Seminera
Lesona 135: Fotopampianarana sy Fanekempihavanana 124: “Aoka izany trano izany haorina … mba hahazoako manambara ireo ôrdônansiko”

“Lesona 135—Fotopampianarana sy Fanekempihavanana 124: -Aoka izany trano izany haorina … mba hahazoako manambara ireo ôrdônansiko,-” Fotopampianarana sy Fanekempihavanana: Boky torolalana ho an’ny mpampianatra seminera (2025)

“Fotopampianarana sy Fanekempihavanana 124,” Fotopampianarana sy Fanekempihavanana: Boky torolalana ho an’ny mpampianatra seminera

Lesona 135: Fotopampianarana sy Fanekempihavanana 124

Fotopampianarana sy Fanekempihavanana 124

“Aoka izany trano izany haorina … mba hahazoako manambara ireo ôrdônansiko”

Tempolin’i Nauvoo

Rehefa nanorina ny tanànan’i Nauvoo ny Olomasina dia nandidy azy ireo ny Tompo mba hanorina tempoly (jereo ny Fotopampianarana sy Fanekempihavanana 124:26–27). Ao amin’ny Fotopampianarana sy Fanekempihavanana 124 ny Tompo dia nanambara misimisy kokoa momba ny tanjon’ny tempoly amin’ny maha-toerana handraisana ôrdônansy masina izany. Ity lesona ity dia afaka manampy ny mpianatra hahatakatra ny maha-zava-dehibe ny tempolin’ny Tompo sy ireo ôrdônansy tanterahina ao, ary tafiditra ao anatin’izany ny fanafiana masina.

Sahanasa fianarana azo atao

Ny tanjon’ireo tempoly

Fanamarihana: Ity lesona ity dia mifantoka amin’ireo fanekempihavanana sy ôrdônansin’ny tempoly. Masina izy ireny ary tokony horesahina amim-panajana fatratra (jereo ny Boky torolalan’ny Fiangonana maneran-tany: Manompo ao amin’ Ny Fiangonan’i Jesoa Kristy ho an’ny Olomasin’ny Andro Farany, 27.0, ChurchofJesusChrist.org).

Mba hanampiana ny mpianatra handinika ny zavatra fantany amin’izao fotoana izao momba ny tempoly dia asao izy ireo hisaintsaina na hanoratra ny zavatra holazainy amin’ny namany izay ao anatin’ilay toe-javatra voalaza etsy ambany.

Alaovy sary an-tsaina hoe nahita sarina tempoly iray tao amin’ny tambajotran-tserasera ny namanao iray na nitondra fiara nandalo teo amin’ny tempoly iray ary nanontany anao tamin-kitsimpo hoe: “Inona no atao hoe tempoly? Inona no ataon’ny olona ao anatin’izany?”

Asehoy ity sary manaraka ity:

jiro fandrindrana fifamoivoizana

Misafidiana loko iray izay tena maneho ny valinteny omenao amin’ireto fanontaniana manaraka ireto amin’ny alalan’ny fampiasana ireo loko hita amin’ireny jiro fandrindrana fifamoivoizana ireny (mena = tsy matoky tena; mavo = somary matoky tena; maitso = tena matoky tena):

  • Hatraiza ny halehiben’ny fatokian-tenanao fa afaka manazava tsara momba ny tempoly sy ny ôrdônansy atao ao amin’ny namanao ianao?

  • Hatraiza ny halehiben’ny fatokian-tenanao fa afaka manazava izany amin’ny fomba izay mety hanampy ny namanao hahafantatra ny fomba anehoan’ny Tompo ny fitiavany amin’ny alalan’ny tempoly ianao?

Mba hanampiana anao hahita ny fomba namalian’ireo mpianatra izany dia asao izy ireo hamaly fanontaniana toy ny hoe “Firy aminareo no nisafidy ny maitso? ny mavo? ny mena?” sy ny hoe “Nahoana ianareo no nifidy an’io loko io?”

Amporisiho ny mpianatra hivavaka mba hahazo fahatakarana amin’ny alalan’ny Fanahy Masina izay afaka manampy azy ireo hamaly fanontaniana tahaka ireo etsy ambony, ary koa ny fanontanian’izy ireo manokana momba ny tempoly sy ny ôrdônansin’ny tempoly.

Ny Tempolin’i Nauvoo

Rehefa nanorim-ponenana tao Nauvoo, Illinois, ireo Olomasina dia nandidy azy ireo ny Tompo hanorina tempoly (jereo ny Fotopampianarana sy Fanekempihavanana 124:31) tahaka ny efa nataony teo aloha tany Kirtland, Ohio; Fivondronan’i Jackson, Missouri; ary Far West, Missouri (jereo ny 88:119; 97:10; 115:7–8). Tamin’ny fotoana nandidian’ny Tompo mba hanorina ny Tempolin’i Nauvoo dia efa nanambara ny fotopampianaran’ny batisa ho an’ny maty tamin’ny Mpaminany Joseph Smith Izy (jereo ny Lohahevitra sy Fanontaniana, “Batisan’ny maty,” topics.ChurchofJesusChrist.org).

Soraty eny amin’ny solaitrabe ny hoe “[Didiana] mandrakariva ny oloko mba [hanorina tempoly] ho an’ny anarako masina” (Fotopampianarana sy Fanekempihavanana 124:39). Afaka manisy marika io andian-teny io ao amin’ny soratra masiny ny mpianatra.

Asao ny mpianatra handalina ireto andininy manaraka ireto ary hanisy marika ireo valiny hitan’izy ireo. Avy eo dia afaka mifanakalo hevitra momba ny zavatra nianarany ao anaty vondrona kely izy ireo.

sary famantarana ny fanofanana Ampio ny mpianatra hifanakalo hevitra amin’ny hafa momba ny zavatra inoana ao amin’ny filazantsara: Raha mila fanazaran-tena bebe kokoa amin’izany dia jereo ny fiofanana mitondra ny lohateny hoe “Fanasana mba hifampizaran’ny mpianatra ny zavatra izay ianarany,” izay hita ao amin’ny Fahaiza-manao ho fampivoarana ny mpampianatra: Ataovy izay hisian’ny fianarana amim-pahavitrihana.

Vakio ny Fotopampianarana sy Fanekempihavanana 124:25–30, 36–41, 55, ka tadiavo ireo antony nandidian’ny Tompo ny olony hanorina tempoly.

  • Inona no hitanao?

  • Iza amin’ireo tanjona na fampanantenana nataon’ny Tompo momba ny fanorenana tempoly no tena manan-danja aminao? Nahoana?

Mety hahita fahamarinana isan-karazany ny mpianatra toy ny hoe Mandidy antsika hanorina tempoly “mba hitoeran’ny Avo Indrindra” ny Tompo (andininy 27); mba “hamerenany indray izay efa very” (andininy 28); ho “fialofana” (andininy 36); sy “mba hahazoako mitahy anareo sy mampisatroka anareo amin’ny haja, ny tsy fahafatesana ary ny fiainana mandrakizay” (andininy 55). Raha tsy manonona izany ny mpianatra dia asao izy ireo hamerina hijery ny andininy 40 ary hanampy ilay fahamarinana hoe ny Tompo dia mandidy antsika hanorina tempoly mba hahafahantsika mandray ireo ôrdônansy masina. Io fahamarinana farany io no hifantohan’ity lesona ity.

Raha mila fanampiana amin’ny famantarana ireo fahamarinana ao amin’ireo andinin-tsoratra masina ireo ny mpianatra dia soraty eny amin’ny solaitrabe ao anaty tsanganana iray ireo laharan’ny andininy voalaza etsy ambony ary ireo andian-teny voalaza ao amin’izy ireo ka manaraka filaharana hafa ao amin’ny tsanganana iray hafa. Afaka mampifandray ilay andian-teny amin’ilay andinin-tsoratra masina mifanaraka amin’izany ny mpianatra avy eo.

Ny Loholona David A. Bednar ao amin’ny Kôlejin’ny Apôstôly Roambinifolo dia manampy antsika hahatakatra ny tanjon’ny Tompo amin’ny fanomezana antsika ireo ôrdônansin’ny tempoly.

Loholona David A. Bednar

Tsy ny hananan’ny isam-batan’olona na ny fianakaviana traikefa tsy hay hadinoina ihany no antony hananganantsika tempoly masina na ny hidirantsika ao. Ireo fanekempihavanana voaray sy ireo ôrdônansy tanterahina ao amin’ny tempoly kosa dia ilaina ho an’ny fanamasinana ny fontsika sy ho an’ny fisandratan’ireo zanakalahy sy zanakavavin’ Andriamanitra amin’ny farany. (David A. Bednar, “Aoka izany trano izany haorina ho an’ny anarako,” Liahona, mey 2020, 85)

  • Inona no nianaranao avy amin’ny Loholona Bednar?

  • Inona no nianaranao hatreto ka afaka manampy anao hanazava ny tempoly amin’ny namana iray?

Niseho tao amin’ny Tempolin’i Kirtland ny Mpamonjy sy ireo iraka hafa avy any an-danitra (jereo ny Fotopampianarana sy Fanekempihavanana 110). Toerana nahazoana fitaomam-panahy sy fianarana ihany koa ny Tempolin’i Kirtland. Nanambara ôrdônansy fanampiny izay atao any amin’ny tempoly amin’izao fotoana izao ny Tompo tao Nauvoo. Manao batisa ho an’ny maty, mandray ny fanafiana masina (ao anatin’izany ny fanasana sy ny fanosorana), ary mandray anjara amin’ny famehezana any amin’ny tempoly ireo mpikamban’ny Fiangonana mahatoky amin’izao fotoana izao.

Ireo lesona amin’ny manaraka dia hifantoka amin’ny batisa ho an’ny maty sy ny famehezana any amin’ny tempoly. Ny ambin’ity lesona ity dia hifantoka amin’ny fanafiana masina.

Ny fanafiana masina

Iray amin’ireo ôrdônansy nambaran’ny Tompo tamin’ireo Olomasina tao Nauvoo ny fanafiana masina.

Alohan’ny handalinana ny fanafiana masina dia azonao omena minitra vitsivitsy ny mpianatra handinihana izay fanontaniana mety hananan’izy ireo momba ny fanafiana masina sy ny antony maha-zava-dehibe ny handraisan’izy ireo izany. Hazavao fa rehefa mandalina ny fanafiana masina izy ireo dia afaka manampy azy ireo hahita ny valin’ireo fanontaniana ananany ny Fanahy Masina.

sary famantarana ny taratasy zarainaMba hanampiana ny mpianatra hahatakatra misimisy kokoa momba ny fanafiana masina sy ny antony hanirian’ny Tompo hitahy azy ireo amin’ny alalan’io ôrdônansy any amin’ny tempoly io dia ampiasao ny iray amin’ireto hevitra manaraka ireto:

  1. Omeo fotoana ny mpianatra handalinana ireo loharanom-pitaovana nofidiny avy amin’ity lisitra manaraka ity.

  2. Omeo an’ity taratasy zaraina miaraka amin’ny lesona ity ny mpianatra tsirairay mba hohalalininy.

  3. Avelao ny mpianatra handalina samirery, na miaraka amin’ny mpiara-miasa iray, na ao anaty vondrona kely.

Halalino ny sasany amin’ireto loharanom-pitaovana manaraka ireto ary tadiavo ny fomba hitahian’ny Tompo antsika rehefa mandray ny fanafiana masina any amin’ny tempoly isika.

  • Torolalana ho an’ny Soratra Masina, “Fanafiana masina,,” scriptures.ChurchofJesusChrist.org

  • Ireo loharanom-pitaovana hafa hita ao amin’ny temples.ChurchofJesusChrist.org. temples.ChurchofJesusChrist.org

  • topics.ChurchofJesusChrist.org

  • ChurchofJesusChrist.org

    1:59

Ny fanafiana masina

Rehefa miditra ho mpikamban’ny Fiangonana ianao dia mandray ôrdônansy roa: ny batisa sy ny fandraisana ho mpikambana. Ny fanafiana masina any amin’ny tempoly dia raisina amin’ny ampahany roa tahaka izany koa.

Ao amin’ny fizarana voalohany, dia hahazo ny antsoina hoe ôrdônansy “fiomanana” amin’ny toerana mangina sy ho an’ny tenanao manokana ianao. Ireo ôrdônansy ireo dia ahitana fitahiana manokana mikasika ny lova masinao sy ny fahafahanao ho tonga tahaka an’ Andriamanitra. Ao anatin’ireo ôrdônansy ireo dia hahazo lalana hanao ny garmenta masin’ny tempoly koa ianao.

Ao amin’ny ampahany faharoa ianao dia hahazo ny sisa tavela amin’ny fanafiana masina ao anatina vondron’olona iray. Izany dia atao ao amin’ny efitrano fampianarana iray miaraka amin’ny olona hafa izay tonga ao amin’ny tempoly. Aseho mandritra izany ireo ampahany amin’ny trangan-javatra hita ao anatin’ny drafitry ny famonjena. Anisan’izany ny Fahariana, ny Fahalavoan’i Adama sy i Eva, ny Sorompanavotan’i Jesoa Kristy, ny Apôstazia ary ny Famerenana amin’ny laoniny. Hianatra kokoa momba ny fomba ahafahan’ny olona rehetra miverina eo anatrehan’ny Tompo ihany koa ianao. Aseho amin’ny alalan’ny horonan-tsary ny ampahany sasany amin’ny fanafiana masina ary ny sasany kosa dia ataon’ireo mpiasan’ny tempoly.

Asaina ianao hanao fanekempihavanana vitsivitsy amin’ Andriamanitra mandritra io ôrdônansin’ny fanafiana masina io. Tafiditra ao anatin’ireo fanekempihavanana ireo ireto manaraka ireto:

  • Lalàn’ny fankatoavana, izay ahitana ny fiezahana mafy hitandrina ny didin’ Andriamanitra

  • Lalàn’ny fahafoizan-tena, izay ahitana ny fanaovana izay rehetra azontsika atao mba hanohanana ny asan’ny Tompo sy ny fibebahana amin’ny fo torotoro sy fanahy manenina

  • Lalàn’ny filazantsara, dia ilay lalàna ambony kokoa izay nampianarin’i Jesoa fony Izy teto an-tany

  • Lalàn’ny fahadiovam-pitondrantena, ary tafiditra ao anatin’izany ny hoe ny olona iray dia tsy manao firaisana ara-nofo afa-tsy amin’ny olona izay vadiny ara-dalàna sy araka ny lalàn’ Andriamanitra

  • Lalàn’ny fanokanana, ary tafiditra ao anatin’izany ny hoe manokana ny fotoanantsika, ny talentantsika, ary ny zavatra rehetra izay nitahian’ny Tompo antsika mba hananganana ny Fiangonan’i Jesoa Kristy eto an-tany

Rehefa mitandrina ny fanekempihavananao ianao dia manakaiky kokoa ny Mpamonjy ary mihamahery kokoa ny fifandraisanao Aminy. Mampanantena Andriamanitra fa ireo izay mitandrina ny fanekempihavanany dia hahazo fitahiana eto amin’ity fiainana ity sy fahafahana hiverina hiara-hiaina Aminy mandrakizay.

Rehefa tapitra ilay fanafiana masina dia miverina eo anatrehan’ny Tompo amin’ny endrika sary ohatra ireo mpandray anjara rehefa miditra ny efitrano selestialy. Rehefa tonga ao ianao dia afaka manokana fotoana hisaintsainana, hivavahana, hamakiana soratra masina, na hizarana amim-pahanginana ny eritreritrao amin’ny fianakavianao sy ny namanao. Toerana feno fiadanana izy io, izay ahitanao fampiononana sy fitarihana avy amin’ Andriamanitra koa. (Jereo ny “About the Temple Endowment,” temples.ChurchofJesusChrist.org.)

Omeo fahafahana ny mpianatra hanazava ny atao hoe fanafiana masina sy ny fomba ahafahan’ny Tompo mitahy azy ireo rehefa mandray izany izy ireo. Mba hanaovana izany dia azonao soratana eo amin’ny solaitrabe ny hoe “Inona no atao hoe fanafiana masina any amin’ny tempoly?” ary “Nahoana no zava-dehibe ny fanafiana masina any amin’ny tempoly?” Manasà mpianatra samihafa hamaly.izany. Afaka mizara ihany koa izay fanontaniana ananany momba ny fanafiana masina ny mpianatra, ary ny mpianatra hafa dia afaka mizara ny zavatra nianarany izay mety hanampy.

Izaho sy ny tempoly

Asehoy indray ilay rafi-tantara momba ilay namana tany am-piandohan’ny lesona. Asao ny mpianatra hisaintsaina ny zavatra nampianarin’ny Fanahy Masina azy ireo androany na hanoratra ny heviny hanampiana ny zavatra nosoratany tany am-piandohan’ny fotoam-pianarana. Asao ny mpianatra hizara ny fomba hamalian’izy ireo ny namany amin’ny fomba izay hanampy azy ireo hahatsapa ny fitiavan’ny Tompo.