Վարդապետություն և Ուխտեր 121–123

Վարդապետություն և Ուխտեր 121–123

Ակնարկ

Դավաճանվելուց և կեղծ մեղադրանքներով ձերբակալվելուց հետո Մարգարե Ջոզեֆ Սմիթը և Եկեղեցու մյուս ղեկավարները բանտարկվեցին Լիբերթիի (Միսսուրի) բանտում: 1838–1839 թվականների ձմռանը Միսսուրիի Սրբերը մեծ տառապանքներ կրեցին: Այս տառապանքների մեջ Տերը մխիթարեց նրանց կարեկցող խորհրդով և ուսուցանեց նրանց ստանալ երկնքի զորությունները՝ արդարակեցության սկզբունքների միջոցով:

Օգնեք սովորողներին կապել սուրբ գրություններն իրենց կյանքի հետ. երբ ուսանողները կապում են սուրբ գրություններում իրենց ուսումնասիրածն իրենց հանգամանքների հետ, կարող են ավելի լավ տեսնել, թե սուրբ գրություններն ինչպես են պատասխաններ տալիս և ուղղորդում իրենց՝ առաջնորդելով իրական կյանքի իրավիճակներում: Սա կարող է մեծացնել ավետարանի ուսմունքները սովորելու և կիրառելու նրանց մոտիվացիան: Իմանալու համար, թե ինչպես է Փրկիչն արել դա, տես «Փրկիչն օգնեց մարդկանց անձնական համապատասխանություն գտնել Իր վարդապետության մեջ» բաժինը Ուսուցանել Փրկչի ձևով ձեռնարկում։ Դա անելու օրինակ կարող եք տեսնել նաև այս շաբաթվա դասում, որը վերնագրված է «Վարդապետություն և Ուխտեր 121–123»։

Պատրաստվեք ուսուցանել

Հետևյալ տեղեկությունները ձեզ հուշում են, թե ինչ պետք է նախապատրաստեք յուրաքանչյուր դասի համար:

Վարդապետություն և Ուխտեր 121–123

Դասի նպատակը․ օգնել ուսանողներին հասկանալ, թե Աստված ինչպես կարող է օգնել մեզ մեր փորձությունների ժամանակ:

• Ուսանողի նախապատրաստում․ ուսանողներին առաջարկեք հարցնել որևէ մտերիմ մարդու, որը հավատարմորեն դիմակայել է դժվար փորձությանը, թե ինչ է նա սովորել Երկնային Հոր և Հիսուս Քրիստոսի մասին իր փորձառության միջոցով:

• Նկարներ ցուցադրման համար․ Լիբերթիի բանտի նկարները

• Տեսանյութ․ «Դասեր Լիբերթիի բանտից» (44:25, դիտեք 3:00-8:49 և 14:30-15:22)

• Նյութեր․ պատմական ամփոփումների օրինակներ և դատարկ թուղթ՝ յուրաքանչյուր ուսանողի համար

Վարդապետություն և Ուխտեր 121․34–46

Դասի նպատակը․ օգնել ուսանողներին ավելի լիարժեքորեն ստանալ երկնքի զորություններն իրենց կյանքում՝ ավելի քրիստոսանման դառնալու միջոցով:

• Ուսանողի նախապատրաստում․ ուսանողներին առաջարկեք մտածել իրենց կողմից օգտագործվող սարքերի մասին, որոնց աշխատանքի համար պահանջվում է էլեկտրաէներգիա կամ էլեկտրական հզորություն: Խրախուսեք նրանց ընտրել սարքը, խորհել, թե դրա արդյունավետությունն ինչպես է կախված հզորությունից և որևէ մեկի հետ կիսվել զորության մասին իրենց սովորած ավետարանի դասով:

• Նկարներ ցուցադրման համար․ Հիսուս Քրիստոսի և Լիբերթիի բանտի նկարները

• Տեսանյութեր․ «Մեր կյանք հրավիրենք Հիսուս Քրիստոսի զորությունը» (14:50, դիտեք 12:25-13:55) «Գնա և այլևս մեղք մի գործիր» (3:18)

Վարդապետություն և Ուխտեր 122

Դասի նպատակը․ օգնել ուսանողներին հասկանալ, որ Հիսուս Քրիստոսի շնորհիվ նույնիսկ ծանր փորձառությունները կարող են օգնել մեզ առաջ գնալ և ավելի շատ նմանվել Նրան:

• Ուսանողի նախապատրաստում․ ուսանողներին առաջարկեք հիշել մի օրինակ, որով նրանք կարող են կիսվել դասարանի հետ, որը ցույց է տալիս, որ Աստված օրհնության վերածեց իրենց կամ իրենց մտերիմ մարդու կրած փորձությունը:

• Նյութեր․ անմշակ և հղկված քարեր (կամ քարերի պատկերներ, եթե քարերը հասանելի չեն)

• Տեսանյութ․ «Ֆեյթ Մյուրեյի պատմությունը. հաղթահարել դժվարությունները ծառայության միջոցով» (4:52)

• Աշխատաթերթ․ «Հիշենք Հիսուս Քրիստոսին մեր տառապանքների մեջ»