэрчлэлээ хуваалцсан төлөөлөгчдийн жишээнүүдийг саяхны чуулганы үгсээс эсвэл сүүлийн үеийн бусад мэдэгдлээс хай. Ингэхдээ судлах тэмдэглэлдээ дараах асуултуудын нэгд эсвэл хэд хэдэд нь хариулахыг бод.

  • Эдгээр төлөөлөгчийн тусгай гэрчлэлүүд Есүс Христийн талаарх таны бодолд хэрхэн нөлөөлдөг вэ?

  • Төлөөлөгч таны ч бас үнэн гэж итгэдэг Есүс Христийн талаарх ямар зүйлийг хуваалцсан бэ? Та өөрөө энэ үнэнийг хэрхэн олж мэдсэн бэ?

  • Төлөөлөгчдийн Есүс Христийн тухай тусгай гэрчлэлүүдээс үргэлжлүүлэн суралцахын тулд амьдралынхаа туршид бид юу хийж чадах вэ?

Цөөн суралцагчийг сурч мэдсэн зүйлсээ болон бичиж тэмдэглэж авсан ойлголтоосоо хуваалцахад урь.

Есүс Христэд итгэх итгэлээ хүчирхэгжүүлэхийн тулд төлөөлөгчдийн Түүний тухай тусгай гэрчлэлүүдийг үргэлжлүүлэн ашиглахад суралцагчдыг урамшуул. Жишээлбэл: Та суралцагчдад долоо хоног бүр Ерөнхий чуулганы нэг захиасыг судлах, олон нийтийн сүлжээгээр төлөөлөгчдийг дагах эсвэл удахгүй болох Ерөнхий чуулганд төлөөлөгчдийн Есүс Христийн тухай гэрчлэл, сургаалуудад онцгойлон анхаарал хандуулахыг зөвлөж болно.