Վարդապետություն և Ուխտեր 125–128

Վարդապետություն և Ուխտեր 125–128

Ակնարկ

Իր մկրտությունից ի վեր Բրիգամ Յանգը ծառայել էր բազմաթիվ միսիաներ՝ քարոզելով ավետարանը: 1841 թ.-ի հուլիսին նա վերադարձավ Անգլիայի միսիայից։ Նրա վերադարձից կարճ ժամանակ անց Մարգարե Ջոզեֆ Սմիթը հայտնություն ստացավ, որը նկարագրված է Վարդապետություն և Ուխտեր 126 բաժնում։ 1842 թվականին Միսսուրիի պաշտոնյաները կեղծ մեղադրանքներ ներկայացրին Ջոզեֆին՝ նախկին նահանգապետ Լիլբուրն Ու. Բոգսի վրա հարձակում ծրագրելու մեջ: Ջոզեֆը ստիպված եղավ թաքնվել՝ ձերբակալվելուց խուսափելու համար։ Թաքնվելու ժամանակ նա բազմաթիվ մտքեր ու զգացմունքներ ուներ մահացածների համար մկրտությունների վարդապետության վերաբերյալ: Նա նամակներ գրեց Սրբերին՝ նրանց ուսուցանելու իրենց հանգուցյալ նախնիների համար կատարվող մկրտությունների արձանագրությունը պահելու կարևորության մասին: Նա նաև հայտարարեց մահացածների համար մկրտությունների մասին այլ կարևոր վարդապետություն:

Օգնեք ուսանողներին իրենց հարգված և գնահատված զգալ. Յուրաքանչյուր ուսանող Աստծո զավակն է՝ եզակի հատկություններով, տաղանդներով և շնորհներով: Ուշադիր եղեք և նկատեք, երբ ուսանողները ձգտում են դրական ներդրում ունենալ: Խրախուսեք սիրո և դիմացինին ընդունելու դրսևորումները դասարանի բոլոր անդամների միջև: Փրկչի օրինակի մասին ավելին իմանալու համար, տես «Փրկիչն արտահայտեց Իր սերն այն մարդկանց հանդեպ, ում Նա ուսուցանում էր» բաժինը Ուսուցանել Փրկչի ձևով ձեռնարկում։ Դա անելու օրինակ կարող եք տեսնել նաև այս շաբաթվա դասում, որը վերնագրված է «Վարդապետություն և Ուխտեր 127–128. Մաս 2»։

Պատրաստվեք ուսուցանել

Հետևյալ տեղեկությունները ձեզ հուշում են, թե ինչ պետք է նախապատրաստեք յուրաքանչյուր դասի համար:

Վարդապետություն և Ուխտեր 126

Դասի նպատակը․ օգնել ուսանողներին մեծացնել Տիրոջ համար ջանասիրաբար աշխատելու իրենց ցանկությունը, ինչպես դա արեց Բրիգամ Յանգը:

• Ուսանողի նախապատրաստում․ առաջարկեք ուսանողներին փնտրել հնարավորություններ՝ ծառայելու Տիրոջը մինչև հաջորդ դասը և խորհել, թե ինչը կարող է դժվարացնել դա անելը:

• Աշխատաթերթ․ «Բրիգամ Յանգի օրինակը (Մաս 1 և Մաս 2)»

Վարդապետություն և Ուխտեր 127–128, Մաս 1

Դասի նպատակը․ օգնել ուսանողներին զգալ Երկնային Հոր սերն իրենց հանդեպ, որը դրսևորվում է տաճարային արարողությունների միջոցով:

• Ուսանողի նախապատրաստում․ առաջարկեք ուսանողներին գտնել իրենց մուտքի տվյալները FamilySearch-ի համար կամ ստեղծել հաշիվ: Դա հնարավորություն կտա նրանց օգտագործել FamilySearch-ը հաջորդ դասի ժամանակ:

• Նկար. տաճարի մկրտարանը

Վարդապետություն և Ուխտեր 127–128, Մաս 2

Դասի նպատակը․ օգնել ուսանողներին տեղեկություններ գտնել իրենց մահացած նախնիների մասին և նախապատրաստվել՝ տաճարում նրանց համար արարողություններ կատարելու համար:

Նշում․ Այս դասի վարժություններից շատերը կատարելու համար պահանջվում է մուտք գործել FamilySearch.org կայք կամ FamilySearch հավելված: Եթե դուք չունեք ինտերնետի հասանելիություն ձեր դասերի անցկացման սովորական վայրում, կարող եք այս դասն անցկացնել Եկեղեցու շենքում կամ ինտերնետի հասանելիություն ունեցող այլ վայրում։

Եթե ծանոթ չեք FamilySearch.org կայքին, կարող եք ժամանակ հատկացնել՝ ծանոթանալու դասի վարժություններին: Կարող եք նաև ձեր ծխից տաճարային և ընտանեկան պատմության խորհրդատուի հրավիրել՝ օգնելու համար:

• Ուսանողի նախապատրաստում․ առաջարկեք ուսանողներին օգտագործել Եկեղեցու իրենց հաշվի օգտատիրոջ անունը և գաղտնաբառը՝ FamilySearch.org մուտք գործելու համար: Եթե որևէ ուսանող չունի Եկեղեցու հաշիվ, առաջարկեք նրան խնդրել ծնողներին կամ Եկեղեցու ղեկավարին, որպեսզի օգնի իրեն ստեղծել հաշիվ:

• Առարկաներ․ Իմ ընտանիքը. պատմություններ, որոնք մեզ միավորում են գրքույկի օրինակները

• Տեսանյութ. «Hearts Bound Together» (16:08, դիտել 14:30-15:02)