Սեմինարիա
Դաս 132․ Վարդապետություն և Ուխտեր 121.34–46. «Երկնքի զորությունները»

«Դաս 132․ Վարդապետություն և Ուխտեր 121․34–46. «Երկնքի զորությունները»», Վարդապետություն և Ուխտեր․ Սեմինարիայի ուսուցչի ձեռնարկ (2025)

«Վարդապետություն և Ուխտեր 121․34–46», Վարդապետություն և Ուխտեր․ Սեմինարիայի ուսուցչի ձեռնարկ

Դաս 132. Վարդապետություն և Ուխտեր 121–123

Վարդապետություն և Ուխտեր 121․34–46

«Երկնքի զորությունները»

Հիսուս Քրիստոս

Լիբերթիի բանտի ծանր հանգամանքներում Տերն ուսուցանեց Մարգարե Ջոզեֆ Սմիթին, թե ինչպես ստանալ երկնքի զորությունները՝ արդարակեցության սկզբունքների միջոցով: Այս դասը կօգնի ուսանողներին լիարժեքորեն ստանալ երկնքի զորություններն իրենց կյանքում՝ ավելի քրիստոսանման դառնալու միջոցով:

Հնարավոր ուսումնական վարժություններ

Ուրիշներին ծառայելու մեր ցանկությունները

Դասը սկսեք՝ օգնելով ուսանողներին հասկանալ, որ Աստծո հետ մեր անձնական կապը մեզ ավելի մեծ հնարավորություն կտա ծառայելու մեզ շրջապատող մարդկանց: Քննարկման համար օգտագործեք հետևյալ կարճ սցենարը:

Մոլլին վերջերս կանչվել է ծառայելու իր դասարանի նախագահությունում: Նա ցանկանում է օգնել իր դասարանի երիտասարդ կանանց, սակայն չգիտի, թե ինչպես դա անել:

  • Ի՞նչ խորհուրդ կտայիք Մոլլիին, եթե նա ձեզնից խորհուրդ հարցներ:

Երբ Մոլլին խորհուրդ հարցրեց Երիտասարդ կանանց նախագահից, նախագահը հետևյալ խոսքերով հաղորդագրություն ուղարկեց Մոլլիին և հորդորեց նրան խորհել, թե ինչպես կիրառել այդ խորհուրդը՝ օգնելու այն մարդկանց, որոնց նա կանչվել է ծառայելու:

Նախագահ Հարոլդ Բ. Լի

Դուք չեք կարող բարձրացնել մեկ ուրիշին, մինչև որ կանգնած չլինեք ավելի բարձր տեղում, քան նա է։ (Հարոլդ Բ․ Լի, «Կանգնեք սուրբ տեղերում», Ensign, հուլիս 1973, 123)

  • Ըստ ձեզ, այս խոսքերն ինչպե՞ս են առնչվում Մոլլիի ցանկությանը՝ օգնելու իր դասարանի երիտասարդ կանանց:

Ուսանողներին առաջարկեք խորհել, թե արդյոք կա մեկը, ում իրենք ցանկանում են օգնել ավելի մոտենալ Երկնային Հորը և Հիսուս Քրիստոսին: Նրանք կարող են մտածել իրենց ընկերների, ընտանիքի մասին, նրանց մասին, ում կանչվել են ծառայելու կամ նրանց, ում կարող են կանչվել նախագահելու իրենց քվորումներում և դասարաններում: Նրանք կարող են նույնիսկ իրենց օրագրերում գրել անուններ, որոնք գալիս են իրենց մտքին:

Ուսանողներին խրախուսեք ամբողջ դասի ընթացքում ուշադրություն դարձնել մտքերին և զգացմունքներին, որոնք կարող են բխել Սուրբ Հոգուց, այն մասին, թե իրենք ինչպես կարող են լավագույնս ազդել այն մարդկանց վրա, որոնց ցանկանում են օգնել:

Լիբերթիի բանտը

Եթե դուք ուսուցանել եք «Վարդապետություն և Ուխտեր 121–123» վերնագրով դասը, կարող եք ցուցադրել հետևյալ պատկերը և առաջարկել ուսանողներին կիսվել, թե ինչ են հիշում այս բաժինների համատեքստի մասին:

Լիբերթիի բանտը

Երբ Ջոզեֆ Սմիթը բանտարկված էր Լիբերթիի բանտում, Տերը ուսուցանեց նրան երկնային զորության հետ մեր անձնական կապի կարևորության մասին:

Կարդացեք Վարդապետություն և Ուխտեր 121.34–36 հատվածները՝ փնտրելով ճշմարտություններ երկնքի զորությունների հետ ունեցած մեր կապի մասին մեր կյանքում:

վարդապետության սերտման հատվածի պատկերակ Վարդապետություն և Ուխտեր 121․34–36 հատվածները վարդապետության սերտման հատվածներ են։ Առաջարկեք ուսանողներին նշել վարդապետության սերտման հատվածները տարբերակիչ եղանակով, որպեսզի կարողանան հեշտությամբ գտնել դրանք:

  • Ի՞նչ գտաք:

Օգնեք ուսանողներին բացահայտել, որ երկնքի զորությունները չեն կարող կառավարվել, ոչ էլ գործածվել միայն արդարակեցության սկզբունքների հիման վրա։ Կարող եք խրախուսել նրանց նշել այս արտահայտությունն իրենց սուրբ գրություններում:

Գրատախտակի վերևի մասում գրեք «Երկնքի զորությունները» վերնագիրը և դրա տակ երկու սյունակ կազմեք․ մեկը «Ավելացնել հասանելիությունը», իսկ մյուսը՝ «Խոչընդոտել հասանելիությունը» վերնագրերով:

Ուսանողներին առաջարկեք կարդալ հետևյալ խոսքերը և գրել յուրաքանչյուր սյունակին համապատասխանող գործողությունները և մոտեցումները:

Նախագահ Ռասսել Մ. Նելսոն

Նախագահ Ռասսել Մ. Նելսոն

Մենք գիտենք, թե ինչը մեզ ավելի մեծ հնարավորություն կտա ստանալ երկնքի զորությունները: Մենք նաև գիտենք, թե ինչն է խոչընդոտում մեր առաջընթացին. մենք ինչ պետք է դադարենք անել, որպեսզի ավելի շատ ստանանք երկնքի զորությունները։ (Ռասսել Մ․ Նելսոն, «Մենք կարող ենք ավելի լավ գործել և ավելի լավը լինել», Լիահոնա, մայիս, 2019, 68)

Ուսանողները կարող են հետևյալ հատվածներն ուսումնասիրել փոքր խմբերով: Ուսանողների համար օգտակար կլինի փնտրել իրենց համար անհասկանալի բառերի սահմանումները: Երբ խմբերն ավարտեն իրենց ուսումնասիրությունը, յուրաքանչյուր խմբի ներկայացուցչին առաջարկեք ավելացնել իրենց գտածը գրատախտակին գրված համապատասխան սյունակներում:

Կարդացեք Վարդապետություն և Ուխտեր 121.35–45 հատվածները՝ փնտրելով գործողություններ կամ մոտեցումներ, որոնք մեծացնում կամ նվազեցնում են դեպի երկնային զորություններ մեր հասանելիությունը:

  • Ինչպե՞ս կարող են այս գործողություններն ու մոտեցումները դրսևորվել դեռահասի կյանքում այսօր:

    Օգնեք ուսանողներին տեսնել, որ Ջոզեֆ Սմիթը և Սրբերը տառապել են, քանի որ Միսսուրիի կառավարության ղեկավարներն ու ամբոխները օգտագործել են «անիրավ իշխանությունը» (հատված 39)՝ իրենց վրա «վերահսկողություն գործադրելու» (հատված 37) համար: Ի տարբերություն դրան, Հիսուս Քրիստոսը ցանկանում է, որ մենք հետևենք Իր օրինակին՝ ազդելու ուրիշների կյանքի վրա արդարակեցության այնպիսի սկզբունքների միջոցով, ինչպիսիք են «հեզությունը» և «սերը» (տես հատված 41):

  • Ինչո՞ւ են կարևոր մեզ երկնային զորությունների հետ կապող այս գործողություններն ու մոտեցումները, երբ մենք պարտավորվում ենք ծառայելու ուրիշներին:

  • Այս գործողությունների և մոտեցումների կիրառումն ինչպե՞ս կարող է օգնել մեզ դառնալ ավելի քրիստոսանման և Նրա նման ազդել ուրիշների վրա:

Ժամանակ տվեք ուսանողներին ուսումնասիրելու, թե Հիսուս Քրիստոսն ինչպես ցույց տվեց արդարակեցության սկզբունքներն Իր ծառայության ընթացքում: Ուսանողները կարող են Քրիստոսի կյանքից ընտրել իրենց ծանոթ օրինակներից մեկը և բացատրել, թե, ըստ իրենց, բաժին 121-ում Նա ինչ սկզբունք կամ սկզբունքներ է ցուցադրում:

Ուսանողներին օգնելու համար բաժանեք նկարներ Հիսուսի կյանքի իրադարձություններից կամ դիտեք աստվածաշնչյան տեսանյութ ChurchofJesusChrist.org կայքում, օրինակ՝ «Գնա և այլևս մեղք մի գործիր» տեսանյութը (3:18)։

3:21

Go and Sin No More

Ուսանողներին առաջարկեք կիսվել իրենց ծանոթ մարդկանց օրինակներով, որոնք հատվածներ 35–45-ում ներկայացված գործողությունների կամ մոտեցումների օրինակ են հանդիսանում, որն օգնում է կապել իրենց Աստծո զորության հետ։

Խոստացված օրհնություններ

Կարդացեք Վարդապետություն և Ուխտեր 121.45–46 հատվածները՝ փնտրելով այն օրհնությունները, որոնք Փրկիչն առաջարկում է նրանց, ովքեր ձգտում են կապել իրենց երկնքի զորությունների հետ՝ զարգացնելով քրիստոսանման հատկանիշներ, որոնք դուք այսօր ուսումնասիրեցիք:

  • Ո՞ր արտահայտությունները կամ բառերն են առավել կարևոր ձեզ համար:

  • Ինչպե՞ս կարող են այս օրհնություններն օգնել ձեզ ավելի նմանվել Քրիստոսին՝ ծառայելով ձեզ շրջապատող մարդկանց:

Ուսանողներին առաջարկեք խորհել, թե ինչ սովորեցին և զգացին այս դասից: Ուսանողներին խրախուսեք իրենց օրագրերում հետևյալ հուշումը լրացնելիս առաջնորդություն խնդրել Սուրբ Հոգուց՝ օգտագործելով Վարդապետություն և Ուխտեր 121.35–45 հատվածների բառերը կամ արտահայտությունները:

Ես կձգտեմ մեծացնել դեպի երկնային զորություններ իմ հասանելիությունը հետևյալ կերպ.

  • Ձգտելով հաղթահարել ։

  • Ձգտելով զարգացնել ։

Մտապահեք

Օգնեք ուսանողներին այս դասի ընթացքում մտապահել վարդապետության սերտման հղումը և սուրբ գրության հիմնական արտահայտությունը, ապա կրկնել դրանք հետագա դասերի ժամանակ: Սուրբ գրության հիմնական արտահայտությունն է՝ «Քահանայության իրավունքները … չեն կարող կառավարվել, ոչ էլ գործածվել միայն արդարակեցության սկզբունքների հիման վրա»։ Մտապահելու համար նախատեսված վարժությունների վերաբերյալ գաղափարները ներկայացված են հավելվածի նյութերում՝ «Վարդապետության սերտման կրկնության վարժություններ» բաժնում: