Doktrina ug mga Pakigsaad 124

Doktrina ug mga Pakigsaad 124

Katibuk-ang Pagpasabot

Human gipapahawa sa Missouri ang mga Santos, gigiyahan sila sa Ginoo sa pagtukod sa siyudad sa Nauvoo, Illinois. Naningkamot sila sa paghawan sa lapokon nga yuta, pagbuntog sa mga sakit, ug pagtukod og bag-ong templo. Niining panahona gipadayag sa Ginoo ang pipila ka ordinansa sa templo nga gihimo nato karon, sama sa pagtuga.

Tabangi ang mga tigkat-on nga hisgotan ang ilang mga gituohan sa ebanghelyo ngadto sa uban: Mas molawom ang pagsabot sa mga estudyante kon ipasabot nila sa uban ang ebanghelyo. Paghimo og palibot diin ang mga estudyante mobati og kakomportable sa pagpakigbahin sa ilang pagsabot sa mga kamatuoran sa ebanghelyo ngadto sa uban. Alang sa dugang pa kon sa unsang paagi kini gibuhat sa Manluluwas, tan-awa ang seksiyon nga “Giawhag sa Manluluwas ang Uban sa Pagpakigbahin sa mga Kamatuoran nga Ilang Nakat-onan” diha sa Pagtudlo Sumala sa Pamaagi sa Manluluwas. Makakita ka usab og ehemplo kon unsaon kini sa pagbuhat diha sa leksiyon niining semanaha nga nag-ulohang “Doktrina ug mga Pakigsaad 124.”

Pangandam sa pagtudlo

Ang mosunod nga impormasyon naghatag kanimo og mga ideya kon unsa ang imong gikinahanglan nga andamon daan alang sa matag leksiyon.

Pagtukod sa Nauvoo

Katuyoan sa leksiyon: Aron matabangan ang mga estudyante sa pagpahisama sa mga kasulatan ug asoy sa kasaysayan sa Simbahan sa ilang mga kaugalingon.

• Pagpangandam sa estudyante: Dapita ang mga estudyante nga pamalandong kon unsaon nila pagpahisama ang mga kasulatan ngadto sa ilang kaugalingong kinabuhi panahon sa ilang matag adlaw nga pagtuon sa kasulatan.

• Aytem nga ipakita: Kopya sa Doktrina ug mga Pakigsaad o larawan ni Joseph Smith

• Bidyo: “Joseph Smith: Prophet of the Restoration (2002 version)” (1:09:35; tan-awa gikan sa time code 47:39 hangtod 50:54)

• Handout: “Pagpahisama sa Kasaysayan sa Simbahan sa Atong mga Kaugalingon”

Doktrina ug mga Pakigsaad 124

Katuyoan sa leksiyon: Aron tabangan ang mga estudyante nga masabtan ang kaimportante sa templo sa Ginoo ug sa mga ordinansa nga gipahigayon didto, apil ang pagtuga.

• Pagpangandam sa estudyante: Dapita ang mga estudyante nga bisitahon ang temples.ChurchofJesusChrist.org ug mangitag usa ka butang nga makapainteres o makahuloganon kanila.

• Aytem nga ipakita: Imahe sa suga sa trapiko

• Handout: “Ang Pagtuga”