Սեմինարիա
Դաս 122․ Վարդապետություն և Ուխտեր 109. Տիրոջ տաճարը. փառքի և զորության տուն

«Դաս 122․ Վարդապետություն և Ուխտեր 109․ Տիրոջ տաճարը. փառքի և զորության տուն», Վարդապետություն և Ուխտեր․ Սեմինարիայի ուսուցչի ձեռնարկ (2025)

«Վարդապետություն և Ուխտեր 109», Վարդապետություն և Ուխտեր․ Սեմինարիայի ուսուցչի ձեռնարկ

Դաս 122. Վարդապետություն և Ուխտեր 109–110

Վարդապետություն և Ուխտեր 109

Տիրոջ տաճարը. փառքի և զորության տուն

Կիրթլենդի տաճարը

Սրբերն աշխատեցին մոտ երեք տարի՝ կառուցելու Կիրթլենդի Տաճարը՝ առաջին տաճարը, որը կառուցվել է այս տնտեսությունում: Վարդապետություն և Ուխտեր 109 բաժինը Տիրոջ կողմից Մարգարե Ջոզեֆ Սմիթին հայտնված նվիրագործման աղոթք է: Այս աղոթքը պարունակում է օրհնություններ, որոնք մենք կարող ենք ստանալ այսօր։ Այս դասը կարող է օգնել ուսանողներին զգալ ավելի մեծ ցանկություն՝ հաճախելու տաճար և ստանալու Տիրոջ խոստացած օրհնությունները:

Հնարավոր ուսումնական վարժություններ

Մտքեր տաճարի մասին

Կարող եք տարբեր տաճարների պատկերներ ցուցադրել: Կարող եք հակիրճ հարցնել ուսանողներին տաճարների վերաբերյալ մի քանի փաստի մասին, օրինակ՝ քանի տաճար է ներկայումս գործում, քանի տաճարի մասին է հայտարարվել վերջին գերագույն համաժողովում, ո՞ր տաճարն է ամենամոտը ձեր դասարանին և այլն:

  • Ինչո՞ւ են ոմանք ոգևորություն զգում տաճար այցելելիս։ Ինչո՞ւ ոմանք կարող են չզգալ ոգևորություն։

    Ցուցադրեք հետևյալ արտահայտությունները և խրախուսեք ուսանողներին խորհել, թե որքանով են իրենք համաձայն յուրաքանչյուր արտահայտության հետ: Որպես այլընտրանք, կարող եք առաջարկել ուսանողներին իրենց ուսումնասիրության օրագրերում գրել տաճար այցելելու վերաբերյալ իրենց զգացմունքները:

  • Տաճարը Աստծո տունն է:

  • Տաճարային այցելությանը պատրաստվելը կամ տաճար այցելելը կարևոր է ինձ համար:

  • Ես կարծում եմ, որ կան կարևոր օրհնություններ, որոնք Տերը կտա ինձ, որպեսզի ես ձգտեմ արժանի լինել այցելելու Նրա տուն:

Խորհեք ցանկացած հարցի կամ մտահոգության մասին, որ ունեք տաճարային այցելությանը պատրաստվելու և տաճար այցելելու վերաբերյալ: Այսօր ուսումնասիրելիս կարող եք աղոթել Երկնային Հորը, որպեսզի օգնի ձեզ ավելի մեծ ցանկություն զգալ այցելելու Նրա սուրբ տաճար:

Կիրթլենդի Տաճարը

Ցուցադրեք դասի սկզբում ցույց տրված Կիրթլենդի տաճարի նկարը: Ձեր բառերով համառոտ կիսվեք այս տաճարի մասին պատմական տեղեկություններով կամ առաջարկեք երկու ուսանողի կարդալ հետևյալ պարբերությունները:

1833 թ․ հունիսից մինչև 1836 թ․ մարտն ընկած ժամանակահատվածում Եկեղեցու անդամները զոհաբերեցին ժամանակ, փող և ունեցվածք, որպեսզի օգնեն այս տնտեսության առաջին տաճարի կառուցմանը։ Տղամարդիկ հմուտ աշխատուժ էին ապահովում շենքի կառուցման համար, իսկ կանայք հագուստ էին պատրաստում և կացարան տրամադրում բանվորների համար։ Որոշ Վերջին Օրերի Սրբեր տվեցին իրենց ունեցվածքի մեծ մասը՝ տաճարի կառուցման համար։ Ընդհանուր առմամբ Տաճարն արժեցավ 60000 ամերիկյան դոլլար՝ մի ահռելի գումար այն ժամանակների համար, հատկապես, եթե հաշվի առնենք Սրբերի աղքատությունը։

Նոր տաճարը նվիրագործվեց 1836 թ. մարտի 27-ին: Վերջին Օրերի շատ Սրբեր, որոնք ներկա էին նվիրագործման արարողություններին և միջոցառումներին, մեծ հոգևոր դրսևորումներ ունեցան։ Այդպիսի դրսևորումներից էին հզոր քամու ձայնը լսելը, նոր լեզուներով խոսելը, տեսիլքներ տեսնելը և հրեշտակների այցելությանն ականատես լինելը:

Վարդապետություն և Ուխտեր 109 բաժինը նվիրագործման աղոթք է, որը Տերը հայտնեց Մարգարե Ջոզեֆ Սմիթին։ Այս աղոթքը բարձրաձայն կարդացվում էր նվիրագործման ծառայությունների ժամանակ։ Այդ ձևը շարունակվում այսօր՝ ոգեշնչված նվիրագործման աղոթքով, որը կարդացվում է տաճարի նվիրագործման յուրաքանչյուր միջոցառման ընթացքում:

Կարող եք հարցնել՝ արդյոք որևէ ուսանող ներկա է եղել տաճարի նվիրագործմանը: Եթե այդպիսի ուսանողներ կան, կարող են կիսվել, թե ինչ են հիշում նվիրագործման աղոթքի մասին:

Կարդացեք Վարդապետություն և Ուխտեր 109․1–4 հատվածները՝ փնտրելով, թե ինչպես է սկսվում այս նվիրագործման աղոթքը։

  • Ի՞նչն էր ձեզ համար իմաստալից այս հատվածներում:

Երբ ուսանողները կիսվեն, կարող եք տալ մի քանի լրացուցիչ հարց, օրինակ՝ «Ի՞նչ են հայտնում այս հատվածները Տիրոջ մասին» կամ «Ի՞նչը ձեզ տպավորեց Սրբերի մոտեցման մեջ» (օրինակների համար տես հատվածներ 1-ը և 4-ը)։

Տաճարի նպատակներն ու օրհնությունները

Համոզվեք, որ ուսանողները բավարար ժամանակ ունեն հետևյալ ուսումնական վարժության համար: Կարող եք գրատախտակին գրել Նպատակներ և Օրհնություններ բառերը։

Ուսանողները կարող են աշխատել դասընկերոջ հետ՝ անելու հետևյալը և նշելու իրենց գտածը։

Կարդացեք Վարդապետություն և Ուխտեր 109․5, 11–16, 20–24 հատվածները՝ փնտրելով Իր տաճարը կառուցելու Տիրոջ նպատակներից մի քանիսը և դա անելու համար խոստացված օրհնությունները:

Բավարար ժամանակից հետո ուսանողներին առաջարկեք իրենց դասընկերների հետ քննարկել, թե որ նպատակներն ու օրհնություններն են առավել կարևոր իրենց համար և ինչու:

Յուրաքանչյուր խմբի առաջարկեք ստեղծել ճշմարտություն արտահայտող նախադասություն՝ հիմնվելով իրենց գտած կարևոր մտքերից մեկի վրա: (Կամ, կախված դասարանի չափից, յուրաքանչյուր ուսանողի կարող եք առաջարկել կիսվել:) Կարող եք ուսանողներին տրամադրել փոքրիկ թերթիկ, որպեսզի նրանք գրեն իրենց նախադասությունը և ցուցադրեն այն գրատախտակին: Այնուհետև ուսանողները կարող են կիսվել իրենց կազմած նախադասությամբ, այն հատվածով կամ հատվածներով, որոնց վրա հիմնված է այդ նախադասությունը, և բացատրությամբ, թե ինչու է այն կարևոր իրենց համար:

Ուսանողները կարող են կիսվել նմանատիպ ճշմարտություններով.

  • Տաճարում Տերը կարող է հայտնվել մեզ (հատվածներ 5, 12–13) (Նշում․ Օգնեք ուսանողներին հասկանալ, որ կան բազմաթիվ եղանակներ, որոնցով Տերը կարող է հայտնվել։ Այս թեման կքննարկվի հաջորդ դասում:)

  • Տաճարում Տերը կարող է զինել մեզ Իր զորությամբ, պաշտպանությամբ և օգնությամբ: (հատվածներ 13, 22)

  • Տաճարը սովորելու վայր է։ (հատվածներ 14–15)

  • Տաճարում երկրպագելը կարող է մեզ նախապատրաստել ծառայելու Տիրոջը և քարոզելու Նրա խոսքը: (հատվածներ 22–23)

  • Ի՞նչ են մեզ օգնում հասկանալ այս ճշմարտությունները Երկնային Հոր և Հիսուս Քրիստոսի մասին։ Ինչո՞ւ է դա արժեքավոր ձեզ համար։

Մի քանի ուսանողի կարող եք առաջարկել կարդալ երիտասարդների հետևյալ խոսքերն իրենց տաճարային փորձառությունների մասին: Առաջարկեք ուսանողներին փնտրել վերը նշված օրհնությունների օրինակներ, ինչպես նաև լրացուցիչ օրհնություններ:

Տաճարում միայն ոգեշնչող մտքեր են լցվում իմ ուղեղը: Հիանալի զգացում է, երբ մտածում ես այն մասին, թե ինչ կարող ես անել ուրիշներին օգնելու համար: [Քլոե Դ.] …

… Տաճարային կանոնավոր այցելությունն օգնել է ինձ ավելի հաճախ զգալ Հոգին: Տաճար այցելելու շնորհիվ իմ ընկերները միանշանակ ավելի մտերիմ են դարձել միմյանց: Նաև մեր դասընկերներից շատերը հետաքրքրվում են և հարցեր են տալիս մեր տաճարային այցելությունների մասին: …

… Մի ընկեր … հնարավորություն ունեցավ ստանալ իր առաջին սահմանափակ օգտագործման երաշխավորագիրը, և հաճելի էր տեսնել, թե դա ինչ դրական ազդեցություն ունեցավ նրա կյանքի վրա: [Աննալիսա Կ.] …

… Հենց որ մտա [տաճար], ես զգացի, որ դպրոցում և այլուր ունեցած բոլոր դժվարությունները պարզապես վերացել են: Ես ինձ հանգիստ էի զգում, երբ տաճարում էի: Ինձ պատել էր երջանկության զգացումը։ Տաճարում լինելն օգնեց ինձ կենտրոնանալ այն ամենի վրա, ինչ պետք է անեմ եկեղեցում և այլ պարտականությունների շրջանակում: Դա պարզապես անհավանական էր՝ գնալ տաճար և հեռանալ իմ բոլոր անախորժություններից: [Կոլե Ե.] («Youth Voices: Attending the Temple», New Era, ապրիլ 2013, 5–7)

Այցելենք Տիրոջ սուրբ տաճար

Կարող եք ցուցադրել «Տաճարի օրհնությունները» (3:37) կամ «Իմ ուժից վեր զորություն» տեսանյութը (3:47)։ Առաջարկեք ուսանողներին խորհել այն օրհնությունների մասին, որոնք իրենք զգացել են, երբ պատրաստվում էին մտնել տաճար կամ տաճար մտնելիս: Մեկ այլ տարբերակ է՝ երգել «Աստծո Հոգին» (Հիմներ, հմր 2) օրհներգը, որը գրվել է Կիրթլենդի տաճարի նվիրագործման համար, կամ մեկ այլ օրհներգ տաճարի մասին։

2:3
2:3

Նախագահ Ռասսել Մ. Նելսոնը վկայել է․

Նախագահ Ռասսել Մ. Նելսոն

[Տաճարը] Նրա տունն է։ Այն լցված է Նրա զորությամբ։ Եկեք երբեք մեր տեսադաշտից բաց չթողնենք այն, թե ինչ է Տերը անում մեզ համար: … Ես խոստանում եմ, որ տաճարում անցկացրած ժամանակը կօրհնի ձեր կյանքը աննախադեպ եղանակներով։ (Ռասսել Մ. Նելսոն, «Կենտրոնացեք տաճարի վրա», Լիահոնա, նոյեմբեր 2022, 121)

  • Ե՞րբ եք դուք կամ ձեր մտերիմներից որևէ մեկը զգացել տաճարի օրհնությունները:

Առաջարկեք ուսանողներին հիշել դասի սկզբին տված իրենց պատասխաններն այն մասին, թե ինչու որոշ մարդիկ կարող են ոգևորություն չզգալ տաճար այցելելու համար:

  • Ի՞նչ սովորեցիք կամ զգացիք, որը կարող է օգնել որևէ մեկին հաղթահարել իր խնդիրները կամ ոգեշնչել նրան այլ զգացմունքներ ունենալ տաճարի նկատմամբ:

  • Ինչպե՞ս այսօր փոխվեցին ձեր սեփական զգացմունքները Տիրոջ և Նրա սուրբ տաճարի նկատմամբ:

Կարող եք առաջարկել ուսանողներին փակցնել տաճարի նկարն այնպիսի տեղում, որտեղ նրանք հաճախ կարող են տեսնել այն: Խրախուսեք ուսանողներին շարունակել աղոթել Երկնային Հորը՝ Նրա սուրբ տաճարների նկատմամբ ավելի մեծ սիրո և դրանք այցելելու ավելի մեծ ցանկության համար: