Դաս 138. Վարդապետություն և Ուխտեր 125–128

Վարդապետություն և Ուխտեր 127–128, Մաս 2

«Մկրտություն ձեր մահացածների համար»

Մահացածների համար մկրտության վարդապետության վերաբերյալ Ջոզեֆ Սմիթը նամակներ գրեց Սրբերին։ Նա մեկնաբանեց աստվածաշնչյան մարգարեությունները, որպեսզի օգնի Սրբերին հասկանալ իրենց մահացած հարազատների անունից մկրտվելու կարևորությունը: Այս դասը կօգնի ուսանողներին տեղեկություններ գտնել իրենց մահացած նախնիների մասին և նախապատրաստվել՝ տաճարում նրանց համար արարողություններ կատարելու համար:

Հնարավոր ուսումնական վարժություններ

Ձեր նախնիները

Կարող եք սկսել դասը՝ օգնելով ուսանողներին մտածել իրենց նախնիների մասին: Կարող եք առաջարկել ուսանողներին գրել իրենց նախնիների այնքան անուններ, որքան կարող են մտաբերել։ Ուսանողները կարող են նշել, թե իրենց նախնիներից ովքեր են ստացել մկրտության արարողությունը Հիսուս Քրիստոսի Վերջին Օրերի Սրբերի Եկեղեցում, իսկ ովքեր՝ ոչ:

• Որքանո՞վ եք վստահ, որ կարող եք կատարել ընտանեկան պատմության և տաճարային աշխատանք ձեր նախնիների համար:

Առաջարկեք ուսանողներին կիսվել, թե ինչ են իրենք հիշում Վարդապետություն և Ուխտեր 127–128 հատվածների համատեքստի մասին: Կարող եք կիսվել նաև հետևյալ լրացուցիչ համատեքստով։

Միսսուրիի իշխանությունները Ջոզեֆ Սմիթին մեղադրեցին նախկին նահանգապետ Լիլբուրն Ու. Բոգսի վրա հարձակումը ծրագրելուն օգնելու մեջ: Ջոզեֆը կասկածում էր, որ եթե վերադառնա Միսսուրի, իրեն կսպանեն: Էդվարդ Հանթերի տանը թաքնվելիս Ջոզեֆը շատ մտքեր և զգացմունքներ ունեցավ մահացածների մկրտությունների վերաբերյալ (տես Վարդապետություն և Ուխտեր 128.1): Ջոզեֆ Սմիթը նամակներ գրեց Սրբերին՝ ուսուցանելու նրանց մահացածների համար մկրտության արարողության մասին կարևոր վարդապետությունը (տես Սրբեր. Հիսուս Քրիստոսի Եկեղեցու պատմությունը վերջին օրերում, հատոր 1, Ճշմարտության դրոշը, 1815–1846 [2018], 466–77):

Մկրտություն ձեր մահացածների համար

Տասներկու Առաքյալների Քվորումից երեց Քվենթին Լ. Քուքն ուսուցանել է, որ մենք պարտավոր ենք կատարել տաճարային արարողություններ որոշակի մարդկանց համար.

Ընտանիքի վարդապետությունն ընտանեկան պատմության ու տաճարային աշխատանքի հարցում հստակ է: Տերն իր նախնական հայտնության մեջ նշել է «մկրտություն ձեր մահացածների համար» արտահայտությունը [Վարդապետություն և Ուխտեր 127․5, շեշտադրումն ավելացված է]: Մեր վարդապետական պարտականությունը մեր սեփական նախնիների հանդեպ է: Պատճառն այն է, որ երկնքի սելեստիալ կազմակերպությունը ընտանիքակենտրոն է: (Քվենթին Լ․ Քուք, «Արմատներ ու ճյուղեր», Լիահոնա, մայիս 2014, 45)

Վարդապետություն և Ուխտեր 127.5–6 հատվածները և նշեք «մկրտություն ձեր մահացածների համար» բառերը, որոնք մատնանշել է երեց Քուքը:

• Ինչպե՞ս եք պատկերացնում ձեր հանգուցյալ նախնիների հետ հանդիպումը: Ինչպե՞ս կարող են նրանք արձագանքել ձեր կատարած տաճարային և ընտանեկան պատմության աշխատանքին:

Կարող եք ցուցադրել «Hearts Bound Together» տեսանյութը ChurchofJesusChrist.org կայքում` 14:30-15:02: Այս տեսանյութում Առաջին Նախագահությունից նախագահ Հենրի Բ. Այրինգը պատմում է, թե ինչպիսին կարող է լինել մեր մահացած նախնիների հետ հանդիպումը:

Նրանց փրկությունը կարևոր է մեր փրկության համար

Կարդացեք Վարդապետություն և Ուխտեր 128.15–18 հատվածները՝ փնտրելով, թե ինչ են ուսուցանել մարգարեները հավերժական ընտանիքների և մահացածների համար մկրտության վարդապետության մասին:

Վարդապետություն և Ուխտեր 128.15–18 հատվածներն ուսումնասիրելու համար ուսանողներին կարող եք բաժանել երեք խմբի՝ պարզելու, թե ինչ են ուսուցանել հետևյալ մարգարեները: Առաջարկեք, որ յուրաքանչյուր խմբի մի ուսանողի լինել խմբի ղեկավար: Այս մարդը կարող է բաշխել պարտականությունները։ Պարտականություններից մեկը կլինի դասարանի համար ամփոփել այն, ինչ խումբն ուսումնասիրել է սուրբ գրություններում:

• Ջոզեֆ Սմիթ․ հատվածներ 15, 18

• Պողոս առաքյալ․ հատվածներ 15–16

• Մաղաքիա մարգարե. հատված 17

Երբ ուսանողները կարդան այս հատվածները, յուրաքանչյուր խմբի առաջարկեք ամփոփել հատվածները: Կարող եք նաև քննարկել այն հարցերը, որոնք նրանք կարող են ունենալ, կամ այն արտահայտությունները, որոնք, իրենց կարծիքով, կարևոր են:

• Ի՞նչ է ուսուցանել այս մարգարեներից յուրաքանչյուրը մեր նախնիների փրկության մասին:

  Երբ ուսանողները կիսվեն, նրանք կարող են նշել մի քանի ճշմարտություն, այդ թվում՝ հետևյալը.

  • Մեր նախնիների փրկությունը կարևոր է մեր փրկության համար։

  • Մեր նախնիները, որոնք մահանում են առանց ավետարանի, չեն կարող առաջ ընթանալ դեպի կատարելություն, քանի դեռ նրանց համար չեն կատարվել տաճարային արարողությունները:

  Օգնեք ուսանողներին հասկանալ, թե ինչու են այս ճշմարտությունները կարևոր այսօր: Հետևյալ հարցերից մի քանիսը կարող են օգնել։

• Ինչպե՞ս է Հիսուս Քրիստոսը հնարավոր դարձնում մեր հանգուցյալ նախնիների փրկությունը:

• Ձեր կարծիքով, տաճարային և ընտանեկան պատմության աշխատանքին մասնակցելը ինչպե՞ս կարող է օգնել ձեզ հետևել Փրկչի օրինակին:

Առաջին Նախագահությունից նախագահ Հենրի Բ. Այրինգը վկայել է մեր կարևոր պատասխանատվության մասին.

Ձեր նախնիներից շատերը չեն ստացել այդ արարողությունները: Սակայն, Աստծո նախախնամությամբ, դուք ստացել եք: Եվ Աստված գիտեր, որ ձեր մոտ սեր կառաջանա ձեր նախնիների հանդեպ և դուք նրանց գտնելու անհրաժեշտ տեխնոլոգիաներ կունենաք: Նա գիտեր նաև, որ դուք կապրեք մի ժամանակաշրջանում, երբ տաճարները, որտեղ կարող են արարողություններ կատարվել, ավելի հասանելի կլինեն, քան երբևէ պատմության մեջ եղել են: Եվ Նա գիտեր, որ կարող է վստահել ձեզ իրականացնել այդ աշխատանքը ձեր նախնիների համար։ …

… Շատ երիտասարդներ բացահայտել են, որ տրամադրելով իրենց ժամանակն ընտանիքի պատմությունն ուսումնասիրելու և տաճարային աշխատանք կատարելու համար, իրենք խորացրել են փրկության ծրագրի մասին իրենց վկայությունը: Դա մեծացրել է Հոգու ազդեցությունն իրենց կյանքում և նվազեցրել հակառակորդի ազդեցությունը: Դա օգնել է նրանց ավելի մոտ լինել իրենց ընտանիքներին և ավելի մոտ լինել Տեր Հիսուս Քրիստոսին: Նրանք հասկացել են, որ այս աշխատանքը փրկում է ոչ միայն մահացածներին. այն փրկում է մեզ բոլորիս [տես Վարդապետություն և Ուխտեր 128․18]։ (Հենրի Բ․ Այրինգ, «Աստծո ընտանիքի հավաքումը», Լիահոնա, մայիս 2017, 21, 22)

• Ի՞նչ եք դուք արել, որպեսզի մասնակցեք տաճարային և ընտանեկան պատմության աշխատանքին: Ինչպե՞ս է Տերն օրհնել ձեզ դա անելու համար:

• Այս աշխատանքին մասնակցելն ինչպե՞ս է օգնել ձեզ ավելի մոտ զգալ Հիսուս Քրիստոսին:

Մասնակցեք տաճարային և ընտանեկան պատմության աշխատանքին

Դասի այս հատվածը նախատեսված է օգնելու ուսանողներին մասնակցել ընտանեկան պատմության աշխատանքին և, գուցե, պատրաստվել արարողություններ կատարել տաճարում: Կան բազմաթիվ եղանակներ, որոնցով կարող եք առաջարկել ուսանողներին մասնակցելու: Ահա որոշ օրինակներ․

• Ցուցադրեք վարժությունների հետևյալ ցանկը և հարցրեք ուսանողներին, արդյոք նրանք կարող են ուսուցանել դասարանին դրանց մասին: Այնուհետև ուսանողները կարող են ցույց տալ, թե ինչպես կատարել առաջադրանքները:

• Դասարանը բաժանեք փոքր խմբերի և առաջարկեք ուսանողներին միասին աշխատել այդ վարժությունների վրա: Փորձառու ուսանողները կարող են օգնել անփորձ ուսանողներին:

• Ստեղծեք ուսումնական անկյուններ որոշ վարժությունների համար: Առաջարկեք վարժությանը ծանոթ ուսանողին ղեկավարել ուսումնական անկյունը: Ուսանողները կարող են փոխանակվել այն անկյուններով, որոնք ընտրել են։

Կարող եք ձեր ծխից տաճարային և ընտանեկան պատմության խորհրդատուի հրավիրել՝ օգնելու համար: Եթե տեխնոլոգիաների հասանելիությունը սահմանափակ է, կարող եք կենտրոնանալ ստորև բերված առաջին վարժության վրա:

• Կատարեք տարբեր վարժություններ Իմ ընտանիքը. Պատմություններ, որոնք մեզ միավորում են գրքույկից։

• Ծանոթացեք ձեր տոհմածառին FamilySearch-ում:

• Օգտագործեք «Արարողությունների նախապատրաստում» գործառույթը FamilySearch կայքում, որպեսզի գտնեք անուններ՝ տաճար տանելու համար։

• Տաճար այցելելու համար գրանցվեք temples.ChurchofJesusChrist.org կայքում։

• Իմացեք, թե FamilySearch-ում ինչպես կարելի է ավելացնել մարդկանց կամ պատմական արձանագրություններ կցել ձեր տոհմածառին:

• FamilySearch-ում հիշողություններ ավելացրեք ձեր տոհմածառի մարդկանց:

• Ուսումնասիրեք «Վարժություններ» բաժինը FamilySearch.org կայքում։

• Ուսումնասիրեք «Տաճարային և ընտանեկան պատմություն» բաժինը Gospel Library հավելվածում։

Բավարար ժամանակ տրամադրելուց հետո մի քանի ուսանողի առաջարկեք դասարանի հետ կիսվել, թե իրենք ինչ արեցին և ինչ բացահայտեցին: Ուսանողները կարող են նաև քննարկել, թե ինչպես կարող է աճել իրենց վստահությունը՝ մասնակցելու տաճարային և ընտանեկան պատմության աշխատանքին:

Օգնեք ուսանողներին իրենց հարգված և գնահատված զգալ. Ավելին իմանալու համար, թե ինչպես ուսանողներին ցույց տալ, որ դուք հարգում և գնահատում եք իրենց, տես «Send a message to a student’s parent about something positive you have noticed about their child» վերնագրով դասընթացը։ Այդ դասընթացը կարող եք գտնել Ուսուցիչների կատարելագործման հմտություններ․ Սիրեք նրանց, ում ուսուցանում եք ուսուցողական նյութում:

Կարդացեք Վարդապետություն և Ուխտեր 128․24 հատվածը՝ փնտրելով, թե ինչ ընծա կարող ենք մատուցել Տիրոջը:

• Ձեր կարծիքով, տաճարային և ընտանեկան պատմության աշխատանքը, որը մենք կատարում ենք, ինչո՞ւ է արդար ընծա Տիրոջը:

• Տաճարային և ընտանեկան պատմության աշխատանքի ի՞նչ ընծա եք ոգեշնչված մատուցելու Տիրոջը:

Առաջարկեք ուսանողներին գործել ըստ իրենց ստացած տպավորությունների։ Խրախուսեք ուսանողներին մասնակցել տաճարային և ընտանեկան պատմության աշխատանքին տանը՝ իրենց ընտանիքների հետ:

Լրացուցիչ նյութեր

Վարդապետություն և Ուխտեր 128․20: Ի՞նչ է «ժամանակների լրության տնտեսությունը»։

Տնտեսությունը ժամանակաշրջան է, որի ընթացքում Տերը հայտնում է Իր ավետարանի վարդապետությունները, արարողությունները և քահանայությունը: Ներկայիս տնտեսությունը սկսվեց Ջոզեֆ Սմիթից և կոչվում է ժամանակների լրության տնտեսություն: Մարգարե Ջոզեֆ Սմիթը (1805–44) ուսուցանել է. «ժամանակների լրության տնտեսությունը ի հայտ կբերի այն բաները, որոնք բացահայտվել են բոլոր նախկին տնտեսություններում, ինչպես նաև այլ բաներ, որոնք նախկինում չեն բացահայտվել: Նա կուղարկի Եղիային, Մարգարեին և այլոց և կվերականգնի բոլոր բաները Քրիստոսով» (Եկեղեցու Նախագահների ուսմունքները: Զոզեֆ Սմիթ [2007], 510–11, տես նաև Վարդապետություն և Ուխտեր 128․18)։

Մեր նախնիների համար արարողություններ կատարելն ինչպե՞ս կարող է օգնել մեզ նմանվել Հիսուս Քրիստոսին:

Տասներկու Առաքյալների Քվորումից երեց Ջերիթ Վ. Գոնգը հայտարարել է.

Տերը մեզ աստվածային հնարավորություն է տալիս ավելի շատ նմանվել Իրեն, երբ մենք առաջարկում ենք կատարել տաճարային փոխարինող փրկարար արարողություններ, որոնց կարիքն ունեն ուրիշները, բայց չեն կարող անել իրենց համար։ Մենք դառնում ենք ավելի ամբողջական և կատարյալ, երբ դառնում ենք «ազատարարներ … Սիոն լեռան վրա» [Աբդիա 1.21]: (Ջերիթ Վ. Գոնգ «Հավերժ երջանիկ», Լիահոնա, նոյեմբեր 2022, 84–85)

Առաջին Նախագահությունից նախագահ Հենրի Բ. Այրինգն ուսուցանել է.

Դրանից հետո կգա մի օր, երբ երիտասարդ տարիքում նրանք կստանան տաճարային երաշխավորագիր, որով կարող են տաճարում կատարել փոխարինող մկրտություններ: Այդ փորձառության շնորհիվ նրանք կզգան, որ տաճարային արարողությունները միշտ մատնանշում են Փրկիչին և Նրա Քավությունը: Երբ նրանք զգան, որ հոգևոր աշխարհում մարդուն առաջարկում են մեղքից մաքրվելու հնարավորություն, նրանց զգացողությունը կմեծանա այն բանի հանդեպ, որ օգնում են Փրկիչին Երկնային Հոր զավակներին օրհնելու Իր սուրբ գործում: (Հենրի Բ. Այրինգ, «Սիրում եմ նայել տաճարին», Լիահոնա, մայիս 2021, 30–31)

Ի՞նչ օրհնություններ են ստանում նրանք, ովքեր մասնակցում են տաճարային և ընտանեկան պատմության աշխատանքին։

Տասներկու Առաքյալների Քվորումից երեց Դեյվիդ Ա. Բեդնարը խոստացել է․

Զուգադիպություն չէ, որ FamilySearch-ը և այլ միջոցները առաջ են եկել այն ժամանակ, երբ երիտասարդները քաջածանոթ են տեղեկատվական և կապի տեխնոլոգիաների լայն տեսականուն: Ձեր մատները վարժված են հաղորդագրություն ուղարկելուն և Տիրոջ աշխատանքը արագացնելուն ու բարելավվելուն, և ոչ միայն ձեր ընկերների հետ արագ հաղորդակցվելուն: Այսօր շատ երիտասարդների ակնհայտ ունակություններն ու ընդունակությունները լավ նախապատրաստություն են փրկության աշխատանքին նպաստելու համար:

Ես հրավիրում եմ Եկեղեցու երիտասարդներին սովորել Եղիայի Ոգու մասին և զգալ այն: Ես խրախուսում եմ ձեզ սովորել, փնտրել ձեր նախնիներին և պատրաստվել՝ լինելու փոխանորդ և կատարելու մկրտություններ Տիրոջ տանը ձեր մահացած ազգակիցների համար (տես Վ&Ու 124.28–36): Եվ ես հորդորում եմ ձեզ օգնել այլ մարդկանց իմանալ իրենց ընտանիքի պատմությունները:

Եթե դուք հավատքով արձագանքեք այս հրավերին, ձեր սրտերը կդառնան դեպի հայրերը: Աբրահամին, Իսահակին և Հակոբին տրված խոստումները կարմատավորվեն ձեր սրտերում: Ձեր հայրապետական օրհնությունը՝ տոհմագծի իր հայտարարությամբ կկապի ձեզ այս հայրերի հետ և ավելի իմաստալից կլինի ձեզ համար: Ձեր նախնիների հանդեպ ձեր սերն ու երախտագիտությունը կմեծանան: Ձեր վկայությունն ու դարձը դեպի Փրկիչը կդառնան խորը և մնայուն: Եվ ես խոստանում եմ, որ դուք պաշտպանված կլինեք հակառակորդի ուժգնացող ազդեցությունից: Երբ մասնակցեք այս սուրբ աշխատանքին և սիրեք այն, դուք պաշտպանված կլինեք ձեր երիտասարդության տարիներին և ձեր ամբողջ կյանքում: (Դեյվիդ Ա. Բեդնար, «Զավակների սրտերը կդառնան», Լիահոնա, նոյեմբեր 2011, 26–27)

Տասներկու Առաքյալների Քվորումից երեց Դեյլ Գ. Ռենլանդը խոստացել է.

Երբ մասնակցում ենք ընտանեկան պատմության և տաճարային աշխատանքին այսօր, մենք նաև հայց ենք ներկայացնում «բժշկության» օրհնություններին, որոնք խոստացվել են մարգարեների և առաքյալների կողմից: Այս օրհնությունները ևս ուղղակի ապշեցուցիչ են իրենց մասշտաբով, առանձնահատկություններով և մահկանացու կյանքում ունեցած հետևանքներով: Այս երկար ցուցակն ընդգրկում է հետևյալ օրհնությունները.

• Փրկիչի և Նրա քավիչ զոհաբերության վերաբերյալ մեծացող ըմբռնում,

• Սուրբ Հոգու ազդեցության մեծացում, որ ուժ և ուղղություն կտա մեր սեփական կյանքի համար,

• Հավատքի մեծացում, որպեսզի դարձը դեպի Փրկիչը դառնա խորն ու մնայուն,

• Սովորելու և ապաշխարելու մեծացող ունակություն և դրդապատճառ այն հասկացողության շնորհիվ, թե ով ենք մենք, որտեղից ենք գալիս և ավելի հստակ հեռանկար, թե ուր ենք գնում:

• Մեր սրտերում մաքրագործման, սրբագործման և ազդեցությունների չափավորման մեծացում,

• Տիրոջ սերը զգալու ունակության մեծացում՝ ուժեղացող ուրախության միջոցով,

• Մեծացող ընտանեկան օրհնություններ, անկախ մեր ներկա, անցյալ կամ ապագա ընտանեկան իրավիճակից կամ որքան մեր տոհմածառը կարող է անկատար լինել,

• Մեծացող սեր և գնահատանք նախնիների և ապրող ազգականների հանդեպ, այսպիսով՝ մենք այլևս մենակ չենք զգում,

• Մեծացող զորություն զանազանելու այն, ինչը կարիք ունի բժշկության, և այդպիսով՝ Տիրոջ օգնությամբ ծառայել ուրիշներին,

• Մեծացող պաշտպանություն գայթակղություններից և հակառակորդի ուժգնացող ազդեցությունից, և

• Մեծացող օգնություն նորոգել վշտացած, կոտրված կամ մտահոգ սրտերը և առողջացնել վիրավորվածներին:

Եթե դուք աղոթել եք այս օրհնություններից որևէ մեկի համար, մասնակցեք ընտանեկան պատմության և տաճարային աշխատանքին: Երբ դա անեք, ձեր աղոթքները պատասխան կստանան: Երբ մահացածների համար արարողություններ են կատարվում, երկրի վրա գտնվող Աստծո զավակները բժշկվում են: (Դեյլ Գ. Ռենլանդ, «Ընտանեկան պատմություն և տաճարային աշխատանք. կնքում և բժշկում», Լիահոնա, մայիս 2018, 47)

Օժանդակ ուսումնական վարժություններ

Ընտանեկան պատմության և տաճարային աշխատանքի օրհնությունները

Եթե կարծում եք, որ ձեր ուսանողների համար օգտակար կլինի ընտանեկան պատմության և տաճարային աշխատանքին մասնակցելու համար խոստացված որոշ օրհնությունների ուսումնասիրությունը, կարող եք ցուցադրել այս տեսանյութերից մեկը կամ երկուսն էլ. «The Promised Blessings of Temple and Family History Work» (3:26), «The Promised Blessings of Temple and Family History Work 2» (4:04)։

Կարող եք նաև առաջարկել ուսանողներին կարդալ և նշել խոստացված օրհնությունները «Լրացուցիչ նյութեր» բաժնում: Քննարկեք, թե ուսանողներն ինչ օրհնություններ են ստացել իրենց կյանքում և ինչ օրհնություններ են նրանք ցանկանում ստանալ:

Սովորենք օգտագործել FamilySearch-ը

Դասարանային վարժությունների վրա աշխատելիս ուսանողները կարող են օգտագործել «Video Tutorials on How to Use FamilySearch» էջը:

Վարդապետություն և Ուխտեր 128․18։ Կապակցող օղակ

Այս վարժությունը կօգնի ուսանողներին հասկանալ կապակցող օղակի մասին ուսմունքը: Կարող եք շղթա ցուցադրել, երբ քննարկում եք, թե մեր ընտանիքի մահացած անդամների համար տաճարային արարողություններ կատարելը ինչպես է կապող օղակ ստեղծում մեր և նրանց միջև։ Ուսանողները կարող են նաև պատրաստել թղթե շղթա և յուրաքանչյուր օղակի վրա գրել իրենց ընտանիքի անդամների և նախնիների անունները։ Ուսանողները կարող են նաև կիսվել, թե տաճարային արարողություններ կատարելն ինչպես է իրենց օգնում մոտ զգալ իրենց նախնիներին:

Տեսանյութեր

Այս տեսանյութերը ցուցադրում են այն երիտասարդների փորձառությունները, որոնք օրհնվել են տաճարային և ընտանեկան պատմության աշխատանքին մասնակցելու համար: Դրանք դիտելը կարող է նախապատրաստել ուսանողներին կիսվելու իրենց սեփական փորձառություններով:

• “Improve Your Temple Experience; Change Your Life” (3:21)

• Տեսանյութեր «Personal Stories: Temple and Family History» հավաքածուում